سؤال خاص الى المقدمين على SIV

[bob2011]

صباح الخير الى الجميع "

اولا ببركة الله سبحانه وتعالى قد رزقت بطفل جديد واني مقابل في السفارة فكالولي من يجيك طفل بلغنا علمود اندزلك التعليمات مال طفل عندي عدة اسئلة السؤال الاول الي هواا ز

وره شكد اكدر اطلع جنسية للطفل .

واكدر اطلع شهادة جنسية اله لو يعتمدون على شهادة الجنسية مالتي .

وهم لازم ارجع على موضوع الجيف اومشن ابروفل من جديد لو اقدم على السفارة مباشرة .

الى عنده خبره في هذاا المجال مساعدتي واكون شاكراا لكم .

[محارب]

اخي العزيز بيك وماتتستعجل بموضوع الجنسيه لان هيه اهم شي
ومااريد اهبط من معنوياتك الجنسيه صعب تطلع بسرعة يعني شوفلك واسطه لان تتاخر .اني طلعت جنسية ابني بعد 6 أشهر  لان أني حالف ما أنطي رشوة ولا فلس
بعد ما تطلع الجنسيه كلشي يصير سهل ترجمة وتصديق بيان الولادة والجنسيه وشهادة الجنسيه بيوم واحد والجواز يطلع ب 3 ايام وقيد العائله 57 بيوم واحد وتدز ايميل للسفارة تبلغهم حتى يضيفون المولود الجديد للكيس مالتك وتمليله استمارة ds-230 أو ds-260 وبعدين يدزولك ايميل بيه اسم الطفل حتى تسوي الفحص الطبي وانصحك بعيادةwamar ببغداد وأخذ زوجتك لان يريدون الام تكون افظل من الاب ولو اني كلتلهم عفت زوجتي يم الجهال كالو ليش ما جبتهم كلهم لان ميصير الاب فكتلهم اذا اجيب الاثنين الباقين يعني راح تعزل العيادة وينقطع رزقكم فضحكوا وكالولي اوكي انت تعرف مواعيد اللقاح والمعلومات الطبية الخاصه بالولد قلت نعم وبعدين وافق الطبيب وخلصت السالفه وبعد يومين اخذهم ونروح نقابل

[kunda]

صديقي بوب هاك هذا الرابط مال كروب سفر وطفل واتونس وفلفس بيه براحتك وهسه رفعتة لخاطر عيونك وعيون البيبي الله يخليه  ويحفظة ويتربى بعزكم   
http://www.ankawa.com/forum/index.php?topic=470620.0

[جوني جاك]

اخي بالخير عليك الطفل وان شاء الله يكون من ابناء السلامة
اخي العزيز مع احترامي الى الاخ كلش حباب بس الجنسية كلش سهلة وشهادة الجنسية صعبة شوية بس انت كللهم انو انت تريد تسافر تشتغل برة وتاخذ عائلتك وياك وما عندك احد يكمل الشغلة وراك فانت كلش مستعجل واحتمال يكولولك جيبلنة العقد مال الخارج وجيبلنة كتاب من عد الشركة اللي تريد تشتغل بيهة برة او من السفارة مال البلد الي تريد تروح تشتغل بي ( لا تتعجب لان اني هم كالولي لمن جنت اريد اطلع بعض المستمسكات لابني وهو صغير وتطلع من الموظفين مالتنة مو غريبة عليهم) فانتة كوللهم انو انت عراقي وشلون اذا بلد موكف وياك شلون تتوقعون انو الغريب يوكف وياية وهم يساعدوك علمود تطلعلة جواز ولازم اتضيف ابنك على البطاقة التموينية يعني بيهة مراجعات بس كلهة متاخذ وقت طويل يعني تاييدات من المختار والمجلس البلدي بس ينرادلهة ركض وان شاء الله ربك يسهلهة عليك بقية الشغلات اسال الاخوان لان اني اصلا اي او ام مو اس اي في حتى اعرف بالبقية بس بالمناسبة صديقي ضاف طفل وسوة هاي الشغلات وهو اس اي في والله كريم.
وتقبل مروري
جوني جاك

[مرسي الزناتي]

صديقي بوب هاك هذا الرابط مال كروب سفر وطفل واتونس وفلفس بيه براحتك وهسه رفعتة لخاطر عيونك وعيون البيبي الله يخليه  ويحفظة ويتربى بعزكم

اخ كوندا عاشت ايدك على هذا الرابط السحري

شفاف ما يبين

[bob2011]

شكرااااا على الردود الحلوة واسال من الله التوفيق وادعولي لانه الظاهررر شغلة متعبه

[محارب]

اخويه ان شاء الله متشوف تعب انت بس طلع الجنسيه والباقي سهل
بالمناسبه مكلتلنه شسميت البيبي
ان شاء الله تشوف على عينه الرزق والمستقبل الزاهر

[ali nadom]

السلام عليكم ارجو منكم الافادة
اني طالب صف السادس العلمي كملت اوراق سفري الى امريكا و اني ناوي اروح الى ولاية اوركن شنو رأيكم؟؟؟؟؟
واريد الدراسة الجامعية في ولاية اوركن في كلية الطب بساريد اعرف التكاليف الجامعية وشروط القبول؟؟؟؟؟؟؟
شكرا للجميع وارجو الافادة منكم   سلامي

[kunda]

اسف ياجماعة مانسخت الرابط بالبداية بس قصدت انه رفعت الموضوع بكلمة    رفع  وهذا الرابط ايضا
http://www.ankawa.com/forum/index.php?topic=470620.0

[kunda]

صديقي بوب هاك هذا الرابط مال كروب سفر وطفل واتونس وفلفس بيه براحتك وهسه رفعتة لخاطر عيونك وعيون البيبي الله يخليه  ويحفظة ويتربى بعزكم

اخ كوندا عاشت ايدك على هذا الرابط السحري

شفاف ما يبين

انت مو المارد غير اتدبرها لعد