اللجوء في استراليا

[R-bio]

انا مواطن عراقي اعيش بالعراق لكني ارزح تحت وطئه خنقه الظروف القاسيه هنا بكل نواحيها واخطط منذ مده للسفر الى استراليا لكني لا اعرف الطريقه لحد الان واريد ان اعرف هل يوجد لجوء في استراليا للعراقيين ارجو ان احصل على مساعدتكم في ارشادي الى الطريق الصحيح للوصول هناك ولكم مني فائق الشكر

[علي النعيمي]

اخوية هوة نكدر نكول موجود بس نسبة القبول اللجوء للعراقيين كلش قليل واكو رفوضات هواية واكو طريق التهريب وماانصح بية ابداااااااا فالافضل تقدم هجرة او تقدم اللجوء عن طريق اليو ان باحدى دول الجوار وتعتمد علة الادلة الي حتقدمهة الي تثبت انو انتة مهدد او مظطهد وتاخذ وقت من سنة فما فوق واكيد حيطلعلك امريكا مو استراليا لانو استراليا كلش قليل ديطلعلهم لجوء عن طريق اليو ان واذا انت مصر علة استراليا قدم هجرة عن طريق الموقع الرسمي وياخذ وقت من سنة الى 5 سنين بس هناك لازم تعتمد علة نفسك وحتة اجرة الطيارة وكلشي عليك ميدفعولك فلس احمر واذا تريد اكو لجوء انساني بس شرطهة لازم تكون باحدى دول الجوار تركيا الاردن سوريا ويفضل عنك كفيل استرالي ويفضل عندة جنسية وهم لازم عندك قصة قوية واثباتات تثبت اظطهادك وهم تاخذ وقت وهم بيهة رفض فاني اشو الافضل اذا متمكن ماديا قدم هجرة وعلة نظام النقاط حتعرف انتة  مقبول اول لا صح هية تاخذ وكت بس احسن من التهريب الي هسة قل كلش لانو السلطات باستراليا واندنوسيا وباقي الدول ظيقوا عالاجئين هذا مختصر مفيد فانت عاد بكيفك