اخواني احتاج خبرتكم في تحويل ملفي من العراق الى عمان

[ssomeda]

مقدم اي او ام العراق 2010 الشهر الخامس iz 117 وصار سنه وكلشي ماكو قررت احول ملفي الى عمان
سوالي  هل القضيه تكون اسرع يعني العراقيين الي مشتغلين ويه الامريكان ملفاتهم تكون اسرع في عمان
وبالنسبة للمقابلات لازم اقدم للامم المتحد وبعدين ايحولوني لو من احول راسا اتعامل ويه الاي او ام
ارجو ممن لديه خبره يشرحلي واذا اكو اشياء بعد تفيد يشرحهه واشكر مجهودكم 

[عكعك التطوى]

اخويه تكتبلهم ايميل بانك تريد تحول ملفك من بغداد الى عمان وهمه راح يجاوبوك بانه تكدر تدخل عمان
او لا اذا لا المنظمه تسهل دخولك الى عمان ولكن تاخذ فتره شهر او اكثر لترتيب دخولك الى عمان
ولا تحتاج تقدم على الامم المتحده اذا رغبت واعتقد عمان اسرع من العراق وبعد ما اعرف اذا صار
تحديثات جديده او لا وبكل الاحوال ارسلرساله الى المنظمه في عمان محتويه اسمك وعنوانك ورقم الكيس
والاي زد نمبر

تحياتي

[ssomeda]

اخ عكعك اني اشكرك على المعلومات اني اعرف هاي المعلومات لان اخر رساله الهم كالو تكدر اتحول مصر اوعمان فقط يعني الي مار هيج حاله حسب علمه شكد اتطول

[ssomeda]

اخوان الي عنده معلومات ليبخل

[ــــ{{{ABADY}}}ـــــ]

سبع ايام يتصلوا فيك

[messi10]

اخوية اني جنت ابغداد و حولت لعمان و خليني اسولفلك الي صار معي و انت قرر هالشي يفيدك لو لا...و اي سؤال اني بالخدمة..قبل لنسافر ارسلنالهم ايميل حته يحولون الملف لعمان و جان عدنة موعد مقابلة اولى بس ماكدرنة نسويهه ببغداد..
اول ما اجينة لعمان اتصلنة بالاي او ام كلولنة روحوا بالامم المتحدة اخذوا ورقة حماية..رحنة و قدمنة بالامم المتحدة نطونة موعد ورة اسبوع قابلنة و اخذنة الحماية ... وراها رجعنة للاي او ام بالتلفون كنالهم اخذناها هسه شنوو ؟؟ كلولنة هسه انتوا تحول ملفكم لعمان رسميا و انتظروا من عدنة تلفون نحددلكم مقابلة..انتظرنا لمدة تقريبا 3 اشهر و نص و جان يحددولنة موعد مقابلة اولى...الصراحة احنه مقدمين من شهر الدعش  2009 و قبل لانجي لعمان حددولنة مقابلة اولى بس بسبب التهديد اجلناها و اجينة لهنا يعني هالتحويلة مفادتنة بل اخرت القضية مالتنة 3 اشهر و نص مدة التحويل لحد ما تحددلنة مقابلة اولى هنا يعني انت هم احسب من جيتك لهنا بهالفترة بس مو شرط

تحياتي الك و بالتوفيق

[ريم عبد]

اخي الصميدعي
اذا مستعجل حصل فيزة عمان وسافر واتصل بال اي او ام كوللهم اني اريد انقل ملفي لعمان لان وضعي كلش موزين واصبحت بخطر وطلعت بليله ظلمه
راح يكولولك بعد ميصير ترجع للعراق والا تعرض ملفك للغلق
واحنا راح نرتبلك موعد مقابله ونتصل بيك
وتبدي مقابلاتك ان شاء الله تمشي وحده وره الثانيه
لكن المشكله هيه بالموافقات الامنيه لان هاي متفرق من اي بلد مقدم سواء من العراق او من عمان
الشي الوحيد الي يسرع هيه المقابلات

والطريقه الثانيه انه تبلغهم وانت في العراق برغبتك لنقل ملفك الى عمان راح يكولولك قدم على فيزه واذا انرفضت الفيزه احنا نساعدك بيها بس مساعدتهم مو حتميه يعني همه يطلبون بس مو يفرضون

اما اذا انت تكدر تحصل فيزه بسرعه فاتبع الطريقه الاولى  تكون اسرع وراح تبين انه انت في خطر ومو مترهي وراح تساعدك في سرعة المقابلات واذا نطوك افضليه بسبب حالتك خلال اقل من شهر ينطوك الموعد


اما شغلة اليو ان فانت تسجل بيها لاغراض الحمايه وللاعتراف بيك انك لاجئ مو لغرض التوطين او علمود معاملة ال اي او ام
و انت من راح تبقى بعمان راح يصير عندك تجاوز بالاقامه وبهاي الحاله تحتاج الى ورقة اليو ان

[ssomeda]

شكرا اخي gothic20s على الشرح بس ممكن اعرف التواريخ وهسه انت يامرحله واصل حتى اقارن
شكرا اختي ريم على المعلومات واعتقد حسوي الاحتمال الاول اسافر وبعدين اتصل بيهم.بس انتي متاكده الامور تمشي اعتيادي بهاي الطريقه ؟؟

[messi10]

اتدلل حبي...تقديم اول شي شهر 11 سنة 2009
انتظار طول سنة 2010 بس بشهر 12 حددولنة مقابلة اولى احنه جنة بظروف مانكدر نكمل القضية بلعراق لأنه بس تقابل اولى بعد ميصير تقابل الثانية بعمان لازم تستقر بالمكان الي تقابل بي حولنة الملف لعمان
بسنة 2011 شهر الواحد اتصلنة بيهم و لحد ما كعدنة بعمان و اخذنة الحماية من الامم المتحدة و اجت العائلة لأنه اول شي سافرنة احنه الشباب و بعدين الاهل .. المهم بشهر الثاني تحول الملف رسميا اكدوا التحويل برسالة..و انتظار لحد شهر الخامس يلة نطوا موعد مقابلة اولى...و هسه دانتظر مقابلة المحلف انشالله بالطريق

[ريم عبد]

شكرا اخي gothic20s على الشرح بس ممكن اعرف التواريخ وهسه انت يامرحله واصل حتى اقارن
شكرا اختي ريم على المعلومات واعتقد حسوي الاحتمال الاول اسافر وبعدين اتصل بيهم.بس انتي متاكده الامور تمشي اعتيادي بهاي الطريقه ؟؟

متاكده 200 بالميه واني مااذكرلك شي الا متاكده منه ومجرب وجايب نتيجه
وروح  وريم بضهرك ولتخاف
والي سووها خلال 3 اشهر همه مخلصين المحلفين

[ssomeda]

gothic20s شكرا على المعلومات 
اخت ريم  ;Dحلوه مال روح وريم وراك والنعم منج اني اشكرج

[messi10]

ادلل اخوية و اي شي تحتاج اني بالخدمة

[ssomeda]

اشكر gothic20s واشكر الاخت ريم على المعلومات المفيدة .وارجو من الي عندة معلومات اكثر ليبخل بيه حتى اكون مسيطر بنسبة لابئس بية وما اغلط
وشكرا للخوة والخوات الي ساهمو والي حيساهمون

[messi10]

اخي قبل لاتسافر ارسللهم رساله كللهم اني ماكدر ابقة بالعراق اريد احول ملفي لعمان

[ألن في بلاد العجائب]

اخويه العزيز اني من وصلت لعمان كتلهم تره وصلت و حولوا ملفي و مطول يومين و اتحول

تحياتي
ألن

[ابوا ابراهيم العراقي]

اخوية تعال اسرع مايمكن على مود اتقابل مقابلة اولى بل صيف او محلفيين بل شتة .

بس تتاخذ تره تنذب على سنة الاخ بل نسبة للمحلفين .

او تقديم مباشر على ال اي ام اتقدم لان انته وية الربع مشتغل .   

سلام

[ssomeda]

تسلم ابو ابراهيم حبيبي باعتقادك شكد تطول السالفة من عمان

[عمورى 1]

حبيبى وعمرى انت لا تتورط وتجى الى عمان ابقى بغداد احسن هناك وكمل المقابلات كلها اعيد واصقل لا تتورط مثل ما ورطونى اى نعم ورطونى تعال الى عمان ترة اسرع حولت ملفى الى عمان بسنة 2009 وقابلت بشهر السابع الاولى والثانية وقابلت مقابلة المحلفين بشهر 11 واستلمت الظرف بشهر 12 هاى كلها بسنة 2009 واللة وكيلك من 2009 ولحد الان انى منتظر موعد السفر الاكشر زين طبعا سويت بصمات بشهر السابع 2009 وعدتها بشهر 11 2010 وهسة من يجى شهر السادس 2011 راح اعيد الفحص الطبى الرابع لان هنانة كل 6 اشهر ايعيدولك الفحص الطبى زين وين الاسرع يلة وينة مو يكولون عمان اسرع حبيبى كلة جذب لا تصدك بيهم هاى انطيكياها نصيحة اخوية ها نسيت اكلك سويت دورة تثقيفية بشهر الثانى 2010 لان الظاهر بالايميلات مالتهم ديورطون العالم مثل ما ورطونى
اخوك عمورى

[ابوا ابراهيم العراقي]

تسلم ابو ابراهيم حبيبي باعتقادك شكد تطول السالفة من عمان

ولله اخوية اني تقديم مباشر IOM  او صارلي 3 شهر كلشي ماكو .

او المشكلة اهنا ارقام الملفات ديزايد سريع , يعني اني 124xxx من شهر الثاني .
انته اذا جيت تاخذ 126xxx او 127xxx او ايجوز اكثر مااعرف .بس اقل شي الفين ملف قبلك.

بس اني اتصور المقابلة الاولي وره فد 3 الى 6 شهور من النقديم او المحلفين الافاضل مفروض يجون ابشهر نوفمبر .
 يعني انت او حظك لو اتشوفهم لو ايشمروك على سنة الخ . 

بس حط ابالك تره عمان غالية مو مثل سوريا. لان اني بسوريا الورقة تبقى عندي شهر كامل بس اهنا لا غير شي.

بس اني مااعرف ظروفك , ايجوز العراق هم غالي او خطر هسه .

بعد هاي انته اتقرر.

سلام

[ريم عبد]

حبيبى وعمرى انت لا تتورط وتجى الى عمان ابقى بغداد احسن هناك وكمل المقابلات كلها اعيد واصقل لا تتورط مثل ما ورطونى اى نعم ورطونى تعال الى عمان ترة اسرع حولت ملفى الى عمان بسنة 2009 وقابلت بشهر السابع الاولى والثانية وقابلت مقابلة المحلفين بشهر 11 واستلمت الظرف بشهر 12 هاى كلها بسنة 2009 واللة وكيلك من 2009 ولحد الان انى منتظر موعد السفر الاكشر زين طبعا سويت بصمات بشهر السابع 2009 وعدتها بشهر 11 2010 وهسة من يجى شهر السادس 2011 راح اعيد الفحص الطبى الرابع لان هنانة كل 6 اشهر ايعيدولك الفحص الطبى زين وين الاسرع يلة وينة مو يكولون عمان اسرع حبيبى كلة جذب لا تصدك بيهم هاى انطيكياها نصيحة اخوية ها نسيت اكلك سويت دورة تثقيفية بشهر الثانى 2010 لان الظاهر بالايميلات مالتهم ديورطون العالم مثل ما ورطونى
اخوك عمورى

اخويه العزيز عموري هاي منوووووو ورطك وكلك عمان اسرع
اكيد مو اني
لان اني ابد مجنت اشجع على الطلعه لعمان
لكن الان اختلف الوضع لان معاملات بغداد بال2010صارت جدااا بطيئه وصار تشديد بالمحلفين وكثرة الرفوضات الي صارت في 2010

بس اخي عموري انت قضيتك متاخره مو بسبب اي او ام عمان وانما بسبب الامنيه
والامنيه متعرف لا بغداد ولا عمان ولا مصر وهاي اني هنا وانت هناك واثنينا كاعدين بفندق السعاده ومبلطين
لكن بالنسبه للمقابلات اكيد في عمان المقابلات اسرع والوضع الامني احسن
و الي حالته الماديه تسمحله يعيش بالاردن خلي يطلع ويخلص

[ssomeda]

اخويه ابو براهيم معقوله هذا الحجي الي دتكوله ! يعني ينطوني اي زت نمر جديد ليش اعتقد همه دينقلون ملفي مو ملف جديد اخوان صحيح هذا الحجي؟

[ألن في بلاد العجائب]

اخويه ابو براهيم معقوله هذا الحجي الي دتكوله ! يعني ينطوني اي زت نمر جديد ليش اعتقد همه دينقلون ملفي مو ملف جديد اخوان صحيح هذا الحجي؟

اخوية اولا ماكو اي شي اسمة اي زت نمر في عمان .

يعني رقم الفايل يجي JO- 124XXX

بعد اذا انت رح ينطوك رقم ثاني مااعرف ابصراحة .

سلام

اخويه العزيز اني ب عمان و رقمي اي زت نفسه مال بغداد

تحياتي
ألن

[ديفيد بغداد]

اخي انا  بغداد هم جنت و سنة و لا مقابلة حولت لعمان بعد مدزيتلهم ايميل و همة اتصلو بية للتاكيد و بعد  ماوصلت اتصلو بية هم و للتناكيد بعد هذا انا خلال  اربع شهور خلصت كلشي حتى المحلفين و البصمات انا حولت ب شهر  السادس  2010  بس المشكلة عندي حاليا  الامنية مال عائلة ماكاملة  و انت تكدر اتقيس بعد

[omar82011]

اخوان رحم لاهلكم اريد من يجاوبني فقط للي عندة علم اني مقيم بسورية من 2007 وملفي اريد انقلة مال يو ان الى تركيا يصير لو لا وشنو الاجراات اشو هنا بسورية امم متحدة تكول يصير وبتركيا اصدقاء يكولون مينطوك بتركيا ميقبلون اريد افتهم رحم لاهلكم لان روحي طفرت لحد هسة مطالعلي لجوء من 2007 هي هاي صايرة واني مشايف عراق من 2007 تحياتي لكم