ارجو المساعدة من اهل الخبرة

[كاكا العراقي]

السلام عليكم شباب اريد ارتب كيس قبل لا اسافر بس ما عندي معلومات عن هذا الشي ارجو من اهل الخبرة بان يفيدوني بمعلوماتهم

[مغترب بلا وطن]

يابه اذا انت كردي شنرتبك كيس متكلي 

ما اعتقد الاكراد يقبلوهم

[كاكا العراقي]

حبي اني مو كردي هاي على اسم اللاعب كاكا 

[كلي امل]

اخويه كاكا اذا حضرتك كردي فمثل مكال اخونا مغترب متفيدك اي قصه شويه الاكراد مديقبلوهم بحكم منطقتهم كردستان امينة

[كاكا العراقي]

حبي كلي امل اني مو كردي اني من بغداد هو هذا لقب كاكا على اسم اللاعب البرازيلي كاكا مو كاكا مال كراد 

[ابو فله]

اخي العزيز انته وين تريد تسجل ابداخل العراق لو ابغير دوله ورجاءا فهمنه عن موضوعك بالتفصيل حتى الاخوان يكدرون ايساعدوك او اني اكدر اجاوبك
وانشالله على كوله البنانيين  لا تعطل هم  اخوانك مو جودين

[كاكا العراقي]

اريد اقدم بتركيا

[ابو فله]

حبيبي الاخ كاكا العراقي
اول شي اذا انته مهدد المفروض اول شي ترتب قصتك
وما يكون بيها اي ثغره
وتكون دقيق بالتواريخ والاثباتات
واريد ازيدك علم بانو تركيا بلد غالي من حيث الاسعار
فلازم ترتب امورك الماديه
واني حاضر لاي سوال ولو منطيتني تفاصيل هوايه عن وضعك
الله يوفقك

[كاكا العراقي]

تسلم عيني ابو فلة على الرد بصراحة اني مو مهدد بس اريد ارتب هيجي شي هناا قبل لا اطلع لان سمعت كلما الشخص عندة اثباتات يكون احسن

[ابو فله]

اخويه العزيز جان بودي افيدك اكثر بالتفاصيل
لاكن اني مو بتركيا لاكن القصه والاثباتات هيه اهم شي بالتقديم للحصول على الهجره
ودير بالك اخي العزيز تره  لتروح اتسويلك تهديد مال مريدي وبيه ختم
الشرطه والمحكمه تره ميفيد لان كل التهديدات الحقيقيه لابد وان تكون
داخله الحاسبه مال دائره مكافحه الارهاب  في بغداد  يعني الامم المتحده تكشفها

وانشالله اخواني جماعه تركيا اكيد يكدرون يساعدوك اكثر 

     اخوك ابو فله

[willpower]

اخويه انت ادره بضروفك و تفاصيله, ولازم امورك تترتب على اساس جم نقطة هن من الاساسيات و تبني عليه قصتك...مثلا 
- مكان ومنطقة سكنك
-  طبيعة شغلك
-  اذا احد افراد العائلة تعرض للخطف او القتل لا سامح الله
- اذا انت متعرض لحادث ما
- اذا مشتغل ويه الامريكان ولو فتره قليله
............. الخ .
اجمع المعلومات و رتب قصتك على اساس هايه الحقايق .

هايه سواء رحت تركيا او غير تركيا نفس الشي بالنسبة لملفك كطالب لجوء

تحياتي

Willpower

[كاكا العراقي]

اخوية willpower شكرا على التوضيح بس متعرض لحادث ما مثليش يعني هاي الحوادث

[willpower]

اخويه حادث مثل سطو مسلح لو واحد لاحكك لو جايك مخابرة تحذير من شغله معينه لو حراميه طابين بيتكم لو اذا سبارتك مبيوكة مثلا لو عركة قويه ويه جماعه ....الخ هوايه لوات.... انت ركز على حادثة او حادثتين من هايه الحوادث و اربطه بوضعك الامني وشويه من البهارات و الفانيلا حتى تكبر السالفة  و اعتبره تهديد على حياتك.

بخايه الحاله من تحجي القصة راح اتكون فعلا قصة حقيقية انت مار بيه وراح تتذكر تفاصيله و تواريخه و احداثة كله و اتصير سرد القصه عليك سهلة جدا ومراح اتخربط لان فعلا انت مار بيه... بس شنو انت ضخمت الموضوع شويه.

عرفت شنو بيت القصيد اخويه؟

تحياتي

[الذكي]

شغلتك مكيسة يحتاجلها تفكير

[كاكا العراقي]

اخوية willpower ممكن احجي على اايمل ahmed_aliraqi89