السلام عليكم ورحمة الله وبركاته
_
بصراحة اني صار عندي معلومات بالكثير من مواضيع التي تخص اللجوء والهجرة الى المساعدات في امريكا ولكن الى حد هذه اللحظة مكاعد اعرف هل المنظمة في امريكا تدفع أيجار الشقة او البيت لمدة شهر فقط لو تستمر بالدفع لغاية انتهاء المساعدات يعني بعد 8 اشهر
لأن مايخص سؤالي عن الأيجار اصبح فيه معلومات متضاربة // فهناك من قال يدفعون ايجار شهر واحد وهذا عند وصولنا وهناك من قال أجرولنة شهرين وشخص اخر قال أجرولة 3 اشهر ومكاعد اعرف الكلام الصحيح وين.!
زين اذا دفعولنة ايجار شهر او شهرين او ثلاثة / هل اجور الكهرباء والماء مدفوعة مع الأيجار؟
وماذا نفعل بعد مرور فترة دفع الأيجار يعني بعد شهر أو شهرين او ثلاثة اشهر هل سوف ندفع نحن الأيجار لو شنو بالظبط؟؟
_
ياريت يدخلون اخواني جماعة امريكا يشرحولي موضوع الأيجار لأن أني امكانيتي على كدي ومتزوج وأريد اعرف اذا خلصت فترة الأيجار ماذا علي ان افعل// وخصوصآ انا سمعت ان اول شهر او شهرين من وصولي ماراح أكدر اشتغل لأن راح اكون في فترة انجاز اوراقي الرسمية في الدوائر الحكومية.
_
هذا مايقلقني بسبب محدودية امكانيتي وذهابي الى المجهول لأني وزوجتي ليس لدينا كفيل غير رب العالمين والمنظمة وطلعتلي ولاية ماطالعة الى لقليل من العراقيين أما مدينتي فمطالع بس لشخصين في المنتدى كله واحد منهم أني والثاني العضو اليكس العراقي وهذا قد سافر
_
ولايتي هي تينيسي مدينة نوكسفيل
واستطعت ان اعرف منظمتي أيضآ وأسمها منظمة bridgerefugees وعنوانها على الأنترنت هو
www.bridgerefugees.org
ياريت اذا اكو احد يعرف هذي المنظمة أو يكدر يتعرف عليهة ويكلي اشلونهة.
_
ياريت اذا اكو شخص في امريكا يكدر يساعدني بالأتصال على منظمتي ويسألهم عن حالة اوراقي عدهم اكون ممنون بس خلي يرسل لي رسالة عالخاص وينطيني رقم تلفونة حتى اخابرة ونتفاهم
_
تحياتي للجميع.
