قضيـــة الهجرة ؟ اقصد سبب السفر.. نقــــــــــــــاش

[my dream]

مرحبا  شلونكم شاخباركم

هسه اني اذا رحت الى الــــــــ  يو  ان , شراح  اكول   ليش  اريد الهجرة !!!   يعني  غير  لازم اكو  عندي  قضية مقنعة  حتى احصل عليها  اقامة...  مووووو   

مثلا  هسه الاوضاع بالعراق زينه والرواتب عالية و كلها متونسة بالفلوس مووو
يعني واحد يكول اسباب امنية  ... هذه قضية مرفوضة
يعني واحد يكول عاجبني اسافر... هذه قضية موفوضة  مووو

يعني   هسه  شنو  ممكن تكون القضية المقنعة

اعــــــــــــــــــــــــــزائي   

حالة مرضية قوية يعني جديات قوية ممكن تهدد حياة انسان بالموت  الله يكول اعماركم     .... ممكن هذه تكون قضية ناجحة وواحد ياخذ عليها  اقامة بدولة اوربية ؟؟؟؟؟؟؟

ارجو من الاخوان الاعزاء الطيبيين   يوضحون  افضــــــــــــــــــــــل   قضايا الللجوء الي ممكن تحصل عليها اقامة بسنه او  يلله بسنتين..............  مع كل الشكر

اختكم  دريم

[الحالـــم]

السلام عليكم اختي
منو كال الوضع الامني زين؟صح افضل من قبل بس بعد اكو تهديدات وقتل وانفجارات اضافة الى الوضع المادي السيء لارتفاع الاسعار بشكل مو طبيعي .اتوكلي على الله وقدمي والاسباب هواي والله يسهل امورك وحضرتك من يا دولة تردين اتقدمين؟

[اسعد العراقي]

يابة ماي دريم منين جبتي هل الحجي وين الامان وين الفلوس ويا اوضاع زينه هاي انت وين عايشه هيهي استلم

[مالايكي]

تريد  تروح تشتري  نستله متكدر من الوضع    التعبان  وتخاف  لايصير شي

كول الصدك   الوضع موشي  واذكر شغله المرض  همين


بس الوضع والله والله  والله موزين

والله مدا نلعب  بالفلوس   (((خل ابجي شويه )))  والله  شكر ماكو   دهن وعدس شالوها من الحصه

والكهربا   يبوووووووووووووووووووووووووو

[bhabhan]

 :up للمساعده والنقاش وينك ارمي تعال ارفع الموضوع ايكلك اكو فلوس وشغل بالعراق ورواتب زينه
 

[my dream]

يــــــــوووه عاد بس لا تخبصوني بالفلوس والوضع   اي يعني اقصد  مقارنه بالاشهر السابقة  هسه احسن ,,,  هسه خلونه بالموضوع الرئيسي ,,, اريد قضية ,,, منين اجيبها

عندي قضية مرض  تمشي لو  ما  اتمشي

اختكم دريم

[ابو هنودة]

عيني يكولون بشارع الربيعي اكو مكاتب تألف قصص للـ UN او قصص للـ IOM لان تختلف بين واحد و واحد
يا وضع امني يا فلوس يا كهرباء يا ماي يا حصة يا ............. والف يا
بس سؤال وين عايشة باربيل لو بسليمانية اذا تكولين الوضع صاير زين

[my dream]

عيني يكولون بشارع الربيعي اكو مكاتب تألف قصص للـ UN او قصص للـ IOM لان تختلف بين واحد و واحد
يا وضع امني يا فلوس يا كهرباء يا ماي يا حصة يا ............. والف يا
بس سؤال وين عايشة باربيل لو بسليمانية اذا تكولين الوضع صاير زين

الله يخليك ابو هندوه وين صاير شارع الربيعي ؟؟؟؟  يعني ممكن قضايا المرض الله يبعدكم  تمشي

فد والله ما سامعه بشارع الربيعي ,  ممكن عنوانهم تلفونهم

شكرا

[bhabhan]

عيني يكولون بشارع الربيعي اكو مكاتب تألف قصص للـ UN او قصص للـ IOM لان تختلف بين واحد و واحد
يا وضع امني يا فلوس يا كهرباء يا ماي يا حصة يا ............. والف يا
بس سؤال وين عايشة باربيل لو بسليمانية اذا تكولين الوضع صاير زين

الله يخليك ابو هندوه وين صاير شارع الربيعي ؟؟؟؟  يعني ممكن قضايا المرض الله يبعدكم  تمشي

فد والله ما سامعه بشارع الربيعي ,  ممكن عنوانهم تلفونهم

شكرا

بغداد عيوني بزيونه اي واحد حنى لو كناس تسئليه يجاوبج وين شارع الربيعي

[my dream]

شكرا جزيلا

[مكتب]

اخي القضية مو بس كهرباء وماء القضية انه العراقيين كلهم يريدون يسافرون على الجنسية المحترمة حتى اذا معاجبك الوضع تكدر اتغير غير دولة يعني مثلا انته اتريد اتروح لاردن ابسط شي يكول انت اذا جواز عراقي ياخذ عليك غير نظره بينما الامريكي يدك له تحية هاي ابسط دول ةاتريد تتدخلله اتريد اتسافر مثلا للسويد ابو ابوك ينصمط حتى يطلعولك اقامة ويسلوك وين انت ولايش اجيت اذا جنسيتك عراقية ف هناك عواملل عديد من غير الامن والاستقرار ومتكدر تمشي براحتك اهنا بل عراق ينظروك على الصغير والكبيرة وحتى متكدر تحجي حجاية اتخاف صراحه وشكرا

[SARA CALIFORNIA]

عيني يكولون بشارع الربيعي اكو مكاتب تألف قصص للـ UN او قصص للـ IOM لان تختلف بين واحد و واحد
يا وضع امني يا فلوس يا كهرباء يا ماي يا حصة يا ............. والف يا
بس سؤال وين عايشة باربيل لو بسليمانية اذا تكولين الوضع صاير زين

تره صدكت البنية عبالها صدك اكو مكتب يالف قصص لليو ان 

[my dream]

اخ مكتب
صحيح كلامك  اني اعرف هذا الشي.. صحيح الجنسية شي جدا من حيث سهولة الحركة والتنقل بين البلدان بس صدكني حتى لو صارت عندك جنسية اوربية وحتى لو عشت في اوربا 50 سنه وحتى لو تتكلم سبه لغات  راح السؤال الاتي ما يفارقك  وهــو

من اي بلد انت؟؟
الجواب من العراق
الرد راح يكون  اه   اوكي وتلاحظ الوجه يتغير


الله يوفق الجميع

ونبقى حتى اهل العراق  اهل التاريخ والتراث

[my dream]

عيني يكولون بشارع الربيعي اكو مكاتب تألف قصص للـ UN او قصص للـ IOM لان تختلف بين واحد و واحد
يا وضع امني يا فلوس يا كهرباء يا ماي يا حصة يا ............. والف يا
بس سؤال وين عايشة باربيل لو بسليمانية اذا تكولين الوضع صاير زين

تره صدكت البنية عبالها صدك اكو مكتب يالف قصص لليو ان 

ليش انت صدكت !!!  هو منو ما يعرف يألف قصص ماشاء كلها تألف قصص  صدك وكذب

واحدنا من  يسولف سالفه ويضيف عليها ويرفع منها ويزينها   

بابا يا مكتب 

بس اني سامعه مو مكتب  ماكتب  شظار بالتزوير   وتطلعت على اديدهم كومه ناسسس وناسسس

هسه ما أسال ابني الصغيره اكوله ألف قصة تبجي الصخر ,, يألف قصص

[(( ام معتز ))]

العزيزة بس ردت اعرف بيا منطقة صاير الوضع زين اصلا بالعكس ديصير الوضع اسوأ من قبل يعني هسه من نطلع بالشارع عبالك طابين بحالة انذار بين متر ومتر مفرزة وطبعا صار هيج من وره حالات القتل والاختطاف الدتصير خمس دكاترة انقتلوا اسبوع الفات والاغنياء ماشاءالله مستلميهم خطف وتهديد وراها قتل واذا ويا الجماعة فهاي لاتحجين بيها واذا ماعندج شي فماشاءالله المخخات متوفرات وبكثرة وببكل المناطق يا امان هذا الخاطر الله

[my dream]

حبيبتي  ام معتز 

امريكا  و  دول اوربا ترى العراق من خلال الاعـــــــــــــــلام فقط فقط


ولاعلام لا يتقل هذه الامور التي ذكرتيها

ولهذا تم ترحيل الكثير من العراقيين ورفض الكثير من معاملات اللجوء و لا يقبلون قضية لجوء ابدا من اكثر الدول الاوربيه والسبب هـــــو  ان الوضع جيد وهذا ما يروه من خلال الاعلام الاوربي

عزيزتي انا هذا الذي اقصده بالموضوع وماشء الله الاخوان استلموني وينها الوراتب و وينه الامن

اني اعرف  كولش زين  شونها الحياة بالعراق واعرف بعد اكثر شونها نفسية المواطن العراق لا يتحمل شقة و لا نقاش 
بس هما هاي الاشياء  لا   يهتمون بيها   

القضية يجب ان يكون شي ملموس واقعي لا محسوس

شكرا ع مروك الطيب

[(( ام معتز ))]

اختي الحبيبة انتي قلتيها ((واعرف بعد اكثر شونها نفسية المواطن العراق لا يتحمل شقة و لا نقاش))
ياعمري اعذرينا بس لأن الوضع حاليا كلش تعبان  حالات قتل رهيبة يعني قبل 3ايام عائلة انخرطت كاملة بالسيارة والله حتى نخاف نطلع ولو هم ماشاءالله ماخذين راحتهم يعني وحدة من حالات الاختطاف صارت المسكين من بيته خطفوه وبساعة 9 بالليل وبمنطقة حيوية يعني شتكولين....لهذا الكل اشتعلت
حياتي تمنياتي الك بالموفقية واسفين مرة ثانية

[aws love]

  اختي انتي بس قدمي وكولي مهدده وما اشعر بالامان .... واذكري المرض لان هم حسب تصوري ايفيدك بالقضيه ...
  يارب ايشافي مرضاكي تحياتي واحترامي

[ابو هنودة]

حبيبتي  ام معتز 

امريكا  و  دول اوربا ترى العراق من خلال الاعـــــــــــــــلام فقط فقط


ولاعلام لا يتقل هذه الامور التي ذكرتيها

ولهذا تم ترحيل الكثير من العراقيين ورفض الكثير من معاملات اللجوء و لا يقبلون قضية لجوء ابدا من اكثر الدول الاوربيه والسبب هـــــو  ان الوضع جيد وهذا ما يروه من خلال الاعلام الاوربي

عزيزتي انا هذا الذي اقصده بالموضوع وماشء الله الاخوان استلموني وينها الوراتب و وينه الامن

اني اعرف  كولش زين  شونها الحياة بالعراق واعرف بعد اكثر شونها نفسية المواطن العراق لا يتحمل شقة و لا نقاش 
بس هما هاي الاشياء  لا   يهتمون بيها   

القضية يجب ان يكون شي ملموس واقعي لا محسوس

شكرا ع مروك الطيب

اختي العزيزة
خلينا نحجي بصراحة المسألة مو مسألة اعلام والعيب مو بيهم العيب بينا
احنا بصعوبة نتأقلم وياهم ونريدهم همة يتأقلمون ويانا واسباب عدم تأقلمنا كثيرة جدا ً منها تجمعنا في مناطق بشكل عجيب وتشكيل مستعمرات عراقية او عربية او اسلامية وهذا ما يثير مخاوفهم منا وينظرون لنا بنظرة غريبة.
يعرفون جيدا ً اكثر مما نعرف نحن ان الوضع اسوأ من السيء ولكن يجب ان يكون لهم سبب مقنع فيقولون البلد اصبح امينا وهاهو علي الدباغ يعلن ان الامن مستتب وكذاب بغداد قاسم عطا مسويها امشي بطولك ولا تخاف والداخلية عيونها مفتحة صحيح مفتحة منو عندة جم فلس منو باع بيت وقبض ومنو ............ومنو .
اختي العزيزة خلينا ساكتين ترة المغطى بس الله يدري شكو بي
تمنياتي لك بالتوفيق

[*iskender*]

اي والله ابو هنوده كلامك كله صحيح

[ميمي2010]

عيني ركزي على قصتج انتي(تهديد مرض اي شي تحسي مقنع للمفوضية) ومعليج بالوضع العام مال العراق من تقدمين لان كلمن وحالته اختي العزيزة

[my dream]

عيني ركزي على قصتج انتي(تهديد مرض اي شي تحسي مقنع للمفوضية) ومعليج بالوضع العام مال العراق من تقدمين لان كلمن وحالته اختي العزيزة

اي عزيزتي هو هجي  شكرا

[Eagle eyes]

اهم شي لازم يكون موجود عند التقديم على اللجوء هو :-

ان يكون التهديد شخصي واؤكد على شخصي وممكن ويها واحد يضيف المرض كعامل مساعد بالقبول بس اذا الواحد يحجي على الوضع بصورة عامة ما اتصور راح تنقبل قضيته وياخذ اللجوء لان هاي امور عامة وحال البلد باكمله وكل الناس تعاني منه فاللي يريدوا اليو أن هو ( التهديد الشخصي والخطر الحقيقي على حياة الشخص نفسه ) صاحب طلب اللجوء

تحياتي

[my dream]

اهم شي لازم يكون موجود عند التقديم على اللجوء هو :-

ان يكون التهديد شخصي واؤكد على شخصي وممكن ويها واحد يضيف المرض كعامل مساعد بالقبول بس اذا الواحد يحجي على الوضع بصورة عامة ما اتصور راح تنقبل قضيته وياخذ اللجوء لان هاي امور عامة وحال البلد باكمله وكل الناس تعاني منه فاللي يريدوا اليو أن هو ( التهديد الشخصي والخطر الحقيقي على حياة الشخص نفسه ) صاحب طلب اللجوء

تحياتي

شكرا عزيزتي الله يوفق الجميع

[ARMY STRONG]

:up للمساعده والنقاش وينك ارمي تعال ارفع الموضوع ايكلك اكو فلوس وشغل بالعراق ورواتب زينه
 

 

  للرفع و اللغف 

[rayanchase]

my dream    with all my respect  to you  you  living  in a dream  iraq  is    a very  unsafe country there was alot of assacinations

[البغدادية2]

عيني ابو هنودا امنين دجيب  هذا الحجي مال شارع الربيعي إحنا ساكنين بلمنطقه وعمرنا مسامعين ابهيجي شي لحد ايقشمركم ترا
ديرو بالكم ليقشمووروكم ابد مااكو ترا بعدين يطلع علاسه لان زيوته مو مثل الاول صارت لملوم وقد اعذر  من انذر وما على الرسول الا البلاغ