ياشنهي ..اموت واحبك (الى مظفر النواب لذكرى 43 عام لثورة اهوار الشطره )


المحرر موضوع: ياشنهي ..اموت واحبك (الى مظفر النواب لذكرى 43 عام لثورة اهوار الشطره )  (زيارة 4866 مرات)

0 الأعضاء و 1 ضيف يشاهدون هذا الموضوع.

غير متصل رحيم الغالبي

  • عضو
  • *
  • مشاركة: 11
    • مشاهدة الملف الشخصي
    • البريد الالكتروني
ياشنهي ..اموت واحبك
 
 
الى مظفر النواب لذكرى 43 عام لثورة اهوار الشطره
 

بعيونك اموتن ، حتى افوتن .
.بابك المسدود ، ماشافه
الحلم مرّه
نديمي العمر ردته اوياك ما صاح
ازت روحي مسافه
طاح الزمن وكله , بحزن وانياح
لا شرجي ولا غربي تهب ارياح شفنه الحنطه كلها صوفرت...
والسنبل عله المسطاح ، ذابل ....
فارغ من الحبه ...
ظل يحلم تبن ...
يحلم تبن ، مو تين !!

وبكل جفن مرواح ، محّد فزز الناطور
ا
موسم اجه
وموسم راح
وموسم بالحلم ينزع ثياب السهره والافراح
شفناهه جذب
من صبّح المصباح !!!!
وكبل ما كتلك ، اريد اتخلي ايدك عله خد الوسفه
واصبع تعظ للندم
اخر ليله من سديت العمر للموت اتاني
وطاح من ايدي القلم ،
...... بس آنه نايم ..ماحلم ...آنه نايم واعي ما حلم
اخر ليله طاح النجم
وراسك عالي لا ماطاح
والحلم والالم طول اسنين
.... ما مر ( .............
بالنفسج رازقي وقداح

.......... ولاشجرة عنب ، لايثمر التفاح
(( مرّانه .. حمد ..
ذاك الزمان وراح
عله عيوني .. رسم خطوات هجرانه
وتعده أعوام عمري،،
ورك شجره يبس ،من اغصانه
، حش منجل فركته ،
الغاب عنه اسنين ، بس ما غاب ...
كل جلساتنه ويانه
جذر شجرته .. لعلو السمه ..اتسمت
شجرته
الزاهيه الكالوا *خبيثه *
اتفرعت كلها..محبه
ياحبيبي
انت زخّت
زخت مطر وبغدرانه ، سولفولي
من زمان
اسرارك.............
وافكارك.........
تصاوريك بعرس الهور..
والكصبات .والبردي سولفلي ياجدّي
جنت حدّي... بسواليفك...
بمشاحيفك ..بصوت الماي والمردي
سر ضميت بيه اسرارنه ..
تاخذنه واتودي
عرس ( خالد زكي ) لليوم
هلهوله تطر وسط الغموكه*
الخوفت تيجان
تدري بكل نشيد الثوره (لمظفر )
يكوم الهور والبردي والمعدان...
وتطك للبصره لهوار العماره صويحب ، وغيلان
ازيرج عمامه
وتسير كلها الزلم والنسوان...
كلها تصيح يا بغداااااااااد
يابغدااااااااد
شعب الهور احنه :
ضيعنه زمن قواد( لا مو قوّاد كوّاد )،
شعر : رحيم الغالبي
,,,,,-----------------------------------------------
لعيبي * الشيوعي الاسم والعنوان
**القصيده هدية لاستاذي ومعلمي الفذ مظفر النواب
اهديت للشاعر النواب قصيده مهمه في ديواني الذي صدر هذاالعام بعنوان= جسر من طين=منشورات مجلة الشراره للحزب الشيوعي في النجف
 
 




غير متصل nasir yako

  • أداري دردشة
  • عضو مميز متقدم
  • *
  • مشاركة: 15896
  • الجنس: ذكر
  • حبيبي شلون حالتكم بعدنا..
    • مشاهدة الملف الشخصي
كلمات تستحق التقدير اخي العزيز رحيم الغالبي ....حقا انك مبدع ..


غير متصل نادر البغـــدادي

  • عضو مميز متقدم
  • *******
  • مشاركة: 12145
    • مشاهدة الملف الشخصي
    • البريد الالكتروني


       نصّ رائــــع !

          والف تحيّــة لثوار الأهــوار الأبطال !

             تراث للعراق قبل 5000 عام ( الأهوار الغالية ) !!!

                 تسلم اياديكم اخونا العزيز :

                      *رحيم الغالبي *

                           خالص آعتــزازنــا ...



غير متصل N.Matti

  • عضو فعال جدا
  • ***
  • مشاركة: 518
    • مشاهدة الملف الشخصي
    • البريد الالكتروني
شعر  شعبي  رائع     اخ    رحيم

   مظفر  النواب  يعيش  في  قلوبنا .

 كنا   اصدقاء  اهله ،  اخته  المعلمة  واخوه عندما كانوا  ساكنيين  على  نهر  دجلة  الخالد بالقرب  من  جسر

 الجمهورية / بغداد .  لانعرف عنوانهم  الآن.


الشطرة  الغالية   جدا  جدا  جدا  على  قلب  المرحومة  والدتي  لأنها  اول  قرية  تعينت   فيها ، وكانت  اول  مسيحية

تذهب  من  ااموصل  الى  الشطرة  في  الثلاثينات  من القرن  الماضي .  وقد  ظلت  طوال  عمرها  تمدح اهلها  الطيبين .