كولوا يا الله واتوكلوا واعزموا الهمة وتعالوا

[ام توفي]

اخواني واخواتي الاعزاء

والله تلوع قلبي من هذا الكلام تعالوا ولا لاتجون

كل انسان ميصيبة الا نصيبة اذا جان بالعراق او في امريكا

اذا جنت بالعراق فلقمة العيش وتوفير سكن وتلبية احتياجات اسرتك مو سهلة ولا هية سهلة بأمريكا لكن مو مستحيلة

يمكن تواجهك الكثير من الصعوبات والهم والقهر لكن تمشي مثل ما واجهتنة بالعراق ومشت

لكن المفاضلة تبقى

الوضع الامني الكهرباء الحرية التربية المدارس الكليات الناس التعامل العيشة الجو الهواء البانزين الغاز حضر التجوال الدوة المستشفيات الخ.....الخ......الخ.....واذا اضل اعدد باجر ما اخلص

خلي ابالك وضعك يختلف عن غيرك ولو كنت على نفس المنظمة ونفس الولاية ونفس المدينة ونفس البرنامج
وانتة تخلق فرصتك

خوما انظل يومية جاك الذيب جاك الواوي لا عايش ابلدك مرتاح ولا بغير دولة حجت الاقامة وكالت الهجرة والجوازات

انت تعال اعتبرها تجربة من التجارب اللي مر بيها كل العراقيين وانطي النفسك فرصة على الاقل سنة وبعدين قرر شتريد تسوي
وترة اكو هواية ناس راح تعاونك وتساعدك من حيث لا تدري

وقل لن يصيبنا الا ما كتب الله لنا

في الختام ارجوكم لا تصدقون باي كلام يقال لكم مهما كان حلو او مر

تعال انتة وجرب بنفسك

وانشاء الله السفر القريب للجميع وكلكم تتوفقون يارب

[blood_brothers8]

هي غير تجي الفيزا.....

[عراقي كرادي]

ام توفي عيوني ...........شكرا على كلامج...........همه وينهم اصلا ....وين الامنية وين الفيزا .......والله طقت روحنا .......مستعد اجي لامريكا هسه بهاي اللحظه ........اي غير يخلصونا مو خلص عمرنا ههههههههههههههههههه.

تحياتي

[مالايكي]

دخل اتشرف القيزا 


شكرا للموضوع

[ابو هنودة]

اختي العزيزة ام توفي مشتاقين الى كلماتج صار زمان ماكو
كلامك على الجرح والعجيب جميعنا وبلا استثناء وخاصة الموجودين خارج العراق اغلبنا قد تجاوز السنة وعايشين ماكلين وشاربين وندفع ايجارات وفواتير من الكهرباء والماء الى الانترنيت ونشحن موبايلات ومن يصير حجي الصدك يبدي التذمر ومنين نعيش والراتب والايجار والفوت ستامب وما ادري شنو يااخوان حسبوها لامريكا وحدة من دول الجوار وهربنا من العراق الها نأجر بيها وناكل ونشرب وندفع فواتير كما نحن عليه الان ولكن والف لكن لنا حقوق مساوية لحقوق اهل البلد يحق لنا العمل بكل حرية وبدون شروط ونشعر بأننا بشر لنا كرامتنا علينا واجبات ولنا حقوق وبعد 5 سنوات سنحصل على الجنسية ولسنا لاجئين في بلاد الغربة طول العمر.
ارجو من كافة الاخوة اذا كنت على خطأ فصححوا لي ونورو طريقي ولا تجعلونني اعيش في ظلام.
مع اطيب تمنياتي ودعائي بالتوفيق لكل اخوتنا واخواتنا في هذا المنتدى

[DEFA-AL-AIRAQI]

شكرا على الموضوع

[alihatef82]

شكرا على الموضووع

[البزعااااانه]

مشكوره وجزاج الله كل الخير أختنا الطيبه على هذا الموضوع المميز
جعله الله في ميزان حسناتج
وبأذن الله كلمن ياخذ فرصته ونصيبه لمستقبل وحياة أفضل
تقبلي ودي مع التقدير

[محارب]

هلو ام توفي شلونج ؟ شلون الحوال ؟ اشو ماكو؟
شكرا على هذا الموضوع الصريح واحنه كلنه شفنه جماعتنه من يكومون يلطمون ويصيحون ماكو وماعدنه وموخوش عيشه بامريكا لكن ابد ما سمعنه واحد منهم رجع
فيا اخواني تره الحليم تكفيه الاشاره

احترامي للجميع

[yasir fakhri]

الله يكثر من أمثالك أختنا العزيزة أم توفي ومثل ماتفضلتي( قل لن يصيبنا الا ماكتب الله لنا هو نعم المولى ونعم النصير ) وحسب بيت الشعر الذي يقول ( تغرب عن الاوطان في طلب العلى وسافر ففي السفر خمس فوائد تفريج هم وأكتساب معيشة وعلم واداب وصحبة ماجد )

[ام وعد]

اختي الفاضله مشكوره على موضوعج وجبتي التايها مثل ميكولون
اختي العزيزه  حابه اسالج  اني قابلت محلف 6_3 2011  وفصحت بعد اسبوع واتستلمت نتيجة المحلف يوم 21_3 وكانت القبول والحمدلله واتصلو بكفيلي بنهايه شهر الرابع علما كفيلي هيه ام زوجي وقعت اوراقنا وهسه قبل 15 يوم تقريبا هم رجعوا اتصلو بام زوجي المنظمه سالوها بعدج تريد ابنج
بهاي الولايه يعني بعدج تكفليها جاوبت نعم حبيتي اني كلش خايفه ايفيدنا اخافدك الله وشكرا مقدما على جهودك        اختكم ام وعد

[عراقي كرادي]

اختي العزيزة ام توفي مشتاقين الى كلماتج صار زمان ماكو
كلامك على الجرح والعجيب جميعنا وبلا استثناء وخاصة الموجودين خارج العراق اغلبنا قد تجاوز السنة وعايشين ماكلين وشاربين وندفع ايجارات وفواتير من الكهرباء والماء الى الانترنيت ونشحن موبايلات ومن يصير حجي الصدك يبدي التذمر ومنين نعيش والراتب والايجار والفوت ستامب وما ادري شنو يااخوان حسبوها لامريكا وحدة من دول الجوار وهربنا من العراق الها نأجر بيها وناكل ونشرب وندفع فواتير كما نحن عليه الان ولكن والف لكن لنا حقوق مساوية لحقوق اهل البلد يحق لنا العمل بكل حرية وبدون شروط ونشعر بأننا بشر لنا كرامتنا علينا واجبات ولنا حقوق وبعد 5 سنوات سنحصل على الجنسية ولسنا لاجئين في بلاد الغربة طول العمر.
ارجو من كافة الاخوة اذا كنت على خطأ فصححوا لي ونورو طريقي ولا تجعلونني اعيش في ظلام.
مع اطيب تمنياتي ودعائي بالتوفيق لكل اخوتنا واخواتنا في هذا المنتدى

عاشت ايدك.......كلامك صحيح.

[ابو ايمن المياحي]

هيه اذا بيدنة نجي ونجرب جان هسه اجينه بس هية شي اكيد هواي احسن من العراق

[s350thebest]

بارك الله فيك
هي غير اتصير شغلتي وكلبي خلص
الفرج يا الله

[اسعد العراقي]

هو وينة اجلة اجل

[Eagle eyes]

هو وينة اجلة اجل

بسنوني 

[Eagle eyes]

شكرا على الموضوع اختي ( ام توفي ) كلامج منطقي وعقلاني وهوه هذا الصحيح تحياتي لحضرتج وشكرا

[Jerry echo]

خلي ابالك وضعك يختلف عن غيرك ولو كنت على نفس المنظمة ونفس الولاية ونفس المدينة ونفس البرنامج
وانتة تخلق فرصتك
شكرا على الموضوع

[noor usa]

اخوية العزيز والله حجيك ذهب
كل انسان وفرصتة وحظة واحنة الحمد لله شفنة كل السيئ بالعراق ف حتى لو نتبهذل بالخارج مااصور راح انشوف بعد اسوء من الي شفناه

[web.Man]

أخوان ....هذي بعض من الجمل الطريفة اللي وردت بردود هذا الموضوع  ....مع التحية والمحبة :
1.عراقي كرادي ...( والله طقت روحنا)  ...هق هق هق ...والله حقك .
2.رامي البابلي ...( خلي تشرف القيزا ) ...هق هق هق ..شبيقم وي الكاف . .
3.أم وعد ..(اني قابلت محلف وفصحت بعد اسبوع ) ...اني بعدني ما فاصح شوكت نفصح ؟ يوم كل الاعضاء يفصحون 
   وهم أم وعد ...(سألوها بعدج تريد ابنج بهاي الولاية يعني بعدج تكفليها ) بصراحة ما عرفت هي ولد لو بنية 
 وهم هم أم وعد ....( جاوبت نعم حبيتي اني كلش خايفة ايفيدنا اخافدك الله) اني هم خفت كلش هواية ..بس منو هذا اخافدك ؟؟؟
....ارجو ان محد يزعل لاننا كلنا معرضون لاخطاء الطباعة ..المهم الفكرة توصل ...

[شنايزر]

شكرا عالموضوع كلامج صحيح كل واحد وقسمته ولايصدق الاشاعات روح وجرب وشوف بس مثل ماكالو الاخوان

   هي وينها

[نــــــــــوار تيتــــــو]

منورة اختي ام توفي  ........اشو مختفيه ..وينهم مواضيعك الدسمه 
 
لو اعرف امريكا  صارت ويه الكاع هم اروحلها شعليه بقال وقيل  عليه  بذاتي ونظرتي لذالك البلد

تحياتي اختي  الله يخليكي ويفتحها بوجهك  ياربي..

تقبل مرور اخوكي ..نوار تيتو