ارجو بيان افضل برنامج تعليم الانكليزية مجانا

[زيد الورد]

ارجو بيان افضل برامج تعليمي للانكليزية مجانا عبر الموبايل

[jacksparrow]

جان اكو راديو اسمه صوت امريكا الضهر بلعراق مادري بعده لو بطل تكدر تستفاد منه

[ميمي2010]

اخي شوف هذا الموقوع كلش حلو
بس مو على التلفون على الكمبيوتر
http://www.languageguide.org/english/

[azizaliraqi]

والله اني صراحة انصح الي يريد يتعلم انكليزي وخصوصا اذا انشالله مفكر يوصل امريكا يتابع المسلسل الكارتوني
                  the simpson

هذا المسلسل اله 3 فوائد
١-تتعلم لغة ومصطلحات يوميه تداول بامريكا

٢- تتعرف على جزء من المجتمع الامريكي لان المسلسل كله يدور عن الاحداث اليوميه لعائله امريكيه بسيطه من جيرانهم

٣- طبعا هايه اهم نقطه انو من تتفرج راح تخرب ضحك هههههههه

والله بالنسبه الي ارقى مسلسل شفته بحياتي من بعد كرندايزر الله يذكره بالخير ههههه

عزيزي صاحب الموضوع حاول تتفرج على هيج مسلسلات وافلام مترجمه
لان اللغه تعتمد ع السمع اكثر شي

[Safaa Alkhrkhy]

اللغة حتى تتقنها فهي عبارة عن 4 مراحل
اولا  السماع
ثانيا التحدث
ثالثا  القراءة
رابعا  الكتابة

فاول اثنين همة المهمات كلش واحسن طريقة الهم انه تشاهد افلام امريكية مع السابتايتل الانكليزي حتى تسمع الكلمة وتقراهة بنفس الوقت..

اخوك  ابو سارة