قصتي مع ال UN في عمااااان

[تقوى الله]

 السلام عليكم اخواني الاعزاء في هذا المنتدى الرائع بكل من فيه


احب اعرفكم بنفسي اني عضوة جديده لكيت المنتدى مثل بيت الحبايب
وخصوصا للي عدهم ظروف ومشاكل من العراقيين في كل انحاء العالم

رح احجيلكم قصتي باليو ان في عمان وارجو افادتي ببعض المعلومات لان صدك طكت روحي  

طبعا اني صارلي 11 سنه بعمان
جنت مزوجه وانفصلت عن زوجي قبل سنتين عندي اربع اطفال
بعد مكملت اجراءات الطلاق رحت وفصلت ملفي والاولاد راحوا بملف ابوهم
وطبعا كتبت تفاصيل حياتي لما قدمت بوحدي وخصوصا كانت باحثه اجتماعيه تعرف كل قصة مشاكلي وساعدتني
لحد مالكيت بيت وكعدت بي وبعد فترة كم شهر اتصلوا بيه على مقابلة توطين لامريكا طبعا اني فرحت
رحت وقابلتني محاميه امريكيه وبعد مخلصت المقابله وقعت على اساس يروح ملفي لامريكا وهي كلتلي اني  برايي جيبي اطفالج وياج لان ابوهم شغلته اطول كتلها يصير ؟؟ كلتلي طبعا رحت وركضت على وصايه وكملت كل شي ورجعت لليو ان ضفت اطفالي عندي وصاروا اليو ان يتصلون بابوهم وبيه ... المهم بعد شهر اتصلوا بيه كرت ازرق رحت وعبيت الكرت وكلولي رفعنه ملفج لاستراليا كتلهم اني اعرف لامريكا كلتلي الموظفه يجوز ملكوا مكان حتى يسرعون ملفج كتلها الحمد لله بعد تقريبا اسبوعين اتصلوا بابوهم على توطين بامريكا كللهم شلون ادزون اطفالي لاستراليا واني لامريكا تردون تحرموني من اطفالي كلوله والله لازم ندز ملفك للمسؤولين بعد فترة شهر اتصلوا بيه مره ثانيه على مقابله اني والاطفال قابلونه وحجوا ويه اطفالي سالوهم تردون ابوكم وياكم الاطفال كالوا اذا يصير يتوطن بنفس الدوله ليش لا .... بعدف فترة اسبوع اتصلوا بيه مقابلة توطين لامريكا مره ثانيه وكانوا اني موقعت لامريكا قابلتني محاميه امريكيه ثانيه ونفس القصه ونفس الحجي كلتلي بس راح نرفع ملفج وملف طليقج سويه كتلها زين اذا رفضوا اني همين يرفضوني كلتلي لا وماعرف الحجي صدك لو جذب طبعا هذا الحجي قبل 7 اشهر وعلى اساس يرفعون ملفي للاي او ام وحددولي اقصى مده 6 شهور وصار 7 شهور لاحس ولاخبر واني راح يموتني التفكير لان ابني الجبير خلص توجيهي بالاردن ومكدرت احصله منحه يدرس وماعندي ادرسه مع العلم طلع معدل 85 علمي وهسه اني حسبه اجيبني وحسبه توديني
ماعرف ليش هالتاخير ؟؟؟؟ وين راح ملفي ..... اعذروني طولت عليكم بس والله مقهورة ودا افرغ همي وانتوا اخوان اعزاء والي عنده اي معلومه يفيدني بيها ياريت يحجيلياها


تحياتي للجميع
اختكم تقوى الله  

[السفير80]

اختي اتصلتي على الهجرة سألتيهم واصل ملفك عدهم او لا

[تقوى الله]

اول شي شكرا الك اخويه العزيز ع الرد والاهتمام والله ليهسه متصلت
على اساس اليو ان نفسهم يتصلون بيه وهمه ينطوني خبر .... يعني لازم اني اتصل ؟؟

[افرجها ياربي]

اختي العزيزة ...
اول شي لتخافين من ملف طليقج لان كل ملف واله قضيتــه .. يعني لا سامح الله اذا هو انرفض ملفج ماله علاقة لان كل كيس وشغلها هذا واحد ..
ثانيا اني معرفت التواريخ بالضبط شوكت حولوج امريكا وصارلج شكد من استلمتي الكارت الازرك ؟؟؟ ...
وانتي كايلة صارلج 6 او 7 اشهر لا حس ولا خبر فاحب اكولج ماكو مدة معلومة يعني الي اصدقاء ب6 اشهر من مقابلة التوطين حولوهم اي او ام  بينما اني بقيت تقريبا سنة من بعد مقابلة التوطين يلة تحولت على الاي او ام ...
ومثل ما ذكر الاخ قبلي اتصلي بيهم وساليهم لان اني ملفي من تحول اي او ام ورة 3 اشهر يلة خابروني عالمقابلة ومن سالتهم ليش هالتاخير كالوا جنا ندك عليك وانت مترد واني تلفوني صارلة اربعين سنة محد داك عليه ..
طولت عليج بس بلكي الي حجيته يفيدج ..
تحياتي احمــد

[تقوى الله]

شكرا الك اخي العزيز احمد

اني عبيت الكرت الازرق شهر 6 / 2010  واستلمته تقريبا بشهر 10 / 2010
بس مقابلتنه الاخيره كانت 21/11/2010 
مقصرت وشكرا الك

[muter30]

الله يعينك ويصبرك

ويصبر الجميع

[ابو هجران]

اختي العزيزه اول شي الله يسهل امرج وامور العراقين كلهم امين اول شي روحي على un وطلبي محامي احسن الج واستفسري
عن الملف اذا كان شهر11 مقابله لازم تحسبين 8 اشهر ونص تقريبا حتى يخابرون عليج هاي اذا كان ملفج مستعجل بس ترحين على unاطلبي محاميه فوزيه حسن هاي حبابه وساعد العراقين وحاولي تتصلي على iomهم شوفي الملف وصل لوبعد واتمنالكم
كل الخير والسفر العاجل انشاء الله
اخوج
ابو هجران

[البغدادي2011]

اختنا العزيزة الله يسهل امرج ويفرجها عليج وعلينه...
اختي انتي لازم تتصلين بمنظمة الهجرة(الاي او ام) تستفسرين عن ملفج لان مو شرط همه يخبروج
وبالنسبة لرفض ملف طليقج فهذا ميأثر على ملفج لان مثل متفضل اخونه كل واحد قضيته وحد عن الثاني

اتمنالج الموفقية وادعيلج بتيسير امورج اختي

[احمد عباس]

عيني انتي اذا كالو ملفج تحول للiom يعني امريكا
فه اتصلي بالiom تابعي وياهم على الاقل اساليهم ملفي واصلكم لو لا
اذا مواصل رجعي خابري اليو ان وكولي الهم ليش ممتحول ملفي

يعني لازم شويه متابعه للملف لتعوفي
بالنسبه الابنج الي كمل توجيهي حتى لو عندج وتكدرين ادرسي بالاردن فه همين مترهم
لان وراكم سفر وممكن يخابروكم باي وقت

وثاني شي من راح يسافر هناك الشهاده متمشي عدهم يفضلون يكون دارس بامريكا

يعني يرجع يدرس ويرجع يصرف للكليه ؟
فه اني اشوف لو موضوع دراسه الكليه بالاردن ياجله هسه احسن

عنده شهاده التوجيهي هناك يسوله اختبار مال للغه وره سنه يمكن
ويطب كليه يتخرج يشتغل احسن شغله بامريكا لان شهاده امريكية

[ــــ{{{ABADY}}}ـــــ]

اختى انت ملفك متحول على الى او ام على الاكيد ان شاء الله




ابعثى ايميل للاى او ام وخلى رقم ملفك اللى باليو ان واسمك وهم راح يردوا عليك ويعطوك كيس نمبر



استراليا كاااااااااان احسن واسرع

[تقوى الله]

الله يعينك ويصبرك

ويصبر الجميع

امين يارب مشكور اخويه
والله يفرجها على كل العراقيين

[تقوى الله]

اختي العزيزه اول شي الله يسهل امرج وامور العراقين كلهم امين اول شي روحي على un وطلبي محامي احسن الج واستفسري
عن الملف اذا كان شهر11 مقابله لازم تحسبين 8 اشهر ونص تقريبا حتى يخابرون عليج هاي اذا كان ملفج مستعجل بس ترحين على unاطلبي محاميه فوزيه حسن هاي حبابه وساعد العراقين وحاولي تتصلي على iomهم شوفي الملف وصل لوبعد واتمنالكم
كل الخير والسفر العاجل انشاء الله
اخوج
ابو هجران

اخويه ابو هجران الف شكر وان شاء الله تفرج على كل العراقيين امين يارب
وان شاء الله اروح واسال والله مقصرت تسلم والله يحفظك

[تقوى الله]

اختنا العزيزة الله يسهل امرج ويفرجها عليج وعلينه...
اختي انتي لازم تتصلين بمنظمة الهجرة(الاي او ام) تستفسرين عن ملفج لان مو شرط همه يخبروج
وبالنسبة لرفض ملف طليقج فهذا ميأثر على ملفج لان مثل متفضل اخونه كل واحد قضيته وحد عن الثاني

اتمنالج الموفقية وادعيلج بتيسير امورج اختي

امين يارب العالمين
ان شاء الله باجر من الصبح اتصل بيهم واشوف ويارب يكون الملف موجود عدهم
تسلم اخويه العزيز والله يحفظك ان شاء الله

[/b][/size][/color]

[تقوى الله]

عيني انتي اذا كالو ملفج تحول للiom يعني امريكا
فه اتصلي بالiom تابعي وياهم على الاقل اساليهم ملفي واصلكم لو لا
اذا مواصل رجعي خابري اليو ان وكولي الهم ليش ممتحول ملفي

يعني لازم شويه متابعه للملف لتعوفي
بالنسبه الابنج الي كمل توجيهي حتى لو عندج وتكدرين ادرسي بالاردن فه همين مترهم
لان وراكم سفر وممكن يخابروكم باي وقت

وثاني شي من راح يسافر هناك الشهاده متمشي عدهم يفضلون يكون دارس بامريكا

يعني يرجع يدرس ويرجع يصرف للكليه ؟
فه اني اشوف لو موضوع دراسه الكليه بالاردن ياجله هسه احسن

عنده شهاده التوجيهي هناك يسوله اختبار مال للغه وره سنه يمكن
ويطب كليه يتخرج يشتغل احسن شغله بامريكا لان شهاده امريكية

ان شاء الله رح اتصل اني عبالي اليو ان همه الي يتابعون ويرجعولي خبر
لان دائما اسمع الي يلح عليهم يضوجون منه فتلاكيني ساكته مااحجي
وبالنسبه للدراسه كلامك على راسي واني وياك بي بس الى متى
والله اخاف اطول المده ويظل كاعد بلا دراسه وهو خطيه يشوف اصدقائه يدرسون وهو كاعد
همين صعبه شويه ادعي من رب العالمين يسهل امري وامر كل العراقيين بجاه الحبيب المصطفى
والله يخليك اخويه العزيز مقصرت

[/size] [/color]

[تقوى الله]

اختى انت ملفك متحول على الى او ام على الاكيد ان شاء الله




ابعثى ايميل للاى او ام وخلى رقم ملفك اللى باليو ان واسمك وهم راح يردوا عليك ويعطوك كيس نمبر



استراليا كاااااااااان احسن واسرع

الله يسمع منك يااااااااااارب  ويوفقك امين رب العالمين
بس ممكن ايميل ال iom  حتى ادزلهم 
مشكور اخويه العزيز والله يحميك ويخليك
وبالنسبه لاستراليا اني اعرف ليش كلولي رفضوا هي بس شهر واحد وكلولي رفضوا
بس يله المهم تسهل علينه وين مجان اريد الاستقرار بس 
وشكرا الكم كولكم والله مقصرتوا

[(COBRA)]

الاخت تقوى الله 
سلام عليكم...
المفروض تتصلين بليو ان بقسم التوطين  الي همه راح يبلغوج اذا كان ملفك انتقل  الاي او ام .... او بعده يمهم بقيد الدراسه
(رقم اليو ان ___ 065502141) ودكين رقم(2) هو قسم التوطين  اما اذا تحبين مباشرتا مع المنظمه الدوليبه للهجره
iom..(065625089--- او 065625080 .. ويطلع رد الي  دكين بعد الرد الالي رقم 282  ,,, يطلع موظف  تنطين رقم ملف اليون ان واسمكم الثلاثي  ويجابوب على سؤالج.. وهاذا ايميل (iic@iom .int)
,الله يسهل عليكم

[تقوى الله]

الاخت تقوى الله 
سلام عليكم...
المفروض تتصلين بليو ان بقسم التوطين  الي همه راح يبلغوج اذا كان ملفك انتقل  الاي او ام .... او بعده يمهم بقيد الدراسه
(رقم اليو ان ___ 065502141) ودكين رقم(2) هو قسم التوطين  اما اذا تحبين مباشرتا مع المنظمه الدوليبه للهجره
iom..(065625089--- او 065625080 .. ويطلع رد الي  دكين بعد الرد الالي رقم 282  ,,, يطلع موظف  تنطين رقم ملف اليون ان واسمكم الثلاثي  ويجابوب على سؤالج.. وهاذا ايميل (iic@iom .int)
,الله يسهل عليكم

اخي العزيز شكرا الك ع المعلومات والاهتمام
ويارب يوفقك ان شاء الله

[تقوى الله]

مرحبااا اخوان
اني اعرف دوختكم ويايه بس انتوا قلوبكم جبيره تحملوني
طبعا اليوم من الصبح ليهسه دا ارن ع اليو ان والاي او ام  محصلت بس الرد الالي واكتب الرقم الفرعي بس ماكو نتيجه  
اليو ان يطلعلي نعتذر مامور الماعرف شنو مشغول
والاي او ام ماكو اي تحويل ع الموظف يعيد بنفس الحجي
دزيت ايميل رجعلي خبر من الياهو الرساله فشلت ماعرف عاد الايميل غلط لو شنو؟
اذا اكو ايميل ثاني ياريت نجربه
وتحياتي للجميع واسفه طولت عليكم

[ــــ{{{ABADY}}}ـــــ]

ic@iom.int




هذا الايميل الصحيح

[طائر البرق]

أختي تقوي الله أسأل الله تعالى أن يسهل أمرك وييسر أمورك جميعاً

بالنسبة للأيميل مال الـ iom هو ic@iom.int  وليس كما كتبه لك الأخ كوبرا هنالك غلط ولذلك عاد لك الأيميل مرة ثانية ، راسليهم على الأيميل ألي كتبته ألك وراح يجيك رد خلال 6 أيام كحد أقصى .

تلفونات الـ iom هي كالأتي :

065625426

065625088

065625080

065625225

065625419

065625419

065625089

065625585

وأستمري بالأتصال عليهم وأنتظري على الخط وخابريهم من الساعة 8 الى ال1 ظهر ومن الساعة 2الى 4 عصرا .

بالنسبة للمفوضية السامية لشئون اللاجئين فهذا أيميلهم :

joram@unhcr.org

ومن الأفضل أن تسويلهم مناشدة من خلال الأيميل أو تطبعين عريضة وتكتبين بيها رقم ملفك وترفقين معها نسخة من ورقة الحماية وتترجيهم فيها بالأسراع في عملية توطينك نظراً لظروفج الصعبة .

وإن شاء الله امورج كلها متسهلة يا رب.

طائر البرق

[تقوى الله]

الاخوان عبادي  وطائر البرق جزيل الشكر الكم
وان شاء الله التوفيق للجميع امين رب العالمين

[/size][/color]

[(COBRA)]

الاخت تقوى الله
اخواني الاعزاء ...  صحيح اني اعتذر لان كتبت ايميل  الاي او ام غلط لان 
حرف i متكرر مرتين والعتب على النظر  واني اسف  والصحيح     
ic@iom.int
اعتذاري للجميع

[تقوى الله]

اخي العزيز  COBRA  ولايهمك يكفي تعاونك واهتمامك

الاخ ORKAY  شكرا الك وان شاء الله رب العالمين يصبر الجميع

والحمد لله اني البارحه دزيت ايميل واليوم الصبح اجاني الرد الملف واصل
وانطوني كيس نمبر يبدي ب 123 اشكر الجميع وان شاء الله رب العالمين
يفرجها عليه وعليكم امين رب العالمين
تحياتي للجميع