عودة بعد غياب سنتين رجعت لكم ومستعدة للاجابة على اسئلتكم

[ام توفي]

السلام عليكم ورحمة الله وبركاته

مشتاقة للجميع وادعو من الله ان تكونوا بخير

اعلم باني غبت عنكم مدة سنتين وهذه مدة طويلة جدا ولكن يعلم الله ماهي المشاغل التي حاوطتني بعد وصولي

انا الان في امريكا وقد مضى علي سنتين وانا اعمل مسؤولة قضايا العرب والمسلمين باحدى وكالات التوطين في امريكا وبالتحديد تكساس دلاس فورت وورث فاذا كان لاي احد اي سؤال انا حاضرة لكي اجيب عن اسئلتكم واتمنى ان افيدكم كما افدتموني من قبل
سلامي للجميع ودعوات مني لكم بالامان والصحة والسلامة.

اختكم ام مصطفى

[allami2004]

اهلا وسهلا بام مصطفى وبالموفقيه بحياتج الجديده والله يرزقج وتعشين بسلام ان شاء الله

تحياتي اللامي

[angie-dawood]

اهلا وسهلا اختي ام مصطفى منوره المنتدى من جديد

[ام توفي]

اشكرك الشكر الجزيل انجي و اخي علي وانشاء الله اكون عند حسن ظنكم

تحياتي
ام مصطفى

[ابو حمزة الكرخي]

اللام عليكم بلا زحمة عيني ام مصطفى بلكي تسئلينة على موضوع الطيران

[abuhatem]

تحية الى اختنا ام توفي وشكرا للاستعداد على جواب الاسئلة ، وعندي سؤال
عندي اطفال من طليقتي ، فاذا وصلت امريكا ، ما هي اسرع طريقة لكي اطلبهم؟ علما ان مقدم مباشر على IOM
واذا كان عندكم جواب لسؤالي فهل يمكنني الاتصال بكم تلفونيا حتى افهم التفاصيل؟

[ام توفي]

عيني ابو حمزة شنو سؤالك بالضبط

[ام توفي]

تحية الى اختنا ام توفي وشكرا للاستعداد على جواب الاسئلة ، وعندي سؤال
عندي اطفال من طليقتي ، فاذا وصلت امريكا ، ما هي اسرع طريقة لكي اطلبهم؟ علما ان مقدم مباشر على IOM
واذا كان عندكم جواب لسؤالي فهل يمكنني الاتصال بكم تلفونيا حتى افهم التفاصيل؟

ابو حاتم

السؤال هنا هل انو الام قابلة انو تنطيك الاولاد اذا الجواب نعم فلازم تحصل منها رسالة خطية تكتب بيهة تنازلهة عن الاولاد وتوقعهة وتحط بيهن شهود ثنين اخاف تقلب حتى بعد متقدر

وخلال اول شهر تكدر تروح على قسم المهاجرين بالمنظمة مالتك وتنطيهم هذي الاوليات وهمة يقدمولهم وهاي العملية تاخذ 13 شهربالزايد

[abuhatem]

شكرا اختي على الجواب المشجع والمفرح ، بس عندي كم سؤال بالتفاصيل فارسلت رقمي على الخاص او ترسلون لي رقمكم اتصل بيكم ، مشكورة

[ايثن تكساس]

 اشونج عيني ام مصطفى شخبارج

عندي سئوال الله ايخليج عندي خالتي جانت هنا با اميركا وعدها كرين كارت  وهسة نزلت لمصر وازوجت واحد مصري  وتريد ترجع هية ورجلهة لا امريكا اشون تكدر اتفوت رجلهة ؟
علما انو احنى بتكساس هيوتسن

ياريت اكو رقم تلفون او شي حتى احد يكدر يتصل بيكم ويستفسر على هلشي

اخوج ايثن

[ام توفي]

شكرا اختي على الجواب المشجع والمفرح ، بس عندي كم سؤال بالتفاصيل فارسلت رقمي على الخاص او ترسلون لي رقمكم اتصل بيكم ، مشكورة

اتدلل اخوية

انشاء الله اني اشوف انسب شي.

طبعا اني افضل ان يكون الكلام مفتوح للجميع لغرض الاستفادة بس انشاء الله اتصل بيك او انطيك رقمي

[ام توفي]

اشونج عيني ام مصطفى شخبارج

عندي سئوال الله ايخليج عندي خالتي جانت هنا با اميركا وعدها كرين كارت  وهسة نزلت لمصر وازوجت واحد مصري  وتريد ترجع هية ورجلهة لا امريكا اشون تكدر اتفوت رجلهة ؟
علما انو احنى بتكساس هيوتسن

ياريت اكو رقم تلفون او شي حتى احد يكدر يتصل بيكم ويستفسر على هلشي

اخوج ايثن

عيني ايثن

اولا خالتك اشكد صارلهة بمصر لازم تكون المدة متتجاوز الست اشهر

ثانيا تكدر تسحب زوجهة بطريقتين:

طبعا كلهة على اساس انو هية لازم ترجع الامريكا

اما تحصل فيزة زيارة ومن يجي هنا عندة من اول يوم لغاية سنة يقدم على انو يكول اسايلي يعني يكتسب صفة اللجوء وياخد الكاش اسستنت بس مياخذ هدية الحكومة

لازم يقدم هوة من مصر وهية تنطي اسمة ورقم القضية مالتة المنظمتهة حتى يمشولهة بمعاملتة.

[ايثن تكساس]

صارلهة شهر هناك هية 

يعني هسة لازم هية ترجع لا اميركا  وتقدملة فيزا زيارة ؟ طيب هلشي اشكد ايطول حتى يجي ؟ ومضمونة ينطوهة ؟

وشون هوة ايقدم هناك ؟ ووين ايقدم يعني هوة مصري مو عراقي او شي حتى ايروح للاي او ام ويقدم ؟

[ام توفي]

صارلهة شهر هناك هية 

يعني هسة لازم هية ترجع لا اميركا  وتقدملة فيزا زيارة ؟ طيب هلشي اشكد ايطول حتى يجي ؟ ومضمونة ينطوهة ؟

وشون هوة ايقدم هناك ؟ ووين ايقدم يعني هوة مصري مو عراقي او شي حتى ايروح للاي او ام ويقدم ؟

اسفة ايثن منتبهت انو هوة مصري

لعد ما بقة غير انو هية ترجع وتقدملة وتاخذ هيج معاملات 13 شهر واي مضمونة اما اذا اجة فيزة زيارة وهوة مصري فما اعتقد انو تاخذ اكثر من شهرين ومن يجي يقدم على الاسايلي
وهم ممكن انو تروح هيا وياه للسفارة الامريكية بمصر ويسالون ويشوفون شيكللولهم بس ميعوفون اي مستندات يمهم حتى اذا نوة يسوي فيزة زيارة محد يمانع القصد انو حتى ميلكفون انو هوة مراح يرجع المصر

[ايثن تكساس]

 شكرا جزيلا اختي العزيزة ام توفي وماقصرتي

[العراق بدمي]

كل الهلا بيج أم توفي وبارك الله بك لمساعدتك الأخوة والأخوات وألله الموفق.
تحياتي

[sparky]

خيتي وتاج راسي ام توفي - يحفظلج توفي ( مصطفى والجهال وابو الجهال ) اللهم امين بجاه رب العالمين
جزاك الله الف خير على الرجوع والتواصل من جديد وهذه يدل على نبل الاخلاق التي تملكونها بدون ادنى شك
الله يحفظكم ويخليكم ومادام انتم بمجال الهجره عملكم فينرادلكم خلك علمود تجاوبون المساكين العراقيين اللي محتاجين اجابات لاساله مدمره اعصابهم ويريدون يعرفون ويتشبثون بامال الامن والامان باذن الله

اخوكم سباركي - الامارات

[ام توفي]

ايثن العفو خوية واتدلل

اخواني العراق بدمي وسباركل وبالمهلي مشكورين الله يحفظكم وانشاء الله ما اقصر باللي اكدر عليى واكثر شوية

[حلم السفر]

ام توفي
اهلا بيك

ممكن سؤال

اني مقابل محلف من شهر الثاني 2010 ومكمل فحص طبي بسنة 2010
وعدت الفحص الطبي هاي السنة 2011
وقبل كم شهر خلوني على جدول السفر وبعدها اجت التجيكات الامنية الجديدة ورجعوني على التجييك الروتيني
المنظمة حددولي ولاية العام 2010 في تكساس ولحد الان ماكو شيء جديد بس انتظر؟ يا ريت توضحيلي اكو امل ينطونا مواعيد سفر قريبة؟

حلم السفر

[DEFA-AL-AIRAQI]

اهلا وسهلا بعودتج الينا وللمنتدى وبارك الله فيك على استعدادج الى الاجابة على الاسئلة وشكرا لكي مرة ثانية نسأل الله ان يوفقج بعمل الخير

[umahmad]

اختي ام توفي الحمد لله على السلامة
واهلا وسهلا بيج
وانشاء الله وجودج فاتحة خير
على جميع العراقييين
يا راب

[ميمي2010]

مشكورة ام مصطفى على الردود الحلوة ........وبارك الله بيج حبيبتي والله يكثر من امثالج

[الزبيدية]

اهلا بك ام مصطفى والله يوفقك لعمل الخير وان شاء الله متقصرين وبصراحة عندي الك سؤال جدا ضروري بالنسبه الي ولكل المنتظرين اللجوء لامريكا لان بصراحة اللي دينتظرون عددهم جدا كبير واحنة كلنه دايخين عن سبب التاخير ليش دتطول معاملاتنهم بالاي او ام يعني احنة قدمنه بداية عام 2010 وقبل شهر ياله قابلنة اولى  واكو ناس قبلنه بكثير وهسة ياله قابلو اولى  وليش الموافقة الامنية تستغرق وقت طويل واللي يحصل على موافقة ايضا يظل ينتظر اكثر من شهر وربما اشهر حتى يجي موعد سفر وربما من يصير موعد السفر ينطوه تاجيل وتساؤلات هواية مدا نلكه الهة اجابة ارجو ان تفيديني وتفيدين اعضاء المنتدى اللي ينتظرون اجابتك بفارغ الصبر حتى لو معلومه بسيطة واكون شاكرة الك جزيل الشكر

[WILLIAM BANO]

حبيبتي ام توفي 
انتي كلتي ان  متجاوز عن ستة اشهر خارج امريكا زين هي مو على ساس صارت سنة الا يوم لان اني خارج امريكا 8 اشهر واريد ارجع مع العلم اني هسة بسويد يم زوجي واريد ارجع واسوي معاملة سحب زوجي الى امريكا هو عراقي بس عنده جنسية سويدية  يعني هسة ماكدر ارجع واسوي معاملة عندي كرين كارت
شكرا الج ارجو ان جاوبيني باسرع وقت لان صرت قلقة حيل

[فانتوم]

اهلا وسهلا بيج اخت ام توفي ومنوره المنتدى وعندي سؤال:
اني المنظمة اتصلو بالكفيل وخابرني الكفيل وكالي وقعت عند المنظمة بس هوه كالي انه هاي المنظمة تعبانة وهية اسمهه Soar بولاية اوريكون وسؤالي هو هل فعلا هاي المنظمة تعبانة؟ وهل بالأمكان التحويل عىل منظمة ثانية افضل منها؟
ارجو الأجابة وتحياتي