خلي انشوفلنه جارة

[عمدة فرجينيا]

السلام عليكم
بالاونه الاخيرة كثرت اغلاط اي او ام هواية وكامت اتخربط واتدز رسائل بالغلط , زين شنو الحل ممكن قضايانا كلهة متاخرة من ورة عدم درايتهم بادارة الامور زين شلون وشنسوي واحنا مصيرنا متعلق بيهم واكيد الكل مو بس اني مدايكدر يتحرك خطوة لان موضوع السفر اباله
فاني اقترح واستفسر هل اكو جهة مسؤولة عن هاي المنظمة حتى الواحد ايراسلهم ويشتكي على ادائهم المخربط لو انحط ايدنا على خدنا وننتظر فرج شوكت يجي .



تحياتي
الملاك الحائر

[عمدة فرجينيا]

مو كافي همة حاركين اكلوبنا بالانتظار والاغلاط مالتهم

[(Michael)]

سلام عليكم
والله تعبنا من هذا الانتظار القاتل وهو انتظار المجهول يعني قبل جنا نكول شوكت تخلص الامنية و هسه طلعت امنية ما قبل السافر جانت عايزة و كملت
صحيح اللي ماخذ موافقة المحلف شغلته محسومة و معناتها uscis موافقين هاي منتهين منها
لكن اجراءات الامنية و السفر اللي محد يعرف شوكت تنتهي
اصعب شي على الانسان انتظار المجهول
الله كريم

[PlatinuM]

والله حيره اخويه العزيز
الله كريم وارحم الرحمين
تحياتي

[حايرة كلش]

اخاف يروحون يشدون ويانة اكثر

[cristiano ronaldo]

لا مو مال نحركهم اخاف ايخبثون بالزايد وايديحونة خلي انخليهة على الله ونستحمل شنسوي

[عمدة فرجينيا]

شيشدون ويانة اكثر من هالشدة وثانيا احنا مراح نحجي شي غلط او نتبلة عليهم كل ماهناك خلي اينظمون شغلهم لان هواية ناس مصيرهم متقرر ابين ايديهم



اختكم
الملاك الحائر

[basma_mazen]

اخي الملاك  ماكو  غير الانتضار  لان  اذا  تريد  تكتب  تقرير  فلازم  ترسله  الى  المسؤل الاعلى  او  الدائرة الاعلى  منهم 
وهاي وين  تلكاهم وشون توصلهم
فكول يالله  وعوفهة يم  رب العالمين  سبحانه لان هية  كله بيده سبحانه

[rayanchase]

احنه  صح نفسيتنا تعبانه وتره  همه هم  كلش ديتعبون  هوايه      و اكو مثل يكول شغلتك يم الغزال كله حجي  غزال   
بس الشغله الي تدق انه الموظفين العرب بنظري همه الي مخربطين وديخربطون بتوقعااتي   بصورة متعمده  غيرره او حقدا  علينا   و الله اعلم

[نــــــــــوار تيتــــــو]

الله يكون بعون الكل   

تحياتي

[عراقي كرادي]

شكيد حاولنا ودزينا وحجينا ..............اخي ماكو فايدة ...................احنا حاجتنا يمهم....وتعال اركض وراهم........ولعلمك طلعوا قوانين جديدة .........هاي اني شفته بالـ UN الي هي المفروض تكون ارئف من الـIOM اي شخص يجاوز لو يحجي ينغلق ملفه....وصح انت تقول باسلوب حضاري ........بس صدق ماكو فايده.

تحياتي.

[البزعااااانه]

مع الأسف العراقيين احنا طول عمرنه الله يسلط علينه ناس يراوونه الموت حتى نرضى بالصخونه .. حتى بقضية الهجره واللجوء هيجي صار حالنه وياهم وما إلنا غير نرضى بالصخونه ونسكت !!!!
ما عندي غير هذا التعليق .. مع كل الاحترام والتقدير

[عمدة فرجينيا]

شباب اني كل الي جنت اريد اكولة انه الستاف مال اي او ام كلهم عرب واني متاكدة التلكؤ من يمهم بسير المعاملات ليش ال اس اي في ما بيه هيجي اغلاط وتمشي المعاملة بانسيابية
اليوم جاوبوبني على ايميلي ودزولي اعتذار لانهم جاوبوني على قضية غير شخص وانتظر معاملتكم بالاجراءات
اوووووووووووووووووووف صدك لو كالو شغلتك يم الجلب كله حجي جليب



تحياتي
الملاك الحائر

[ابو ايمن المياحي]

مو بس ملينه من الصبر بس الصبر هم مل منه شنسوي الله كريم

متضيج الة تفرج