سؤال عن مواليد 1972 ممكن المساعدة من الاخوان الطيبين في عين كاوه

[عبدون]

مرحبا اخواني ارجوا ان تكونوا بخير
ممكن المساعده بخصوص مواليد عام 1972 متى تم استدعائهم لخدمة الاحتياط اي سنة واي شهر بالضبط وكم كانت المدة فقط الجواب الاكيد اذا ممكن واكون ممنون و شاكرا لكم .
ملاحظة:
اتذكر نهاية التسعينات اول مرة والثانية بداية الالفينات مرة شهر ومرة شهرين .

[الوتار]

للرفع.... وينهم الجانوا مجيشين

[ابو هنودة]

وين اخوتنا النشامى ساعدوا اخوكم عبدون،  مواليد 72 وضيع التواريخ لو مواليد الاربعينات والخمسينات جان ضيع اسمه

[عبدون]

اخي ابو هنودي بالنسبة الي اني اتذكر يمكن بسنة 1999  اعتقد كانت المدة شهر واحد بس اي شهر من السنة ماتذكر بس هي ابين آذار وآب والاستدعاء الثاني يمكن في 2001 كانت شهرين على ما أضن لكن اي شهر ماعرف وهي ايظا قبل شهر آب ، ومتكلي الواحد شنو دماغة يصير الاحداث المرة علينة لاتحصى ولا تعد وبعدين دفتر الخدمة مفقود بالتهجير يعني حتى ماعندي شي ارجع اله ، اني منشرت التواريخ الشاك بيهة حتى ماأشوش على الاخوان اليحبون يجاوبوني .
اخي ORKAY اريد الاحتياط الاول في اي شهر وسنة ؟ والثاني في اي شهر وسنة وممنون منكم اخواني .

[عبدون]

اخوان شنو ماكو بيكم واحد مواليد 1972 يمعودين شنو كلكم دافعين بدل 

[ميمي2010]

اخوان شنو ماكو بيكم واحد مواليد 1972 يمعودين شنو كلكم دافعين بدل 

اخوي عبدون اني من مواليد 1972 بس اخوي اني امرأة والحمد لله مالي اي علاقة بالجيش . ان شاء الله يجون الاخوة من هاي المواليد ويساعدوك

تقبل مروري اختك ميمي

[عبدون]

اخوان شنو ماكو واحد نفس المواليد لو اخوه لو نائب ظابط بالتجنيد  لو ضابط سابق  محد راح يسويلة  شي والله بس خلي يحجي ههههههه  الفائدة للجميع لازم واحد  يحتاج مثل هيج معلومة تعرفون رجعت بالصفحات ووصلت الى ارقام بعيدة ملكيت اي شي يخص مثل هذا الموضوع .

[عبدون]

اخوان لو مضيف جان اعلن افلاسة يعني فوك 120 شخص يدخلون على الموضوع واربع ردود  الاسئلة ماعتقد صعبة لهاي الدرجة ، اتمنالكم الموفقية وميسالوكم على العسكرية بجاه كل من عنده جاه والله ليحير عبده .

[messi10]

الك الله حبي
uppppppppppppppppppppp

[ننوسة]

اخوية العزيز
اني زوجي مواليد 72 واول مرة لبس احتياط جانت سنة 1999 بشهر الخامس لو السادس لانه اتذكر جانت كلش حارة بوقتها وجان يرجع محروك من الشمس وبس اتاكدر من عنده راح ارجع اجاوبك اذا جان غلط بالاشهر وبالنسبة لثاني مرة احتياط احنا جنا خارج العراق بوقتها ومشمله الموضوع

والله يوفقك

[مهاجرين بلا حدود]

اخي الكريم اني لبست احتياط بال2001 وكانت شهرين في بداية السنة بس اني جماعة ال74

[هنا مشيغان]

مرحبا عزيزي الورد راح اجاوبك جواب مظبوط انشاللةواكيد لان اني مواليدي 1972 اول دفعة انساقت لمعسكرات التدريب كانت بدايةشهر الرابع1990 وثاني دفعة الي اني لبست بيهةفكانت بشهرالتاسع1990 وهذاجواب مظبوط ظبط العكال وتحياتي الك وانشاللةماترجع تخدم من جديد

[kunda]

للاسف احنا كضيناها دراسة بدراسة ههههههههه ماشفنا طلب المواليد

[عبدون]

اختي ننوسة اشكرك لان جوابك تقريبي ومفيد 
اخي مهاجر بلا حدود صحيح تذكرت ، مواليد 1974 دعوهم بنفس السنة وجانو ا قبل مواليدنا واني ممنون من اجابتك 
حبيبي هنا ميشغان اشكرك لمشاركتك اني اتكلم عل الاحتياط موالالزامية وكلامك بخصوص سنة 1990 مضبوط بس اني ملبست وياكم لان جنت طالب 
اخوية كوندا شكرا لمشاركتك واني ايظا كنت طالب بس العسكرية بالنسبة للمواليد المشمولة قبل 2003 لا مفر منها ، ومبروك عليكم الفلتة هههههه 
شكرا لجميع الاخوان المشاركين لمساعدتهم لي والضيوف جميعا ، نضيفكم بالافراح 

[عبدون]

up

[mzeeni]

عزيزي اني من مواليد 72
اتذكر لبست احتياط مدة الشهر مرة وحدة في سنة 1999 وعلى الاغلب شهر 6
وخدمة الشهرين لم يصلنا الدور بها اعتقد وصلت لحد مواليد 70 او 71
تحياتي

[ألن في بلاد العجائب]

و الله يا اخويه كان بودي اساعدك و انطيك المضبوط بس اني ملابس عسكريه و حبيت امر بموضوعك و اسلم عليك

تحياتي
ألن

[rayanchase]

والله كبررررنا و عجززنا

[HOLLYWOOD]

هنا كلهم افراريه 

[ARMY STRONG]

للرفع و حضور ايفن علي 
هو يفيدك

[(COBRA)]

للسوق  والرفع.......
عبدون اني صاير بيه داء النسيان .. ماتذكر هسه شتعشيت لو شتريكت..
 :oاعفيني من الخدمه ...
تحياتي

[عبدون]

السلام عليكم جميعا
اخي mazeeni انا اشكرك للاجابة على استفساري وفي سنة 1999 كانت خدمة الشهر وكنت اشك انها بين الخامس والسابع وتم استدعائنا في 2001 لمدة شهرين وقد خدمت ولااتذكر بالضبط اي شهر وشكرا لمرورك .
الن في بلاد العجائب شكرا لمشاركتك وعليكم السلام ورحمة الله وبركاته.
hoolywood اخي لازم اكو ناس خادمة ممعقولة كلهم فرارية حتى لو ضابط تجنيد يجاوبني هههههههههه.
armystrong اخي شكرا للرفع وين اخونة ايفين علي خلي يحضر لو نغيبه .
ابو ارا الله يكون بعونك ويفرجهة عليك وتجيك الموافقة وعلى الجميع ... سلامي الك .

اخوكم عبدون
   عمان