اكملت مقابلة المحلفين

[eng.mathio]

السلام عليكم
اخوان قبل كم يوم اكملت مقابلة محلفين بغداد ... مقابلتي وية المحلف كانت حوالي ساعة والمترجم الله يوفقه كان ابن اوادم والحمد خلصت المقابلة بخير حسب ما اظن ....واتمنى ياربي تكون خير علية مثل ما اريدها تكون خير على كل الي مقدمين مقابلين والي منتظرين المقابلات والله يعلم شلون دعائي من كل قلبي ..

[علي النعيمي]

الف مبروك ان شاء الله يوم الموافقة والسفر

[ألن في بلاد العجائب]

الف مبروك اخويه العزيز

تحياتي
ألن

[الامل]

[b][/b]مبروك وانشاء الله يوم السفر القريب

[beautiful angel]

ربي تكون خير عليك ونسمع بعد اخبار حلوة منك


بس عفوا اذا ممكن تقولي حضرتك مقدم من وين؟


وشلون جانت الاسئلة مالتك؟

[(COBRA)]

eng.mathio اخويه ....
الف الف مبروك انشالله القبول والسفر  باذن الله

[ميمي2010]

الف مبروك وان شاء الله الموافقة تجيك باسرع وقت

[eng.mathio]

اخوان اشكركم جدا على مشاركتكم وان شاء الله تفرج  علينا ونخلص من هذا الانتظار والقلق ..
يابة اني مقدم من بغداد وهاي مواعيدي

تقديم شهر 11 سنة 2009
اول مقابلة شهر 12 سنة 2010
فحص طبي شهر 2 سنة 2011
ثاني مقابلة شهر الخامس 2011
 وجانت اسئلة المحلف اسئلة روتينية مثل ما سولفولنا الاخوان الي مقابلين قبلنا وهي على الحزب وعلى على قصة التهديد والاسئلة الي تجاوب بيها نعم او لا وطبعا يسؤلوك تعتقد الحكومة العراقية تكدر تحميك ومنو تظن هددك ووين سافرت سابقا
هاي معظم الاسئلة ..
واي شي اني حاضر

[الوالي]

السلام عليكم شنو جان جوابك احكومه تكدر تحميك لو لا

[غزوان الاعظمي]

الف الف مبروك المقابله و ان شاء الله تستلم الموافقه و السفر القريب يا رب

[عراقي كرادي]

مبروووووووووووووووووووووووك

[SARA CALIFORNIA]

ان شاء الله تستلم موافقة المحلف عن قريب 

[ــــ{{{ABADY}}}ـــــ]

والامنيه والسفر يارب

[dark@ngel]

اخواني وخواتي ممكن سوال لان انتو عدكم خبره بالموضوع ممكن الواحد يضيف بعد معلومات بالمقابله مال المحلف لو لا يزيد ولا ينقص نفس الحجي زين ياثر اذا ضاف لو لا

[ام مهند]

الف مبروك وانشاء الله خير ومثل ما كال دارك اينجل بلكي تحجولنه بعد عن المقابله مال محلف وباكثر تفاصيل

اختك ام مهند

[dark@ngel]

يا هلا ام مهند والله تعبت من التفكير شوكت يحددون موعد مقابله المحلفين ومن التفكير بأسئلتهم وباجر عندي امتحان وحايره بالمحلفين بس اذا تعرفين او يوصلج خبر يصير الواحد يضيف معلومات بالقصه مجان كايلها بالمقابله الثانيه لو لا ارجو من الاخوه الرد اختكم دارك انجل

[Abnaa Al-Iraq]

بالتوفيق والف مبروك وعلى الجميع

[chris2007]

الف مبروك الك اخوية يوم السفر انشاء الله

عندي نفس سؤال dark@nge الي هو اذا الشخص ضاف شي بسيط على القصة لمجرد تقوية وباقي القصة هي نفسها هل ياثر على الفايل
وعندي سؤال الخ اذا المحلف مدقق بالاسئلة وملح وميسال هواية شنو يعني هل فال خير

[eng.mathio]

اخوان تسلمون واشكركم جدا على دعائكم
بالنسبة لاسئلتكم :
من سألني على الحكومة تعتقد تكدر تحميك جاوبته وكتله لا خلي الحكومة تحمي نفسها بالاول وبعدين تحمينا وكتله اني ما عندي ثقة بالشرطة العراقية لان كلها خيانات ..
بالنسبة لاضافة اي معلومة بعد المقابلة الاولى ما اعتقد تفيد الا اذا جانت المعلومة جديدة بين المقابلتين يعني قبل مقابلة المحلفين اما اي غير شي فلا تضيفون اكثر من الي كلتوه .
وبالنسبة لمقابلة المحلف ترة والله العظيم لا تتخوفون منها صحيح اكو محلفين صعبين بس ترة المحلف راح يستغل ضعفك اذا شافك ما مسيطر لوم مرتبك فاهم شي كون واثق من نفسك وقبل لاتدخل للمحلفين اقرة سورة الكرسي وادخل وربك يسهلها والله وهم نصيحة ثانية لا تكعد تفلسف باجوبتك مثل ما يسألك سؤال محدد جاوب جواب محدد لا تلف ولا تكبر الموضوع ..
واشكركم

[chris2007]

انشاء الله خير عليك وتسافر بسرعة

[الناسك]

الف الف مبروك وان شاء الله يوم استلام الموافقة والفرج القريب

[eng.mathio]

تسلمون حبايب والله ياريت الكل ينقبلون ويسافرون ويخلصون وتعيشون وتسلموووون

[DEFA-AL-AIRAQI]

السلام عليكم
اخوان قبل كم يوم اكملت مقابلة محلفين بغداد ... مقابلتي وية المحلف كانت حوالي ساعة والمترجم الله يوفقه كان ابن اوادم والحمد خلصت المقابلة بخير حسب ما اظن ....واتمنى ياربي تكون خير علية مثل ما اريدها تكون خير على كل الي مقدمين مقابلين والي منتظرين المقابلات والله يعلم شلون دعائي من كل قلبي ..

الف الف مبروك وان شاء الله تجيك موافقة المحلف والامنية باسرع وقت يارب

[eng.mathio]

تسلم حبيبي DEFA ان شاء الله اني وياك سوة

[windtalker]

مبروك وموفقين انشاالله

[Abdullah2006]

مبرووووووووووك وانشالله يوم الي
انا لهسة ما مقابل ولا شي

[محمد امين]

مبررررررررررررررررررروووووووووووووووووووووك من العمان لبيتك الجديد بامريكا وتستاهل كل الخير  وربي يوفقك وتسهل عليك وعلينه لان احنه اسمنه يكولون على جدول المقابلات ولهسه ما اتصلو بينه انا من 2006   ارجو الدعاء