مساعدة عاجلة رجائا تركيا

[ziad32]

مرحبا شباب شلونكم ان شاء الله بخير

اني هسة بمحافظة توكات بتركيا اريد من يساعدني طريقة التقديم لليو ان عنوان اليو ان وين يصير بالمحافظة وشلون ااجر شقة علما انو هنا ماكو احد يعرف لا انكليزي ولا عربي واني مااعرف تركي يااااااااريت المساعدة باقرب وقت

[ninwanastar]

عنــــــــــــــــــــــــــــــــــــــوان ال UN في انقرة
تكتبه بورقة وتشوفها للسايق يذبك بباب اليو ان
 BMMYK
 Birlesmis milleteciler yukses komiserrligi
 sancak mah tiflis cad 552 sokak no . 3
 06550 Ankara
عنـــــــــــــــــــــــــــــــــــوان فندق رخيص شوية بانقرة من تنزل بالكرج اكتب العنوان بورقة وشوفها لاابو التكسي
هذا العنوان انقله
اسم الفندق ....yavuz oteli
Anafartalar Caddesi
konya sokak NO.6
Ulus  - ankara
ملاحظة عمــــــــــــــــــــــــــــي
تره هذا يمكن ارخض فندق لان لازم تحسب حسابك باسعار الفنادق وانته عمي حـــــــــــــــــــــــــــر باالاختيار واذا احد يعرف ارخص وانسب منه للناس فخلي يكتبه ورحمه الله والديه بس هذا اناي اللي اعرفه
اجرة غرفة بسريرين يعني نفرين ب40 ليرة
طبعا اناي مالي علاقة بعدد الافراد يعني مو جايين سبعة ويردون ليلة ب40
اعتقد السرير ب20 ليرة ومااعتقد اكو ارخص الا تنام بالشارع 

[my dream]

والله وفيت وكفيت  على هاي المعلومات  شنو انت ساكن بتركيا

بس ما جاوبته  شلون يقدم   شيكول  ,, بصراحة اني اريد اعرف 


اختكم دريم

[نــــــــــوار تيتــــــو]

مرحبا شباب شلونكم ان شاء الله بخير

اني هسة بمحافظة توكات بتركيا اريد من يساعدني طريقة التقديم لليو ان عنوان اليو ان وين يصير بالمحافظة وشلون ااجر شقة علما انو هنا ماكو احد يعرف لا انكليزي ولا عربي واني مااعرف تركي يااااااااريت المساعدة باقرب وقت

اخويه  قصدك  يوزكات مو توكات  ....وهاي المحافظه مليانه  عراقين   واذا  تريد  تتأكد  يوم الجمعه  تروح على الامنيات  راح تشوف هوايه عراقين  ....والاخ ninwanastar   وصلك  كل المعلومات  المطلوبه 

تحياتي  الك

وتحياتي  الى الاخ ninwanastar

اذا  عندك سؤال ثاني لا تتردد في طرحه....

[نــــــــــوار تيتــــــو]

والله وفيت وكفيت  على هاي المعلومات  شنو انت ساكن بتركيا

بس ما جاوبته  شلون يقدم   شيكول  ,, بصراحة اني اريد اعرف 


اختكم دريم

اختي العزيزه على سالفه  شلون يقدم

من يصل على اليو أن راح  يشوف شرطيه واكفه  هناك  ...او شرطي ...يروح يكلها  ....جديد ..همه يفتهمون هاي الكلمه راح توكفك بلسره  وبعدها  تصيحك  طبعا يكون وياك  الجوازات  كلها  مالتك  اذا كنت بوحدك  او مال العائله  اذا كان عندك عائله

راح  تاخذك الى شباك تشوفين موظفه حبابه راح تاخذ جوازاتك   تسجل المعلومات    ومن تخلص راح تنطيكي الجوازات  وتنطيكي موعد المقابله 

بعدها تاخذين سيارة وترجعين الى مكانك وتنتظرين الى ان  يأتي يوم المقابله  .......

تحياتي  .....

[ziad32]

مشكوريين اخوان بس مثل مكلت اني بتوكات وكعدت بفندق بس الليلة اب 60 ليرة الظاهر اتقفص علية  
مو اب انقرة ميصير اسجل منا من توكات لو شرط لازم اروح انقرة يعني ياريت الجواب وعنوان اليو ان بتوكات
اني طبيت على هذا الرابط http://info.unhcr.org.tr/info.php?lang=3&city=60
بس مابي عنوان

[نــــــــــوار تيتــــــو]

مشكوريين اخوان بس مثل مكلت اني بتوكات وكعدت بفندق بس الليلة اب 60 ليرة الظاهر اتقفص علية  
مو اب انقرة ميصير اسجل منا من توكات لو شرط لازم اروح انقرة يعني ياريت الجواب وعنوان اليو ان بتوكات
اني طبيت على هذا الرابط http://info.unhcr.org.tr/info.php?lang=3&city=60
بس مابي عنوان

لا اخويه ما تفقص عليك هيه الفنادق هيجي  واكو فنادق تدفع كومه فلوس بيها

اي لازم تروح  على اليو أن بأنقره  لان ماكو يمك فرع او مكتب   قانوني من اليو أن

تحياتي 

[ziad32]

مشكور اخي على اهتمامك وردك بس اخي شوف هذا الرد
http://www.ankawa.com/forum/index.php/topic,429920.msg4779557.html#msg4779557
الاخ يكول اكو مكتب للتسجيل بس ماذكر وين !!!

[نــــــــــوار تيتــــــو]

مشكور اخي على اهتمامك وردك بس اخي شوف هذا الرد
http://www.ankawa.com/forum/index.php/topic,429920.msg4779557.html#msg4779557
الاخ يكول اكو مكتب للتسجيل بس ماذكر وين !!!

انا معلوماتي  تكول  انو  المكاتب توجد بس في  انقره  واسطنبول ...غير منطقه ما عندي اي علم  فيها .....

[ninwanastar]

اخوية  لازم انقرة

[ziad32]

طيب نروح ال انقرة زين اليو ان يفتح سبت واحد لو لا

[نــــــــــوار تيتــــــو]

طيب نروح ال انقرة زين اليو ان يفتح سبت واحد لو لا

سبت واحد  عطله  ..............................................ماتفتح اليو أن بهاي الايام

تحياتي

[my dream]

والله وفيت وكفيت  على هاي المعلومات  شنو انت ساكن بتركيا

بس ما جاوبته  شلون يقدم   شيكول  ,, بصراحة اني اريد اعرف 


اختكم دريم

اختي العزيزه على سالفه  شلون يقدم

من يصل على اليو أن راح  يشوف شرطيه واكفه  هناك  ...او شرطي ...يروح يكلها  ....جديد ..همه يفتهمون هاي الكلمه راح توكفك بلسره  وبعدها  تصيحك  طبعا يكون وياك  الجوازات  كلها  مالتك  اذا كنت بوحدك  او مال العائله  اذا كان عندك عائله

راح  تاخذك الى شباك تشوفين موظفه حبابه راح تاخذ جوازاتك   تسجل المعلومات    ومن تخلص راح تنطيكي الجوازات  وتنطيكي موعد المقابله 

بعدها تاخذين سيارة وترجعين الى مكانك وتنتظرين الى ان  يأتي يوم المقابله  .......

تحياتي  .....

وبـــــــــــس   !!  شو سهلة , بس بعد المشكلة بالقضية ,  لازم  قضية  تبجـــــيهم  وتخليهم ماينامون الليل ,,,  منين اجيبها  يالله ,,

[Eagle eyes]

مرحبا اخي زيد

جواب اخواني ( نـــــــوار تيتــو ) و ( ninwanastar ) واضح وكفوا ووفوا بجوابهم تحياتي الهم

وانت لازم تروح لانقرة مابيها مجال لان هناك المقر الرئيسي مال اليو أن اكو مكاتب لليو أن بغير محافظات بس شغلهم غير شي مو مقابلات وقبول يعني يفيدون بغير اشياء انت توكل على الله وروح لانقرة وانشاء الله مقبول

تحياتي
Eagle eyes

[ziad32]

ولو ثقلت عليكم شباب
من اروح لليو ان لازم احجيلهم القصةمن اول يوم لو مثل سوريا اول شي تسجيل وبعدين بالمقابلة القصة ؟؟
وبالنسبة للمحافظة اللي حيختاروهة اللي هم من اول يوم لو شلون؟

[Eagle eyes]

اخويه العزيز اذا حظك حلو وطبيت بنفس اليوم قابلت لازم تحجيها للقضية مالتك بالتفصيل واذا انطوك موعد فمراح تحجي شي من يجي موعد المقابلة يله تحجي كلشي

وبالنسبة للمحافظة يحددوها الك بنفس اليوم من تروح تقدم وتاخذ موعد ينطوك ورقتين وحدة بيها موعد المقابلة ووحدة يدزوك بيها للامنيات مال المحافظة اللي راح تسكن بيها وانشاء الله بالتوفيق اخويه

تحياتي

[ziad32]

مشكور اخوية على اهتمامك بموضوعي جزاك الله خير
طيب ولو ثقلت عليك بالنسبة اللي اني جنت مقدم بسوريا اكول الهم لو ميحتاج واذا كلت لازم التزم بنفس القصة لو يصير اغير بيهة شوية

[Eagle eyes]

جوازك نفسه هسه بي ختم سوريا لو جواز جديد ؟؟؟ وضحلي حتى افهمك

[ziad32]

اي بي اصلا اني دخلت عن طريق سوريا والفيزا حصلتهة هم منا العراق مشايفة صار 5 سنين
اللي اريد اعرفة اذا عرفوا اني جنت مقدم على اليو ان بسوريا يصير اغير بالقصة لو راح يعرفون؟

[نــــــــــوار تيتــــــو]

جوازك نفسه هسه بي ختم سوريا لو جواز جديد ؟؟؟ وضحلي حتى افهمك

والله  عمي أيكل صاير تغلبني

تحياتي الك يا ورد  ...

جاوب عمنا أيكل  ولتخاف  هسه يفصخلك اليو أن مثل ما نفصخ البرازيلي  

شلونك حب  أيكل انشالله بخير

[Eagle eyes]

اخويه اذا تذكر انت جنت مقدم بسوريا اكيد راح يعرفون معلومات عنك بس بصراحة اخويه اللي داخل لسوريا ديتأخر يله ياخذ القبول فأنت لازم ترتب امورك زين ويكون عندك اعذار مقنعة

ادري غير تروح تسوي جواز جديد وتجي مسألت قبل متسافر لتركيا ؟؟

المهم انشاء الله خير اخويه انت العليك سوي والتوفيق من رب العالمين انشاء الله

اتمنالك النجاح والقبول والسفر بأسرع وقت

[Eagle eyes]

جوازك نفسه هسه بي ختم سوريا لو جواز جديد ؟؟؟ وضحلي حتى افهمك

والله  عمي أيكل صاير تغلبني

تحياتي الك يا ورد  ...

جاوب عمنا أيكل  ولتخاف  هسه يفصخلك اليو أن مثل ما نفصخ البرازيلي  

شلونك حب  أيكل انشالله بخير

حبيب قلبي نوار الورد شلونك اخويه انشاء الله بخير

والله يا اخويه نفصخ والله كريم شنسوي 

تحياتي الك اخويه الذهب نوار

[ziad32]

هاي مو خوش سالفة بس حتة لو اطلع جواز جديد همين راح ينختم بي سوريا او اطلعة من العراق وهاي صعبة كلش كلش
يلة ان شاء الله خير بس كلي شكد التاخير همين بالسنين مثل سوريا؟؟

[Eagle eyes]

لا اخويه ماكو سنين انشاء الله اني اعرف ولد جوازه بي دخول وخروج من سوريا اكثر من مرة طول تقريبا 5 اشهر يله اخذ ورقة القبول وهيه مو قياس يجوز اقل انت لتخاف توكل على الله واحجي شي مضبوط والله يوفقك انشاء الله وتبشرنا بالخير

والجواز الجديد جنت اقصد تطلعه من العراق وتطلع بي من العراق هواااااااية افضل وشغلتك مضمونة

[ziad32]

ااعذرني اخوية ثكلت عليك هواية
بس ممكن شرح شنو هاي ورقة القبول بالضبط؟؟

[Eagle eyes]

ورقة القبول هاي تاخذها بعد المقابلة الاولى اذا اقتنعوا بحجيك وكلامك راح تاخذها بنفس اليوم واذا شافوا قضيتك يرادلها دراسة يأجلوك فترة يله يوافقون وينطوك هاي الورقة وهيه عبارة عن ورقة بيها صورتك ورقم الكيس مالتك ومعلوماتك يعني بعد متاخذها تكون انت انقبلت كلاجيء في الامم المتحدة ولهذا نسميها ورقة القبول او الفسفورة

[رعدالعربي]

اخويه العزيز اعتقد لاازم اتسد ملفك الي بسوريه لئن عندي ولد صديقي هم اجه من سوريه هم سئلو سديت ملفك الي ابسوريه فكاللهم اي والله يوفقك بس مثل مكالو الشباب راح تتاخر اشويه