مهم جدآآآآآآآآ ** التجيك الأمني قبل السفر ** مخدر عام لو موضعي / ادخلو بسرعة لنعرف جميعآ*

[ساحر بغداد]

السلام عليكم ورحمة الله وبركاته
_
طبعآ كنت قد قرأت مواضيع متعددة عن التجييك الأمني ماقبل السفر ولكن اغلب من كان يتكلم عن موضوع التجييك ماقبل السفر كانو يتوقعون انه نفس التجييك الأمني الروتيني الطويل الا انه اليوم اكتشفت انا بأن هذا التجييك منفصل عن التجييك الأمني الروتيني ولايرتبط معه ابدآ بل ان التجييك ماقبل السفر يبدء مباشرتآ بعد انتهاء التجييك الأمني الروتيني.
_
كيف عرفت انا ذالك؟
_
عرفت هذا الشي عندما اتصلو بية الأي او ام اليوم
_
ليش اتصلو بي؟
_
لأن انا عندي عدة طرق استخدمها اخليهم همة يتصلون بية بسرعة واخذ منهم المفيد. بس لحد يسألني لاعلى العام ولاعلى الخاص عن كيفية جعلهم يتصلون بي لأنها سر من اسرار المهنة.
_
_
عندما اتصلو بي الأي او ام تكلمت معي موضفة فسألتها عن حالة ملفي فقالت انت الأن في المراحل الأخيرة من الأجراءات وهي مرحلة التجييك الأمني ماقبل السفر
كلتلهة شنو يعني بعدني بالتجييك الأمني!!!؟؟؟
فقالت لا انت قد انهيت التجييك الأمني الروتيني ولكن التجييك الأمني ماقبل السفر هو اخر خطوة قبل السفر
_
قلت لها هل التجييك الأمني ماقبل السفر يتم من خلالكم؟
_
قالت لا انه من امريكا ونحن بمجرد ان نستلم الكلير (التخويل) راح نعطيك موعد سفر مباشرتآآآآآ
_
_
هسة اريد ممن يعرف شي عن التجييك الأمني ماقبل السفر يكتب لنا مامعلوماته حول الموضوع وكم مدة هذا التجييك حسب معلوماتكم؟
_
ارجو من الجميع المناقشة للتوصل الى نتيجة حول مضمون الموضوع لأن هذا التجييك راح يمر به الجميع ويتسائل عنه واقسم بالله بأني لو اخذت موعد سفر سوف اكتب لكم كم هي الفترة بين التجييك ماقبل السفر وبين موعد السفر.
_
ارجو من اي شخص يحمل معلومة عن تجربته او تجربة صديقه او اقربائه ان يكتبها وحتى اذا كان استنتاج شخصي هم مو مشكلة المهم ان نتوصل لتفسير بهذا الموضوع.
تحياتي للجميع.

[RaptoR]

مشكور يا ساحر هذا الموضوع حلو وان شاء الله الكل تستفاد منه

تحياتي يا وردة

[ساحر بغداد]

مشكور يا ساحر هذا الموضوع حلو وان شاء الله الكل تستفاد منه
بس كلير مو (مسح) يعني تصريح أمني أو تخويل 

تحياتي يا وردة

اشكرك على مرورك الكريم
وملاحظتك صحيحة انا خطأت
تسلم على ملاحظتك ياوردة

[ARMY STRONG]

لأن انا عندي عدة طرق استخدمها اخليهم همة يتصلون بية بسرعة واخذ منهم المفيد. بس لحد يسألني لاعلى العام ولاعلى الخاص عن كيفية جعلهم يتصلون بي لأنها سر من اسرار المهنة.  



تدزلهم رصيد و هم يخابروك

[ريم75]

عيني اخ ساحر بغداد اني اعتقد انو هو مجرد ديقشمرونه بشي جديد لان اني نفس حالتك قبل اكثر من شهر كلولي انتي تجيك امني ماقبل السفر وطبعا معرفت شنو هذا سئلتهم وفهموني مثل مفهموك بالضبط بس اشو بعد اسبوعين من هذا حجيهم رجعت اتصلت يكلولي اني على التجيكات الامنيه طبعا تخبلت وكتلهم انتو قبل فتره كتولي غير شي شنو اكو مشكله على ملفي كلولي لا ماكو شي بس انتي مو على التجيك ماقبل السفر المهم هم بعد اسبوع دزيتلهم ايميل رجعو همه بعد 4 ايام اتصلو بيه كلولي انتي على التجيك الامني ماقبل السفر والله كمت اضحك وياهم كتلهم شنو القصه اشو يوم هيج ويوم هيج كلولي اي خلصت موافقتج الامنيه وانتي هسه على التجيك الامني ماقبل السفر والله عبالك ديلعبون ويايه ختيلان وهسه قبل كم يوم اتصلت بيهم يكلولي انتي على التجيك الامني ههههه يعني والله العظيم حتى للسفر محيخلونه فرحه زين هسه اكو تفسير الحالتي غير انو هم مجرد ديقشمرون علينه مال التجيك الامني ماقبل السفر فبعتقادي والشي الي صار ويايه انو هو مجرد قشمره لااكثر ولااقل واسفه طولت بس حبيت احجيلك حالتي بالتفصيل

[السفير80]

اني هواية سمعت اخر فترة عن هذا الموضوع وهو التشيك الامني ماقبل السفر بس ممفهوم للكثيرين من العراقيين واني واحد منهم

[ĈAŃDŶ]

ليش اتصلو بي؟
_
لأن انا عندي عدة طرق استخدمها اخليهم همة يتصلون بية بسرعة واخذ منهم المفيد. بس لحد يسألني لاعلى العام ولاعلى الخاص عن كيفية جعلهم يتصلون بي لأنها سر من اسرار المهنة.
_


  جماله طرق مو طريقه وحده
كللنه فد وحده من هل طرق واجرك عند الله

[ساحر بغداد]

لأن انا عندي عدة طرق استخدمها اخليهم همة يتصلون بية بسرعة واخذ منهم المفيد. بس لحد يسألني لاعلى العام ولاعلى الخاص عن كيفية جعلهم يتصلون بي لأنها سر من اسرار المهنة.  



تدزلهم رصيد و هم يخابروك

_
مبروك على فك اسرك وخروجك من المعتقل
اشفايتلي لو كرتات جان كل يوم اخابرهم بس لا الطريق ابعد مما تتوقع بس ماأكدر افصح عنه لأن سر من اسرار بحوثي وتعويذاتي.

[ساحر بغداد]

ها ماكنتوشة حطيتي عينج علية؟ هههههههههه من جد وجد""// أني تعبت نفسي كلش يلا عرفت طرق اخليهم يخابروني بيهة// وبالتأكيد راح انطي كل طرقي بس خليني اخلص حاجتي من عدهم وتدللين.
_
_
اخوان اريدكم تتناقشون عن هذا  الموضوع لأن كلكم راح تمرون بي وراح تتسائلون عنه كثيرآ

[داليا الوردة الوردة]

السلام عليكم

اخ ساحر احييك عالمواضيع الحلوة واللي بيها فائدة للجميع

يلا انت حل هالطلسم واحنا ندعيلك تسافر باسرع وقت يارب

تحياتي

[عمدة فرجينيا]

اعتقد النقاش راح ايصير حول طرقك السرية مو على موضوعك
دنطينه فد وحدة من الطرق هاي الي زايدة عندك وماتسوي شغل


تحياتي
الملاك الحائر

[ryan dani]

ساحر بغداد
شفت الموديل الجديد مال عمان بعد كلشي مايكولونه على اي كيس عراقي ....وفوكاها بس بالايميل

والايميل زباله مخدر فقط

والله كريم

[عراقي كرادي]

قبل ..............جنه نقول من الواحد ياخذ خط الرحلة بيده الى يطمن .....................انه راح يسافر .

وبعد ماصارت التاجيلات للي عدهم موعد سفر قبل يومين او بالمطار ويصير تاجيل ...........قلنه من يركب الطائرة يلا يطمن.

هسه راح يجي يوم علينه ............من نوصل لاميركا ...........يله نطمن.
وراح يجي يوم .................خلص بعد ماكمل الله لايقولها.

[ديفيد بغداد]

اخوان التجيك الامني مال قبل السفر اشكد معد الفترة مالتة و هو اطول مثل التجيك الامني العادي لو اقل انا اسمعة ان ماطول اكثر من 3 شهور صح هذا الكلام

[أحلى دنيا]

سااااااااحر طكت روحي  اريد تعويذة من تعويذاتك  لانه راح اتخبل مؤجلة  وبلعتنه حية ام ال ٩٩ ورجعتنه لبداية المشواااااار  وأبتدى المشوار آه 

[عكعك التطوى]

اني راي بالموضوع هو كالاتي

في الماضي مثل ما الكل يعرف بعد ان تصدر الموافقه الامنيه ويختم الملف يتحول مباشره
الى جدول السفر وهذه العمليه بعد صدور الامنيه لحين السفر متاخذ وقت طويل بالتالي
فهم لا يحتاجون الى اعاده تجيك قبل السفر
اما حاليا فهناك فارق كبير بين الموافقه الامنيه والسفر مما يستدعي الى تحديث المعلوامات
للمعلومات التي قضها اللاجي بالانتظار بعد صدور الامنيه وهذا التجيك الامني قبل السفر
هو نفسه التجيك الامني بعد مرور سنه من الحصول عليه وهو بالاحرى تحديث للمعلومات
وخصوصا الجزء الاول من من الموافقه الامنيه (الكلاسك) وهذا عادتا لاياخذ وقت طويل

وهذا الاجراء مستحدث للاسباب المعروفه وبصراحه نكدر نعتبره بنج موضعي او عام بكيف
الواحد  والسبب كما قلت مرارا بالسابق بسبب تقليص ميزانيه المنظمات والذي يتناسب
طرديا مع اعداد اللاجين القادمين

تحياتي

[عكعك التطوى]

بالمناسبه اذا مدكول للاعضاء  على الطريقه اني  اكولللللللللللل 

واريد اقول هي تحصيل حاصل مراح يغير من الموضوع نهائيا

تحياتي

[أحلى دنيا]

اليوم ساحر ماكو € ترة كاعدة أنتظر التعويذة  بلكي تنفك الجبسة ونسافر

[(COBRA)]

حبيبي ساحر ......نتمى ان يكون الكلام مضبوط  حول التجيك الامني
 يمكن لو بلوريد لو ,,,,بلعضله الابره
وكل الطرق تؤدي اللى .... تيل تاوه

[لورنس السفاح]

هلوووووووووووووووووووووووووو سحوووووووووووري
حبي هاي بسيطة كلشششششش
التجييك الامني قبل السفر وما ادراك ما التجييك الامني قبل السفر
هو عيارة عن تجييك امني قبل السفر
وبالتالي عندما ينتهي التجييك الامني قبل السفر
فانك تكون جاهزا للسفر لانك اكملت التجييك الامني قبل السفر
هاااااااااااا  شلوني خخخخخخخخخخخخخخخخخخخخخ

شمدريني ياعيني
هو اني عرف شنو الروتيني حتى اعرف اللي بعده خخخخخخخخخ

منور حبيبي
وتهذرني ع الملاطفة
ويارب يسهلها عليك ان شاءالله ونسمع خبر سفرك

ارحمه للموبايل ترا عياطه وصل لسابع جار خخخخخخخخخخخخخخ

[ساحر بغداد]

اشكرك أخوية عكعك وممنون على ردك
بالفعل كان تحليلي الشخصي هو نفس ماطرحته ولكن المشكلة أننا لم نصادف الى حد الأن حالة من حالات جماعة التجييك ماقبل السفر قد سافر من اجل ان نعرف كم هي المدة التي استغرقها في هذا التجييك...
لو اكو فد حالة ولو وحدة صدك ارتاح وابني عليها تقدير للسقف الزمني الذي سوف يستغرقه التجيك ماقبل السفر.
_
_
_
هلآ بأخوية لورنس
والله صدك تحليلك اصلي مال أول
هذا هو هسة عرفت شنو التجيك ماقبل السفر وين جنت ضام كل هذي المعلومات المدمرة. خخخخخخخخخخخخخخخههههههههه
اما بالنسبة لكتابتي فهي كللللهة من موبايلي المقاتل نوكيا N8 حطمت الرقم القياسي بأستخدام النت على الجوال
هو لو بي كبسات (دكم) جان اتكسرن بس ربك حميد التلفون لمس عبارة عن بس شاشة.
مشكور على سؤالك ومرورك ياذهب.
_
_
_
_
هلو احلى دنيا
خوش غيبة غبتي عبالنة هسة كاعد تشتغلين بأمريكا ومشترية بيت وسيارة ومستقرة
يلا انشاء الله خلال هاذي الأيام يجيج أتصال موعد سفر وتتوكلين عدل وكبل لأمريكا.
بالنسبة لتعويذاتي فهن صارن اهواي فأنتي ياتعويذة تريدين حتى اكتبلج راجيتة مال تعويذة تصرفي يم حسنية أم السحورة. ههههههههه
_
_
_
اهلآ اخي كوبرا
شكرآ لمرورك الكريم / بلكي يطلع البنج موضعي لأن حسب ماصار يتردد على لسان الكثيرين بأن التجييك ماقبل السفر لن تطول مدته كثيرآ والأن اخ عكعك هم قال وتوقع هذا الشي/ ننتظر والله كريم
_
_
_
_
كما اشكر جميع اخواني الذين لم يسعني ذكر اسمائهم واقول هذا قدرنا ويبدو ان امريكا كل فترة تضع خطط امنية استباقية لاأحد يعلم بكيفية اجراءاتها من اجل الحفاظ على أمنهم خوما مثل خطط المالكي ابو السبح.
الله ارحم الراحمين

[مشهد]

سلام على جميع محبي عنكاوا الكرام الصابرين يسر الله لهم مقاصدهم
 احبابي
 عند مراجعتي للمنظة بخصوص ملف ولدي الذي هو في سوريا
قالت المسؤلة عن الاستقبال انها تتوقع  تحرك افظل في الايام المقبلة
اما بخصوص ملف ولدي فكان الرد الذي وصلها  بان ملفة بهذة ال
صيغةcase sy-00000 is on hold, pending 1-590 stamp
افيدونا ايها الاحباب ما معنا ذالك يسر الله امره وامركم جميعا والسلام عليكم

[28 نيسان]

تحية طيبة
اخوتي  اخواتي الاعزاء
التجييك الامني ما قبل السفر  مدته غير معلومة
عندي صديق وعائلته تحت التجييك الامني الجديد منذ 24 شهر الاول 2011
ولحد الان .
 يارب يسر امر المحتاجين

[ساحر بغداد]

تحية طيبة
اخوتي  اخواتي الاعزاء
التجييك الامني ما قبل السفر  مدته غير معلومة
عندي صديق وعائلته تحت التجييك الامني الجديد منذ 24 شهر الاول 2011
ولحد الان .
 يارب يسر امر المحتاجين

هاذي موخوش سالفة مال مدتها غير معلومة بس لابنج عام مثل الأمنية العادية تاخذ وقت"
الله ارحم الراحمين.
_
اخي انت شلونك شنو اخر اخبارك؟