اي شخص موجود بهيوستن او رح يجي لهيوستن اني حاضر لا اي مساعدة

[ايثن تكساس]

السلام عليكم  طبعا هووووووووووووووووووووووووووووووووووووووواية يحجون علية ويكولون بس وصل لا امريكا نسانة ونسى المنتدى بس مرح اشرح واكول ليش لان الي بااميركا يعرفون شنو معناة شخص واحد بالعائلة الوحيد الي يحجي انكليزي والوحيد الي ايسوق ويشتغل ويدرس  والباقي اعضم

اني قليل كلش افتح الانترنت بسبب الضروف اعلاة طبعا
عموما اني رح اترك رقم تلفوني هنا هوة احسن وسيلة حتى تلكوني بيهة
واي شخص جاي لهيوستن او رح يجي لهيوستن  ومحتاج سئوال او مكان يندلة او شي محتاجة والي اكدر علية مرح اقصر طبعا
يتصل بية باي وقت عادي جدا واني برسم الخدمة
رقم تلفوني هوة  2818189649  وايميلي ethannoor@yahoo.com   لتخافون مو علاس اني الكل تعرفني بالمنتدى واولهم الاخت اينجي لان قديمة بالمنتدى 

اخوكم ايثن

[angie-dawood]

اهلا وسهلا بك اخي ايثن منور المنتدى من جديد بارك الله بك للمبادرة الرائعه منك ربي يوفقك ويرزقك

[ايثن تكساس]

يسلمو  اينجي  والله الاخوى يدللون بس الواحد شيصير وانتي تعرفيين اني حاسس بخطئ كلش جبير يلي سويتة بس غصب عني وحابب اعوض الايام الي راحت

اخوج ايثن

[SARA CALIFORNIA]

بارك الله بيك,كثر الله من امثالك و الله يوفقك بحياتك الجديدة 

[ايثن تكساس]

بسلمو سارة ويوفقج يارب 

[زرزور بغداد]

عاشت أيدك .... ألله يسهل أمرك وهاي أخلاقك العالية لمساعدة أخوانك

بارك ألله بيك .... الدنيا بعدهه أبخير وية الطيبين

[غزوان الاعظمي]

والله كفووو من اهلها و ما تقصر

تخياتي لك

[احمد صلاح الدين]

حبي اشكرك على مساعدتك الي تقدمهه للناس
اني رايح لتكساس بس لدالاص و الكفيل غدر بيه و اختفى و ما اعرف احد هناك فممكن تنصحني على معرفتك شلون احسن طريقة واحد يبدي بيهه حياته اول ميوصل
و الف شكر

[ــــ{{{ABADY}}}ـــــ]

طيب واصلك طيب

[twebbs]

 
    بارك الله بيك اخوية على هذه المبادرة الرائعة وكثر الله من امثالك

[new_day]

والله والنعم منك اخوية ... الله يوفقك ويسهلك امورك

[ريم75]

اني انشاء الله رايحه التكساس هيوستن اذا تكدر او وقتك يسمحلك  شنو اسعار ايجار الشقق اذا كانت غرفه او غرفتين وشلون اسعار السيارات لاني الي سمعته ولايه عن ولايه تختلف الاسعار ؟ وشكرا الك وبارك الله بيك على هل التعاون الحلوووو

[zaidzozo]

مشكووووووووووور اخ ايثن تكساس

الله يوفقك

[علي النعيمي]

شكرااا اخ ايثين ان شاء الله نصير جوارين اذا الله كتبلي اوصل

[ايثن تكساس]

حبي احمد صلاح ماعندك غير المنضمة روح على المنضمة وكوللهم على الي صار وياك  لان بصراحة ما اعرف شي بدلاس اني بهيوستن
واكيد المنضمة رح ادليك شنو الي اتسوي

 الله ايكون بعونك يارب

[ايثن تكساس]

اني انشاء الله رايحه التكساس هيوستن اذا تكدر او وقتك يسمحلك  شنو اسعار ايجار الشقق اذا كانت غرفه او غرفتين وشلون اسعار السيارات لاني الي سمعته ولايه عن ولايه تختلف الاسعار ؟ وشكرا الك وبارك الله بيك على هل التعاون الحلوووو

 
اختي العزيزة ريم بالنسبة لا اسعار الشقق منطقة قريبة على الويست هايمر من احلى الشوارع بهيوستن  غرفتين وصالة وحمامين وحدة من الغرف ماستر روم  وهول كلش جبير وحتى فاير بليس بية  وبالكون ومطبخ مفتوح وخزنات على افة من ايشيل بيهة  سعرها 699 دولار وانتي ادفعين الكهرباء

بالنسبة للسيارات حسب الموديل وحسب نضافتها وحسب نوعها يعني كمثل
اشتريت سيارة من صديقي كيا سورنتو 2005 كلش نضيفة اب 5500 لان مال وحدة بنية جانت وكلش نضيفة
وقبلهة اشتريت سيارة هونداي النترا هم نضيفة اب 2500 دولار واكو سيارات ارخص واكو سيارات اغلى واكو تقسيط واكو ولد عراقي هنا هم ايبيع بالتقسيط وميحمل عليهة هواي
يوم الي اتجين انشاء الله لو حبيتي ادز علية
اخوج ايثن

[ايثن تكساس]

حبي علاوي اهلا وسهلا  واتشرف بيك

تحياتي اخوك ايثن

[علي النعيمي]

الف هلا بايثين شلونة الشغل بهيوستن وشلونة نظام المساعدات اذا تكدر تنطي تفصيل عن الحياة والشغل وكلشي اكون ممنون الك

[ايثن تكساس]

علاوي حبيب قلبي
هيوستن كلا اتي
شغل بيهة متوفر وهواية اكو شغل  حسب الي صار وياية وحسب ما اشوف كل العراقيين يشتغلون هنا بدل الشغلة 2

وحتى اكو شغل بالبيت واكو شغل برة البيت
المساعدات لمدة 8 اشهر اول 4 اشهر 425 ايجار وكاش وزائد فود ستامب وتامين صحي 
وثاني اربع اشهر ينقص هلمبلغ ويبقة فود ساتمب وتامين صحي  وطبعا ممكن ورة التامين الصحي اتقدم على شي اسمة كولد كارت

وطبعا قبل متخلص ال 8 اشهر يلكولك شغل ويفورولك  سيارة لمدة 3 اشهر حتى اتروح وتجي بيهة للشغل

تحياتي واي سئوال اني حاضر حبي علاوي

[ريم75]

شكرااا اخ ايثن على الاجابه تعبتك واعتقد كفيلي كاعد بمنطقه اسمه يمكن كتي بس اني حكون مو يمه كال المسافه تبعد عنه اقل من نص ساعه

[علي النعيمي]

اشكرك اخوية ايثين  عالشرح الوفير

[ايثن تكساس]

العفو حبيبي علاوي

اختي العزيزة ريم تدلليين وانشاء الله تتيسر امورك

[السفير80]

علاوي حبيب قلبي
هيوستن كلا اتي
شغل بيهة متوفر وهواية اكو شغل  حسب الي صار وياية وحسب ما اشوف كل العراقيين يشتغلون هنا بدل الشغلة 2

وحتى اكو شغل بالبيت واكو شغل برة البيت
المساعدات لمدة 8 اشهر اول 4 اشهر 425 ايجار وكاش وزائد فود ستامب وتامين صحي 
وثاني اربع اشهر ينقص هلمبلغ ويبقة فود ساتمب وتامين صحي  وطبعا ممكن ورة التامين الصحي اتقدم على شي اسمة كولد كارت

وطبعا قبل متخلص ال 8 اشهر يلكولك شغل ويفورولك  سيارة لمدة 3 اشهر حتى اتروح وتجي بيهة للشغل

تحياتي واي سئوال اني حاضر حبي علاوي

اخي ايثن والله انت على راسي ,,,,,,,,,,,

اني انشاء الله بس تجي الامنية واسافر راح احتاجك اكيد ,,,,, اني الكفيل مالتي بهيوستن
اريد اعرف الشقة الوسط يعني غرفتين بمكان مناسب بشكد

وياريت تجاوبني سؤال  احنة عائلة مكونة من 3 بس كلنة عزابية شكد راح تنطينا المنظمة كم شهر
واذا اكو شغل واحد يحصل عليه بسرعة شكد تكون الساعة مالته


تحياتي وشكرا الك



السفير

[ابو هاشم]

الاخ ايثن الله يساعدك ويعينك على شغلك وحياتك والف شكر لك على تواصلك مع الناس هذه اخلاقك الطيبه

[zaidzozo]

اخي ايثن

حبيت اسال سؤال عن مدينة هيوستن. نحن نعرف ان الرطوبة عالية في مدينة هيوستن لكن كم يوم في السنه تقريبا تكون الرطوبة عالية؟

مشكووووور

[ايثن تكساس]

حبيبي السفير ايسلم راسك ياورد
حبيبي الشقة ام الغرفتين والصالة بمنطقة زينة مثل ما اني كاعد  اب 699 مثل مكلت للاخ 
وعليك الكهرباء والمي

بالنسبة للمنضمة ومساعداتهة انتو جايين على شكل كيسة  عائلية او كل شخص وكيستة يعني سنكل ؟ 

والشغل هنا با اميركا كلهة قانون واحد اقل ائجر للعامل هوة 7.35 سنت 
وايصير ازيد وايصير اقل

واكو شغل متوفر بس من تجي رح اكولك شنو الشغل ووين ممكن اتلاكي وشنو الي للتقرب منة ( لان تعبة ميجيب همة )

[ايثن تكساس]

اخوية العزيز زيد
حبيبي بهيوستن هنا 4 فصول  باليوم يعني متعرف ساعة حارة كلش ساعة زينة ساعة رطبة والبرد هنا مو هواية ومو كلش باردة وحتى لو اتصير مرات فة مو باردة بس امطار 

وهية رطبة اغلب الوقت

بس الواحد بسيارتة تبريد بيتة تبريد فة ميحس

[zaidzozo]

شكرااااااااااااا

 

[عكعك التطوى]

جوزيف العراقي شو مبدل اسمك   بارك الله بك على هاي المبادره ياطيب

علاوي حبيب قلبي
هيوستن كلا اتي
شغل بيهة متوفر وهواية اكو شغل  حسب الي صار وياية وحسب ما اشوف كل العراقيين يشتغلون هنا بدل الشغلة 2

وحتى اكو شغل بالبيت واكو شغل برة البيت
المساعدات لمدة 8 اشهر اول 4 اشهر 425 ايجار وكاش وزائد فود ستامب وتامين صحي  
وثاني اربع اشهر ينقص هلمبلغ ويبقة فود ساتمب وتامين صحي  وطبعا ممكن ورة التامين الصحي اتقدم على شي اسمة كولد كارت

وطبعا قبل متخلص ال 8 اشهر يلكولك شغل ويفورولك  سيارة لمدة 3 اشهر حتى اتروح وتجي بيهة للشغل

تحياتي واي سئوال اني حاضر حبي علاوي

اخي ايثن والله انت على راسي ,,,,,,,,,,,

اني انشاء الله بس تجي الامنية واسافر راح احتاجك اكيد ,,,,, اني الكفيل مالتي بهيوستن
اريد اعرف الشقة الوسط يعني غرفتين بمكان مناسب بشكد

وياريت تجاوبني سؤال  احنة عائلة مكونة من 3 بس كلنة عزابية شكد راح تنطينا المنظمة كم شهر
واذا اكو شغل واحد يحصل عليه بسرعة شكد تكون الساعة مالته


تحياتي وشكرا الك



السفير

بالاضافه الى جواب جوزيف او ايثن   فالشقه ام غرفتين اكو ب 500 دولار واكو 1200 دولار وبنفس المنطقه واكو
الكهرباء والكراج من ضمن الايجار واكو لا
يعني المنطقه الزينه تلكي بيها شقق زينه وتلكي شقق متوسطه وتلكي رديئه وانشاءالله من تجي بخير وسلامه
 راح تشوف بعينك وانته تختار وما اعرف اذا انته المنظمه راح تاجرلك او الكفيل مالتك اذا المنظمه هي الي تاجرلك
فالمنظمات عدها كم مجمع تسكن بي الشخص من يجي واذا ردت بعدين تاجر شقه ثانيه فلازم تخلي بالك ان اغلب المجمعات يطلبون شروط تعجيزييه يعني التاجير مو سهل تجي وتاجر يردون ضمانات

بالنسبه للمساعدات تعتمد على اي برنامج راح يخلوكم عليه
بالنسبه للشغل بيد الله ومعدل الشغل يبدي من 7 دولار الى 9  وطبعا اكو شغلات اكثر
تحياتي

[ايثن تكساس]

عكعككككككككككككككككككككككك انت بهيوستن      


لالالالالالالالالالا مدا اصدكككككككككككككك مستحييييييييييييييييييييييييييييييييييييييل  لازممممممممم نتشاوف واعزمك على نركيلة بشيشا اكسبريس لازمممممممممم



حبيبي بلا اضافة لكلام عكعوك الورد الشروط هية كلا اتي

اول شي تثبت انك تشتغل او لا  وشكد تستلم
بنك ستيتمنن او جيك  ايثبت انو انت اشكد تستلم
ولازم ايكون راتبك على كد مرتيين من ايجار
هاي الشروط واكو مجمعات الراقية كلش كلش ايريدون كفيل

بس نصيحة لوجة الله تعالى لتخلي المنضمة اتئجرلك لان ماعدهة غير 3 مجمعات وكلهة سكطططططططططط

اول واحد بوكا
ثاني واحد براجنستر
وثالث واحد بيجنت  
وكلهة مو زينة يعني تدمر مثل ماغيرك ادمرو
رئي الشخصي طبعا
  
الي ايريد ايئجر اني اعرف بنية تشتغل بمكتب تئجير مرح تطلب منك اي فلوس وهوة هيجي القانون هية تعاملهة وية المجمعات
وتكللهة شتريد انت وبيش وهية اتوديك وتفرجك
مثل مسويت اني والحمدالله كلش مرتاح بشقتي
 ملاحضة لعكعك اني مسمعت هنا بهيوستن كلهة اي شقة اجرج على الكراج ؟؟؟ يعني البابلك كراج عادي مفتوح وفري ومن ضمن الايجار بس لو اتريد تحجز مكان الك خاص ومحد يطبك بية تدفع 30 دولار بالشهر حسب مجمعنا

[السفير80]

مشكور اخي ايثن على هاي المعلومات القيمة انت والاخ عكعك التطوى 

اخي والله اني لحد الان انتظر الامنية صارلي سنة ونص من استلام المغلف والامور تبشر بخير لان كالو راح يمشون هواية بشهر السادس ,,,,,,,,,,, بس تخلص الامنية ويجي موعد السفر اكيد راح اتصل بيك اخي ايثن حتى تزيدني بالمعلومات



السفير

[ايثن تكساس]

 حبيبي السفير انشاء الله خير وتجي على اسرع من الجمر
واهلا وسهلا بيك باي وقت

ايثن

[السفير80]

حبيبي السفير انشاء الله خير وتجي على اسرع من الجمر
واهلا وسهلا بيك باي وقت

ايثن

الله يسمع منك اخي ,,,,,,,,,,,,,,,,,, وتسلم على تعاونك

[ايثن تكساس]

اختي العزيزة ريم
هاي منو كلج ميصير اتئجيرين بغير مكان اي مكان اتحبيين انتي اتئجريين بية روحي ائجري بية انتي اوراق امريكية وداخلة رسمي هنا فة من حقج اسويين الي اتريديي 

اول شي مجمع بوكا حشى الزينين وين ماكو واحد مدري اشونة كاعد هناك 
شي ثاني  الشقق الي بيهة كلش صغيرة غالية بسعر الي ادفعيين ئجريين احلى شقة   واكيد النضافة لان الصراصر متعرفيين منين تطلع حتى من جوة الكاربت 
بس انتي كاتبة عقد وياهم وموقعة على العقد؟

[السفير80]

الفرج قريب باذن الله

[dark@ngel]

الله يسمع منك اخويه السفير وتفرج بوجهنا امين

[ايثن تكساس]

 انشاء الله تجون واصير سوووووووالف

[السفير80]

انشاء الله تجون واصير سوووووووالف

الله يسمع منك بس شوكت اذا حتى بالحلم مكمنة نشوف السفر

[*George*]

السلام عليكم
الى الاخ عكعك وبصورة خاصة الاخ ايثن
اني احييكم وشاكر فضلكم لمحاولاتكم الصادقة لمساعدة اخوانكم بالشكل الذي تقدرون عليه
حاليا اني انتظر الفيزا انهيت المقابلة يوم 8\3\2011  ووجهتي الى هيوستن تكساس
سمعت كثير من الكلام الذي يخص المنظمات وما تقوم به للاجئين وكيفية تسكينهم وايجاد عمل لهم والذي يسوده الاهمال من قبل المنظمات 
ف بصراحه عندي اكم سؤال اذا امكنك الجواب عنه او اي احد ممن لديه لمعلومة
في حال وصولي الى هيوستن (اول ايام )وقامت المنظمة بتسكيني بمكان سيئ او بعيد واردت تغييرها اي تأجير بمكان اخر انا اختاره فهل هذا الشيئ ممكن او لا    ؟؟؟؟؟   
وأن امكن هذا التغيير فهل يشمل الثأثيث او لا  ؟؟؟؟؟
وانا شاكر جدا لمساعدتكم
اخوكم جورج 

[AbU MarYam1973]

السلام عليكم
اول شي مشكور عزيزي ايثن على هذه البادره الاكثر من رائعه
واحتمال 80% اني يمك بهيوستن لان صار ويايه موقف مدوخني
داعيك مقدم من نهاية 2009 او بداية 2010 مدا اتذكر
بس شلون صار تقديمي
عندي اخويه مقدم من 2008 وهو سوالي اضافه على ايميله ودزولي كيس نمبر يختلف عن الكيس نمبر مالته
المهم قابل اولى وثانيه واني هم قابلت اولى وثانيه وفحص طبي ودوره تثقيفيه وهو ورايه فحص طبي ودوره تثقيفيه
اني نطيت عنوان كفيل صديقي بمنطقة اميرلو وهو ناطي عنوان الكفيل بهيوستن
الكفيل مال اخويه خابره وكله انه هو وقع اوراقه
وبعد شكم يوم خابر على اخويه وكله انه المنظمه دزت عليه علمود يوقع اوراقي وبالفعل الولد هم صديقي او وقع اوراقي
السؤال:
اني راح اروح لهيوستن لو لاميرلو
وثاني شي ااذا لهيوستن اني واخويه تكون سفرتنا سوه يعني بيوم واحد لو شلون
وهل من المعقول انه تاخير اخويه صار على مودي اني
اريد ارتاح ربي يفرجلك كل همومك
وهسه اني واخويه كل ما يدك التلفون نجفل عبالنه المنظمه
بالمناسبه
هو عنده عائله مكونه من خمس اشخاص
واني عائلتي مكونه من اربعه
ودننتظر الفرج
تحياتي الك وين انت موجود
واشكرك مقدما

[me3maria]

بارك الله بيك يااخية الشهم العراقي الاصيل
والله هاي شيمتكم يالعراقيين وهاي المرجية منكم
ربي يوفقك
تحياتي
اختك معمارية

[هاهيه لعد]

على راسي
الله يوفقكم جميعا

[ايثن تكساس]

السلام عليكم
الى الاخ عكعك وبصورة خاصة الاخ ايثن
اني احييكم وشاكر فضلكم لمحاولاتكم الصادقة لمساعدة اخوانكم بالشكل الذي تقدرون عليه
حاليا اني انتظر الفيزا انهيت المقابلة يوم 8\3\2011  ووجهتي الى هيوستن تكساس
سمعت كثير من الكلام الذي يخص المنظمات وما تقوم به للاجئين وكيفية تسكينهم وايجاد عمل لهم والذي يسوده الاهمال من قبل المنظمات 
ف بصراحه عندي اكم سؤال اذا امكنك الجواب عنه او اي احد ممن لديه لمعلومة
في حال وصولي الى هيوستن (اول ايام )وقامت المنظمة بتسكيني بمكان سيئ او بعيد واردت تغييرها اي تأجير بمكان اخر انا اختاره فهل هذا الشيئ ممكن او لا    ؟؟؟؟؟   
وأن امكن هذا التغيير فهل يشمل الثأثيث او لا  ؟؟؟؟؟
وانا شاكر جدا لمساعدتكم
اخوكم جورج 

أخوية العزيز جورج  انت من تجي من حقك متبقى بالشقة مالتج يعني اتكوللهم هاي شنو الشقة واني ما اريد ابقى بيهة ولتوقع على العقد  لو انت جاي على كفيل بلغ هلشي للكفيل كلة لتكتب عقد لغير ما اجي وبلكي هوة ايكوللهم  اني استقبلة اول يوميين من يجي وهوة يستلم فلوسة وهوة ايئجر ويشتري اغراض هلشي احسن وسويتة وية اهلي كلهم
وبجالة انت مجاي على كفيل فة اول متوصل شوف الشقة وشوف الاثاث ترة المنضمات حراميةةةةةةة اجيبلك شغليتن 3 وتكولك هاي هية  حاسبهم بالمليم ولو معجبك كلهم اني ممجبور استلم هاي المواد وممجبور اكعد بهاي الشقة
 

[ايثن تكساس]

السلام عليكم
اول شي مشكور عزيزي ايثن على هذه البادره الاكثر من رائعه
واحتمال 80% اني يمك بهيوستن لان صار ويايه موقف مدوخني
داعيك مقدم من نهاية 2009 او بداية 2010 مدا اتذكر
بس شلون صار تقديمي
عندي اخويه مقدم من 2008 وهو سوالي اضافه على ايميله ودزولي كيس نمبر يختلف عن الكيس نمبر مالته
المهم قابل اولى وثانيه واني هم قابلت اولى وثانيه وفحص طبي ودوره تثقيفيه وهو ورايه فحص طبي ودوره تثقيفيه
اني نطيت عنوان كفيل صديقي بمنطقة اميرلو وهو ناطي عنوان الكفيل بهيوستن
الكفيل مال اخويه خابره وكله انه هو وقع اوراقه
وبعد شكم يوم خابر على اخويه وكله انه المنظمه دزت عليه علمود يوقع اوراقي وبالفعل الولد هم صديقي او وقع اوراقي
السؤال:
اني راح اروح لهيوستن لو لاميرلو
وثاني شي ااذا لهيوستن اني واخويه تكون سفرتنا سوه يعني بيوم واحد لو شلون
وهل من المعقول انه تاخير اخويه صار على مودي اني
اريد ارتاح ربي يفرجلك كل همومك
وهسه اني واخويه كل ما يدك التلفون نجفل عبالنه المنظمه
بالمناسبه
هو عنده عائله مكونه من خمس اشخاص
واني عائلتي مكونه من اربعه
ودننتظر الفرج
تحياتي الك وين انت موجود
واشكرك مقدما

والله يااخويةما اعرف شكلك بس هيجي ميصير هيجي دتخبرط انت بقضيتك اثبتلكم على كفيل وامشو علية ياما تختارون الي بهيوستن يا اما الي بغير ولاية 
لان بهاي الحالة رح تتئخر كيستكم يعني كمثل انت الكفيل الاول بهيوستن وقع الكفالة وبعديين وقع الشخص الثاني الي بغير ولاية لازم اوراقك تتحول للولاية الثانية وتحويل الاوراق يستغرق وقت
هلشي صار وياية وجان غلطتي ولو اني متئخرت معاملتي اكثر من 9 اشهر
بس حاول تثبت على مكان معين وامشي علية
والله ايسهلك
ايثن

[me3maria]

اخوية العزيز ايثن
 ردت اسالك سؤال احنه الكفيل مالتنة في فينكس اريزونا والمنظمة هي نفسهه مالت الكفيل اللي هي (الاي  ار سي)  بس حسب مافتهمت من الاعضاء يكولون ان اريزونا تعبانة ومابيهه شغل وحارة جدا وبعد ان قريت موضوعك بصراحة صارت عندي فكرة ان انتقل الى تكساس بعد ان اصل (لاني للان بانتظار موعد السفر)
فاذا انتقلت شلون؟ اكو فرع لمنظمتي اللي هيه (الاي ار سي) لو راح يحولوني الى غير منظمة وشنو الاحسن ؟
اسال النصيحة
وتحية طيبة من القلب لك يااخي

[ايثن تكساس]

والله ما اعرف كلشي عن اريزونا
بس بالنسبة للمنضمة عادي كلش طبيعي  تتحوليين لهيوستن بس انتي اشون رح تجين على هيوستن ؟ يعني عندج كفيل هناك ؟
ميهم وين ما الكفيل مالتج ايكون انتي رح اتكونين على منضمتة  وحتى لو اجيتي ومعجبتج المنضمة تكدريين بكل بساطة اسديين كيستنج يم المنضمة وتفتحيين يم وحدة لخ 
بالنسبة لهيوستن مثل مكتلج اكو ناس دتشتغل بدل الشغلة 2
بس لازم ترضون بالشغل الي بيهة يعني مو ما اشتغل بمعمل وما اوكف 8 ساعات
لان هواية صارت مشاكل وية المنضمة هنا على هلا اساس