مساعدة لاخت عراقية (جماعة السويد حصرا)

[kunda]

مرحبا شباب شلونكم............
كلفتني احدى خواتنا العراقيات بطرح موضوعها أمام حضراتكم عساها تجد اجابات كافية لتساؤلاتها هي عدها معاملة سحب تزوجت في سوريا وزوجها عراقي مقيم في السويد بشكل رسمي ويعمل (ابيض) وماعندة اي مشاكل ويدفع ضرايب طبعا .
اللي صار انه هي قابلت بسوريا بشهر ال12 سنة 2010 وهسه راح نوصل للشهر السادس 2011 وماكو اي خبر ..سؤالي..
هل أكو موقع او طريقة تقدر تعرف شنو حالة الكيس مالتها ؟؟؟
هل يجاوبوها السفارة اذا تخابرهم بالتلفون؟؟؟
هل هناك حالات رفض في معاملات كهذه وشنو اسباب الرفض؟؟
كم هي المدة المتوقعة لانجاز هكذا معاملات؟؟؟

[messi10]

اختي اتمنى اساعدج بس ماعندي المعلومات الكافية او معلوماتي قديمة ... احنه سوينة هاي السالفة قبل سنوات طويلة و المعاملة ماجانت بيهه اي مشاكل و مشت بسلاسة بس من تقدم لازم تنتظر دورهه لحدما يبدون يشتغلون بالمعاملة لأنه تعرفين احيانا يصير زخم عالسفاارة ... و جنة نتصل بالسفارة و ينطون جواب عن حالة الكيس هسه بعد ماعرف شلون

الله يوفقهه و يوفقج و بالتوفيق

[الوالي]

اخوية مختصر مفيد ماريد اطول عليك من بداية معملة لم الشمل الى ان تسافر اطول سنة

[نــــــــــوار تيتــــــو]

زوجها يكدر يشوف وين صفت السالفه  خلي يراجع الجهات المختصه بلسويد

[مغترب بلا وطن]

زين جماعة النرويج ميصير يجاوبون 

لو حصرا جماعة السويد 

[زيد الالماني]

اخي اذا مجنس من 8 شهور الى سنه

ممجنس من سنة واربع شهور الى سنتين

والله الموفق

[abubakr]

السلام عليكم
تحية طيبة وبعد ...
بالنسبة الى لم الشمل من سوريا يطول كثيرا وهذه الحالة حدثت مع اقرباء لي جدا وبعدها قمنا بتحويل اوراقهم الى تركيا وبعدها بفترة قصيرة جدا سافروا من تركيا هذا الكلام 2010

[مغترب بلا وطن]

اخواني في النضال والكفاح المسلح

بأسم الشعب والامه العربية المجيده 

اما بعد

بالمنتصف من شهر نيسان ابريل لسنه 2010 قامت السلطات السويدية الغاشمه  بتعديل قانون الهجرة ولم الشمل وكالتالي

يشرط على من يقدم لم الشمل للزوج او الزوجه ويلخص كالتالي : على مقدم الطلب ان يثبت للسلطات السويدية انه صاحب دخل معاشي قدره 4500 كرونه سويديه كحد ادنى شهريا بعد استقطاع الضرائب وايجار السكن , على ان يكون السكن ذي حجم مناسب وقياس نموذجي ولم تحدد تلك السلطات ماذا تعني بالحجم المناسب للسكن .

يستثنى من هذا القانون الفئات التالية:

اولا : المواطنين السويديين.
ثانيا : مواطني الاتحاد الاوربي ال 27 والنرويج وسويسرا.
ثالثا : اذا كان الشخص الذي يجلبه المقيم في السويد طفل دون الثامنة عشرة قدم طلبا للاقامة، او اذا كان بمعية احد الوالدين وقد قدم طلبا للاقامة.  عجبتني هال مال بمعيه 
رابعا: الاطفال الذين دون عمر 18 سنة والاشخاص الذين هم بحاجة الى حماية، والاشخاص الذين لديهم اسباب خاصة، وكذلك الذين ليس لديهم القدرة على العمل لفترة طويلة بسبب المرض،
خامسا : الاشخاص الذين حصلوا على اقامة لجوء او على صفة لاجئ(اللاجيء السياسي).
سادسا: الاشخاص الذين لديهم اقامة دائمة وسكنوا في البلاد مدة تتجاوز الاربع سنوات ضمن نظام التوطين

اما فيما يتعلق بالوقت الازم لانجاز المعامله والسفر الى بلد الفايكنك ف هذا تابع لدائره الهجرة السويدية ويتم التأكد من ذلك من خلال الاتصال بهم والاستعلام عن ذلك من قبل الشخص المقيم بالسويد واكيد راح يطلبون منه الرقم الشخصي , يسمونه البرشون نمبر وكذلك رقمه عند دائرة الهجرة , بالنرويج نسميه DUF Number همه بالسويد اكيد عدهم تسميه ثانية لهذا الرقم

من يتصل بيهم خلي يسئلهم اذا جانت القضية مال الزوجة عدها Case worker او لا , بالسويد يسمونه SAKSBEHANDLER على الاغلب مراح يكون عنده , همه من يعينون الساكسبيهاندلر لتلك القضية ف شغلة اسابيع وتجي الموافقة , يدزون وراها الموافقة الى السفارة السويدية في دمشق وكذلك الى جميع مراكز الشرطة بالبلد وتصبح مقيمه منذ تاريخ اصدار الموافقه وراها الزوجة تروح للسفارة تاخذ الفيزا وتاخذ طيارة للسويد ,
طبعا الرفض وارد اذا مجان الطلب مستوفي للشروط الي مذكورة اعلاه

اضيف ملاحظة اخيرة / السفارة لا تحل ولا تربط  , مثل الاطرش بالزفه ,  ولا تكدر تتدخل بشغل دائرة الهجرة السويدية لان هذوله حتى بالملك كوستاف الاكرع ما يعترفون بيه .

 وعاشو عيشة سعيده

شلوني من اتفستق بالفصيح  اخبل مو 


الرفيق ابو عروبه
تنظيمات سكندنافيا
فرع النرويج للحزب والثورة

[kunda]

مشكورين على الردود (المحبطة ) شباب  
زين هسه سؤال اخر بما انه فترة الانتظار طويلة عريضة البنية تكوللكم شوفولنا الاسئلة التالية جزاكم الله خيرا ...

1-اذا يلزمون محامي من سوريا او من السويد هل يؤثر ايجابا على تسريع المعاملة لو مالها علاقة ؟

2-اذا ما انتظرت هيجي فترة وقررت تروح قجغ سواء عن طريق (فيزا شنكن) لو تهريب عادي هل اذا وصلت يم زوجها راح ينطوها اقامة لو يحترك الفلم كلة؟؟؟على اعتبار انها كان عدها معاملة رسمية بسوريا بس ماكملت؟؟

3- هل تقدر تستفسر من السفارة عن المدة المتبقية او عن الموافقة المبدئية من عدمها؟؟

[مغترب بلا وطن]

مشكورين على الردود (المحبطة ) شباب 
زين هسه سؤال اخر بما انه فترة الانتظار طويلة عريضة البنية تكوللكم شوفولنا الاسئلة التالية جزاكم الله خيرا ...

1-اذا يلزمون محامي من سوريا او من السويد هل يؤثر ايجابا على تسريع المعاملة لو مالها علاقة ؟

لا يحل ولا يربط , قضيتها على الرف من يصير عدها case worker  تخلص باسابيع محدودة او يطلبون من عنده معلومات اضافية
 
2-اذا ما انتظرت هيجي فترة وقررت تروح قجغ سواء عن طريق (فيزا شنكن) لو تهريب عادي هل اذا وصلت يم زوجها راح ينطوها اقامة لو يحترك الفلم كلة؟؟؟على اعتبار انها كان عدها معاملة رسمية بسوريا بس ماكملت؟؟

عادي تروح تطلب لجوء ومن تخلص المقابلة تكللهم اني رايحة بيت زوجي عود دزولي الجواب لهناك 

3- هل تقدر تستفسر من السفارة عن المدة المتبقية او عن الموافقة المبدئية من عدمها؟؟

السفارة كلشي ميعرفون لا تضيع وقتك وياهم

[مهاجرين بلا حدود]

حسب مااذكر كانت معاملات لم الشمل في سوريا هي ابطئ بلد لكثرة العراقيين بسوريا
ومرة سمع نصيحة للاخوان في قديم لزمان كان يقولون بايران اسرع (لان كانت الاردن لاتدخل العراقيين قبل سنتين او اكثر)
تركيا صعبة وغالية ومصر اغلقت حدودها البرية والجوية انذاك

مغترب ((خلف الله عليك)) على اتعليقات ضحكتنا

[مغترب بلا وطن]

حسب مااذكر كانت معاملات لم الشمل في سوريا هي ابطئ بلد لكثرة العراقيين بسوريا
ومرة سمع نصيحة للاخوان في قديم لزمان كان يقولون بايران اسرع (لان كانت الاردن لاتدخل العراقيين قبل سنتين او اكثر)
تركيا صعبة وغالية ومصر اغلقت حدودها البرية والجوية انذاك

مغترب ((خلف الله عليك)) على اتعليقات ضحكتنا

هذه الحالة اثارت اهتمام بعض الكتاب والنقاد والمناضلين والمتابعين للامور الاسكندنافية من ابناء شعبنا الصامد وقد جاء التفسير كالتالي :

دائرة الهجرة من تاخذ هاي الملفات والطلبات من السفارات تاخذعدد معين ثابت من كل سفاره , وحسب المثال التالي

سوريا : عدد الطلبات 100 طلب
تركيا : عدد الطلبات 30 طلب
ايران : عدد الطلبات 7 طلب

سوريا عليها زخم اكثر شي وبعدين تركيا وبعدين ايران بسبب كميات تواجد العراقيين فيها.

لو افترضنا جدلا ان دائرة الهجرة تقوم بمعالجة 10 قضايا شهريا ف ابو سوريا راح ينتظر اكثر من ابو ايران وتركيا.

طبعا هاي مجرد افتراضات تبلورت نتيجة الاجتماعات السرية للرفاق في معتقلات اسكندنافيا


ودمتم للنضال
امين سر فرقة ام علي الخبازه للحزب 

[مهاجرين بلا حدود]

 

رفيق مغترب بس حبيت اردد الشعار 

حبيت اذكرك ترى المنتدى برعاية سويدية ..على كيفك لايسمعوك 

[مغترب بلا وطن]

رفيق مغترب بس حبيت اردد الشعار 

حبيت اذكرك ترى المنتدى برعاية سويدية ..على كيفك لايسمعوك 

ترة هسة اطلع خياسات اهل السويد كلها 

علا كوله عريان السيد خلف
خاف ازهك وافيضن واكشف المستور     ,       وافضح من حركتي اسرار ما تنباح




بس حبيت انوه الى شغله اخيره هسة تذكرتها اخ كوندا

احتمال , وهو ضعيف بس ممكن يسووه  , يصير فحص DNA للزوجة لغرض التأكد من انها ليست اخته او امه , طبعا بعد ان تكرر  لم شمل للاخت على انها زوجة  , ولهذا تقوم جيمع الدول الاسكندنافية بهذا الاجراء الاحترازي 

تحياتي

[زيد الصقر]

اخويه العزيز اني جيت للسويد عن طريق لم الشمل واخذت الفتره حوالي سبع اشهر من بعد المقابله   فليظل بالك  وممكن الرجال يتصل بدائره الهجره المكرخون سفاركت ويعطي رقم الشخصي البرشون نمر  ويطلعون ملقه بكم ثانيه ويكلوله شنو الي صار وعلى الاغلب رح ينطوه التاريخ التقريبي للمقابله الي رح يجروهه وياه يسألوه عن ظروف الزواج وشلون صار واشلون التقى بالبنيه وما الى ذلك من امور  بعدين ينطوه الموافقه يتصل بيهه يروح يكللهه روحي اخذي فيزتج من السفاره يكون لازم يوم اثنين والشغله كلهه متطول ساعيتن ينطوهه الاقامه لمده سنتين قابله للتجديد  ليظل بالك

[kunda]

مشكورين شباب على الاجابات وعاشت الايادي

[kunda]

للاسف حتى الدول الاوربية صارت كلش صعبة بالفترة الاخيرة