اكو شغلة اريد افتهمها ممكن ؟؟؟؟؟؟؟؟؟

[dentismart]

السلام عليكم 
اخواني اني تصفحت كثيرا بهذا المنتدى الرائع واكو شغلة استنتجتها هو انه الشخص ممكن يقدم على IOM
 على الرغم هو ما مشتغل ويا الامريكان  بس اذا عنده اخ مشتغل ويا الامريكان ؟
هل هذا الشي صح لو لا
زين اذا صح اني اخت زوجتي كانت تشتغل ويا الامريكان وهسه هيه بامريكا
يصير زوجتي تقدم على IOM لو لازم اختها تكون مستمرة بالعمل ليهسة ؟
علما انه احنا بالعراق

[مرسي الزناتي]

اي يصير تقدم اختها حتى لو بطلت
تقدم بااوراق اختها
 

[abnbaghdad83]

اخ dentismart

اكيد تكدر زوجتك تقدم بأوراق اختهه
خلي تقدم بس بأسمه وبعدين من ينطوهه اي زي نمبر راح يسألوهه اذا كانت تريد تضيف احد
 وعندها تجاوبهم نعم وتضيفك هيج افضل.

ابن بغداد 83

[مغترب بلا وطن]

اي نعم يصير بس لازم تلاحظ اذا عدكم ابناء اكبر من 18 سنه ما مشمولين وما تكدرون تاخذوهم.

[Abnaa Al-Iraq]

اكيد تكدر اخي العزيز عن طريق اختها وبعدين زوجتك تسحبك بحيث يكون الكيس باسمها

[السفير80]

اعتقد تكدر

[dentismart]

زين هيه اكو شغلة انه اخت زوجتي ما قدمت من بغداد وانما قدمت من سوريا
لين بوكتها كان لازم تطلع من العراق هيه و اولادها اكيد تعرفون ليش ....
وطلعت وقدمت من سوريا لل يو ان
المهم زوجتي تكدر تقدم من بغداد عادي لو لازم من نفس مكان اللي قدمت بي اختها يعني سوريا
وتسلمون على كل الردود

[angie-dawood]

زين اذا اخت زوجتك كانت مشتغل وي الامريكان ليش بوكتها  قدمت على برنامج اليوان بدال ما تقدم على اس اي في او اي او ام
سؤال ثاني اخت زوجتك  عدها ما يثبت عملها مع الامريكان يعني  كل المستمسكات الي تثبت عملها وياهم  !

[dentismart]

عيني انجي هيه من طلعت لسوريا كانت اكو فرصة انه تسافر عن طريق ال يو ان مثل ما بعض الاصدقاء نصحوها بوكتها
وفعلا سافرت
وبالنسبة للسؤال الثاني اكيد عدها ما يثبت انه كانت تعمل ويا الامريكان
ممكن زوجتي تقدم باوراقها ل IOM
وشكرا مقدما على كل اللي يتعب نفسة و ينطيني من خبرتة

[angie-dawood]

نعم ممكن اخي  تقدم زوجتك وتكون المعاملة باسم زوجتك ومن العراق يصير مو شرط تقدم من خارج العراق 

[مغترب بلا وطن]

زين اذا اخت زوجتك كانت مشتغل وي الامريكان ليش بوكتها  قدمت على برنامج اليوان بدال ما تقدم على اس اي في او اي او ام
سؤال ثاني اخت زوجتك  عدها ما يثبت عملها مع الامريكان يعني  كل المستمسكات الي تثبت عملها وياهم  !

اخت انجي برنامج SIV  في بدايته كان صعب جدا  لانو كان خاص فقط بالمترجمين ولا يشمل المتعاقدين بالاضافة الى انو  مجان اكو شي اسمه COM Approval  وانما لازم يحصل المتقدم على تزكية من ضابط امريكي برتبه جنرال , طبعا الجنارالات الي بالعراق ينعدون على اصابع اليد فمن المستحيل تحصيل تزكية من ضابط امريكي بهذا المستوى وبعد فترة تم تعديل البرنامج واصبح يشمل المتعاقدين  وبدون تزكية الجنرال واستبدالها بالكوم ابروفال.

[angie-dawood]

زين اذا اخت زوجتك كانت مشتغل وي الامريكان ليش بوكتها  قدمت على برنامج اليوان بدال ما تقدم على اس اي في او اي او ام
سؤال ثاني اخت زوجتك  عدها ما يثبت عملها مع الامريكان يعني  كل المستمسكات الي تثبت عملها وياهم  !

اخت انجي برنامج SIV  في بدايته كان صعب جدا  لانو كان خاص فقط بالمترجمين ولا يشمل المتعاقدين بالاضافة الى انو  مجان اكو شي اسمه COM Approval  وانما لازم يحصل المتقدم على تزكية من ضابط امريكي برتبه جنرال , طبعا الجنارالات الي بالعراق ينعدون على اصابع اليد فمن المستحيل تحصيل تزكية من ضابط امريكي بهذا المستوى وبعد فترة تم تعديل البرنامج واصبح يشمل المتعاقدين  وبدون تزكية الجنرال واستبدالها بالكوم ابروفال.

شكرا مغترب للتوضيح

[dentismart]

شكرا اخواني على كل اللي رد على موضوعي
اللي افتهمته انه يصير زوجتي تقدم من العراق على IOM
والكيس يصير بأسمها
السؤال الان شنو هي المراحل اللي لازم تسويها يعني شنو اول خطوة للتقديم
وهل لازم يكون عدها تهديد قوي شخصي الها
لو تهديد اختها اللي خلاها تسافر راسا يكون كافي للكيس مالتها
ادري طولت عليكم ودوختكم
بس اني ما عندي خبرة بهيج مواضيع
ارجو منكم التوضيح واي شي حتى لو صغير بالنسبة الكم هو كافي وكبير بالنسبة الي
وشكرا على كل مجهوداتكم

[مغترب بلا وطن]

شكرا اخواني على كل اللي رد على موضوعي
اللي افتهمته انه يصير زوجتي تقدم من العراق على IOM
والكيس يصير بأسمها
السؤال الان شنو هي المراحل اللي لازم تسويها يعني شنو اول خطوة للتقديم
وهل لازم يكون عدها تهديد قوي شخصي الها
لو تهديد اختها اللي خلاها تسافر راسا يكون كافي للكيس مالتها
ادري طولت عليكم ودوختكم
بس اني ما عندي خبرة بهيج مواضيع
ارجو منكم التوضيح واي شي حتى لو صغير بالنسبة الكم هو كافي وكبير بالنسبة الي
وشكرا على كل مجهوداتكم

تهديد عليها بسبب عمل اختها.

[ريم عبد]

اخي العزيز اول خطوه تبدي بيها انه تطلب من اخت زوجتك تزودكم بالمستمسكات التاليه
الريكومنديشن واسم المسؤل الامريكي وايميله الرسمي
رقم الكيس مالتها الي طلعت بي
وعنوانها الحالي
وهوية الاحوال المدنيه العراقيه

اما الي انت تسوي
تدز ايميل على العنوان التالي
ic@iom.int
باسم زوجتك وتذكر انه اختها كانت تشتغل في المكان الفلاني للفتره كذا
وبعد سفرها تعرضنا احنا للتهديد بسبب معرفة الجيران انه اختها الان موجوده في امريكا وكانت تعمل مع الامريكان

ترفق مع هذا الايميل
الاوراق الي تزودكم بيها الاخت
مع هويات الاحوال المدنيه لعائلتكم
بايوغرافي داتا لكل افراد العائله
وتكون زوجتك هيه البرينسبل اوف ابليكنت
ترسلها وبعدها راح يجيك اوتوربلاي اهمله
وره يوم او يومين يجيك استفسار ويطلبون منك معلومات امليها ودزلهميا
ومن توصل لهاي المرحله تعال نكملك الباقي

[زرزور بغداد]

وألله مبدعة ,,,,, أخت ريم ألله يوفقج يارب

[سرى1]

زميلي امشي على كلام اختنا ريم وهي ما قصرت بالجواب

[ريم عبد]

وألله مبدعة ,,,,, أخت ريم ألله يوفقج يارب

شكرا اخي زرزور هذا من ذوقك الراقي

[Abnaa Al-Iraq]

الاخت ريم عبد نطتك المفيد وبالتفصيل الوافي ارجو اتباع الخطوات واتمامها بعدها تنتظر يجيك الاي زت نمبر ان شاء الله