اخوان شوفو شنو صار وياي بعد عشرة اشهر

[الرجل العراقي]

السلام عليكم احبتي العنكاويين طبعا اني قيد الدراسه على امريكا منذ عشرة اشهر وقبل اول بارحة دزيت رساله لاي او ام مصر شرحتلهم بيه حالتي وجان يدزولي رساله انه رقم ملفك يخص غير ناس  ورب الاسرة اسمه حيدر عبد الكاظم السوداني فأي واحد هذا اسمه خلي ايكلي ويكتب ويرد على الموضوع شنو القصة يعني اني وياه بنفس الرقم هاي موطبيعي وكاتبيلي  عيني اببعثنه رساله برقمك علمود انخابرك فياحيدر الورد انت وينك اكتبلي وخلينه انشوف شنو قصتنا علمود انراجع الاي او ام هاي هم جانت ناقصة شنو رأيكم اخوتي شوفونه حل اخوكم الرجل العراقي

[ĈAŃDŶ]

هاي شون يصير هيج 

[ابو هنودة]

اخي الرجل العراقي السلام عليكم
لم اسمع خلال السنوات الماضية انه هناك هكذا حالة
اذا كنت مقدم على الـ UN وتحول ملفك الى IOM راسلهم واذكر لهم المشكلة مع ارسال رقم ملفك في الـ UN
اذا كنت مقدم على الـ IOM  مباشرة فيمكنك ان تذكر لهم تاريخ تقديمك واسمك بالانكليزي كما مثبت بجواز السفر ورقم الجواز ومن هذه المعلومات يستطيعون ان يتعرفوا على ملفك
وانشاء الله الاخ حيدر السوداني يقرأ رسالتك او يقرأها من يعرفه ويبلغه الرسالة لحل المشكلة
واتمنى لك التوفيق

[مالي سواك]

اخي الله ايعينك يسهل امر الجميع

[سمااسم]

اخي العزيز
صار مثل هذا الاشكال ويه ولد صديقي بس هوه اس اي في دزوله الكوم وكاتبيله اسماء مو اسمائه وجان الغلط منهم اخي لاتخاف هاي تصير لان همه مو انبياء يعني يغلطون

[SARA CALIFORNIA]

زين و اذا حيدر مو عضو بالمنتدى شلون

[البغدادية2]

اخويه صارت ويا عائله بس siv بس دزلهم مره ثانيه المعلومات ومثل مامتكوب بلجواز نوبات يغلطون صديقتي صار وياها وبعدين صححوا الغلط وهسا هي باميركا لتخاف بس لتعوف الموظوع

[غزوان الاعظمي]

اخي لا تقلق الخطأ وارد بكل مكان و زمان

تحياتي

[ابو هنودة]

زين و اذا حيدر مو عضو بالمنتدى شلون

الاخت العزيزة سارة
ماكو مشكلة نطلب مواليده احتياط ونطوعة بالمنتدى   

[الرجل العراقي]

طبعا اني حيل اشكركم  على الردود الحلوة اني مقدم على اليو ان منذ 2007 وطلعتلي نيوزلاندة وفبلت وبعد سنه واربع تشر اجاني رفض وتحولت على امريكا واستلمت الظرف قيد الدراسه منذ عشرتشر وكلت ادزلهم رساله اشوف شكو ماكو بس لعبت نفسي من دزولي التشابه بالارقام وكلولي هذا رقم السيد حيدر السوداني وكالو دزنه رقمك برساله دنشوف موضوع التشابه هذا وناخذ بياناتك الله اعلم يرجعونه من جديد الله يستر بعد الضيم هذا كله والشكر الجزيل لكم على ردودكم

[rayanchase]

ازين اكدر احول اسمي الى  حيدر السوداني      ههههههههه  والله لو يصير

[نــــــــــوار تيتــــــو]

خوش سالفه مال الفين وهسه 


     

سلملي على حيدر من تلكاه

[لوليه]

دور عليه (ابرة في قومة قش )

[aws love]

راح اغنيللك اغنيه اسمعه زين يا مسعده وبيتك على الشط منين ما ملتي غرفتي كدام بيتك يلعب البط
البط هو حيدر روح ابو كرار

[اسراء بغداد]

زين و اذا حيدر مو عضو بالمنتدى شلون

  ;

[ابن الحله]

SIV+IOM = مش حتقدر تغمض عنيك, راح تشوف العجب كان الله في العون

[السفير80]

زين و اذا حيدر مو عضو بالمنتدى شلون

هههههههههههههههههه

[farfora]

الله يساعدك ويكون بعونك بس حاول تدزلهم الرقم مرة ثانيه وتاكدة منة بصورة صحيحه وبلكت الله توصل غير رساله ويطلعون غلطانين

[RED HAT]

السلام عليكم ...

اخوية اني هم صارت بيه هاي الحالة بال SIV  دزولي اول مرة الكيس نمبر BGHXXXXXX6XX  وبعدين كل الايميلات الي اجتني وراها جان الكيس نمبر BGHXXXXXX9XX  فدزيتلهم ايميل بي اسمي مثل الي بالجواز وتاريخ الميلاد مالتي والكيس نمر الثاني بالسبجكت مال ايميل وبعدين سألتهم وكتلهم هيج و هيج السالفة فجاوبوني كالولي الكيس نمبر ماتك الصحيح هو الثاني مو الاول وجان غلط من عدنة ...

اخوية دزلهم ايميل بي اسمك و تاريخ ميلادك ورقم الكيس نمبر مالتك علمود يجيكون فايلاتهم

وتحياتي الك

[احمد عباس]

ههههههه وانت راح تضل ساكت
ناوي تكملها للاخير تسافر بداله

[ابومريومة]

اخي الخطأ وارد وصارت وية والدي SIV يخاطبوه بأسم ثاني والايميل ورقم الكيس مالته والطلبات كانت متخص عمل والدي وهو حالياً بأمريكا لذا لا تترك الموضوع وحاول تدزلهم ايميل قديم متراسل بيه وياهم تبين بيه هويتك وتسأل عن وضع ملفك من خلالة

تحياتي
ابومريومة البغدادي