السفر خير من الله في الشهر السادس تفائلوا شبيكم محبطين

[الفراتي]

قرأت الكثير من المواضيع والاخوة يقولون انه الشهر السادس مجرد كلام ومافي سفر واحلام وانه كلام غير حقيقي ومن هيج مواضيع واراء سوداويه ومظلمة على العكس اخوان تماما الوضع كلش زين والسفر ماشي وباحسن مايكون ومن بداية الشهر لهسه انا حسبت تقريبا كل يومين في طيارة خصوصا من عمان وهم باقي الدول من لبنان وبغداد وحتى سوريا بس مصر حقيقة ماسمعنا منهم شي المهم اخوان يعني بالعقل لما يقولون في طيارة يوم 12 من هذا الشهر يعني مو مطلعين بيها شخص واحد فقط اكيد اكثر بس اللي نعرفه احنا من صديق او قرابه نحجيه والباقي يجوز ناس ماتعرف عينكاوا او صنتاويه خايفه  من الحسد ومن غير امور عموما انه فيه سفر اخوان وتفائلوا بالخير تجدوه وعلي امون الورده كل ساع رايح للمطار وشايف كمشه رايحه بس عمي الناس ماتحجي يعني شلون غصب نخليها تحجي فلا احد اخوان يكذب الخبر او يشكك انه في سفر  لا    في سفر بس يجوز مو حسب المتوقع او خلينا نكون صرحاء مو حسب مانتمنى بس ليس كل مايتمناه المرء يدركه والتوفيق من االله وان شاء الله السفر العاجل القريب للجميع وربكم كريم

[ĈAŃDŶ]

اخوية متكلي وينه السفر ياهو اشوفه يكول بعدنه والشهر مبقاله بس 11 يوم منا للعاشر اذا سفرونه كلش كلش كلش زين

[فارس الغربة]

اخي هو اكو سفر بس الناس تخاف من العين والحسد
 
 

[احمد عباس]

ماكنتوشه شعليج انتييييييييييييي
المهم اكو سفر حتى لو محد ديسافر
صدك جذب هع

[ĈAŃDŶ]

ماكنتوشه شعليج انتييييييييييييي
المهم اكو سفر حتى لو محد ديسافر
صدك جذب هع

شون شعليه ها 
  واني شوكت اسافر لعد 

  جذب صدك مو صدك جذب

[الفراتي]

والله اختي العزيزة اكو سفر بس محد يحجي واللي حجوا قليلين وهذا الكلام صدك مو جذب بس شبيدنا على الوادم

[(prince)]

 :)شلونكم شباب اني ايد كلام اخويه الفراتي نعم اكو سفر او خير من الله والله ايوفق الجميع يارب تقبلو مروري

[مايكل اندريه85]

يارب ان شاالله خير و السفر باقرب وقت للجميع

بالتوفيق والنجاح

[(Michael)]

سلام عليكم
اخواني اخواتي الكرام
بالنسبة للكلام حول السفر من قبل اعضاء المنتدى الكرام سواء بالسلب او الايجاب لا يطول لحية و لا يقصر شارب لانه لا يعبر عن حقيقة الامر
لكن لا ضير من ذلك اذا احد عندة معلومة عن السفر يزودنا بيها حتى تنطينا شوية امل
لكن هنا اطرح سؤال
هل باستطاعة احدكم ان يجزم بالدليل القاطع انه يوجد سفر او لا يوجد؟و اذا كان قليل ام كثر؟
تذكروا بانه اكو اعضاء جاي يختفون من غير لا احم و لا دستور هذا فضلا عن الناس الغير مشاركين بالمنتدى
يعني انتم شنو تتوقعون شكد نسبة اللي يجيهم سفر من اعضاء المنتدى و ينزلون الخبر؟اكيد قليلة
و اعضاء المنتدى مع احترامي لهم هم نقطة في بحر من اللاجئين لان اكثرهم اما لا يعرفون بالمنتدى او يدخلون من غير تسجيل
يستفاد من غير ما يفيد
و طبعا لا انا و لا انتم النا حق عليهم

بالنهاية لا يمكن التوصل الى خبر قريب للواقع حول السفر و الاعداد المسافرة
تحياتي

[Rain woman]

ماعدنة غير الصبر
ان الله مع الصابرين

[جاسم كراده]

 السلام عليكم شباب ...... خلي ابشركم بموعد سفر من سورية بتاريخ 26 من شهر السادس مثل مو وصلتنه الاخبار من اقربنا الي أمقدمين على برنامج IOM في سوريا وان شاءالله السفر القريب لجماعة بغداد .....


والصبر مفتاح الفرج.....

[السفير80]

اخواني  وخواتي اكو سفر بس المشكلة احنة القدماء لحد الان ممسافرين يعني الديسافرون بس الجدد

والله كريم نصبر والحمد لله

[mrooka]

سلام ومحبة للجميع
 الصراحة اني اكول الي ضامة الضيم مثل حلاتنا عيدخل وشارك لان بالمشاركة اكو بعض من الترفيه عن الفس
بس الي امورة ماشيةو وضعة جيد ترى اصراحة لايدور يبحث بالموقع ولا هم يحزنون واني اعرف ناس ماتعرف شنو موقع عينكاوة وسافرو صارللهم اشهر واني اشوف انخليها على الله لان مابيدنا شي حتى لو سافرة الناس كلها وضلينا بس احنا لان لو نكدر انسو شي كان سوينا ----- والله اوفق الجميع   

[زهرة الصبار]

بسا الجددددددددد  ديسافرون

[شربوتة]

والله ياخوية يارجل ياصابر.. أأكدلك وبالدليل القاطع بوجود سفريوم 20 /6 وهو احد الاخوان كان حاضر  ويانة بالدورة التثقيفية قيل كم يوم اي يوم الخميس في بغداد.كان موعد سفرة غدا  الاثنين 20/6 واليوم عده فحص طبي , حتى بقوهم بعد مطلعنة احنة حتى تتاكد الموظفه من الموعد مالتهم بالضبط ياساعة يكونون بالمطار وشوكت تقلع الطيارة؟؟؟   , انشاءالله نتمنالهم سلامة الوصول ..ويوم الألنة كلنا , كولو اميييين.....

على فكرة هوة مجان من جماعتنة المخضرمين اهل ال2008

[نــــــــــوار تيتــــــو]

  :'(عاشت أيدك  

[النسيم المهاجر]

[hhالسلام عليكم

 اخي العزيز اي خير تحجي عنه اليوم 19 وباقي بس 11 يوم وكل الي سافرو او اغلبيتهم من جماعه 2010  والباقيين من 2008 او 2009 نفس الحطه هو هذا عدل مع العلم انو بدو يسوون اعادة محلفين ليش ماتعرف يعني عبالك المعاملات جانت مضمومه وهسة بدو يشتغلون بيها الله لايوفق كلمن كان السبب من التاخير واعادة المحلفين تعرف شنو معناها معناها الرجوع من اول الطاسه يعني اقل شي فد سنه  اللخ يلا يبين شي وين العداله .


               النسيم الجاثم بسبب الامنيه r]

[احمد عباس]

زين شباب الجدد يعني منو تقصدون
الي استلمو موافقات بال2011 لو باواخر 2010
لو منو

[ريم75]

اوووووووف اوف والله نشلع كلبنه هسه خلي يكلونه ماكو بعد سفر هم ميهم بس نريد نعرف شنو وضعنه بس يله بلكت يجينه شي بشهر السادس يظل واحد يتامل نشوف وين حتوصل   

[rayanchase]

والله زين اكو واحد من عدنه متفاائل خويه نصيحه مني الك   لاتنحسد  تررة كلناا صاعده الكاابة   حيل حيل      وهنوبة تنعدي من عدنه    ___ شنتفاائل لخااطر الله      شو    عباالك    امريكا متريدنا بعد    وتخلت عنا

[Gilgamish 78]

صحيح اخي العزيز الله كريم وان شاء الله خير
الاخ صاحب الموضوع بارك الله بيك واتمنى للجميع الموفقيه يارب

كلكامش

[ابورحمه]

يا خي والله اكو سفر واني اعرف اصدقاء هم ليس اعضاء في منتدانا وقالوا انه سفرهم يوم 20 \ 6 ولي صديق اخر هو عين كاوي بس ما ادري ليش مايحجي قال انه موعد سفره يوم 28 \ 6 ... يعني اكو سفر انشاء الله علما انه من جماعه 2009
والله كريم وانشاء الله كلنا نسافر
وتنفك الجبسه ياحبسه

[شربوتة]

يارب وين الله وتنفك جبستنة احنة جماعة ال2009  .. وانشالله يارب يوفق كلمن طالعلة موعد سفر ويوصلة بالسلامة  .. وحياك الله اخوية ابو رحمة

[rayanchase]

يا خي والله اكو سفر واني اعرف اصدقاء هم ليس اعضاء في منتدانا وقالوا انه سفرهم يوم 20 \ 6 ولي صديق اخر هو عين كاوي بس ما ادري ليش مايحجي قال انه موعد سفره يوم 28 \ 6 ... يعني اكو سفر انشاء الله علما انه من جماعه 2009
والله كريم وانشاء الله كلنا نسافر
وتنفك الجبسه ياحبسه

اخي   العينك كاوي   موعد سفره يوم 28  بلشهر اني اعرفه وهوه نزل موضوع على سفره والكل  تدري