المرحلة الثالثة الفود ستامب مع المدك ايد والتقاعد

[ام توفي]

السلام عليكم ورحمة الله وبركاته

بعد ما ننتهي من دفع مصرف الجيب راح انوقع اللاجئ على استمارة الفود ستامب وعلى عدة اوراق منها استمارة تحرير المعلومات يعني انو يتيح لنا اللاجئ استخدام معلوماتة الشخصية مثل الاسم والعمر وايضا انو نتحدث باسمة وطبعا هذا امر طبيعي لان منكدر انسوي معاملاتة بلا هذا التخويل

الفود ستامب عدنة هنا في تكساس دلاس فورت وورث تحديدا مبلغة يعتمد على الكاش اللي ياخذة اللاجئ وايجارة وماءة وكهرباءة مثلا اللي على الماج كرانت مثلا احنة اول ما اجينة عائلة اب وام وطفل انطونة 527 دولار بالشهر بس اللي مثلنا بس على برنامج الار سي اي راح ياخذون بحدود 350 دولار على اعتبار ديستلم كاش اكثر من الماج كرانت وهم عندي عائلتين مكونة من ست انفار وحدة على الماج كرانت راح يكون الفود ستامب مالهم 950دولار تقريبا طبعا يمكن اكثر مو اقل والعائلة الثانية اللي على ال ار سي اي راح ياخذون بحدود 650دولار.

طبعا هذا يشترون بيه مخضر ولحم وفواكه ومعجنات بس مينشرة بيه اكل مطبوخ او لفات .

اما بالنسبة للمدك ايد فيمنح للاجى البالغ مدك ايد لمدة ثمان اشهر اعتبارا من تاريخ دخولة الامريكا يعني اذا دخل اللاجئ الامريكا بتارخ 15/6 راح ينحسبلة مدك ايد من هذا التاريخ حتى اذا وصلة الكارت ورة شهرين هوة محسوب عليه وهاي شغلة محلولة لان يكدر الواحد يروح يتعالج اذا صار عندة حالة طوارئ ويكوللهم دزولي الفاتورة على البيت ومن يجيه المدك ايد يكدر يدفعلهة والمدك ايد يدفح الى حد ثلاثة اشهر متاخرة وعدنة هنا نظام اسمة مدك ايد الطوارئ يعني مثلا مرة صارت حامل ورة السنة تكدر تطلع مدكيت طوارئ او مثلا رجال ظل عليه فاتورة مدافعهة بكذا مبلغ يكدر يطلع مدكيت طوارئ حتى يدفع هاي الفاتورةوهاي طبعا تمنح مرة بالسنةاما المرة اللي تصير حامل مثلا خلي نكول بالخمس اشهر الاولى من الوصول فهوة نفس المدك ايد مالتهة المنظمة ولازم المنظمة تبعث رسالة الى مكتب المدكيت معاها ورقة من الطبيب يكول انو هاي المرة حامل راح يحولون مدكيتها من مدكيت لاجى الى مدك ايد حمل  وراح يستمر معها الى ما بعد الولادة بثلاث اشهر ويغطي كل شي حتى العملية القيصرية.

وايضا يمنح المدك ايد فحص نضر لمرة واحدة وشراء نظارات على ان لا تزيد سعر الاطار عن 18 دولار بس ممكن اتجمل وتاخذلك اطار زين ومابيه اسنان ابد ابد ابد وميعالج عدا الامور الطارئة جدا يعني عندي عميل سوة عملية قلب فتح شرايين عليه.

اما بالنسبة للاطفال فكلشي عليه كلشي كلشي كلشي واذا ظليتوا اتجددوا بالوقت المناسب راح يظل وياهم لغاية عمر 21 سنة انشاء الله .


اما بخصوص موضوع التقاعد

فسن التقاعد هنا 64 سنة عدا الحالات المرضية واعلى مبلغ شفتهم نطو لحد الان 674دولار بالشهر للنفر بس شنو الفحوصات اللي يسووها مصيبة بس تبقى على شطارت الكيس منجر اني والحمد لله ولا قضية راحت مني والف الحمد لله ولو اتعرفون احنة ربعنة مصنفين تلكاه عمرة 30 سنة وعندة ضغط وقلب وسكر هههههه اسم الله عليكم انشاء الله تسمعون العافية

ملاحظة هامةكل اللي حجيتة يخص منظمتنة فقط فقط فقط اللي في تكساس دلاس فورت وورث ماشي حبايب بس ترة ماكو اختلاف كلش جبير.

ارجو ان اكون افدت الجميع وترقبوا المواضيع الجديدة القادمة

تحياتي

[نــــــــــوار تيتــــــو]

تسلمين اختي .........كفيتي أو وفيتي الله يكون بعونك ...اريد اسئلك مثلا اذا واحد عنده انكباس فقرة القطنيه بلعمود الفقري هل يشمله التقاعد ...زين الحلات النفسيه كيف يتم الاخذ الاعتبار لتحويلها الى التقاعد يعني شنو الاجراءات ..زين التقاعد يضل مستمر لو هم الو مرحله وينكطع ....زين اذا احد من العائله فتح مشروع  او اشترى بيت هم يأثر على التقاعد او ينكطع ...ومشكورة جدا جدا جدا ..تعبتك معي ..

                         وشكر خاص الك يا ورده

[homeland]

والله ان الكلمات لتعجز ان توفيك حقك اختنا ام مصطفى على هذه المعلومات القيمه وعلى روحك المحبه للمساعده الي ماخلتك تنسين اخوتك بالمنتدى بعد ان وضعتك المقادير في هذا الموقع المميز لمساعدة اخوانك فالف الف شكر لك اختنا ومااكول الا جزاك الله عنا كل خير

[me3maria]

اختي العزيزة ام توفي الوردة
انا على منظمة الاي ار سي في اريزونا فينيكس بس اذا  اريد احول الى تكساس فيخلوني على نفس المنظمة لو غيرهه؟؟؟؟
 وشنو اللي راح يبقى وشنو اللي ينشال؟؟؟
علما اني لحد الان لم استلم موعد السفر بس الكفيل وقع اوراقي ودزلي كوبي والمنظمة هي الاي ار سي
مشكورة اختي العزيزة على طيبج وكرمج وبارك الله فيك

[yasir fakhri]

والله تعجز الكلمات عن شكرك بل ونقف أحتراما وتقديرا لمجهودك الرائع لأنك لم تنسي من هم في العراق أو في دول الجوار ..
أختنا العزيزة أم توفي بارك الله بك وكثر من أمثالك لأن الحقيقة التي لايمكن الجدال فيها وهي ان المنتدى في أمس الحاجة لمن هم بهمتك وبتفانيك نتمنى عليك ان ترفدي من هم أقرب منا للسفر بكل المعلومات القيمة التي لديك شكرا مرة ثانية لك وللجهود المبذولة من قبلك .

[ام توفي]

تسلمين اختي .........كفيتي أو وفيتي الله يكون بعونك ...اريد اسئلك مثلا اذا واحد عنده انكباس فقرة القطنيه بلعمود الفقري هل يشمله التقاعد ...زين الحلات النفسيه كيف يتم الاخذ الاعتبار لتحويلها الى التقاعد يعني شنو الاجراءات ..زين التقاعد يضل مستمر لو هم الو مرحله وينكطع ....زين اذا احد من العائله فتح مشروع  او اشترى بيت هم يأثر على التقاعد او ينكطع ...ومشكورة جدا جدا جدا ..تعبتك معي ..

                         وشكر خاص الك يا ورده

نوار تيتو
انتة السالم خويي وانشاء الله اني بخدمتكم وبخدمة كل العراقيين

بالنسبة السؤالك لازم تسوي تحاليل وفحوصات والطبيب يقرر يعني لان ما شايفة بعيني وما اعرف درجة الالم  لذلك ما اكدر اقرر

والحالات النفسة ماشية جدا هنا بس تعرف بالاتفاق نخليلهة شوية بهارات وملح ههههههههههههههه والتقاعد راح يظل مستمر وياك كل سنة يدزون عليك حتى يشوفون اكو شي تغير بحاتك يعني مثلا غيرت عنوان بيتك او اشتريت سيارة او بعت سيارة زاد الايجار عليك او قل الخ وبعد سبع سنوات راح يسدون قضيتك لان ميصير لاجئ يستلم تقاعد اكثر من سبع سنوات بس انتة بهاي الفترة انشاء الله تكون ماخذ الجنسية فتراجعهم تكوللهم اني هسة مواطن وراح يغيرون قضيتك من لاجئ الى مواطن فمراح تنسد

وهنا يحاسبوك على اسا شخص منفرد فاذا زوجتك مثلا رادت تفتح مشروع او تشتري بيت همة ما الهم دخل

وبالنسبة للفلوس خوية جيب اشكد متريد ولا احد راح يسالك

[ام توفي]

اختي العزيزة ام توفي الوردة
انا على منظمة الاي ار سي في اريزونا فينيكس بس اذا  اريد احول الى تكساس فيخلوني على نفس المنظمة لو غيرهه؟؟؟؟
 وشنو اللي راح يبقى وشنو اللي ينشال؟؟؟
علما اني لحد الان لم استلم موعد السفر بس الكفيل وقع اوراقي ودزلي كوبي والمنظمة هي الاي ار سي
مشكورة اختي العزيزة على طيبج وكرمج وبارك الله فيك

عيوني انتوا هاي المنظمات مو بالضرورة انو تكون موجودة بكل ولايات امريكا فما عندي خبر انو اكو فرع الكم هنا يمكن اكو سمعت بهيوستن بس ممتاكدة اسالي ايثن تكساس شوفي شيكول

[ام توفي]

والله تعجز الكلمات عن شكرك بل ونقف أحتراما وتقديرا لمجهودك الرائع لأنك لم تنسي من هم في العراق أو في دول الجوار ..
أختنا العزيزة أم توفي بارك الله بك وكثر من أمثالك لأن الحقيقة التي لايمكن الجدال فيها وهي ان المنتدى في أمس الحاجة لمن هم بهمتك وبتفانيك نتمنى عليك ان ترفدي من هم أقرب منا للسفر بكل المعلومات القيمة التي لديك شكرا مرة ثانية لك وللجهود المبذولة من قبلك .

والله اخجلتني بكلماتك الجدا جميلة وشجعتني انو اكتب اكثر واني بخدمة كل العراقيين اهلي وناسي واللي مابيه خير الاهلة مابيه خير الكل احد

[السفير80]

الصدق مشكورة ام توفي على المعلومات القيمة وهذا المجهود الرائع اليستحق الف تحية وسلام

[ام توفي]

اخوية السفير

اني اللي اشكرك على قراءتك للموضوع وتعليقك الجميل

[اريد اطلع]

شكرا ام توفي على هاي المعلومات القيمه ..انسانه اكثر من رائعة تحب الخير لجميع الناس.. اخوان الي يسافرون الى امريكا اهم شي هو المنظمه الى راح تستقبلكم لان هي الى راح اتقوم ابكل شي مثل التامين الصحي والفود استام السوشل سكيورتي ودخول الاطفال الى المدارس والفحص الطبي وتعليم اللغه وهذا اهم شي بس مع الاسف اكو منظمات يشلعون القلب مثل حالتي وهم  يشتغلون بيه عراقين بس مع الاسف ماكو بكلوبهم رحمه يعني ايهبطون معنويات الاجئ... يعني اني لازم ادفع اجار يوم واحد ابهاذه الشهر وجماعة المنظمه الى اني عليه ماطوني الايجار وخلوني حاير واني ماعرف احد ابهاي المدينه علما انو المبلغ هدية الوصول يمهم منطوني ولا فلس وخلوني حاير على الايجار علما احنه عائله من اربعة اشخاص زوجتي وطفالي

[willpower]

تسلمين ام توفي على روح المساعدة التتحلين بيه.

بس عندي سوال بعد كل الامور الي وضحتيه . هسه اذا شخص عرف شنو الي مفروض المنظمة اتقدمله و اشكد و اشلون..الخ . زين اذا ما حصل على هايه الامور و اذا صار تقصير من المنظمه او عدم نزاهة بتقديم المساعدات... شلون اللاجي يكدر يطالب بحقه و المن يكون الشكوى لطلب حقوقه المنصوص عليه رسميا؟

[نــــــــــوار تيتــــــو]

تسلمين اختي .........كفيتي أو وفيتي الله يكون بعونك ...اريد اسئلك مثلا اذا واحد عنده انكباس فقرة القطنيه بلعمود الفقري هل يشمله التقاعد ...زين الحلات النفسيه كيف يتم الاخذ الاعتبار لتحويلها الى التقاعد يعني شنو الاجراءات ..زين التقاعد يضل مستمر لو هم الو مرحله وينكطع ....زين اذا احد من العائله فتح مشروع  او اشترى بيت هم يأثر على التقاعد او ينكطع ...ومشكورة جدا جدا جدا ..تعبتك معي ..

                         وشكر خاص الك يا ورده

نوار تيتو
انتة السالم خويي وانشاء الله اني بخدمتكم وبخدمة كل العراقيين

بالنسبة السؤالك لازم تسوي تحاليل وفحوصات والطبيب يقرر يعني لان ما شايفة بعيني وما اعرف درجة الالم  لذلك ما اكدر اقرر

والحالات النفسة ماشية جدا هنا بس تعرف بالاتفاق نخليلهة شوية بهارات وملح ههههههههههههههه والتقاعد راح يظل مستمر وياك كل سنة يدزون عليك حتى يشوفون اكو شي تغير بحاتك يعني مثلا غيرت عنوان بيتك او اشتريت سيارة او بعت سيارة زاد الايجار عليك او قل الخ وبعد سبع سنوات راح يسدون قضيتك لان ميصير لاجئ يستلم تقاعد اكثر من سبع سنوات بس انتة بهاي الفترة انشاء الله تكون ماخذ الجنسية فتراجعهم تكوللهم اني هسة مواطن وراح يغيرون قضيتك من لاجئ الى مواطن فمراح تنسد

وهنا يحاسبوك على اسا شخص منفرد فاذا زوجتك مثلا رادت تفتح مشروع او تشتري بيت همة ما الهم دخل

وبالنسبة للفلوس خوية جيب اشكد متريد ولا احد راح يسالك

مرة  ثانيه ما تقصرين يا اختي لو اضل اشكرك من هسه لممات مراح اوفي .....حيل حيل حيل اتشكرك


طبعا عندي سؤال زغيرون ولو كثرت بالاسئله ....

الفود ستامب يضل مستمر  عند الي يحال الى التقاعد لو ينكطع  ....

وشكر من قلبي الك  يا أميره

[شنايزر]

مجهود رائع من الاخت ام توفي كما عودتينا  .... عاشت ايدج وشكرا

[ام توفي]

شكرا ام توفي على هاي المعلومات القيمه ..انسانه اكثر من رائعة تحب الخير لجميع الناس.. اخوان الي يسافرون الى امريكا اهم شي هو المنظمه الى راح تستقبلكم لان هي الى راح اتقوم ابكل شي مثل التامين الصحي والفود استام السوشل سكيورتي ودخول الاطفال الى المدارس والفحص الطبي وتعليم اللغه وهذا اهم شي بس مع الاسف اكو منظمات يشلعون القلب مثل حالتي وهم  يشتغلون بيه عراقين بس مع الاسف ماكو بكلوبهم رحمه يعني ايهبطون معنويات الاجئ... يعني اني لازم ادفع اجار يوم واحد ابهاذه الشهر وجماعة المنظمه الى اني عليه ماطوني الايجار وخلوني حاير واني ماعرف احد ابهاي المدينه علما انو المبلغ هدية الوصول يمهم منطوني ولا فلس وخلوني حاير على الايجار علما احنه عائله من اربعة اشخاص زوجتي وطفالي

الله يكون بعونك اخوية اريد اطلع

عندي مجموعة اسئلة اذا ممكن اتجاوبني عليهن واذاتحب تجاوبني على العام حتى الجميع يستفادون واذا اكو امور خاصة فجاوبني على الخاص

اشوكت اجيت بالضبط

وقعت على المواد اللي استلمتهة او لا؟ واشكد باقيلك من فلوسك

اشكد ايجارك بلشهر واشكد واشكد كهرباءك والمي وانتة تدفعهن لو همة

على يا برنامج خلوك واشكد ينطوك بالشهر واهم منهذا كلة اريد اعرف حضرتك ابيا ولاية

وانشاء الله على هذا الاساس اني انطيك الطريقة الصحيحة والصحية اشلون تتعامل بيهة وية موقفك وانشاء الله ما اقصر وياك حتى اذا تطلب الامر اتدخل واساعدك شخصيا هم ما عندي مانع.

[ام توفي]

تسلمين ام توفي على روح المساعدة التتحلين بيه.

بس عندي سوال بعد كل الامور الي وضحتيه . هسه اذا شخص عرف شنو الي مفروض المنظمة اتقدمله و اشكد و اشلون..الخ . زين اذا ما حصل على هايه الامور و اذا صار تقصير من المنظمه او عدم نزاهة بتقديم المساعدات... شلون اللاجي يكدر يطالب بحقه و المن يكون الشكوى لطلب حقوقه المنصوص عليه رسميا؟

اخوية عندك اختيارين بس قبل ما تتصرف اي شي خليني اتاكدلك مية بالمية

اولا تشتكي للشركة العالمية اللي جابت واللي انتة عليهة اذا كانت مشكلتك مع البرنامج الكاش اسستنت وثانيا ممكن تشتكي لليواس اربي واللي هية الولاية اذا كان عندك مشكلة انو امورك الاولية ما تنفذت وال1100او خلي انكول على الاقل900دولار منصرفتلك بشكل كامل وصحيح

هذا موضوع متشعب اخوية

واخوان لكل اللي يقرة هذا الموضوع الكل الكم حق طلب ملفكم باي وقت وتتصفحونة وتدققوه وتاخذون نسخة منة هم راجعوا بالملف قسم اليو اس ار بي يعني كل المصروفات والخدمات اللي انصرفت واتقدمتلكم بالتسعين يوم الاولى من مجيئكم

وجيكوا لازم كل مصروف يقابلها وصل او رسيت مثل منكول

واني حاضرة الاي مساعدة وارجوك انو تاخذ بنصيحتي وخليني اساعدك بكل خطوة حتى لاتتسرع وتخسر حقك

واني بالخدمة

[ام توفي]

اخوية العزيز نوار تيتو

اني اللي لازم اشكرك على مرورك وقراءة الموضوع ومشاركتك واهتمامك

عيوني اهنا كلشي يحسبوه بالفلس الفود ستامب والتقاعد يصعد وينزل وية الدخل

يعني تبلش تاخذ تقاعد لازم تبلغ الفود ستامب طبعا اكيد راح يقللوه فلازم بعد ما تستلم الاوراق من الفود ستامب بالمبلغ الجديد اللي خلولكياه بالفود لازم تبلغ السوشيل سكيورتي اوفس يعني بين قوسين التقاعد وهم راح يرجعول يزيدون مبلغ التقاعد وبس بعد لا تبلغ الفود ولا ابد.

واذا تغير شقتك بايجار اعلى او اقل لازم تبلغ هالمكتبين وهمة راح يزيدون او يقللون

[اريد اطلع]

السلام عليكم اختي ام توفي
اختي اني هاي المعلومات كله انطتيجيها بس الله يساعدج المهم اني اريد الاخوه والاخوات يستفادون من الموضوع

1-الدخول الى امريكا11-5
2-وقعت على قسم من الموادالبسيطه
3 -وقعت على صك بملغ 1500 دولار ايجار شهرين الاول والاخير
4-ايجار الشهري 750دولار
5-الكهرباء والماءاحنه ندفعه مالهم علاقه المنظمه
6-ماعرف على اي برنامج خلوني ولا احد بلغني ابهذا الشي
7-ولايه ماساسيوسيش سبرنك فيلد

[ام توفي]

1-الدخول الى امريكا11-5
2-وقعت على قسم من الموادالبسيطه
3 -وقعت على صك بملغ 1500 دولار ايجار شهرين الاول والاخير

شنو تقصد بالاول والخير زين انتة اذا هستوك جاي مدفعولك اليجار لعد اشراح يسوون بعد ست اشهر

4-ايجار الشهري 750دولار

اشكد عددكم واشكم غرفة واشدعوة هالايجار

5-الكهرباء والماءاحنه ندفعه مالهم علاقه المنظمه
6-ماعرف على اي برنامج خلوني ولا احد بلغني ابهذا الشي

راح يصيرلك شهر اشلون متعرف سوولكم اورينتيشن يعني توجيهات ؟ اكو عراقيين يشتغلون بهاي المنظمة؟
7-ولايه ماساسيوسيش سبرنك فيلد


تكدر تنطيني رقم تلفونك؟ حتى هسة اتصل بيك دا اريد افتهم تفاصيل اكثر

[اريد اطلع]

عيني ام توفي رقم التلفون مالتي يمج اني ابو حسن البارحه اتصلتي بيه

[ام توفي]

عيني ام توفي رقم التلفون مالتي يمج اني ابو حسن البارحه اتصلتي بيه

هههههههههههههه

اني اسفة خوية بس اني ما انتبه على الاسماء كلش اعذرني عيوني وبالنسة الشغلتك سالت مديرتي وكالتلي انطيني رقم تلفون المنظمة كالتلي انو هية تريد تتصل بيهم شخصيا وانشاء الله انطيني يومين واردلك الجواب

[اريد اطلع]

شكرا ام توفي والله انتي ماتقصرين وبارك الله بيج
عندي سؤال ام توفي من يطلع السوشل سكيورتي كارت الفود استام هم يتبدل يعني ايصير دائمي

[me3maria]

ماشاء الله عليك ياأم توفي... ربي يحفظك ويحفظ اولادك ويوكف اولاد الحلال بدربك مثل ماتساعدين الناس بحسن خاطر وطيب خلق ورقي اخلاق وكرامة نفس
ربي يوفقك ويسهل امرك ياطيبة
اختك المعمارية

[journalist]

تحية طيبة للجميع

الله يوفق كل الناس الي يعملون الخير لابناء بلدهم بلخصوص وللناس عامة , واسأل من الله ان يضع الغيرة والشهامة في قلوب كل الكيس وركرية لان الاجئ الي ماعنده لغة ماله بس الله والكيس وركر .

[ابن الحله]

انت لأروع من ان تكون ثمين     وقد يضر برائع تثمين
اكثر من رائعه و ارفدينا بماهو جديد
شكرا
ابن الحله

[ريم عبد]

حبيبتي ام توفي تسلمين على هذا الشرح المفصل
وعلى روح المساعده ومقصرتي حبيبتي
حتى تتوضح الامور والاجئ يعرف ماله وما عليه
بالتوفيق ياورده

[(COBRA)]

عفيه عليج ام توفي  الله يكثر من امثالج
انتي مدرسه واحنه تلاميذج لاتبخلين علينه بلمعلومات تره نضيع

[ام توفي]

شكرا ام توفي والله انتي ماتقصرين وبارك الله بيج
عندي سؤال ام توفي من يطلع السوشل سكيورتي كارت الفود استام هم يتبدل يعني ايصير دائمي

 ما اله علاقة ابدا وماكو شي اسمة دائمي ومؤقت ح دخلك هلكد يطلعلك هلكد زاد خلك قل الفودستامب قل دخلك زاد الفود ستامب

والاشياء الاثنين اللي تكطع او توقف الود ستامب هية

اولا عدم التجديد بالوقت المناسب وعدم توفير المعلومات الكافية

وثانيا زيادة الدخل بصورة كبيرة طبعا اني ما اعرف المت مال الرواتب لان كسلانة مسألة احجيلكم بصراحة لان كلنة جوة اللمت هههههههههههههههههههه

[ام توفي]

ماشاء الله عليك ياأم توفي... ربي يحفظك ويحفظ اولادك ويوكف اولاد الحلال بدربك مثل ماتساعدين الناس بحسن خاطر وطيب خلق ورقي اخلاق وكرامة نفس
ربي يوفقك ويسهل امرك ياطيبة
اختك المعمارية

ربي يسلمك يا ختى العزيزة وانشاء الله لكي مثل دعواتك لي

تحياتي

[ام توفي]

تحية طيبة للجميع

الله يوفق كل الناس الي يعملون الخير لابناء بلدهم بلخصوص وللناس عامة , واسأل من الله ان يضع الغيرة والشهامة في قلوب كل الكيس وركرية لان الاجئ الي ماعنده لغة ماله بس الله والكيس وركر .

انشاء الله ربنا يسمع منك

[ام توفي]

انت لأروع من ان تكون ثمين     وقد يضر برائع تثمين
اكثر من رائعه و ارفدينا بماهو جديد
شكرا
ابن الحله

 شكرا جزيلا اخجلتم تواضعنا
كلمات جميلة مثل صاحها اكيد وانشاء الله اخي ابدا ما اقصر وياكم

[ام توفي]

عفيه عليج ام توفي  الله يكثر من امثالج
انتي مدرسه واحنه تلاميذج لاتبخلين علينه بلمعلومات تره نضيع

هههههههههههههه اتدلل عيوني واني حاضرة

[الأعظمي]

أختنا العزيزة أم توفي الوفية الشكر الجزيل والكلام الأنيق وكل عبارات التشجيع والأمتنان تتسابق مع بعضهن حتى تصبح أقرب الى بداية الكلام المقدم ألج ما أعتقد أكو كلام وعبارات أو حتى كلمات توفي تعبج وجهدج تعاونج وتواصلج وية الناس اللي محتاجين هذه الأشياء اللي تقدميها بهالوقت أكثر من أي شي ثاني من تعاون مادي ومعنوي , ما  ألي غير أكول لحضتج أنت أولآ مسلمة وثانيآ عراقية وهذي مواصفات صعب تلكاها بهذا الزمن متوفرة بشخص واحد وهي رفعة راس وتقدير أحترام لكل منا .
ألف تحية وتقدير أحترام لحضرتج وللأساس اللي أنتي منه الله يبارك بيج ويوفقج ويوفق كل جهود الخير المبذولة لخدمة الأنسانية.

تحياتي وأحترامي للجميع
                                                                 الأعظمي

[ام توفي]

أختنا العزيزة أم توفي الوفية الشكر الجزيل والكلام الأنيق وكل عبارات التشجيع والأمتنان تتسابق مع بعضهن حتى تصبح أقرب الى بداية الكلام المقدم ألج ما أعتقد أكو كلام وعبارات أو حتى كلمات توفي تعبج وجهدج تعاونج وتواصلج وية الناس اللي محتاجين هذه الأشياء اللي تقدميها بهالوقت أكثر من أي شي ثاني من تعاون مادي ومعنوي , ما  ألي غير أكول لحضتج أنت أولآ مسلمة وثانيآ عراقية وهذي مواصفات صعب تلكاها بهذا الزمن متوفرة بشخص واحد وهي رفعة راس وتقدير أحترام لكل منا .
ألف تحية وتقدير أحترام لحضرتج وللأساس اللي أنتي منه الله يبارك بيج ويوفقج ويوفق كل جهود الخير المبذولة لخدمة الأنسانية.

تحياتي وأحترامي للجميع
                                                                 الأعظمي

اشكرك الشكر اخوية العزيز والله اني جدا ممنونة من كلامك الطيب وانشاء الله يوفقك ويسلمك ويحفظم انتة وعائلتك وكل اخوانا واخواتنا بالمنتدى وكل العراقيين انشاء الله يارب

[ام توفي]

مجهود رائع من الاخت ام توفي كما عودتينا  .... عاشت ايدج وشكرا

اني بالخدمة اخوية العزيز

[نزاركامل]

ورده الورود اختام توفي على هذا التعاو الحلو المخلص للفائده للجميع . الله يحفظك ويعينك على تحقيق احلى واغلى ما تتمنين .

مشكوره جدا جدا اختنا العزيزه 

[ام توفي]

ورده الورود اختام توفي على هذا التعاو الحلو المخلص للفائده للجميع . الله يحفظك ويعينك على تحقيق احلى واغلى ما تتمنين .

مشكوره جدا جدا اختنا العزيزه 

وانتة الوردة اخ نزار واتدللوا عيوني انتوا

[sparky]

الله يرضى عليج دنيا واخره
اللهم امين بجاه رب العالمين

[Baguncero]

شكرآ على الجهد الطيب اختنا أم توفي
وفقكم الله

Baguncero

[ام توفي]

اخوتي الاعزاء

اني اللي اشكركم على قراءة الموضوع وتدللون على عيني وراسي واني الممنونة

[J.K]

الاخت ام توفي العزيزة كل الي قريته من كلام ومواضيع قيمة حضرتج اطرقتيله وكل التعليقات الي خرجت من اخواني من الاعضاء ومشاركين في الجمعية يعجز لساني عن الكلام واضافة اكثر مما ضافوه اخواني لكن اقول شيء واحد انتي ملاك من ملائكة الرحمة ولكي كل التقدير والاحترام   اخوج ابو ميثم

[me3maria]

الى ادارة المنتدى الكرام والاخت انجي :
السلام عليكم ورحمة الله وبركاتة
نطالب بتثبيت مواضيع الاخت ام توفي لانها مواضيع فعلا قيمة ويحتاج اي مقدم على الهجرة او على اللجوء لها
 ولكي تكون مرجع للجميع نرجو من حضرتكم التكرم وتثبيت المواضيع للاخت ام توفي
مع الشكر والتقدير لام توفي ولاعضاء الادارة الكرام

[ابو هاشم]

الاخت العزيزه ام مصطفى,

اللسان يعجز عن الشكر لما تقدميه من معلومات قيمه لكن هذا من معدنك الطيبه وحبك لمساعدة الناس

ابو هاشم

[hussein a]

شكرا عيني ام توفي على المعلومات والله يكثر من امثالج اختي وبارك الله بيج وبجهودج الطيبه
اخت ام توفي اريد اسأل على موضوع التقاعد بلنسبه الى اهلي يعني والدي والوالده والدي عمره 52 سنه والوالده 49 سنه
يعني همه يقيسون الراتب مال تقاعد على العمر لو على المرض يعني حسب حاله اللاجاء الصحيه والدي حالته الصحيه بخيرلحمد الله بس الوالده هواي تعبانه صحيا اسمه الله عليكم تخثر بلدم وجلطات ونصف الرئه معطوبه وانزلاقات يعني حالتها الصحيه شويه تعبانه شلون يكون المديكيت بهيج حاله والتقاعد؟؟؟
وشكرا جزيلا واذا اريد اجي التكساس بس ماعندي كفيل بيها وما اعرف احد شلون واذا اجيت والله سهل يعني يصير تخليني على المنظمه مالتج الي انتي بيها واكون جدا ممنون
 

[man8484]

شكرا على المعلومات بس احب اسال المساعدات مال اكل والتامين الطبي نرجع ندفع فلوسها على اقساط لو لا ؟