لكل الاخوة الاعزاء

[حايرة كلش]

طبعا احيي كل الاخوة الي يساعدون الكل ويردون عليهم

بس عندي سالفة كلش تهم هواية ناس وممكن تغير حياتهم
اكو ناس تسأل وناس ترد وما متأكدة بس ترد كانه متأكدة بحيث الي يسال ياخذ هذا الجواب هوة الصحيح وممكن هوة غلط ويضيع وكت لو ممكن حياته كلها تتغير

واني من ذولي الناس .. اول ما فتت للمنتدى صارلي 6 اشهر بس جنت افوت بغير اسم .. هواية كلولي وماريد اذكر اسامي .. انه مااكدر اقدم عل اي او ام لانه زوجي رايح عن طريق اليو ان ومو الاي او ام ولانه اتزوجنة ورة مادخل امريكا
وجانو اكو اعضاء كلش قديمين والصراحة صدك يساعدون وصدك بميزان حسناتهم تصير
بس للاسف اول ماقدمت علة لم الشمل هذا الحجي قبل 7 اشهر او اكثر .. ردت اقدم علاي او ام وكلولي الي بلمنتدى والي همة اعضاء معتمد عليهم  ميصير وماالج اي حق لانه زوجج مامشتغل وية الامريكان .. بس هسة طلع مادام عنده كرين كارت عادي يصير وهاي من زمان القانون مو هسة ...بس ورة شكد اكتشفت؟ ورة ماضاعت 7 اشهر او اكثر لانه اعتمدت علة حجي المنتدى


اخواني اني مندمانة لانه ادري كلشي قدر ومكتوب ... بس والله داكتب هلموضوع علمود الاعضاء البقية اخاف العنده سؤال وهم يتجاوب غلط ويتغير شي  بحياته بلشي السلبي .. فياريت لو كلنة من نجاوب الناس نجاوبهم بعد منكون متأكدين ومنورط احد


وشكرا للكل

[Aiham_]

اخت حايرة الي جاوبج ما جان غلطان , لان ما جايب شي من جيبة , طبي على موقع السفارة الامريكية و اقري التعليمات مال التقديم على الاي و ام ,ثانيا حسب كلامج انتي زوجك مسافر و عندةكرين كارد المفروض هو اعرف مني و منج بطريقة التقديم , و الي دا يصير بالمنتدى انو من واحد يطرح قضية دا يجي اكثر من عضو و ويجاوب و الاكثرية تتفق على الجواب الصحيح فلحد الان ما شفت واحد اشتكة من نصيحة بالغلط
و لعلم الي يقدمون على ال يو ان و يطلع الهم توطين لامريكا يتحولون الى منظمة الاي او ام .

[PlatinuM]

اختي العزيزة
اكيد الي جاوبك حب ان يساعدك مو قصدة شيء ثاني
بس كان المفترض من زوجك وهو مقيم في امريكا ان يسئل هناك ايضا
وياخذ الخبر الاكيد مناك
حصل خير ان شاء الله وكل تأخيره وبيها خيره
ان شاء الله يوم سفرك القريب لامريكا
تحياتي

[نــــــــــوار تيتــــــو]

اعتقد الي جاوبك  هو هذا  الي جان يعرفه يعني على كد استطلاعه للموضوع ولهذا لازم  الواحد لازم ياخذ العبره من هيجي  مواقف وما يعتمد على مصدر واحد

تحياتي

[حايرة كلش]

اخت حايرة الي جاوبج ما جان غلطان , لان ما جايب شي من جيبة , طبي على موقع السفارة الامريكية و اقري التعليمات مال التقديم على الاي و ام ,ثانيا حسب كلامج انتي زوجك مسافر و عندةكرين كارد المفروض هو اعرف مني و منج بطريقة التقديم , و الي دا يصير بالمنتدى انو من واحد يطرح قضية دا يجي اكثر من عضو و ويجاوب و الاكثرية تتفق على الجواب الصحيح فلحد الان ما شفت واحد اشتكة من نصيحة بالغلط
و لعلم الي يقدمون على ال يو ان و يطلع الهم توطين لامريكا يتحولون الى منظمة الاي او ام .

زوجي يدري بتفاصيل لم الشمل العادية لانه هوة ميعرف وميدري شي علاي او ام ومو شرط يدري
وثانيا جان الاتفاق من كل الاعضاء علة الجواب الغلط واذا حسب متكول انه التعليماات هيجي اشو صارت وهواية ديسوون معاملة لم الشمل علاي او ام؟

اخي اني نصحت نصيبحة ومداحجي عن نفسي ولو تشوف الحجي مالتي رح تعرف هلشي

[حايرة كلش]

اختي العزيزة
اكيد الي جاوبك حب ان يساعدك مو قصدة شيء ثاني
بس كان المفترض من زوجك وهو مقيم في امريكا ان يسئل هناك ايضا
وياخذ الخبر الاكيد مناك
حصل خير ان شاء الله وكل تأخيره وبيها خيره
ان شاء الله يوم سفرك القريب لامريكا
تحياتي

لعد اني كلت غير شي؟ اني مو مدحت كل الي ديساعدون؟ شبيكم لو محاجية ومناصحة احد احسن

[bhabhan]

للاسف وربنا يعوضج عن ال7 اشهر اللي راحت بس يااختي والله المفروض زوجك يعرف بهاي الامور اكثر من عدنه بس احب اضيف شي انو اكو تعليمات في بداية المنتدى وموضوع مشرح شرح مفصل من هم الذين يستحقون ومنهم المشمولين وكيفية التقديم  وهاي كل الناس تعتمد عليه واليوم راح ابحوش واحاول ارفع الموضوع للصفحه الاولى
اتمنى التوفيق ولاتضوجيين كل تاخيرة وبيه خير

[السفير80]

اختي انتي تاكدي من كل شي حتى لو  اليجاوبك  يشتغل بالسفارة الامريكية هم لازم تسألين واحد ثاني

اني اتعاطف معك على الاشهر الي راحت هيج وان شاء الله يعوضلك

[حايرة كلش]

للاسف وربنا يعوضج عن ال7 اشهر اللي راحت بس يااختي والله المفروض زوجك يعرف بهاي الامور اكثر من عدنه بس احب اضيف شي انو اكو تعليمات في بداية المنتدى وموضوع مشرح شرح مفصل من هم الذين يستحقون ومنهم المشمولين وكيفية التقديم  وهاي كل الناس تعتمد عليه واليوم راح ابحوش واحاول ارفع الموضوع للصفحه الاولى
اتمنى التوفيق ولاتضوجيين كل تاخيرة وبيه خير

زوجي بعيد كل البعد عن الاي  او ام لانه بعمره مامشتغل وية الامريكان وجان بامريكا وكاضيها بس شغل
واني بحوشت بلمنتدى كله وقريت كلشي واكو هاي الفقرة السادسة مال برنامج الاي او ام تشملنة احنه الي عدنه كرايب عدهم كرين كارت وجان الكل متفق انه هاي متشملني مادام زوجي مطالع علاي او ام وداحجيلك الاعضاء الي معتمدين عليهم كلهم متفقين علة هيجي وكلولي احنه من خلال تجارب العالم دنحجي .. فاني اذا اسمع انه صدك اكو تجارب بهيجي فاكيد اصدك

بحوش وهسة يطلعلك مثل الي طلعلي والصراحة الي أخرني هلشهور كلها بس والله مو ابالي اني نصحت علمود الناس بس الصراحة بهلزمن الي يسوي خير محد يتقبله

[حايرة كلش]

اختي انتي تاكدي من كل شي حتى لو  اليجاوبك  يشتغل بالسفارة الامريكية هم لازم تسألين واحد ثاني

اني اتعاطف معك على الاشهر الي راحت هيج وان شاء الله يعوضلك

اني راسلت الاي او ام نفسها وحجيت قضيتي بس هية ردتلي هاي الكليشة مالتهم مال الفقرات المشمولة  .. فاني هاي الفقرات اهنانة شارحيها وعلة اساس متشملني فلهذا أيست بوكتها !!! ومخليت احد ما سالته والي سالتهم ومثل قضيتي صدفة جان زوجهم طالعين علاي او ام فكلت حجي الاعضاء القديمين ومن خلال خبرتهم والتجارب اكيد صحيح

الله كريم ان شالله بلمستقبل محد يصير بيه الصار بيه ويارب الكل يسافر ويرتاح

[سرى1]

للاسف وربنا يعوضج عن ال7 اشهر اللي راحت بس يااختي والله المفروض زوجك يعرف بهاي الامور اكثر من عدنه بس احب اضيف شي انو اكو تعليمات في بداية المنتدى وموضوع مشرح شرح مفصل من هم الذين يستحقون ومنهم المشمولين وكيفية التقديم  وهاي كل الناس تعتمد عليه واليوم راح ابحوش واحاول ارفع الموضوع للصفحه الاولى
اتمنى التوفيق ولاتضوجيين كل تاخيرة وبيه خير

زوجي بعيد كل البعد عن الاي  او ام لانه بعمره مامشتغل وية الامريكان وجان بامريكا وكاضيها بس شغل
واني بحوشت بلمنتدى كله وقريت كلشي واكو هاي الفقرة السادسة مال برنامج الاي او ام تشملنة احنه الي عدنه كرايب عدهم كرين كارت وجان الكل متفق انه هاي متشملني مادام زوجي مطالع علاي او ام وداحجيلك الاعضاء الي معتمدين عليهم كلهم متفقين علة هيجي وكلولي احنه من خلال تجارب العالم دنحجي .. فاني اذا اسمع انه صدك اكو تجارب بهيجي فاكيد اصدك

بحوش وهسة يطلعلك مثل الي طلعلي والصراحة الي أخرني هلشهور كلها بس والله مو ابالي اني نصحت علمود الناس بس الصراحة بهلزمن الي يسوي خير محد يتقبله

حبي حايرة ما اتصور كلولج انه ما يصير ما دامه ما طلع عالاي او ام

اللي اعرفه انه كلولج ما دام زواجكم صار بعد دخوله الاراضي الامريكية هذا السبب اللي خلاهم يكولولج ما يصير مو لانه زوجك ما طالع عالاي او ام

تقبلي خالص تحياتي واحترامي وربي يجمع شملكم وياريت تتواصلين ويانة بآخر اخبارك

[حايرة كلش]

للاسف وربنا يعوضج عن ال7 اشهر اللي راحت بس يااختي والله المفروض زوجك يعرف بهاي الامور اكثر من عدنه بس احب اضيف شي انو اكو تعليمات في بداية المنتدى وموضوع مشرح شرح مفصل من هم الذين يستحقون ومنهم المشمولين وكيفية التقديم  وهاي كل الناس تعتمد عليه واليوم راح ابحوش واحاول ارفع الموضوع للصفحه الاولى
اتمنى التوفيق ولاتضوجيين كل تاخيرة وبيه خير

زوجي بعيد كل البعد عن الاي  او ام لانه بعمره مامشتغل وية الامريكان وجان بامريكا وكاضيها بس شغل
واني بحوشت بلمنتدى كله وقريت كلشي واكو هاي الفقرة السادسة مال برنامج الاي او ام تشملنة احنه الي عدنه كرايب عدهم كرين كارت وجان الكل متفق انه هاي متشملني مادام زوجي مطالع علاي او ام وداحجيلك الاعضاء الي معتمدين عليهم كلهم متفقين علة هيجي وكلولي احنه من خلال تجارب العالم دنحجي .. فاني اذا اسمع انه صدك اكو تجارب بهيجي فاكيد اصدك

بحوش وهسة يطلعلك مثل الي طلعلي والصراحة الي أخرني هلشهور كلها بس والله مو ابالي اني نصحت علمود الناس بس الصراحة بهلزمن الي يسوي خير محد يتقبله

حبي حايرة ما اتصور كلولج انه ما يصير ما دامه ما طلع عالاي او ام

اللي اعرفه انه كلولج ما دام زواجكم صار بعد دخوله الاراضي الامريكية هذا السبب اللي خلاهم يكولولج ما يصير مو لانه زوجك ما طالع عالاي او ام

تقبلي خالص تحياتي واحترامي وربي يجمع شملكم وياريت تتواصلين ويانة بآخر اخبارك

حبي بس  طلع يصير هسة ... اذن الحجي الانكال والي اتفقو عليه غلط

[سرى1]

الكلام اللي حجه كان بالقوانين وعلى العموم يصير خير هسه انتي كملي معاملتج بالسلامة ونزلينا ان شاء الله موضوع مفصل يفيد الكل

بالتوفيق اختي الكريمة

[(COBRA)]

الاخت حايره ..
كلامج جدا منطقي ....... واني واحد من الناس .. فاتت عليه سنه من العمر نتيجه اراء خاظئه وبدون تجربه الاصحابها.. ونتمنى كل رد ان يكون عن نتيجه تجربه حقيقيه وملموسه ... لان هاذا قرار مصيري ووتتعلق بمستقبل افرادها ,,..
 وكلشي مكتوب  يصير بارده الله

[Abnaa Al-Iraq]

أختي العزيز كلش حايرة حصل خير واللي يشوف مصيبة غيرة تهون عليه مصيبته ... اختي العزيزة اذا انت متحسفة على 7 اشهر راحت منج اني شكول راحت مني بالضبط سنة و3 اشهر لمن عرفت اللي حق اقدم على الاي او ام وهاي المرة مختلف عنج بصراحة اشكر الاخوان والاخوات اللي ارشدوني ودلوني الطريق اني مقدم على اليون ان من 27/1/2010 وانت قيسي وقابلوني توطين ونامت القضية لحد هاي اللحظة وبعد متعرفت على المنتدى من قبل صديق قبل شهرين او اكثر بقليل ارشدوني الاخوة مشكورين هنا بان اللي الحق اقدم مباشرة على الاي او ام وبدون الانتظار لليو ان رغم اني اتوطنت بعد شهر ونص فقط على امريكا بس شنو الفائدة كل ما اتصل يكلون ملف مؤشر ... على اي حال قدمت على الاي او ام وفعلا حصلت على الاي زت نمبر وهسة دا انتظر مقالة اولى بعد مزاد العدد والبرنامج على نهايته وضاعت مني سنة و3 اشهر كاملة كان من الممكن اني هسة مسافر لان وحدي بالكيس ولم اخدم عسكرية قط ... ولربما كان الله سبحانه يريدلي الخير او جان اتعرقلت قضيتي مثل بعض الاخوة لهذا ةاحد ليتحسف على الفات ويتوكل على اللع بايامه القادمة والتوفيق للجميع

[حايرة كلش]

الكلام اللي حجه كان بالقوانين وعلى العموم يصير خير هسه انتي كملي معاملتج بالسلامة ونزلينا ان شاء الله موضوع مفصل يفيد الكل

بالتوفيق اختي الكريمة

تسلمين حبي وياريت التوفيق للكل

[حايرة كلش]

الاخت حايره ..
كلامج جدا منطقي ....... واني واحد من الناس .. فاتت عليه سنه من العمر نتيجه اراء خاظئه وبدون تجربه الاصحابها.. ونتمنى كل رد ان يكون عن نتيجه تجربه حقيقيه وملموسه ... لان هاذا قرار مصيري ووتتعلق بمستقبل افرادها ,,..
 وكلشي مكتوب  يصير بارده الله

اي والله هاي قرارات مصيرية وان شالله بلمستقبل محد يتأذة مثلنة والردود تكون بس للمتأكدين
واحنه كلشي مكتوب يصير وبلكت التاخيرة بيها خير النة يارب

[حايرة كلش]

أختي العزيز كلش حايرة حصل خير واللي يشوف مصيبة غيرة تهون عليه مصيبته ... اختي العزيزة اذا انت متحسفة على 7 اشهر راحت منج اني شكول راحت مني بالضبط سنة و3 اشهر لمن عرفت اللي حق اقدم على الاي او ام وهاي المرة مختلف عنج بصراحة اشكر الاخوان والاخوات اللي ارشدوني ودلوني الطريق اني مقدم على اليون ان من 27/1/2010 وانت قيسي وقابلوني توطين ونامت القضية لحد هاي اللحظة وبعد متعرفت على المنتدى من قبل صديق قبل شهرين او اكثر بقليل ارشدوني الاخوة مشكورين هنا بان اللي الحق اقدم مباشرة على الاي او ام وبدون الانتظار لليو ان رغم اني اتوطنت بعد شهر ونص فقط على امريكا بس شنو الفائدة كل ما اتصل يكلون ملف مؤشر ... على اي حال قدمت على الاي او ام وفعلا حصلت على الاي زت نمبر وهسة دا انتظر مقالة اولى بعد مزاد العدد والبرنامج على نهايته وضاعت مني سنة و3 اشهر كاملة كان من الممكن اني هسة مسافر لان وحدي بالكيس ولم اخدم عسكرية قط ... ولربما كان الله سبحانه يريدلي الخير او جان اتعرقلت قضيتي مثل بعض الاخوة لهذا ةاحد ليتحسف على الفات ويتوكل على اللع بايامه القادمة والتوفيق للجميع

الله يساعدك واكيد كلشي قدر ومكتوب ويجوز الله يريدنة بيها الخير بس اني كتبت الموضوع مو علمودي بس علمود الاعضاء بلمستقبل وان شالله التوفيق الك وللكل

[ريم عبد]

[q]بس هسة طلع مادام عنده كرين كارت عادي يصير وهاي من زمان القانون مو هسة ...بس ورة شكد اكتشفت؟ ورة ماضاعت 7 اشهر او اكثر لانه اعتمدت علة حجي المنتدى/quote]

عزيزتي كلش حايره ممكن دكولينا شلون هسه طلع يصير وهل قدمتي انتي على ال اي او ام وقبلوا الكيس مالتج ونطوج كيس نمبر

عزيزتي قبل متلقين باللوم على الاعضاء الي بالمنتدى المفروض تتاكدين من كلامج وتثبتين العكس بالادله القاطعه وليس مجرد اتهامات ترمى جزافا

واني اعرف انه انتي كنتي قبل تدخلين باسم angle88 ومااعرف هل سبب تغيير الاسم لغرض تغير الاجابه؟؟؟
ولو هذا مو موضوعنا
المهم بالنسبه لقضيتج لايحق لك التقديم على ال اي او ام للاسباب التاليه
1- زواجك كان بعد دخول زوجك للاراضي الامريكيه
2-زوجك دخل عن طريق ال يو ان
3-لاتملكين اوراق تاييد من مسؤل امريكي
4-ال اي او ام لاتقبل اي قضيه للايتوفر فيها الشروط التاليه
وجود كتاب  تاييد من مسؤل امريكي
وعنوان المسؤل وايميله الرسمي
ويمكنهم الاتصال به  وتايده بشكل شفهي او تحريري عن صاحب العمل وتزكية بانه لايشكل تهديد للامن القوي
واذا فقد اي شرط من الشروط اعلاه لاتقبل قضيتك
او الحاله الثانيه اذا كانت قضيه محوله من السفاره الامريكيه لل اي او ام كما يحدث في قضايا لم الشمل


اذا كان لديك مايثبت عكس ذلك فارجو اسعافنا بها -من تقدمين وتحصلين على كيس نمبر-
لان مو بس انتي الي منتظره هذا الموضوع وانما مئات الشباب الحاملين للكرين كارت وينوون الزواج وسحب زوجاتهم
فاذا كدرتي تثبتين هذا الشي فهاي ثوره في عالم ال اي او ام
واني اول الناس الي راح اهنيج وابوسج من راسج وأضيفها لرصيد معلوماتنا لمساعدة الشباب العراقي

[نــــــــــوار تيتــــــو]

بس هسة طلع مادام عنده كرين كارت عادي يصير وهاي من زمان القانون مو هسة ...بس ورة شكد اكتشفت؟ ورة ماضاعت 7 اشهر او اكثر لانه اعتمدت علة حجي المنتدى


عزيزتي كلش حايره ممكن دكولينا شلون هسه طلع يصير وهل قدمتي انتي على ال اي او ام وقبلوا الكيس مالتج ونطوج كيس نمبر

عزيزتي قبل متلقين باللوم على الاعضاء الي بالمنتدى المفروض تتاكدين من كلامج وتثبتين العكس بالادله القاطعه وليس مجرد اتهامات ترمى جزافا

واني اعرف انه انتي كنتي قبل تدخلين باسم angle88 ومااعرف هل سبب تغيير الاسم لغرض تغير الاجابه؟؟؟
ولو هذا مو موضوعنا
المهم بالنسبه لقضيتج لايحق لك التقديم على ال اي او ام للاسباب التاليه
1- زواجك كان بعد دخول زوجك للاراضي الامريكيه
2-زوجك دخل عن طريق ال يو ان
3-لاتملكين اوراق تاييد من مسؤل امريكي
4-ال اي او ام لاتقبل اي قضيه للايتوفر فيها الشروط التاليه
وجود كتاب  تاييد من مسؤل امريكي
وعنوان المسؤل وايميله الرسمي
ويمكنهم الاتصال به  وتايده بشكل شفهي او تحريري عن صاحب العمل وتزكية بانه لايشكل تهديد للامن القوي
واذا فقد اي شرط من الشروط اعلاه لاتقبل قضيتك
او الحاله الثانيه اذا كانت قضيه محوله من السفاره الامريكيه لل اي او ام كما يحدث في قضايا لم الشمل


اذا كان لديك مايثبت عكس ذلك فارجو اسعافنا بها -من تقدمين وتحصلين على كيس نمبر-
لان مو بس انتي الي منتظره هذا الموضوع وانما مئات الشباب الحاملين للكرين كارت وينوون الزواج وسحب زوجاتهم
فاذا كدرتي تثبتين هذا الشي فهاي ثوره في عالم ال اي او ام
واني اول الناس الي راح اهنيج وابوسج من راسج وأضيفها لرصيد معلوماتنا لمساعدة الشباب العراقي

 


كم واضح وصريح وحلو

[ريم عبد]

وعزيزتي اذا تقصدين الفقره السادسه
فاكيد متشملك
وللتاكيد ايضا هذا جواب الاخ عكعك الي تتهمي انه اعضاء قدماء وذوي خبره وتشككين بردودهم


... الأزواج / الزوجات والأبناء / البنات والأباء / الأمهات والأخوان / ألأخوات لأفراد المشار اليهم في الفئات الأربعة أعلاه أو للفرد المؤهل الحصول على تأشيرة الهجرة الخاصة كنتيجة لتوظيفة / توضيفها من قبل أو بالنيابة عن الحكومة الأمريكية في العراق بما في ذلك الفرد الذي ليس على قد الحياة وبشرط أن يكون تم تحقق من العلاقة..

يقصد بها من يحق لهم التقديم والمستفدين من صله القرابه المذكوره بالفقره من الشخص الذي عمل مع القوات الامريكيه او الشركات او المنظمات المموله من قبل الحكومه الامريكيه

6... الأفراد العراقيون الذين هم الأزواج / الزوجات والأبناء / الأمهات والأخوان / الأخوات لمواطن أمريكي أو الأفراد الذين هم أزواج / زوجات أو أبناء غير متزوجين / بنات غير متزوجات لأجنبي حاصل على الأقامة دائمة في الولايات المتحدة وبحكم أنهم أو سيصحبون المستفدين من معاملات تأشيرة الهجرة الموافق عليها ( I-130 ) والمبنية على صلة القرابة الأسرية..
خصوص الأشخاص الذين تم ذكرهم في البند السادس على أقاربهم من المواطنين الأمريكيين والذين قامو بملء معاملة تأشيرة الهجرة الموافق عليها ( I-130 ) لأقاربهم العراقيون أن يتم أستلامهم خطاب من وزارة الخارجية يعلمهم بأحقية أقاربهم في تقديم طلب اللجوء وأن يتم تسلم القريب الأمريكي هذا الخطاب أو أنهم لم يقدموا على تأشيرة الهجرة ( I-130 ) بعد واذا كان المستفيد العراقي لديه الرغبة في المزيد من المعلومات يمكن مراجعة الرابط الألكتروني التالي الخاص بتأشيرة الهجرة ( I-130 )

اما الفقره السادسه فقسومه قسمين القسم الاول للمستفيدين من وجود شخص يحمل الجنسيه الامريكيه
والفقره الثانيه تخص الاقارب من حامل الكرين كارد زواج / زوجات أو أبناء غير متزوجين / بنات غير متزوجات
وهذه الفقره طبعا متشملك لان هذه الفقره تخص
الشخص المتزوج  قبل سفره الى امريكا وليس بعد اي الزوج حالته تكون متزوج قبل سفره الى امريكا  

[نزاركامل]

بس هسة طلع مادام عنده كرين كارت عادي يصير وهاي من زمان القانون مو هسة ...بس ورة شكد اكتشفت؟ ورة ماضاعت 7 اشهر او اكثر لانه اعتمدت علة حجي المنتدى


عزيزتي كلش حايره ممكن دكولينا شلون هسه طلع يصير وهل قدمتي انتي على ال اي او ام وقبلوا الكيس مالتج ونطوج كيس نمبر

عزيزتي قبل متلقين باللوم على الاعضاء الي بالمنتدى المفروض تتاكدين من كلامج وتثبتين العكس بالادله القاطعه وليس مجرد اتهامات ترمى جزافا

واني اعرف انه انتي كنتي قبل تدخلين باسم angle88 ومااعرف هل سبب تغيير الاسم لغرض تغير الاجابه؟؟؟
ولو هذا مو موضوعنا
المهم بالنسبه لقضيتج لايحق لك التقديم على ال اي او ام للاسباب التاليه
1- زواجك كان بعد دخول زوجك للاراضي الامريكيه
2-زوجك دخل عن طريق ال يو ان
3-لاتملكين اوراق تاييد من مسؤل امريكي
4-ال اي او ام لاتقبل اي قضيه للايتوفر فيها الشروط التاليه
وجود كتاب  تاييد من مسؤل امريكي
وعنوان المسؤل وايميله الرسمي
ويمكنهم الاتصال به  وتايده بشكل شفهي او تحريري عن صاحب العمل وتزكية بانه لايشكل تهديد للامن القوي
واذا فقد اي شرط من الشروط اعلاه لاتقبل قضيتك
او الحاله الثانيه اذا كانت قضيه محوله من السفاره الامريكيه لل اي او ام كما يحدث في قضايا لم الشمل


اذا كان لديك مايثبت عكس ذلك فارجو اسعافنا بها -من تقدمين وتحصلين على كيس نمبر-
لان مو بس انتي الي منتظره هذا الموضوع وانما مئات الشباب الحاملين للكرين كارت وينوون الزواج وسحب زوجاتهم
فاذا كدرتي تثبتين هذا الشي فهاي ثوره في عالم ال اي او ام
واني اول الناس الي راح اهنيج وابوسج من راسج وأضيفها لرصيد معلوماتنا لمساعدة الشباب العراقي

اختي الغاليه والعزيزه ريم التي احترمها وفق ما تمتلك من جدية موزونة وذكاء حاد وبعد نظر لايستهان به
احترم اجابتك التي دائما تضع النقاط على الحروف واود ان اضيف معلمه واثق منها ميه بالميه وعن تجربه وهي يستطيع اقرباء من يعمل مع الامريكان التقديم للـ IOM وتتم الموافقة عليهم بمنحهم اللجوء IOM وليس الهجره SIV .

تقديري واحترامي واعتزازي بك حصرا وبكل الاخوه الاعزاء عموما .

[ريم عبد]

اخي نزار ممنونه منك لكلماتك الجميله بحقي وهذا من حسن ظنك
ومثل متفضلت انه اقارب ال اس اي في هولدر من الدرجه الاولى والثانيه
الي همه الام والاب والاخوان مع وابنائهم وازواجهم
لكن اجابتي في هذا الموضوع يخص المتزوج/ه بعد دخول الاراضي الامريكيه ففي هذه الحاله لايشملهم برنامج ال اي او ام

[حايرة كلش]

اختي اني اولا نسيت الباسورد مال اليوزر القديم لهذا دخلت بهذا ولا تغيير اجابة ولا شي  والله على مااقول شهيد

ثانيا اني مدا اتهم  احد اني دانصح علمود البقية


اما بلنسبة الي اي اكدر اقدم علاي او ام وانطوني IZ اول البارحة

وللاسف هسة يالة بعد مضيعت شكد؟ واني بامس الحاجة للوقت لانه ضغوطات الاهل كتلتني

بس اني كل هذا محجيت شي بس جان همي علة الناس البقية لانه اني عاطفية بطبعي وماريد احد يتأذة

اني لا اتهمت احد ولا شي

الفقرة السادسة جانت تشملنة احنه اهل لم الشمل وهية مبين وضوج الشمس مادام اي احد عنده كرين كارت يكدر يسحب اهله علاي او ام ومعليها طريقة دخوله مادام اخذ الكرين كارت بس اني صدكتكم اهل الخبرة

وللعلم اني احترمج واحترم كل الخبراء والقديمين اهنا وشوفي كلامي فوك وكلت انه بميزان حسناتكم بس
هذا الي صار

انطيت اني نصيحة حته لحد يتأذة

وبكيفكم بعد