اخواني الحكولي مشكله ولازم هسه احله

[ssomeda]

صباح الخير غدا مقابلتي اي او ام بغداد قبل شويه خابروني المنظمه كالو باجر عدكم مقابله انتو عددكم 5 استغربت كلتله احنه 6 مو 5 كالت لا 5افراد كلته اوكي احنه نمشي على الايميل (طبعا كلت هاي شافطه ) مباشرتا رحت على الحاسبة وفتحت الايميل ولكيت رسالة من المنظمة تكول مقابلتكم يوم غد وعدد الافراد 5 ورقم الكيس مالتنه وجواها اسم والدتي وقم الكيس مالتهه وكاليلين انو والدتي الغي الملف مالته (على طلب من عدنا )بس احنه ملاغين الملف مالته ولا طالبين هذا الشي طبعا قبل 15 يوم من دزو ايميل القابله عزلو والدتي برقم ملف جديد وهذا الشي عادي .رحت دورت بالرسائل المرسله ملكيت ايميل اني دازه الى المنظمه ايكول الغي الملف ؟؟كلت اخاف واحد فات على ايميلي وداز رساله. والله دخت شسوي هسه ارجوكم الي عنده فد معلومه شسوي او ماره عليه هيجي شي
هذوله ناس مخربطين

[xxlm569]

بسيطه عيني
اميل سريع مذكور بي هذا الكلام و اذا ماكو رد ايجابي بالمقابلة تكدرون تفهمون الموضف بالخطأ الي صار .

[عمدة فرجينيا]

اخوية اذا تكدر اتخابرهم وتوضحلهم انه انتوا ما لاغين القضية حتى بلكت ايسولهة موعد وياكم على باجر واذا ما رهمت روحوا نتوا باجر وسووا المقابلة وهناك احجيلهم على موضوع والدتك


تحياتي
الملاك الحائر

[ssomeda]

اخواني راسا دزيت ربلي على ايميلهم وشرحت هذا الشي بس التلفون صعبه لان محد يكدر يحصل كله انسر مشين وماكو نتيجه

[عمدة فرجينيا]

لا عيني شنو صعبة ظل حاول واسمع الانسر مشين شتكلك اخر شي اكو خيار ان تحجي وية الموظفين لا تياس خوية التلفون اهم من الايميل شغلته اتطول وانت باجر مقابلتك

[Baguncero]

أخوية آني هم صار وياية بالبداية بسنة 2008 نفس الفلم
جفتتهم بايميل رسمي أؤكد رســـــــــــــــمي وبالأنكليزي ونسخة لكل الجهات المعنية رجعوا خابروني وأعتذروا مني وكالوا أحنة غلطنة ورجعت الحجية وياية بكيس منفصل وليومك أبو الشباب صار سنتين ونص نجاهد ..... ولو نجاهد خاف يكلون علينة ارهابيين ... عمي صار سنتين ونص مذلة وفحوصات ومقابلات وبصمات وكل قبض ماكو

دزلهم اخوية دزلهم

Baguncero

[ssomeda]

لا عيني شنو صعبة ظل حاول واسمع الانسر مشين شتكلك اخر شي اكو خيار ان تحجي وية الموظفين لا تياس خوية التلفون اهم من الايميل شغلته اتطول وانت باجر مقابلتك

ميفيد الحد هسه رصيد 30 الف على الانسر مشين وماكو نتيجه واني متاكد من جوابهم انو ميعرفون شي دز ايميل............ بس اكول ..الله يطيح حظج اي او ام وحظ الموظفين المخربطين والحاقدين

[ssomeda]

أخوية آني هم صار وياية بالبداية بسنة 2008 نفس الفلم
جفتتهم بايميل رسمي أؤكد رســـــــــــــــمي وبالأنكليزي ونسخة لكل الجهات المعنية رجعوا خابروني وأعتذروا مني وكالوا أحنة غلطنة ورجعت الحجية وياية بكيس منفصل وليومك أبو الشباب صار سنتين ونص نجاهد ..... ولو نجاهد خاف يكلون علينة ارهابيين ... عمي صار سنتين ونص مذلة وفحوصات ومقابلات وبصمات وكل قبض ماكو

دزلهم اخوية دزلهم

Baguncero

اشكرك اخويه شنو تقصد رسمي اني دزيت ايميل بالانكليزي وشني الجهات العنيه الي ادزلهه بعد ممكن توضحلي.....الله يطيح حظج اي...........؟ وحظ الموظفين

[Baguncero]

أخوية الأيميل الرسمي يكون كالآتي
To: IOM Head Office <ic@iom.int>
CC: IOM administration Department<iomammanadmin@iom.int >, IOM Head Quarter <hq@iom.int>iIOM Washington<mrfwashington@iom.int> USCIS Amman<uscis.amman@dhs.gov >
Priority: HIGH Important
Subject: Fanmily member Case NoXXXXX

Dear Sir, Madam,
Good Day,
with all my respect I need to inform you that ............................ وتكتب الكليشة مالتك


وبالأخير تكتب



أسمك حسب الجواز
رقم موبايلك الشخصي
رقم موبايل بديل او المنزل
عنوانك الحالي الجغرافي الكامل


وهسة تشوف شلون تشتغل عليك التلفونات منهم  والأيميلات


بالتوفيق

أدعيلي تنفك الجبسة مالتي بروح موتاك


Baguncero