السلام عليكم ورحمة الله وبركات .. كيف الحال اخواني اخواتي الكرم وشكرا على الموضوع والمناقشة الاحلا .. حبيت بس اضيف فد معلومه اني اعرفها. عندي ابن عمتي طلع لامريكا من سوريا قبل ثلاث سنوات ونصف تقريباً وقضى من هلثلاث سنوات ونص سنتين ونص بنيورك ومن سنة تقريبا اتحول لولاية ميشكن / مدينة ديربون واتصلت بيه خلال هلشهر مرتين لان كان عندي مقابلت محلف قبل ثلاث ايام ونصحني واكد عليه انوا اجي لولاية مشيكن لان (مدحلي بالولاية كثير ) واكلي خليك من اي كلام تسمعه . وهاي للامانه نقل عن لسانه وهو ترى مو جديد يعني ثلاث سنين ونصف بامريكا فلازم عنده معلومات . هاي وحده
ثانياً : ومع احترامي لاراء كل الاخوه والاخوات ومعلوماتهم .. اني كلتلي مسئولت مفوظية شؤن الاجئين بالامارت قبل اسبوعين تقريباً ونقل عن لسانها/ كالت صالي 22 سنه اعمل بالمفوظية ومرت عليه كثير حالات بهل سنين ومن كل الجنسيات لكن (مشفت ناس طيلة فترة خدمتي بالمنظمة يطلعون دعايات مثل العراقيين , واتكول المشكله مو بالداعية المشكله انتوا اطلعون الدعاية واصدكون بيها )
فيا اخوان خلوها على رب العالمين ,, وصدكوني رب العالمين يرزق على النية ,, وكمثال اعرف هنا رجل مصري الجنسية اشترى فيزة زيارة للامارات وفلوس الفيزا كلها كان ماخذها سلف , واجة هنا وما عنده غير رب العالمين,, واثناء سفرة من مصر للامارات جلس يمة بكرسي الطائرة رجل اماراتي صاحب شركة مقاولات وكان بزيارة سياحية الى مصر وبالصدفة ظل يتكلم وياها ويساله للمصري على عملة,, وعرف منه انوا هو محاسب وعلى طول همه وبالطائرة ولسه ما وصل المطار حصل على عمل بشركة هذا الاماراتي واعطاه راتب ضعف الي كان يحلم بيه,, فسبحان الله الواحد الرزاق ,, وكما قال سيدنا الامام زين العابدين( رضي الله عنه وارضاه)
عليك بتقوى الله إن كنت غافلا ***يأتيك بالأرزاق من حيث لا تدري
فكيف تخاف الفقر والله رازقا **** فقد رزق الطير والحوت في البحر
ومن ظن أن الرزق يأتي بقوة **** ما أكل العصفور شيئا مع النسر
تزول عن الدنيا فإنك لا تدري *** إذا جن عليك الليل هل تعيش إلى الفجر
اخــوكــم / يــوســفــي
