مراحل اللاجي بعد مجيئة الى امريكا / المرحلة الاولى

[ام توفي]

كلنة نجي عن طريق IOM وبعد ما تتم الموافقات والمقابلات والفحوصات المطلوبة نتحول على برنامجUSRAPواللي راح تتكفل بكل شي من معاملات الهويات والفود ستامب واللقاحات وبعدين تخاطب احدى الشركات العالمية اللي منهة CWSو LIRSهذول الشركات راح تتكفل موضوع قرض الطيران اللي راح اتدفعوه انشاء الله بعد ست اشهر من مجيئكم ( اقساط طبعا لا تخترعون) وهذولة همة اللي راح يتكفلون موضوع تحديد موعد السفر.

المنظمة راح تستلم موعد السفر قبل اسبوعين من وصول اللاجئ او المهاجر تقوم على اساسها بتوفير الامور المطلوبة من تهيئة ملف والاتصال بالكفيل اذا كان موجود وتحضير السكن والاثاث المناسب والمسواك المناسب طبعا هذا عموما اما بالنسبة لولايتي ومدينتي بالذات احنة مفهوم الكفيل انو شنو الشي اللي يحب يساعد بيه يعني بين قوسين المنظمة كلشي تحضر

المهم

اتصل بمجمع السكن اللي نسكن بيه لاجئن طبعا يكون عندي معلومات كافية عن القادم الجديد فعلى اساسهة اختار الشقة يعني مثلا كم غرفة اذا ناس كبار بالعمر احاول ان اختار الشقة طابق ارضي وهكذا المهم أأمن الشقة وبعدين اتصل بشركة الاثاث طبعا اثاث مستعمل حتى نكدر انوفر اكبر مبلغ ممكن من فلوس اللاجئ احول أأثثلة الاثاث البسيط والاساسي جدا وبعدين مديرتي تنطيني فلوس انزل للسوك اشتري اللحفان والمخدات والشراشف والاكل والغذائية مثل التمن والشكر واللحم الخ.......

ارجع للشقة ارتب كل هاي الامور وبعدين اما نفس اليوم او اليوم التالي اطلع للمطار استقبل القادم الجديد واكون موصيتلة على اكل غدة او عشة حسب الوقت اللي راح يوصل بيه

وبعدين ثاني يوم ازورة وانطيه مصرف الجيب اللي هوة 75 دولار لكل نفر بغض النضر عن العمر ويبدا المشوار اخذهم للسوشيل واقدم على الفود ستامب والمدكيت وهوية العمل وكل ما يحتاجة اللاجئ بما فية تحويلة على برنامج مساعدات مالية.....

وكافي تعبت انشاء اله ارتاح واكمل

[messi10]

يعطيج العافية ام توفي انشالله مكتوبلنة الوصول و نكدر نساعد الناس و نسوي خير مثل حضرتج ... الله يحفظ و يوفقج

[hussam2010]

كلنة نجي عن طريق IOM وبعد ما تتم الموافقات والمقابلات والفحوصات المطلوبة نتحول على برنامجUSRAPواللي راح تتكفل بكل شي من معاملات الهويات والفود ستامب واللقاحات وبعدين تخاطب احدى الشركات العالمية اللي منهة CWSو LIRSهذول الشركات راح تتكفل موضوع قرض الطيران اللي راح اتدفعوه انشاء الله بعد ست اشهر من مجيئكم ( اقساط طبعا لا تخترعون) وهذولة همة اللي راح يتكفلون موضوع تحديد موعد السفر.

المنظمة راح تستلم موعد السفر قبل اسبوعين من وصول اللاجئ او المهاجر تقوم على اساسها بتوفير الامور المطلوبة من تهيئة ملف والاتصال بالكفيل اذا كان موجود وتحضير السكن والاثاث المناسب والمسواك المناسب طبعا هذا عموما اما بالنسبة لولايتي ومدينتي بالذات احنة مفهوم الكفيل انو شنو الشي اللي يحب يساعد بيه يعني بين قوسين المنظمة كلشي تحضر

المهم

اتصل بمجمع السكن اللي نسكن بيه لاجئن طبعا يكون عندي معلومات كافية عن القادم الجديد فعلى اساسهة اختار الشقة يعني مثلا كم غرفة اذا ناس كبار بالعمر احاول ان اختار الشقة طابق ارضي وهكذا المهم أأمن الشقة وبعدين اتصل بشركة الاثاث طبعا اثاث مستعمل حتى نكدر انوفر اكبر مبلغ ممكن من فلوس اللاجئ احول أأثثلة الاثاث البسيط والاساسي جدا وبعدين مديرتي تنطيني فلوس انزل للسوك اشتري اللحفان والمخدات والشراشف والاكل والغذائية مثل التمن والشكر واللحم الخ.......

ارجع للشقة ارتب كل هاي الامور وبعدين اما نفس اليوم او اليوم التالي اطلع للمطار استقبل القادم الجديد واكون موصيتلة على اكل غدة او عشة حسب الوقت اللي راح يوصل بيه

وبعدين ثاني يوم ازورة وانطيه مصرف الجيب اللي هوة 75 دولار لكل نفر بغض النضر عن العمر ويبدا المشوار اخذهم للسوشيل واقدم على الفود ستامب والمدكيت وهوية العمل وكل ما يحتاجة اللاجئ بما فية تحويلة على برنامج مساعدات مالية.....

وكافي تعبت انشاء اله ارتاح واكمل

نسيتي شغلة وتاخذيهم على الطبيب ويقوم بأخذ الفحوصات واجراء التلاقيح واستلامهم الكارت الاصفر الخاص بجدول التلاقيح الي هوة مهم عند التقديم على الكرين كارت      

[ام توفي]

شكرا حسام على التذكير بس ما نسيت اني اصلا بعدني ممكملة كلام هههههههههههههههه

كلت خلي اروح اكمل شغل البيت وانشاء الله باجر الصبح اكمللكم حبايب

[عراقي مدريدي]

الله يبارك بيج اختي العزيزة ويكثر من امثالج
على هذا الشرح المفصل والمختصر بنفس الوقت

[y3soob]

مشكورة او توفي و نتمنى نسمع منج اكثر.. و يا ريت لو تكوليلنا شكد اعداد اللاجئين هاي السنة و هل اكو امل ان تزيد لو راح تبقى الطابوكة نايمة علينا؟؟

[عراقي متعب]

شكرا ام توفي على الموضوع وحلو العنوان (مراحل نمو اللاجئ) ههههههههههه .... المهم ام توفي ممكن اعرف باي منظمة تعملين لان اني اعمل بمنظمة بصفة كونسلر واعمل على مساعدة اللاجئين في بعض الامور والاحتياجات ولكن اصلا اني ما صارلي سنة من اجيت وصارلي شهرين من تعينت فما عندي ذيج الخبرة لذلك اتمنة اكدر اتواصل وياج لاني عندي بعض الاستفسارات حتة تصير عندي الفكرة واضحة حول اجراءات التعامل مع اللاجئ الجديد .... شكرا واسف للاطالة ....

[ميمي2010]

شكرا حبيبتي ام توفي الله يوفقج يارب ويفتحلج ابواب الرزق مثل مدتعينين اخوانج
والف شكرا على هذا الشرح الوافي

[umahmad]

شكرا اختي ام توفي الله يوفقج
وانشاء الله تساعدين كل اخوانج واخواتج

[غزوان الاعظمي]

الله يجزيج الخير اختي و ما قصرتي

تحياتي لكِ

[علي النعيمي]

الف شكراا عالموضوع بس عجبتني فقرة مراحل نمو الاجيء

[ahmedIraqi]

الف شكر اختي على الاجوبه الرائعه

[فانتوم]

عاشت ايدج اختي ام توفي على هذا التوضيح بس حبيت اعرف انتي بيا ولاية؟ وبيا منظمة تعملين؟ تحياتي

[ام توفي]

السلام عليكم ورحمة الله وبركاته

شكرا جزيلا على مروركم اللطيف جدا وانشاء الله ابذل قصارى جهدي حتى ارد على اجوبتكم يا اخوان هنيالة اللي يسوي خير على كولتنة العراقيين

اما بالنسبة لي اني Case Manger في احدى وكالات التوطين في تكساس دالاس وتحديدا فورت وورث منظمتي اسمهة Refugee services of Texas وفروعها فقط في تكساس فاللي يحب يجي يمي اخليه على عيني وراسي ومية هلا بيكم اني وصلت الامريكا 19/5/2009 واشتغلت يوم 17/08/2009 في نفس المنظمة اللي اجيت عليهة ولحد الان والحمد لله مستمرة

عموما الاجئين بالفترة الاخيرة قلوا كثيرا عن السابق بسبب ان عملية اللجوء الى امريكا اتاثرت بتقليل ميزانية امريكا عدهم ازمة اقتصادية فرادوا يطلعون من هاي الازمة بدون اللجوء الى الديون فقرروا انو يستقطعون من الميزانية وجنة كلش خايفين بس الحمد لله اللي تاثر جزء بسيط جدا واعتبارا من 01/05/2011 رجعو باشروا من جديد بالمعاملات وانشاء الله تسمعون اخبار زينة قريبا بس همة متشددين شوية على ينطية معلومات مو واضحة او تواريخ مو مضبوطة بس انشاء الله ما يمسكم شي وكلكم تطلعون

بالنسبة الية اخر عوائل استلمتهة جانت يوم 04/05/2011 عائلة من العراق و بعدهة 05/05/2011 ولد عازب من سوريا

واريد اخلي شي ابالكم انو معاملات سوريا دتمشي بطيئ بسبب اوضاع سوريا الله يفرج عنهم انشاء الله
ومعاملات العراق كلش زينة


تحياتي للجميع

[زهرة الصبار]

اختي العزيزة ام توفي الورده بارك الله بيج عالمعلومات القيمه وعلى هالمبادرة الحلوة
بس شو ماجبتي طاري الاردن وكيساتها شونها بطيئه سريعه لو نص نص
مع التحيات

[الزبيدية]

بارك الله بيك ام مصطفى(توفي) والله فرحتينه بكلامك هدا بس شنو قصدك ب(اللي ينطي معلومات مو واضحة او تواريخ غير دقيقة) ممكن توضحيلنه اكثر  والله يقدرك على فعل الخير

[umahmad]

عيني ام توفي
يعني واحد يحسب 6 اشهر على الامنية
من تاريخ مقابلة المحلف

اشكرج اختي

[عماربغدادي]

الله يبارك بيج اختنه ام توفي على المعلومات المهمه الي نستفاد منها احب اعرف الي يوصل ولاية تكساس مدينة اوستن هم اكو الويلكم وشكد المبلغ الشخص الواحد علمن اني من عمان وعلى iom ونتظر الامنيه والله كريم اخوج عمار بغدادي

[m7med95]

اختي العزيزة ام توفي السلام عليكم ونتمنى منك توضيح الله يحفظك

اختي ارملة وعندها ثلاث اولاد بنتان وصبي وطلعلها لجوء لامريكا

والحمد لله كملت المقابلات وحاليا تنتظر الامنية سوالها لك يا اختنا الكريمه

هل تستطيع ان تعيش بكرامة وخوفها يزداد يوم بعد يوم واذا قطعوا المساعدات شلون يعيشون

اخاف يشردوا ومتكدر ترجع علما اولادها دون 18سنة ارجو المساعدة يا اختنا  وشكرا مقدما

[الناسك]

بارك الله بكي اختي ام مصطفى وكثر الله من امثالج يا اصيلة ديري بالج على اخوتج العراقيين ... ما اوصيج اختي

[الرسام1973]

الف شكر اختى ...........

[ام توفي]

اختي العزيزة ام توفي الورده بارك الله بيج عالمعلومات القيمه وعلى هالمبادرة الحلوة
بس شو ماجبتي طاري الاردن وكيساتها شونها بطيئه سريعه لو نص نص
مع التحيات

عزيزتي

الكيسات من الاردن دتمشي بصورتها الاعتيادية وانشاء الله الفرج القريب

[ام توفي]

بارك الله بيك ام مصطفى(توفي) والله فرحتينه بكلامك هدا بس شنو قصدك ب(اللي ينطي معلومات مو واضحة او تواريخ غير دقيقة) ممكن توضحيلنه اكثر  والله يقدرك على فعل الخير

خيتي الزبيدية

يعني مثلا العراقيين الكبار بالعمر من صارت شهادة الجنسية كلهم خلو موايدهم 01/07 مع السنة وقبل ايكبرون ويصغرون بعمر اولادهم علمود المدرسة او الشغل او حتى العسكرية فاذا كلتوا لا هاي مو مواليدي الصحيحة مواليدي الصحيحة هية هالشكل ووالدي غيرها للسبب الفلاني اعتبروا علمود هالجلمتين راح تنعلسون شهرين هههههههههههههههههههه

او ما اتذكر اسم المدرسة او الاعدادية او اسم المنطقة

يعني الملخص خلو كلامكم واحد وواضح واذا جان اكو اي غلط من تجون عدلوه انشاء الله

انشاء الله اكون فدتكم

تحياتي للجميع[/color]

[ام توفي]

الله يبارك بيج اختنه ام توفي على المعلومات المهمه الي نستفاد منها احب اعرف الي يوصل ولاية تكساس مدينة اوستن هم اكو الويلكم وشكد المبلغ الشخص الواحد علمن اني من عمان وعلى iom ونتظر الامنيه والله كريم اخوج عمار بغدادي

خوية كل لاجئ من حقة انوا ينصرفلة الولكمنج هاي شي موحد في كل امريكا الشي اللي يخلفون بيه انو ناس تنطي 900 دولار وناس تنطي 1100 دولار[/color]

[ام توفي]

اختي العزيزة ام توفي السلام عليكم ونتمنى منك توضيح الله يحفظك

اختي ارملة وعندها ثلاث اولاد بنتان وصبي وطلعلها لجوء لامريكا

والحمد لله كملت المقابلات وحاليا تنتظر الامنية سوالها لك يا اختنا الكريمه

هل تستطيع ان تعيش بكرامة وخوفها يزداد يوم بعد يوم واذا قطعوا المساعدات شلون يعيشون

اخاف يشردوا ومتكدر ترجع علما اولادها دون 18سنة ارجو المساعدة يا اختنا  وشكرا مقدما

اخوية

الله يكون بعون اختك ويساعدهة يارب

قضية اختك تعتمد على الولاية اللي راح تروحهة والمنطقة اللي راح يسكنوهة بيهة

ولازم ومن الضروري جدا انو تشتغل حتى تعيش ولو وقت جزئي

راح تستلم مساعدات لازم توفر كل سنت تستلمة والحديث يشمل الجميع واولادهة راح يدخلون مدارس وبالبداية راح يدخلوهة صفوف انكليزي والمفروض بعد ما تستلم اوراقهة الثبوتية تقدم على البيوت الحكومية اذا طلعلهة البيت الحكومي راح 80% من القلق والتعب لان توفر السكن والمي والكهرباء وراح يكون عدهة فود ستامب للاكل وهذا هم هم جبير تبقى شطارة اختك وشطارت المنظمة انو تلكالهة شغل.

واني بالخدمة لاي مساعدة تحتاجوها

واحب اشكر كل اللي قروا وعلقوا على موضوعي وانشاء الله ما اقصر وياكم

[basma_mazen]

بارك  الله  بيج  اختي  والله  يجازيج  عن  الناس الف  خير  يارب

[hawkmemo]

الله يبارك بيج اختي على هذا المجهود الاكثر من رائع واحنه جنه محتاجين احد من قلب الحدث مثل ميكولون يساعدنا وينورنا الله يبارك بيج مرة ثانية وشكرا

[فانتوم]

شكرا جزيلا اخت ام توفي وجزاك الله خيرا على هاي الخدمة لأخوتك العراقيين وحقيقة المعلومات اللي ذكرتيها رفعت من معنوياتنا ورجعت الأمل واللي افتهمته انه التأخير في السفر خلال الفترة السابقة هوة تقليص الميزانية وليس التأخير الأمني؟ ارجو التوضيح.
ولدي سؤال اختي وهو ان كفيلي في ولاية اوريغون وراح وقع الأوراق بس هوه كالي المنظمة مالتك تعبانة واسمهه Soar فما اعرف هل الكلام صحيح؟ وهل استطيع التحويل الى منظمة اخى؟
وشكرا مقدما

[فارس الغربة]

مشكورة ام توفي موضوعك كامل وعاشت ايدك

[الزبيدية]

الف شكر الك اخت ام توفي على الرد وبارك الله بيك لكن ما فهمت قصدك (من تجون تعدلوهة) وعندي الك سؤال اخر اذا ما كو زحمة ممكن الواحد يعدل بكلامه او يضيف شي بمقابلة المحلفين لان بعض الاخوة يكولون ميجوز الزيادة او النقصان على كلام المقابلة الاولى لان هذا يضر بالملف فهل هذا صحيح وهل نقص المعلومات او دقتهة بالمقابلة الاولى تاثر على تاخير مقابلة المحلفين لان بعض المعلومات ما اعطيتهة بالشهر واليوم واعطيت تاريخ تخرجي من الاعدادية خطا باليوم والشهر لكن السنة صحيحة لكن من رجعت للبيت انتبهت على هذا الامر واسفة على كثرة اسئلتي لكن  انت كدها ان شاء الله واشكرك مرة ثانية













 

[فانتوم]

شكرا جزيلا اخت ام توفي وجزاك الله خيرا على هاي الخدمة لأخوتك العراقيين وحقيقة المعلومات اللي ذكرتيها رفعت من معنوياتنا ورجعت الأمل واللي افتهمته انه التأخير في السفر خلال الفترة السابقة هوة تقليص الميزانية وليس التأخير الأمني؟ ارجو التوضيح.
ولدي سؤال اختي وهو ان كفيلي في ولاية اوريغون وراح وقع الأوراق بس هوه كالي المنظمة مالتك تعبانة واسمهه Soar فما اعرف هل الكلام صحيح؟ وهل استطيع التحويل الى منظمة اخى؟
وشكرا مقدما

الأخت ام توفي اني ما زلت انتظر الجواب على استفساراتي ؟؟؟؟؟؟؟؟؟

[أبو قمر]

اولا الف حمد اله على رجوعك للمنتدى
ثاني شي سلامي لابو توفي لين ستوني يله عرفتكم شخصيا
وشكر لجميع المعلومات الي تقدميها لاخوتنا ويارب يبارك بيكم ويوفق كل الي وصل والي دينتظر
ملاحظة زغيرونه مراحل نمو الاجىء تختلف من شخص الى اخر اكو هوايا لاجئين مينمون باقين على المساعدات سنين طويله  واكو الي نموا وردو وصاروا شخصيا ت مهمة بمجتمع محترم 
 تحياتي
ابو قمر

[ام توفي]

شكرا جزيلا اخت ام توفي وجزاك الله خيرا على هاي الخدمة لأخوتك العراقيين وحقيقة المعلومات اللي ذكرتيها رفعت من معنوياتنا ورجعت الأمل واللي افتهمته انه التأخير في السفر خلال الفترة السابقة هوة تقليص الميزانية وليس التأخير الأمني؟ ارجو التوضيح.
ولدي سؤال اختي وهو ان كفيلي في ولاية اوريغون وراح وقع الأوراق بس هوه كالي المنظمة مالتك تعبانة واسمهه Soar فما اعرف هل الكلام صحيح؟ وهل استطيع التحويل الى منظمة اخى؟
وشكرا مقدما

اخي فانتوم اسفة على التاخير ارجو ان تعذرني

والله ما سامعة بهيج منظمة ابد خلي صديقك يسال زين قبل متروح وتتورط المهم خدماتهم لان المساعدات المالية هية هية متتغير بس المهم الخدمات

وبالنسبة للتاخير الامنية تاخذ 6 شهور والميزانية كانت سبب رئيس في التاخير وانشاء الله راح تشوفون تغيير بالاشهر القادمة

اذا تنطيني رقم تلفون المنظمة اكدر اسالك عنهة واريد اسمك ورقم الكيس مالك على الخاص رجاءا.[/color][/size]

[ام توفي]

الف شكر الك اخت ام توفي على الرد وبارك الله بيك لكن ما فهمت قصدك (من تجون تعدلوهة) وعندي الك سؤال اخر اذا ما كو زحمة ممكن الواحد يعدل بكلامه او يضيف شي بمقابلة المحلفين لان بعض الاخوة يكولون ميجوز الزيادة او النقصان على كلام المقابلة الاولى لان هذا يضر بالملف فهل هذا صحيح وهل نقص المعلومات او دقتهة بالمقابلة الاولى تاثر على تاخير مقابلة المحلفين لان بعض المعلومات ما اعطيتهة بالشهر واليوم واعطيت تاريخ تخرجي من الاعدادية خطا باليوم والشهر لكن السنة صحيحة لكن من رجعت للبيت انتبهت على هذا الامر واسفة على كثرة اسئلتي لكن  انت كدها ان شاء الله واشكرك مرة ثانية


حبيبتي بيج خير واتدللي

بالنسبة للتعدين كلشي لا تصلحون لان كل تغيير ياخذ تلاث اسابيع حتى يتفعل فعفية كلشي لا تغيرون من تجون انشاء الله كولو اسمي غلط او ميلادي غلط او اي شي غلط ممكن يصير

حبيبتي همة يعرفون كلش زين انو احنة بشر ومعرضين للنسيان بالاضافة انو همة يعرفون انو هذي المقابلة وية المحلفين بحد ذاتهة الهر رهبة لان مصيرية فاكيد يعذرون وحبيبتي المحلف قبل ميكعد كدامج تلكيه دارس ملفج كلش زين يعني لو حاس انو انتي ظامة شي او دتغيرين شي جان راسن سالج فلا تخافين كلشي تمام انشاء الله

واني بالخدمة










 

[/color][/size]

[ام توفي]

اولا الف حمد اله على رجوعك للمنتدى
ثاني شي سلامي لابو توفي لين ستوني يله عرفتكم شخصيا
وشكر لجميع المعلومات الي تقدميها لاخوتنا ويارب يبارك بيكم ويوفق كل الي وصل والي دينتظر
ملاحظة زغيرونه مراحل نمو الاجىء تختلف من شخص الى اخر اكو هوايا لاجئين مينمون باقين على المساعدات سنين طويله  واكو الي نموا وردو وصاروا شخصيا ت مهمة بمجتمع محترم 
 تحياتي
ابو قمر

عيوني ابو قمورة الورد اشلون ام قمر واشلون قمورة انشاء الله الجميع بخير واحنة نبعثلك سلام دائما ونسمع اخبارك الطيبة وفرحانيلك من كل قلوبناطبعا عن طريق مصعب

طبعا ابو قمر عرفتة بالمنتدى والتقيت بيه من وصلنة وهوة جاي قبلنة وهو اول شخص اخذنة للسوق العربي جنت ادور حليب نيدو الابني وطبعا اشكد ما احجيلكم هوة انسان راقي جدا وصاحب عزيمة واصرار وانشاء الله ينطيه على كد نيتة وطبعا صرت الكيس منجر مالتة من اشتغلت ههههههههههههههههههههه بس اني وياه ومجموعتنة اللي وصلت بهذاك الوقت عدنا ذكريات سيئة جدا مع المنظمة بس الحمد لله اتجاوزناها

وتعقيبا على كلام اخوية ابو قمر

اخوان اهم شي اذا تريد تعيش بامريكا لازم تحدد صرفك ولازم تشتغل وتسوي ميزانية قاسية حتى تكدر تمشي

تحياتي للجميع[/size][/color]

[أبو قمر]

شكرا عيني ام توفي على كلامك الطيب    موضوع تحديد الميزانية مهم جدا والاهم منكلشي انت شنوهدفك وشتريد توصل وامريكا بلدمفتوح اي طموح بيه مشروع وانت واجتهادك  انا مثل ما اغلب لاعضاء يعرفونوصلت امريما من قبل سنتين السنة الاولة كان الهدف الشغل ومعرفة خفاية البلد والحمد له بعد 25 يوم من وصولي اشتغلت اشتغلت اوبريتر يعني عامل واني مهندس كمبيوتر بعد شهر من شغلي اصبحت لاين ليدر يعنيمسئول خط انتاج وبعد 3 اشهر اتعينت بالشركة الرئيسية كسوبر فايزر ولحد الان نفس الشي ام قمر اولشي اتعلمت السياقة وبعد 3 اشهر قدمت دورة ترجمة لمحترفين باحدى المنظمات واتعينت بنفس المنظمة مترجمة بارت تايم بعدها ب 3 اشهر انقبلت بالول مرت كاشير بعدها حولت على قسم تصميم الكيك وبعدها على قسم الجرد الالكتروني يعني السنة الاولى مرت حققنا بيها الاهداف طبعا قمر ايضا دخلت داي كير ومدرسة بنفس الوقت وحاليا تحجي انكليزي احسن من عدنا رغم ان عمرها 4 سنين  طبعا شقنا الاولى طلعنامنها بمجرد انتهاء العقد وكعدنا بمنطقة محترمة جدا وراقية طبعالاالفو ستاماستخدمناه 3 اشهر وبعدهاانقطع ونسينا موضوعه لان محتاجيناه غير اول 3 اشهر السنة الثانية كان الهدف البدء بناء المستقبل دراسيا وماديا والحمد لله اشترينا بيت بمنطقة جدا راقية دفعنا ثلث المبلغ داون بيمنت والباقي اقساط على 15 سنة 490 دولار بالشهر البيت جدا حلو اربع غرف وصالون يني ايجار شقة غرفة وصلة حاليا البيوت فرصة بسب رخصها وبسب الاترست جدا قليلةالفائدة جدا قليلة  باقيلنا حاليا موضوع الماستر صارنا حوالي اربع اشهر دنحضر لجيار اي بصراحة الوقت جدا قليل يعني مو اكثرمن ساعة باليوم احناحاطين سنة انشاء اله وراح تبلش ام قمر اولا بالدراسة وتحول شغلها بارت تايم مسائي ولهذا السبب اختارت الولمرت للعمل فيه لان مكن تغير وقت لعمل على مدار الاربعة وعشرين ساعة  انا نموذج لمواطن عراقي وصل لامريكا وحقق جزء كبير من الي احلم بيه والحلم الاهم الي تحقهمن اول لحظة لوصولك هو احساسك بانك انسان المجتمع يحترمة لكونه انسان ليس لكونه اي شي ثاني 
طبعا اني اتكلمت بهذا الموضوع كرد على كثير من المتشائمين والخايفين قبل اصلا وصولهم
تحياتي

[فانتوم]

والله يا ابو قمر تجربتك الشخصية جدا مشجعه لنا وهي نموذج لمن يريد ان يبني نفسه في امريكا لأن بالفعل اللي يعتمد على المساعدتات راح يضل طول عمره يدور مساعدات ومراح يتقدم للأمام واتمنى نسمع منك عن تفاصيل اخرى وتجارب اخرى ناجحة حتى تسويلنه واهس لأن يمعود اكو جماعة والله خلونا نكطع الأمل , واتمنالك مزيد من الموفقية والنجاح

[فانتوم]

شكرا جزيلا اخت ام توفي وجزاك الله خيرا على هاي الخدمة لأخوتك العراقيين وحقيقة المعلومات اللي ذكرتيها رفعت من معنوياتنا ورجعت الأمل واللي افتهمته انه التأخير في السفر خلال الفترة السابقة هوة تقليص الميزانية وليس التأخير الأمني؟ ارجو التوضيح.
ولدي سؤال اختي وهو ان كفيلي في ولاية اوريغون وراح وقع الأوراق بس هوه كالي المنظمة مالتك تعبانة واسمهه Soar فما اعرف هل الكلام صحيح؟ وهل استطيع التحويل الى منظمة اخى؟
وشكرا مقدما

اخي فانتوم اسفة على التاخير ارجو ان تعذرني

والله ما سامعة بهيج منظمة ابد خلي صديقك يسال زين قبل متروح وتتورط المهم خدماتهم لان المساعدات المالية هية هية متتغير بس المهم الخدمات

وبالنسبة للتاخير الامنية تاخذ 6 شهور والميزانية كانت سبب رئيس في التاخير وانشاء الله راح تشوفون تغيير بالاشهر القادمة

اذا تنطيني رقم تلفون المنظمة اكدر اسالك عنهة واريد اسمك ورقم الكيس مالك على الخاص رجاءا.[/color][/size]

اختي ام توفي شكرا جزيلا على الرد بس ما افتهمت قصدج (قبل ما تروح وتتورط؟) يعني اكدر اغير المنظمة قبل ما اوصل؟ اذا ممكن تغيير المنظمة وتكدرين تسوين شي حتى ادزلج رقم الكيس على الخاص، بس ما اعرف تلفونهم بس همه عدهم موقع الكتروني www.soar.com وشكرا على التعاون

[(COBRA)]

ام توفي  الاخت العزيزه
الله يبارك بجهودج ..هسه اتوضحت الامور الي قسم من  السائلين  يسفسرون عنها
نرجو ان تستمري بايضاح الامور الغامضه التي تخص تاخير السفر والامنيات
تقبلي احترامي

[Bobby]

شكرا جزيلا ام توفي على المعلومات القيمة
عندي سؤال  ام توفي شكد ياخذ وقت في دالاس لاستخراج السوشيل وهوية العمل واجازة السياقة والحصول على الكرين كارد بالنسبة لي الاس اي في بحكم اتصالك بالمهاجريين وعملك في المنظمة مع الشكر

[sartar]

ام توفي
شكرا على هذا الموضوع الجميل .... وعاشت ايدج على مساعدة اخوانج العراقيين
اني طبعا مقدم على الاس اي في وقابلت شهر الثالث وننتظر رحمة الله حالي حال الكل 

ممكن اسئل عن المساعدات بولاية نبراسكا لانه اني مقدم على نبراسكا اريد اعرف شون يجهزون السكن وشكد الفود ستامب وفرص العمل وخصوصا بالاختصاص والمنظمات شونها هناك والولكم كاش

اتمنى عندج معلومات كافية لانه حتى خالي هناك صارلها 17 سنة بس ماعنده المعلومات القوية عن هاي الامور

شكرا والموفقية الج ولعائلتج ياربي

[ام راما]

مرحبا اختي ام توفي
 اسمعت ان الامنية تتاخر 6 اشهر يعني واذا طولت اكثر شنو الاسباب اني صار سنة انتظر الامنية اكو امل تجي لو لا موبس اني الكثير من الاخوة ينتظرون   وعندي طلب اذا ممكن تنطينا عنوان اي جهة نكدر اراسلهم ونسالهم عن وضعنا وخصوصا الكل تعرق وضع سوريا حاليا والمفروض ايعجلون بتسفيرنا موياخرونا  شكرا للك اختي جزاك  اللة  الف خير

[hussam2010]

شكرا جزيلا ام توفي على المعلومات القيمة
عندي سؤال  ام توفي شكد ياخذ وقت في دالاس لاستخراج السوشيل وهوية العمل واجازة السياقة والحصول على الكرين كارد بالنسبة لي الاس اي في بحكم اتصالك بالمهاجريين وعملك في المنظمة مع الشكر

السلام عليكم الاخ Bobby
حجاوبك ومن رخصة الاخت ام توفي اذا تسمح
اخي السائل المدة لأستخراج المعاملات التالية
1 - السوشل سكيوري مابين اسبوعين الى شهر يطلعلك السوشل من تاريخ تقديمك عليه
2 - هوية العمل هاية  الهوية عامتا ما اطول اقصى حد اسبوعين او 3 بس المنضمة هية الي راح اتقدملك عليه (المفروض )
3- اجازة السوق هاية تبقة انتة وشطارتك بعد اجتيازك الامتحان الكتابي وامتحان اختبار الشارع ممكن من اول شهر او يجوز سنة وحسب شطارتك بعد

[ebnaliraq]

رحم الله والديج

[Bobby]

شكرا جزيلا  وتسلم حبيبي حسام 2010

[عراقي كرادي]

جزيل الشكر

[ام توفي]

اخوية فانتوم قصدي وضع الولاية مو مهمة المساعدات بقدر ما انو تسال اشلون فرص العمل هناك اذا زينة روح واتوكل على الله
اما موضوع تغيير المنظمة فالافضل من تجي تغير باول تلاثين يوم.

خوية كوبرا

اخر المعلومات اللي وصلتنة انو سبب التاخير هوة تقليل الميزانية العمومية مالت امريكا وميزانية الاي او ام تاثرت حتى قللوا الاعداد مال القادمين الى امريكا بلكي نستبشر خير ما بعد شهر العاشر انو يرجعون الاعداد القديمة وانشاء الله نشوفكم يمنة بامريكا بجاه العزيز القوي.

اخوية العزيز بوبي وحسام 2010 شكرا جزيلا حسام على الرد الرائع وخوية بوبي اذا تحب بعد توضيح اني حاضرة.

اخوية سارتار

انشاء الله الفرج العاجل وانشاء الله اسالك عن نبراسكا بس عموما جميع الاخبار اللي اعرفهة عنهة بمعاملت اللاجئين زينة بس اشوية بارد الجو عدهم ههههههههههههه وهو المطلوب.

اختي العزيزة ام راما

مثل ما كلت التاخير بسبب تقليص ميزانية امريكا واني اعرف اذا كان عند مقدم طلب اللجوء لازم يخاطب الاي او ام بس انشاء الله باجر اشوف اذا اكو ايميل ثاني واذا اكو انشاء الله انزلة على الصفحة الرئيسية حتى الكل تستفاد منة.

ابن العراق والعراقي الكرادي الشكر الكم اخوتي على المرور اللطيف

وارجو من الجميع ان يعذروني اذا كنت تاخرت بالرد سامحوني.

اختكم ام مصطفى
 

[كآبه]

مرحبا اختي العزيزه ام توفي حبيت اسالك احنا كفيلنا وقع اوراقنا بالمنظمه وراها اتصلت بالهجره الدوليه داشوف اللمنيه واصله كالتي مواصله ومعاملتك بعد تتاخر  وره اسبوعين هم اتصلت نفس الكلام كالتي كلتها ليش كالت الامنيه مو بسرعه تكمل المهم اريد اعرف هل الهجره تعرف لو الموظفه بكيفها تحجي وشكد المده وره ميوقع الكفيل ندخل الدوره بارك الله بيج

[ام توفي]

اخوية العزيز

اكيد الموظفة تعرف بس همة ما ادري اشبيهم ما اعرف ممنوع لو شنو ليش ميجاوبون الناس هاي وحدة

ثنين واسمعهة كلمة مني ماطول وصلت اوراقك للمنظمة يعني موافقين عليك امنيا بس مو مية بالمية يخللولهم فد خمسة بالمية منا الحد متسافر اخاف تسوي شي بهاي الفترة حتى يرفضون الملف. انشاء الله السفر القريب يارب.

[فانتوم]

الشكر الجزيل والأمتنان للأخت ام توفي على هذا الجهد لمساعدة اعضاء المنتدى وجزاك الله خير الجزاء وجعله في ميزان حستناتك.
عندي سؤال وهو هل ان توقيع الكفيل لللأوراق عند المنظمة يعني ان نتيجة الأمنية ايجابية؟ وكم يستغرق وقت لتحديد موعد سفر بعد توقيع الكفيل للأوراق؟ لأن اني من شهر الثالث الكفيل وقع اوراقي ولحد هسه كلما اسأل الهجرة يكولون تجييك امني؟
وشكرا جزيلا وممنون

[ام توفي]

اخوية فانتوم

اي عيوني مثل ما كلت سابقا هية بمجرد ما وصلت اوراقك للمنظمة هي  موافقة بس مو 100% يعني يخلولهم فد 5% اخاف تسوي شي منا الحد يوم السفر يضلون يتحرون عليك.

بالنسبة المواعيد السفر فما اكدر اجزملك الرد بس اكولك بحكم الخبرة والتعامل مع هيجي قضايا فمن بعد استلام الاوراق لحين السفر والمجيئ الامريكا مدة تتراوح مابين شهر واربع اشهر والله اعلم يجوز اطول ايجوز اقل