كــــــرين كـــــارد

[mandooo]

مرحبا شباب .. اني جيت لاميركا قبل سنه و 8 اشهر  ...كلاجئ عن طريق اليو ان .. و بعد سنه من ما وصلت قدمت على الكرين كارد .  ورا 7 اشهر رجعت اتصلت بيهم د اسالهم ليش تأخر .. قبل سبوع اجالي ايميل يكلي عندك موعد مقابلة .. اكو احد مار بهيجي حاله و يعرف على شنو هاي المقابلة و شنو اسئلتهم ؟؟.. لان الرسالة الي دزولي ياها بيها الوثائق المطلوبه و اغلبها وثائق مال هجرة مــو مال لجوء
Your Case Status:
Testing and Interview

On June 2011, we mailed you an appointment notice for an interview for July, 2011, at NATIONAL BENEFITS CENTER. Please follow the instructions on the notice. If you move while this case is pending, please use our Change of Address online tool to update your case with your new address or call our customer service center at 1-800-375-5283.

[عراقي وافتخر 4]

اخي عندك الرقم مرفق بالاميل ..افضل شئ هو الاتصال بهم والتاكد..مع كل الموفقية

[سرى1]

انت بصمت اخي ماندو لو بعدك؟

[messi10]

اخوية قبل فترة (اقل من اربع اشهر) اجة واحد للمنتدى و كتب موضوع بنفس القصة و نفس الشغلة ... المشكلة الفترة طويلة مداتذكر اسم الشخص بس حاول تسأل انجي بلكي تتذكرة... المهم يعني انت مو اول واحد هيجي يطلبون منة مقابلة و تكدر تبحث بالكوكل بلكي يطلعلك الموضوع..
اتمنى لو اكدر اساعدك اكثر بس تعذرني...تحياتي الك حبي انشالله بالتوفيق و لاتشيل هم انت ماطول واصل و صارلك فترة مو قليل انشالله تعدي على خير...تحياتي الك

[mandooo]

اخت سرى اي سويت البصمات قبل 8 اشهر 

[mandooo]

اخوية عراقي و افتخر ... والله اكثر من مره خابرتهم .. بس الموضفين معرف من وين جايبيهم كلشي ما يفتهمون بس يقرولك الموجود نفسه  بالموقع الاون لاين  و يكلك اذا مصار شي خابرني بعد شهرين و هاي هيه

[mandooo]

ميسيي احتمال اني كتبت الموضع كبل .. لان اني معاملتي د تمشي نفس خطوات المعاملة مال الهجرة فتوقعت المقابلة

[سرى1]

تصير اخوية مرات يعيدون البصمة بسبب عدم وضوحها او يقابلوك وتفتهم شنو القصة منهم استاذنا سلاما للعراق اصلا ما طلعتله بصمة والعائلة كلها استلمت كرين كاد وظل هو ينتظر الى ان استلمه 

المهم انه معاملتك دتمشي وهذا احسن شي بالموضوع

سؤال اخر تاكدت من اسمك ورقم الكيس مالتك مو؟

[اوركي]

اخي
اني نفس الحالة سوووه ظلمة علية .. عندي مقابلة الاثنين القادم ومقابلة اخرى الشهر المقبل ورايدين مني كلشي وكلاشي .. طبعا همة حول قضيتي الى مكتب قضائي تابع الهم وراح يبتون بيهه .. اغتقد انته نفس الشي .. اخي قضيتنه تحركت جانت نايمة .. ولا شيل هم احد الاصدقاءنفس الشي اتاكدوا من شخصيته وره اسبوعين اجته البطاقة .. لان هذا المكتب صلاحيته واسعة .. مقابلتي الاول اعتقد الاف بي اي يردون يستفسرون حول موضوع اما الثانية هي المهمة طبعا بالمقابلة الثانية رايدين مني مترجم لو محامي ومصورة لو مسجلة المقابلة ورايدين فورمات عجيبة غريبة واوراف التاكس وكل اوراق امريكا ولازم تحضر زوحتي والملفات الصحية ورقة من رئيسي بالعمل ووووو .. ما طول ودولك هاي .. هسة راح يودولك ورقة بيه المطلوب عموما اخي لاتقلق مجرد وقت

[mandooo]

اخت سرى ... اي اتأكدت هو اسمي و هو رقمي
شكرا

[mandooo]

اخوية  اوركي اني هم دزولي نفس الورقة الي طالبين بيها التاكس و مال فحوصات و هل سوالف ..بس قريت بالموقع مالتهم بالنسبه للتاكس مطلوب يس من الناس الجايين هجرة .. و احنا جايين لجوء و كل الطلبات الموجوده بالورقة الها علاقة بالهجرة مو باللجوء و هذا الشي الغريب  

[SARA CALIFORNIA]

اهلا اخي mandoo
و الله شغلتك غريبة شوية,,زين اوراق التاكس شعليها بالكرين كارد و ليش هالتاخير ليهسه
اني اتذكر انته كاتب موضوع قبل فترة و اني جاوبتك  هواية تاخرت شغلتك

[xxlm569]

هاي شلون سالفه تاخير بالسفر و من توصل هم معاملتك تنهمل 

[تينة]

اخوان الله يخليكم عندي سؤال اذا ردنا نغير الولاية واحنا مر علينا اكثر من سنة بس اجلنا معاملة الكرين كارت لحين الاستقرار في الولاية الجديدة يعني احنا بعد ماعدنا كرين كارت ممكن لو اكو صعوبات بالموضوع ارجو الاجابة بسرعة مع تحياتي.

[mandooo]

ساره .. هي هاي الدنيا

xxlm569: هي هيجي على كولت المثل .. حظنا بكلشي اسود بس بالركي ابيض

تينه : والله ما اعرف كل واحد و حظه ... يعني لو تكملون معاملة الكرين كارد بعدين تسافرون يكون احسن

[سرى1]

اخوان الله يخليكم عندي سؤال اذا ردنا نغير الولاية واحنا مر علينا اكثر من سنة بس اجلنا معاملة الكرين كارت لحين الاستقرار في الولاية الجديدة يعني احنا بعد ماعدنا كرين كارت ممكن لو اكو صعوبات بالموضوع ارجو الاجابة بسرعة مع تحياتي.

عزيزتي تينة اللاجئ اللي جاي بصيغة refugee لازم يقدم ورة اكمل السنة (على ان يكون باقي بولايته مدة لا تقل عن 3 اشهر في وقت تقديمه عالكرين كارد)

انتو هسه منتقلين لو بعدكم؟

[اوركي]

اخي ماندوا
من ضمن الكليشة .. اكو بس فقرتين ماشريهن بخط صغير  اما الباقيات لا وكايليلي على فورمات ما اعرفهن ومركزين على زوجتي بان اجيب وياي اثباتات بان احنة مزوجين .. زين ليش ودولي على مقابلة وبعدين يودوني على مقابلة ثانية وانه بعدني ما مخلص الاولى عموما ان غدا لناظره قريب

[mandooo]

اخ اوركي
الورقة الدزولي ياها هم بيها بس خط جوا
if your eligibility is based on your marriage , your husband or wife must come with you to the interview
                مع انو اني اصلا ما متزوج
هاية خاصة للناس المتزوجة من امريكان و على اساسها طالعتلهم الفيزا
اليوم خابرتهم و كلولي هاي الفورمات المكتوبه ما عليك بيها .. كال احنا عدنا فورمه وحده و اندزها للكل .. و كلي المطلوب من عندك هو كل الاوراق الي انطولك ياها الحكومة الامريكية مثل الدرايفر لايسنس و الاي نانتي فور و الالين نمبير و السوشيال نمبر و الورك اثوراليزيشن ... بالنسبه لشغلة التاكس كلي انت لاجئ و ما مطلوبه منك .. بس اذا انت تشتغل و دافع التاكس هم اخذها وياك ما خسران .  و اذا عندك ترافل دوكيومنت هم لازم تاخذه وياك
كود لاك

[اوركي]

اخي العزيز
شكرا على التوضيح المهم واختصرت الي هواية من الافكار عموما نفس الرسالة مالتك اجتني .. اظاهر كليشة موحدة
عموما انه عندي مقابلة الاسبوع المقبل غير هاي وان شاء الله خير وسوف اوافيك بالمستجدات ..
اخي عموما هذولي عدهم الحل وراح يبتون بقضيتنه واكو ناس متاخرين واكو لا بسرعة اجتهم البطاقة بس اعتقد هو تشايه اسماء ليس الا

[عونك يارب]

اخي هاي صارت وية شخص اعرفة وهو لاجئ هم سوولة مقابلة واعادة بصمات وضل ينتظر 7 اشهر الى ان حصل الكرين كارد بس اللي افتهمتة طلبو منة صور كاللهم اني نطيتكم صور بالمقابلة وكان جوابهم جيب كل المستمسكات اللي نطلبها منك  وكان تحليلة للشغلة انة احتمال مضيعين اورافة  واللة اعلم بس هذا الحجي السنة الماضية  تحياتي

[mandooo]

شكراا شباب على المعلومات .. الله كريم .. ان شاء الله تمشي كل امورنا عدل

[mandooo]

للرفع