,, هاي عالسلام عليكم ورحمة الله وبركاته .. يارب الكل بخير انشاء الله وصحة وعافية...اشكر اخي العزيز الكبير الغالي ابن الاجاويد صاحب العائلة الكريمة ( سـباركــي) وربي يوفقة على كل توضيحاته القيمة..
وربي ويوفقكم ويسهل عليكم كل الامور.. اخواني اخواتي الكرام انا صاحب القصة الي كتب مقتطفات منها اخي (سباركي ) والي هي اتخص العسكرية والسجن ..وياريت انوا لا ننسى انَ هذا المنتدى للمشاركة واخذ الخبرات من الاعضاء القدامة والي مروا بتجارب قبلنا. وانخليهم يكتبون ونقراء مشاركتهم وان فادتنا خير على خير وان مفادتنا ومقتنعنا بيها (اطب منا وتطلع منا) ويمكن اتفيد غير ناس ,وميصير نحكم عليهم بدون سابق معرفة..
وانا مثل موضح اخي انا كنت (جندي مكلف) لا حارس سجن ولا اي شيء.. ودفتر الخدمة كان موجود معي ووحدتي الي خدمة بيها وحده ادراي وكانت وسط بغداد.. وكتلها للمحلفة اني لو عندي شيء كان مجبت دفتر الخدمة وكتلك ضايع .بس رنا كريم واقوة من الكل وشيجينا من رب العالمين خير وبركة..
اخواني والله العظيم اول امس اتصلت بيه مديرة المنظمة الي انا مقدم عليها لجؤ والاخ (سباركي) يعرفها وكلمتني كثير بالتليفون لان احنه والحمد لله نعرفها معرفة قوية وسألتها ليش اجاني (تعليق ) شنوا السبب وقالت هذاالكلام طلع من لسانها وكالت/ انو اكو قانون طلع بمنظمة الهجرة الدولية اظن بل 2008 وينص على انوا اي شخص اتعرض( بالاكراه ) لدفع مبلغ من المال للمجاميع ارهابية كتخليض مخطوف من ايدي الارهابين او ارجاع سيارة مسروقة او شهد عمليات تعذيب او اُجبر على تعذيب شخص بالاكراه او ....الخ اخره هذاملفه يروح لدولة التوطين ويسولة بحث امني وبعدين هم يتصلون بيه ويبلغوه بالنتيجة وكالت جدا قليل الي يجيهم رفض يمكن واحد الى اثنين بالمية الي يرفضون)لهنا الكلام على لسان مديرة المفوظية الي صارلها اكثر من 22 سنه هي تعمل هناك/ وانا اقاربي رجل كبيرعمره 65 سنه بسوريا خطفوا سيارته من كان بالعراق ودفع فلوس للخاطفين حتى يرجعها وخبر هاي القصه للمحلفين وانطوه قيد الدراسة وورة عشر ايام جته موافقه وسافر وهسه صارلة اكثر من سنه ونص بأمريكا
وهذا الكلام بس حبيت اذكرة عسى ولعلة ينفع بعض الاخوه الاعزاء...
وحبيت اضيف معلومه اخرى والي هي كثير من الاخوه غلطوا بيها وهي :
اكو بعض الناس يقول انا مخدمة عسكرية ولا يوم لاني مكنت ائيد النظام السابق وخلصتها كلها هروب وواحد ثاني يقول انا كنت انطي فلوس وما اداوم لان مكنت احب النظام وما اريد اخدمة,, هاي ايضا يا اخواني حذاري ان اتكولوها لان يعتبروك اول شيء انت مو موالي لبلدك و لاعندك روح التضحية من اجل بلدك لان خدمة العسكرية عدهم تتعتبر واجب مقدس وهي خدمة لعلم البلد وليس للنظام , اما الي كان ينطي فلوس وميداوم يعتبروها (رشوة) وهاي بعد العن بنظرهم لان اتكلك انت مستعد اتبيع بلدك بفلوس..وهذا الي فهمت من المنظمة ومن بعض الاخوه الي الله سبحانه وفقهم وهسه طالعين من سنين.. وانشاء الله اكون قد وصلت فد معلومة تنفع بعض الناس ومتضرهم ,,,
اخــوكــم/ يــوســفــي
