باجر اول مقابله iom واريد مساعدتكم

[تقوى الله]

السلام عليكم اعضاء واداريي عينكاوا الورود

الحمد لله اليوم اتصلت بيه موظفة الاي او ام وكلتلي باجر عدنه مقابله
الساعه 8 باذن الله

بس اني استغربت لشغله تكولي طليقج مرتبط وياج بالملف
فباجر اثنينكم تجون بنفس الوقت مع العلم هو اله رقم ملف خاص بي

افتهم من هذا الشي ان لاسامح الله اي موافقه او رفض تعتمد على قضيتنه احنه ويا لو شلون ؟
اني التفكير رح يتعبني لان هو كان خادم عسكريه وعضو بحزب البعث

ولازم انطي ارقام تليفونات اهلي بالعراق ؟ وممكن يتصلون بيهم ؟
وبالنسبه لررقم احد بامريكا طلبت مني اجيب ارقام اصدقاء ومعارف بامريكا متعرفون احد ممكن يساعدني؟؟
لان اني الصراحه ماعندي

تحياتي الكم وادعولي بالتوفيق
اختكم تقوى الله

[Mr Obama]

انتي وين بعمان لو بسوريا؟

[PlatinuM]

اختي العزيزة
الخدمة العسكرية اذا لم تكن في مواقع حساسة لاتؤثر وكذلك عضوية حزب البعث على ما اعتقد لغاية عضو عامل ايضا لا تؤثر.
ان شاء الله تكون سهلة المقابلة.
تحياتي

[تقوى الله]

شكرا  لردودكم اني بعمان
وان شاء الله تفرج
وشغلة ارقام تليفونات معارف بامريكا ضروري ؟؟

[abuhatem]

بالنسبة لتلفون كفيل في امريكا ليس ضروري في هذه المرحلة ، المهم قبل ان تصل الموافقة الامنية الي هية آخر مرحلة
واذا لم يكن هناك كفيل فهمه راح يحددولكم الولاية بكيفهم
اذا لم يكن لكم معارف تثقون بهم ، فالافضل تاخرون هذه الفقرة ، لان احتمال تنطون تلفون جماعة اصدقاء وتتاخر معاملتكم سنة لكن ذلك الوقت الاصدقاء يغيرون رايهم او يغيرون ولايتهم
افضل وقت لاعطاء تلفون وعنوان الكفيل هو عند مقابلة المحلفين ، لان الفترة بعد المحلفين من شهرين الى ما شاء الله

[تقوى الله]

الاخ ابو حاتم شكرا الك يعني تنصحني ادبر كفيل لو مو ضروري ؟؟

[Mr Obama]

صراحة الكفيل ضروري بامريكا .. وبالنسبه اذا خايفه انو خادم بالعسكريه وكان بحزب اذا كان رابط ملفكم قوي وينرفض تنرفضون سويه واذا كان رابط الملف ضعيف لا حتى اذا ينرفض مراح يأثر عليج

[تقوى الله]

الاخ اوباما شكرا الك
يعني شلون رابط قوي ورابط ضعيف ؟؟
وهمه شلون يربطون احد بملفي ؟؟؟ وخصوصا هو طليقي واني مقدمه بوحدي

[الأعظمي]

أختي العزيزة أذا ماعندج كفيل الأخت أم توفي عرضت هذا الشي قبل فترة وتكدرين تدخلين على مواضيعها وتتصلين بيها كذلك الأخ أبو قمر عرض هذا الشي ونفس الشي تكدرين تتصلين بي والخيرين هواية بس حاولي تستعجلين لا ياخذج الحجي والوكت.

تحياتي للجميع

[Mr Obama]

عيوني همه بالمقابله راح يسئلوج تردين رابط قوي لو ضعيف .. انتي كولي ضعيف علمود اخاف يجيه رفض ماعليج شي انتي 

[تقوى الله]

اخويه الاعظمي شكرا الك واني احاول اتصل بالاخت ام توفي او الاخ ابو قمر
الله يبارك بيهم وتحياتي الك  

مستر اوباما الف شكر ع التوضيح والله اني واكع قلبي من هالشغله

[Mr Obama]

لتخافين شغله جدا عاديه ومو بس وياج ترا اجراء روتيني هذا

[السفير80]

اختي لتخافين من شي ولتفكرين هواية حتى لتتوترين بالمقابلة مع تمنياتي لكي بالتوفيق



السفير

[تقوى الله]

لتخافين شغله جدا عاديه ومو بس وياج ترا اجراء روتيني هذا

ان شاء الله ربنا يسهلها
جزيل الشكر الك

[تقوى الله]

اختي لتخافين من شي ولتفكرين هواية حتى لتتوترين بالمقابلة مع تمنياتي لكي بالتوفيق



السفير

اخي السفير80 شكرا للنصيحه والاهتمام
ربي يحفظك ويوفقك
نسال الله الفرج للجميع

[نــــــــــوار تيتــــــو]

اعتقد الشغله هيه انو على الرابط تريدينه رابط قوي لو ضعيف ...

انشالله تمر المقابله بسهوله

تحياتي اختي 

[m.a.m]

مرجبا

     اختي تقوى الله بالتوفيق وانشالله مقابلة سهلة والله يفرجها عالجميع ممكن سؤال بدون زحمة انتي ملفج تقديم مباشر لو نحويل من اليوان واذا تحويل ياشهر منحول لأن اني متحول ملفي من شهر الواحد وليهسه بلا مقابلة  وشكرا مقدما وبالتوفيق



                  اخنكم ام حنين

[شمعة]

اختي العزيزه

ساعطيكي الجواب الصحيح على كل اسئلتك

1- بالنسبه لطليقج : في المقابلة يوم غد قدمي اوراق الطلاق التي تثبت وقوع حالة الطلاق كامله وطبعا اوراق الطلاق يجب ان تكون صادره من المحكمة الشرعيه وليس من رجل دين لان اوراق الطلاق التي تصدر من رجال الدين المنظمه لا تعترف بها وانما تعترف باوراق طلاق ؤسميه صادره من محكمة شرعيه ورسميه ..

2- الطليق لن يؤثر على كيسكم باي حال من الاحوال حتى ولو كان الربط قوي لان درجة العلاقه معكي قد انتهت بوقوع الطلاق .. ومع كل ذلك من المفضل ان تطلبي من المنظمه ان يكون الربط ضعيف ..

3- بالنسبه للكفيل لا يؤثر وجوده او عدم وجوده ولكن المنظمه سوف تسال عن الكفيل في كل الاحوال وبامكانك تزويد المنظمه برقم الكفيل في اي وقت اخر اذا لم تكوني قد عرفتي رقم الكفيل او اذا حصلتي على كفيل فيما بعد  ( يعني لا تخافين) .. بامكانك اعطاء اسم الكفيل وعنوانه في اي وقت اخر حتى ولو بعد المقابله ..

4- بالنسبه للدرجات الحزبيه والرتبه العسكريه لا ثؤثر ابدا الا اذا كان صاحب الدرجه الحزبيه او العسكريه قد اشترك في اعمال او جرائم الابداه البشريه ( المقصود بها حلبجه) او جرائم ضد الانسانيه ( المقصود بها تعذيب السجناء وغيرها) ...  و المحلفين يعرفون ان كل الشعب العراقي كانو في الحزب وفي الجيش ...

اي سؤال اخر انا حاضر ..

شمعه

[تقوى الله]

اعتقد الشغله هيه انو على الرابط تريدينه رابط قوي لو ضعيف ...

انشالله تمر المقابله بسهوله

تحياتي اختي 

تسلم اخويه ويارب تسهل ع الجميع

[تقوى الله]

مرجبا

     اختي تقوى الله بالتوفيق وانشالله مقابلة سهلة والله يفرجها عالجميع ممكن سؤال بدون زحمة انتي ملفج تقديم مباشر لو نحويل من اليوان واذا تحويل ياشهر منحول لأن اني متحول ملفي من شهر الواحد وليهسه بلا مقابلة  وشكرا مقدما وبالتوفيق



                  اخنكم ام حنين

لا تحويل من اليو ان وماعرف شوكت تحول!! يعني اليو ان مخبروني
بس اني صارلي 7 شهور من اخر مقابلة توطين الي انعادت خلال سنه وشهرين
منوره حبيبتي ويارب تفرج عليج وع الجميع  ... احتمال هاليومين يتصلون بيج ماعدنه غير الصبر

[تقوى الله]

اختي العزيزه

ساعطيكي الجواب الصحيح على كل اسئلتك

1- بالنسبه لطليقج : في المقابلة يوم غد قدمي اوراق الطلاق التي تثبت وقوع حالة الطلاق كامله وطبعا اوراق الطلاق يجب ان تكون صادره من المحكمة الشرعيه وليس من رجل دين لان اوراق الطلاق التي تصدر من رجال الدين المنظمه لا تعترف بها وانما تعترف باوراق طلاق ؤسميه صادره من محكمة شرعيه ورسميه ..

2- الطليق لن يؤثر على كيسكم باي حال من الاحوال حتى ولو كان الربط قوي لان درجة العلاقه معكي قد انتهت بوقوع الطلاق .. ومع كل ذلك من المفضل ان تطلبي من المنظمه ان يكون الربط ضعيف ..

3- بالنسبه للكفيل لا يؤثر وجوده او عدم وجوده ولكن المنظمه سوف تسال عن الكفيل في كل الاحوال وبامكانك تزويد المنظمه برقم الكفيل في اي وقت اخر اذا لم تكوني قد عرفتي رقم الكفيل او اذا حصلتي على كفيل فيما بعد  ( يعني لا تخافين) .. بامكانك اعطاء اسم الكفيل وعنوانه في اي وقت اخر حتى ولو بعد المقابله ..

4- بالنسبه للدرجات الحزبيه والرتبه العسكريه لا ثؤثر ابدا الا اذا كان صاحب الدرجه الحزبيه او العسكريه قد اشترك في اعمال او جرائم الابداه البشريه ( المقصود بها حلبجه) او جرائم ضد الانسانيه ( المقصود بها تعذيب السجناء وغيرها) ...  و المحلفين يعرفون ان كل الشعب العراقي كانو في الحزب وفي الجيش ...

اي سؤال اخر انا حاضر ..

شمعه

جزيل الشكر الك شمعه
والله اجوبتك نورتني بيها الله يوفقك ويسهل امرك بكل خطوة امين
واني الحمد لله طلاق شرعي من محكمه شرعيه ومصدق من المحكمه
ان شاء الله رب العالمين يسهلها عليه وعليكم
تحياتي الك ولكل الي ساعدوني بهاي الاجوبه
والله مقصرتوا الله يحفظكم ان شاء الله

[m.a.m]

شكرا جزيلا عزيزتي ويارب تكون مقابلة سهلة وانشالله السفر القريب

[مايكل اندريه85]

الاخت العزيزة ... اتمنالج كل خير ونجاح وان شاالله سهلة وتمشي امورج بيسر يارب  ان شاالله كل خير قدامج .

تحياتي واحترامي

اخوكي
ماركوس 3