اخواني العراقيين الشرفاء مساعدة جزاكم الله خير الجزاء ؟

[Mohammedrk]

اخواني الله يحفظكم
انا شاب عراقي
في العراق احتاج اي عمل عند الامريكان
حتى لو كناس وفي اي مكان
انا تعبان جدا واموري المادية تعبانة
وعندي عائلة من ثلاثة اطفال
وانا حاصل على بكلوريوس
ولست جيد في الانكليزية
اريد ان اخرج من العراق عند العمل مع الامريكان
رحم الله والديه اللي يساعدني
لم اسرق في يوم من الايام ولم اغش احد ولم انافق ولم اكذب
ولم ادخل الى اي مركز شرطة او محكمة
انا احتاج عمل حتى لو لمدة اسبوع واحد حتى اقدم على الهجرة
انا تعبان كلش كلش كلش
بحيث اني اعيش مع اهلي وزوجتي واطفالي يعيشون مع اهل زوجتي
الله ايخليكم لا تبخلون
جزاكم الله خير الجزاء

[ibnsmart]

والله العظيم كسرت قلبي
ولو بعدني بالشركة اعمل جان اتوسطتلك لكن الشركة تلطعت
من العراق منذ عامين

اخواني ساعدو ابو جاسم رحم الله والديكم

[ابو زيـــن]

الله يساعدك اخي بس حسب ماأعتقد اتكون سنة كاملة مشتغل مع الامريكان حتى تقدم هجرة     up   up

[willpower]

اخويه لا تتوقع واحد يتحمل مسؤليه شخص غريب و يشغله يم الامريكان... اسمحلي داحجي وياك بدون عواطف ولا نفاق.

حاول تطلع اتقدم من خارج العراق و الفتره الي مفروض تكضيه بالشغل ويه الامريكان بالعراق حته اتحصل كتاب توصيه اكضيه اهناك بانتظار ال يو ان. والاعضاء ما بقصرون يساعدوك بالمعلومات شلون اتقدم من بره من الاف الى الياء.

تحياتي

[Eagle eyes]

مرحبا اخ محمد

مثل ماتفضلوا الاخوة ( عادل وهاب + willpower ) اني اشوف علما تلكي الشغل وعلما تداوم راح تضيع وقت فبرأيي تقدم عالهجرة من اي دولة مجاورة افضل الك ما تضيع وقت ابلاش واعذرني لو اكدر اساعدك بشي عالشغل كان مقصرت وياك تحياتي الك والله يسهل امرك وامر الجميع

Eagle eyes

[/size]

[Mohammedrk]

اخواني رحمه الله والديكم
واشكرك اختي انجي
وكثر الله من امثالج
لكن اختي انجي اني مو قوي بالانكليزية
وما ماعرف اشتغل مترجم
اخواني اني خريج بكلوريوس تاريخ
من بغداد- العراق
وعندي بصطيه جمبر ملابس اطفال
ودخلي اليومي من 15 الى 25 الف دينار ومخليها على ربك
اخواني اني غير مهدد امنيا ولا احد مخوفني ولا خايف
لان اني ما ليشغله لا بالسياسة ولا بالدين
اخواني اني مشكلتي مشكله عائليه
اني عايش ويه اهلي وزوجتي عايشة ويه اهلها
وكدامي خيارين
اما اطلق زوجتي لان اهلي مع زوجتي مشاكل
وانا اريد اطفالي كاسرين ظهري
او اشوفلي مكان اعيش بيه ويه زوجتي واطفالي
وما عندي امكانية افتح بيت او اجر شقة
اما بيت اهل زوجتي فهم عائله كبيره وجهالي وزوجتي
جاي ينامون ويه جدتهم بغرفه وحده يعني بيتهم ما يكفيني اكون وياهم
واصرف مصروف ماى البيت
والايجارات كلش عالية
ومصرف البيت يراد يومية 25 الف دينار

اخواني اني قدمت على اكثر من وظيفه لكن ما عندي واسطه ولا منتمي الى حزب
واساسا ماكو تعينات في مديريات التربية
عندي صديقي مشتغل سابقا مع الامريكان عامل
وقدم لجوء وانقبل
وكلي ماكو الك غير حل تشتغل مده ويه الامريكان وتقدم IOM
حتى لو مشتغل اسبوع

واني ما اكدر اطلع الى الاردن لان اساسا اني امفلس
منين اجب مصرف وعندي عائلة من 5 افراد

اخواني اللي يكدر ايساعدني خلف الله عليه
واللي ميكدر خلي ايكلي الله ينطيك
وبلمناسبة ما اعرف اسوق
اللي يكدر ايساعدني بوظيفه حارس او منظف او حمال او عامل  او فد شغله
يعني بسيطه مو مهم اشكد الراتب المهم اكدر اقدم على IOM
واللي يخاف لا ادزلي ايميل ولا تليفون
مجرد يرسلي رساله خاصه بدون اسم وتفاصيل
بس ايكلي وين واشلون

ومعذورني اللي ميكدرون
ومبري الذمة في الدنيا والاخره

[messi10]

حبي الله يسهلك اتمنى لو اكدر اساعدك بشي ...

[ــــ{{{ABADY}}}ـــــ]

حسبى الله ونعم الوكيل على هالزمن الاغبر




عمى انا بعمان واى مساعده انا حاضر

[y3soob]

الله يعينك اخوية.. ما عندي غير هاي الكلمة.. مع الاسف شاب جامعي و هذا وضعه.. بس نكول حسبنا الله و نعم الوكيل بكل ظالم.. هاي صارلنا 30 سنة عايشين بظلم و الناس جوعانة بالعراق.. اخوية الله ينطيك و يوفقك و يسهل امورك.. ان شاء الله ينطيك على كد نيتك و يسهل امورك و امور عائلتك خلي عينك بعين الله و ان شاء الله تحصل شغل و تفرج..

[السفير80]

والله اخوي ماعندك حل غير بس تسافر الى احد بلدان الجوار وحاول تدبر كم فلس دين وتطلع ومن توصل الى هذه البدان اشرحلهم على حالتك وهم يصرفولك راتب شهري بلكي ولو هو يعني ميسد بس هم احسن من ماكوا بلكي تمشي معاملتك على السريع

اني مع اخي ORKAY بكل كلامه 

[ابن الحله]

لاالله الى الله كان الله في العون

[سامي75]

لا حول ولا قوة الا بالله حسبي الله ونعم الوكيل يعني بكالوريوس تاريخ وعنده بسطيه ,الله ينتقم من اللي كان السبب والله يذله بالدنيا قبل الاخره,الله يسهلك ويفرج عنك وعن كل محتاج.

[alsabir]

لا اله الا الله ...خريج ابتدائيه يتعين وزير وخريج كلية يريد يشتغل كناس ...على العموم الله يعينك اخويه ويرزقك برحمته الواسعة

[basma_mazen]

اخي  التوطين  من  دول الجوار  ياخذ وقت  طويل
وارخص  دوله  هية  سوريا والمدارس  بيهة  مجانيه  والحصه الغذائيه  الي ينطوهة  هنا  نوعا  ما  تكفي
بس  لازم  تشتغل  حته  تكدر  تدبر  ايجار  واكو  مناطق  رخيصه  بيهة  الايجارات 
واذا  اشتغلت  بنفس  شغلك  هسة  يعني  بسطيه  او  هيج  شي  اعتقد  تكدر  تلم  ايجار
بس  ارجع  واكلك  التوطين  يطول  ومو  اي احد  يشمله  اله  يكون  مهدد ويقدم  اوراق  تثبت  هل  التهديد
وماكدر اكلك  يارب  الله  يسهل  امورك  ويا  اخي  صلي لله  لان  بس  هوة  سبحانه  يكدر  يوكعك  بابن  حلال  يحلك  مشكلتك
حسبي  الله  ونعم  الوكيل  على  كل  مسؤل  بالعراق  ضالم

[عراقي كرادي]

حسبنا الله ونعم الوكيل ...........حسبنا الله ونعم الوكيل.

الله لاينطي كل من كان سبب في تدمير العراق وأهله .

يا اخي العزيز حالتي مو احسن منك ........... بس اقدر اقولك صير مثل اخوك المسكين استعان بالله فهو خير نصير ومعين.