الاخوان اللي قابلوا SIV في السفارة الامريكية\عمان ارجو المساعده

[قدوري]

الرجاء من جميع الاخوة اللي قابلوا او عدهم معلومات عن المقابله الاس اي في بعمان ان يساعدونا بنصائحهم
اخويه عنده مقابله اس اي في في عمان بدايه شهر السابع وماعنده اي معلومات حول هاي المقابلة ارجو مساعده الاخوة اللي مروا بهاي التجربه سابقا ينطونا انطباعاتهم حوال الموضوع
1- التقديم كان بشهر الثامن العام
2-خلصت الاوراق من الان قي سي الشهر الماضي وبلغوه انو المقابله راح اتكون بعمان حسب طلبه طبعا
3-طبعا اكو مرفق بالرساله يجرد كل المستمسكات والاوراق المطلوبه وكل هاي الاوراق حاضرة ( المستمسكات المترجمه وصورة القيد وبيان الولادة والخ)
4- عدم المحكوميه من العراق غير موجودة لكون هو بعمان ولازم يرجع للعراق يسويها وبلغ الان في سي بهالشي وما ادري ممكن هاي تاثر على المعامله لو من الممكن ان يمشوها بدون عدم محكوميه من العراق وشنو نصائحكم بهالخصوص بالمقابلة
5- اختار عدم التقديم على البنفتس هاي مال الولكم والطيارة ولهذا ما قدم الفورم 234
6- دا اقرة بالمنتدى انوا اكو فورم 230 لازم تنملى وهاي محد طلبها لحد الان وحتى بالجرد الاخير بس طالبين الفورم 157 وية المستمسكات المطلوبة فهل هاي ال  230 ضرورية يعني لازم الواحد ياخذها وياه بالمقابله حتى لو همه ماطالبيها
7- طبعا جان اكو غلطة باحد الحقول الخاصة بالمواليد بالفورم 260 اللي اندزت لنبراسكا شنورايكم الواحد ايعلس ماطول مشوها وتصححت بالفورمات الوراها لو يككللهم عليها
اسف اسئلة اهوايه بس والله احتارينة لان الاس اي في يوميه مغيرين الروتين مالتهم شكل جديد والواحد يريد يضببط نفسه كبل المقابلة
واشكر الجميع مقدما
 

[قدوري]

اخواني الاعزاء
كبل يومين كتبت هذا الموضوع وهكوتي ان اجد جواب عدكم لاسئلتي لما عرفته عن جميع المشتركين بروحهم العاليه بالتعاون والمساعده لاي واحد محتاج مساعده اليوم . طبعا ما اجاني ولا رد وهذا خلاني امام عده احنمالات
1- ماكو ولا واحد اس اي في مقابل بالسفارة الامريكيه بعمان لحد الان وهاي معناها الجماعه بالسفارة راح يستلموه استلام مضبوط
2- جماعه السفارة صعبين جدا بالمقابله بحيث حتى اللي مقابل هلكد ما لعبانه نفسه ميريد يحجي بالموضوع
3-لو السفارة سلسه جدا بالتعامل والمقابله سهلة بحيث كل اللي قابلوا طلعوا كبل من السفارة لامريكا وانشاء الله هذا الاحتمال هو الارجح
هسه ماريد شي بس واحد يفهمنا على هاي الكشرة دي اس 230   و 234 اذا ما مقدم على البنفتس يردوها همه لو لا لان  حتى بالقائمه مال الوثائق المطلوبه من قبل السفارة ما مذكورة
واشكر الجميع لمرورهم وارجو اللي عنده اجابه يجاوبني ..............ممنوووووووووووووووووووووووون مقدما

[سرى1]

اخي العزيز انت بس عدل عنوان الموضوع كاتب محلفين وكاتب اس اي في ويجوز الاخوة ما انتبهوا على موضوعك

عالعموم عدم المحكومية مهمــــــــــــــــــــــــة للغايـــــــــــــــــة واحتمال اذا ما يجيبها يجيه رفض مؤقت تحت المادة G221 يعني ييدوها يريدوها والا يجيبها يالله تمشي المعاملة

الدي اس 230 عرفنا من بعض الاخوة انه طلبوها حتى مع وجود ال260

ال234 اذا ما ناوي على بنفتس ما يحتاجها بس هو ليش ما يريدها؟

[قدوري]

ممنون جدا ست سرى
البنفتس ماقدم عليها حتى لايرتبط بالاي او ام يعني علمود هو يحجز ويسافر ويصفي ارتباطاته براحته
عدم المحكوميه ماتطلع الا ايروح للعراق وكال هالشي للان في سي بوكتها انو هو ميكدر يرجع للعراق ويطلع عدم محكوميه لان اكو خطر عليه وعلى عائلته اذا رجع   
الحلو بالموضوع انو من البدايه جان طالب المقابلة بعمان فبعد ما كاللهم مااكدر اجيب عدم محكوميه رجعوا عليه بعد شهر وكللوله اذا تحول مقابلتك لبغداد هسه ننطيك موعد مقابلة في بغداد طبعا رفض اجراء المقابلة ببغداد لنفس سبب الخطر على حياته وحياه عائلته وكاللهم ارجو ابقاء الملف في عمان ورة اقل من اسبوعين دزوا الان في سي موعد المقابلة في سفارة عمان
فيعني عدم محكوميه ميكدر ايجيب فاذا اي واحد من الاخوان اللي قابلوا اس اي في خارج العراق وتعرض اهيجي موقف يكدر ايساعدنا اشلون نتصرف بالمقابله حتى يتجاوزون هذا الموضوع لو مابيها مجال نهائي
واكو استفسار لاخ هسه اخوتي البقيه يكدرون يقدمون على الاي او ام باعتبار اخوهم اس اي في ومحصل كوم لو الا يحصل فيزا يلا يكدرون يقدمون؟
وشكرا جزيلا مقدما

[يوسف عبدالله]

اخي العزيز
اني قابلت   بعمان وكان سبب تاخير معاملتي وانطوني ورقه (221g) اللي هي رفض مؤقت لوجود نقص في الاوراق  والنقص اللي كان عندي
هو انه كنت ماخذ عدم محكوميه من المحاكم الاردنيه  والمطلوب هو شهاده سير وسلوك من المخابرات الاردنيه وبلنسبه لعدم محكوميه من العراق مهمه جدا جدا وتكدر تسويها من السفاره العراقيه من عمان  
وتكدر تقره الموضوع اللي كتبته ورا مقابلتي واي شي تحتاج اني بلخدمه
http://www.ankawa.com/forum/index.php/topic,493687.0.html

[قدوري]

الف رحمه  على والديك اخ يوسف
هسه خابرته وباجر من الصبح يروح للسفارة ويشوف شنو المطلوب لاصدار عدم المحكوميه من السفارة وبلكي الله تصدر خلال 20 يوم حتى قبل موعد المقابلة وتفض هاي الشغلة ونخلص
 وهاي مال السيرة والسلوك همزين احد الاخوان نبهنا عليها وهم يمكن خلال اسبوع تصدر.
والله كريم علينا وعليك وعلى الجميع انشاء الله
ممنون جدا لحضرتك وبارك الله بيك  

[سرى1]

واكو استفسار لاخ هسه اخوتي البقيه يكدرون يقدمون على الاي او ام باعتبار اخوهم اس اي في ومحصل كوم لو الا يحصل فيزا يلا يكدرون يقدمون؟



اي يكدرون يقدمون طبعا وبدون ما يكون عندك كوم ابروفال وطبعا مو الا فيزا محصل

[قدوري]

ممنون ست سرى
عندي اخ ثاني هسه يلا وصل عمان وبعده مامقدم على اي او ام عمان يعني نكدر هسه نسويله ايميل مباشر للاي او ام على اساس انو هو اخ لاحد الحاصلين على الكوم ابروفال بس طبعا هذا الثاني ليهسه لا مقابل( راح ايقابل شهر الجاي) وبالطبع ممحصل فيزا يعني معاملته ما محسومة نهائي
زين اذا لا سامح الله وانطوه بالمقابله هاي الورقة ( جي 221 ) وتعرقلت شغلت الاس اي في ممكن اتاثر على اللي مقدم على الاي او ام

والله حيرة
هسه احنا دنكول ننتظر خلي ابو الاس اي في تفض شغلته وياخذ فيزا وبعدين انقدم على الاي او ام للثاني حتى تكون شبه محسومة انشاء الله
وانا كلي شكر لردودك ومتابعتك معي
والله يبارك فيكي

[سرى1]

اهلا بيك اخي العزيز ما يأثر اي شي خليه يقدم مباشر  ومراح يأثر على اخوه ابو الاس اي في او حتى اذا الاخير اخذ رفض مؤقت او تأخرت فيزته الاي او ام مالهم علاقة