المحرر موضوع: قصص واقعية من امريكا / ابو دلال /  (زيارة 13402 مرات)

0 الأعضاء و 1 ضيف يشاهدون هذا الموضوع.

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني

 ينشر للمرة الثانية بعد الحذف ..
طبعا الجميل الي شفته بالمنتدى بالايام الي فاتت عودة المواضيع المهمة وعودة اعضاء رائعين ... ومن بين هذه المواضيع موضوع اخونا المدرس الي اتمنى ان يدخل ويقرا الجميع لاهميته ... ولدي تعليق  واضافة بسيطة ...
موضوع قرض الطيران بالمختصر مهم جدا لبناء الكردت , والكردت راح انزل موضوع خاص عنه .. القرض تسديده مهم عند عدك تستيده بالوقت المحددة سوف ينزل التاخير هذا على تقرير الكردت ويبقى لفتره 5 سنين لايمكن مسحه  زين شنو الضرر بالموضوع  ؟؟ جواب
تقرير الكردت في امريكا بالضيط مثل شهادة حسن  سير وسلوك ماليا , المواطن في امريكا يقيم من خلال تقريرين تقرير امني والي يتضمن مشاكلك الامنية و الخروقات الامنية الي تقوم بيها وبيه كل المحاكم الي دخلتها وتقرير مالي الي هو المهم من قبل الشركات الي راح تتعامل وياها بحياتك , فكل الشركات الي تطلب منها خدمات  مثلا انترنت كهرباء مي تلقون كيبل بنوك في حالة طلبك لقرض او لكردت كارت جامعات في حالة طلبك لقرض ممكن تكول في كل تعاملاتك راح ينضرون للتقرير والسكور والي هو الدرجة الي تحسب وفق التقرير مالتك . في حالة التاخر بالدفع شهر راح ينزل السكور مالتك وينكتب بالريبورت واذا شهرين راح ينزل اكثر وهكذا , في حالة دفعك هل راح يزيد السكور مع الاسف لا .
ليش ؟؟؟ طبعا هذا السؤال سءلته  لامريكي مختص بهذا المجال واتعمقت بموضوع الكردت حيل قبل شرائي للبيت ولهذا الحمد لله الكردت مالتي ومال ام قمر جيد جدا .. الجواب كان قرض الطيارة يعامل في الكريدت ريبورت معاملة فواتير الكهرباء والماء والانترنت والاجار هذه الفواتير تدفعها متزيد السكور ما تدفعها تدمر السكور .. الي يزيد السكور هو ثلاث اشياء
1-   الكردت كارت عدد 2 اقل شي ويجب ان يكونوا من بنوك محترمة
2-   قرض شراء سيارة والتسديد بالوقت المحدد
3-   قرض شراء البيت والتسديد بالوقت المحدد
نجي لفقرة اخرى عندي توضيح الها وبعدها ندخل بموضوعنا مسئلة تقليل القسط الشهري اذا كانت بالاتفاق مع الكنيسة او الجهة الي اعطتك القرض فمتئثر نهائيا لان مثدار الدفعة في الكردت ريبورت راح يكون نفس الي تدفعه  لان الجهة الثانية بعد الاتفاق راح تغير تفاصيل القرض بالكريدت ريبورت فانت بالسليم ... اما اذا انت وصلك البيمنت 50 دولار مثلا وانت دفعت 20 من غير الاتصال بيهم والاتفاق معهم فهذا غلط ...
موضوعنا اليوم هو تكملة للمواضيع السابقة الي تهم الجميع الي ينتظرون السفر والي سافروا هو شوي طويل بس مفيد انشاء الله  ... في الموضوع الاول حكينا عن موضوع الاعتماد على المساعدات  وعدم السعي وانفقاد الامل .. ومثل ما وعدتكم راح اكنبلكم تجارب وقصص حدثت هنا راح تثبتلكم كثير من الي تكلمنا فيه سايقا .
 القصة تبدأ عند وصولي الى امريكا ومن اول ايام كالعادة عند الوصول سوف تأجر لك المنظمة في منطقة تم الاتفاث على ان تكون منطقة تحوي جميع الاجئين والسبب في ذلك انهم عندما يضعوا الجميع في منطقة واحدة يجعل الجميع يساعد بعضه البعض طبعا هذا الكلام ناجح جدا مع البورميين الافريقيين لكن العراقيين كالعادة نحن نختلف عن الاخرون طبعا مو جميع العراقيين البعض .
المهم فور وصولي اتصلت الموظفة بالمنظمة باحد العراقيين حتى يجي يساعدنا في التعرف على المجمع ومكان الغسيل والامور الاخرى ,, الاخ الفاضل وصل واول مشافنه وجها معبس وكاللنا بالحرف هاي شجابكم هنا ليش هيجي سويتوا بنفسكم راح تواجهون هيجي نماذج سووا مثلي ابتسامة عريضة دخل الكلام من اليمين وخرجه من الشمال مع وضع اكس احمر على هذا الشخص , طبعا بدا يلف ويدور حتى يعرف اني سني او شيعي  / نعم اكو الكثير من هذه النماذج في امريكا / سئلني :
حضرتك ابو شنو ؟؟؟ كتله : ابو قمر   / قمر اسم لا شيعي ولا سني طبعا داخ /
زين اسم حصرتك شنو ؟؟؟  كتله :  ياسر     /  داخ اكثر الاسم ميوحي بشيء /
زين من يا عمام حضرتك ؟؟؟   كتله : حسيني  / هم بعده ممتاكد اكو حسينيين شيعة واكو شنة ظ
زين وين جنتوا  بالعراق ؟؟؟   كتله : ابغداد   
طبعا انا  طول الفترة ابتسامة عريضة  واحترام فائق لان اعرف غرضه ..
كتله  حتى لا اتعبك اني عراقي  ..... كلي : لالا  ميصير كتله شنو هو الميصير كلي هنا احنا مجموعات لازم تختار شتصير كتلة متكلي وين اسافر حتى اخلص من هالسوالف اقدم هجرة لزحل ... كلي راح تشوف كتلة ما اريد اشوف .. طبعا هذا الشخص موجود حي يرزق ومن سنتين ولحد الان يدور على شغل اشتغل اكثر من ست مرات ويبطل بيهم .. طبعا اكيد حول على الهاوسنك وماخذ كل انواع المساعدات المشروعة والغير مشروعة . المهم بعد وصولنا ب3 اشهر وصلت عائلة لشخص اسمه ابو دلال / طبعا الاسماء مستعارة للخصوصية الشخصية /  هذا الرجل طيب جدا ومن اهل الله عنده ولد وبنية بس مشكلته كلمة تودي وكلمة اتجيبه  اول ما اجوا باركمالهم وظل فترة يتصل بيه بعدها استلموه الجماعة بعد فترة شهر مرينا عليهم للبيت نباركلهم بمناسبة معينة ملكينا الرجال وكان اليوم سبت الساعة تسعة ثاني يوم عرفت ان الرجل ديروح ويا الشباب يسهر بالداون تاون نوادي وهالسوالف وطبعا هو لا يشتغل ولا هما يشتغلون وكلما تشوفهم يلعنون بامريكا خابرته ثاني يوم وكتله انت اخ وحقي عليك ان انصحك انت عندك عائلة والسنت الي تصرفه اهلك اولى بيه .. هو حس بغلطة واتعذر لكن استمر وياهم وطبعا قدم عالهاوسنك وانقبل وه>ا شي جيد لان  معتده لغة ولا خلو بخلال هالسنتين يحسن بلغته ..
مرت الايام وبقينا على اتصال وجا زارنا يباركلنا للبيت ودا اشوفه ضايج كتله اكو شي ابو دلال كلي لا بس ضايجين والحياة هنا صعبة كتله ليش كلي الجماعة يكولون اكو شغل بالاسكا او يجوز اروح ليوتا .... كتله الاسكا كال ايه كتله هما راحوا كال لا بس اني راح اروح كتله شنو ديدفعوك وبعدين انت هنا دورت على شغل ؟؟ بعدين انت شكو عندك ايجارك مدفوع وفوت ستام وتنف كال ما ادري شكلك ...
المهم راح منا واني وام قمر بصراحة حيل ضجنا من الي يريد يسويه بنفسه ... ثاني يوم بالشغل  بالاجتماع كالوا ان الشغل راح يزيد وراح يزيدون العمال سبحان الله اجه ابالي راسا ابو دلال رغم ان  اني غاسل ايدي منه بس كلت اسوي الي يملي عليه ضميري .. اتصلت بيه بال 10 الصبح طبعا اكيبد نايم دطيت عليه بال 11 رد عليه كتله انطيني اسمك والسوشيل وعبيتله الاستمارة  مريت على شركة التوظيف الي تتعامل وياها شركتنا كتلهم عندي ولد حباب وشغول يريد شغل بس مشكلته انكليزية ما عنده بس المهم بالنسبة النا ان يكدر يشتغل باوقات الي نحتاجه ويكون ملتزم واكيد راح يكون ملتزم لان عنده عائلة طبعا البنية بالشركة بس تريد تسويلنا خدمة لان نشتغل بالشركة الام كلتلي راح احط ملفة اول واحد خابرتني بعدها بربع ساعة لان حطيت رقمي لان انكليزيته مصيبة كلتلي خلي يجي فورا .. خابرته وكتله تعال هسه بسرعة واني ممقتنع بالموضوع لان اعرف مواعيده  كتله حاول توصل قبل ال2 وقت الغدا حتى اكدر ادخل وياك المهم الرجل وصل عالوقت انتظرته على الشارع العام دخلته للمكتب طبعا كوه يكتب اسمه عبيتله الاستماير كلتلي اكو امتحان لازم يسويه كتلها مو مشكلة اني راح اترجمله وهو يجاوب طبعا اترجمله السؤال وهم يجاوب غلط فهمته الاجابات خلصنا الامتحان ودخلوه للشغل .. قبل ليدخل كتله لي هنا انتهى دوري راح اوصي السوبر فايزر مالتك عليك والباقي عليك تثبت جدارتك  لحد هاي اللحظة اني ممقتنع والمشكلة بديت احس بتانيب الضمير اخاف ان اكون ساعدته ياخذ مكان واحد احق منه لكن حصلت المفاجئة .. اتعمدت كل شوية اطلع للطابق الثاني واتفرج عليه واني ماشي شو ابو دلال ديحصد بالشغل حصد خلص الدوام رحت مريتله كتله ها يمتى ترحون كال كلولي ابقى اوفر تايم واني باقي شعندي رايح بديت افرح كتله بس تره باجر قبل التسعة انت هنا وخابرته بالليل اكدت عليه لان اعرف مواعيده ثاني يوم وصلت الشغل لكيته طابك بالكراج من الساعة سبعة ونص .. صادفت سفرتي لكالفستون كام يتصل بيه ويحجيلي انجازاته وهو فرحااان واني اسمعه ومقدر فرحته وحسيت ان بدا يحس ان هو عايش ومن رجعت البارحة من السفرة سئلت سوبر فايزره كلي عليه جيد جدا ... طولت عليكم هواي بس حاولت انقللكم تجارب لناس كسرت المستحيل  وان البيئة الي حوالك جدا مهمة وانك عندما تجد الفرصة راح تبدع ..
طبعا بنهاية كل موضوع راح احط سؤال حتى الجميع يشارك :
س: ماهي العبارة الي تسمعها دائما بالوطن العربي ؟؟ وعمرك متسمعها بامريكا ؟؟
حل السؤال :
العبارة  هيا :  / انت تعرف ويامن دتحجي  /  هاي العبارة الي يستخدمها الكثيرين وعمري مسمعتها هنا ...

ملاحظلة اخرى : ارجو من الادارة والمشرفين عدم حذف اي راي او تعليق حتى لو كان مخالف لابو قمر او لاي انسان الجميع من حقه المشاركة مهما كان رائيه يحترم حتى لو كان يمس صاحب الموضوع الكلمات المسيئة فقط تحذف واكيد كعادة مشرفينا متابعين هذا الموضوع ..

تحياتي
اخوكم
 ابو قمر


ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا



غير متصل azizaliraqi

  • عضو فعال جدا
  • ***
  • مشاركة: 919
    • مشاهدة الملف الشخصي
    • البريد الالكتروني
نورتنا اخويه الغالي ابو قمر
اللــهــم صل على سيدنا محمد وال محمد

غير متصل sartar

  • عضو فعال
  • **
  • مشاركة: 67
    • مشاهدة الملف الشخصي
    • البريد الالكتروني
هلو ابو قمر

زين يعني ابو قمر رجع مو منعوه

اهلا برجوعك نورتنا

غير متصل زيد العراقي

  • عضو فعال جدا
  • ***
  • مشاركة: 509
    • مشاهدة الملف الشخصي
بارك الله فيك اخي ابو قمر وكثر الله من امثالك
ربنا يبارك لك في رزقك وعمرك انت دا اتفيد الكل وتتمنى للكل الخير
طبعا كلما اكتب رد وبعد ماارجع اشوف الموضوع كله محذوف ياللعجب


اختك ام زيد

غير متصل bhabhan

  • مبدع قسم الهجرة
  • عضو مميز
  • *
  • مشاركة: 1275
  • الجنس: ذكر
  • ربي انت ثقتي ورجائي
    • MSN مسنجر - bhabhan_gmc@hotmail.com
    • ياهو مسنجر - bhabhan_gmc@yahoo.com
    • مشاهدة الملف الشخصي
نورتنا يا غالي الغوالي والله

غير متصل غزوان الاعظمي

  • عضو فعال جدا
  • ***
  • مشاركة: 538
  • الجنس: ذكر
  • رغم أنهم أحبوهم إلا أنهم قتلوهم ..
    • مشاهدة الملف الشخصي
ابو قمر منووور المنتدى و مواضيع منوره المنتدى من جديد

تحياتي و احترامي الك يا طيب .. و ربي يخليلك قموره

غزوان الاعظمي
دار للبيــع ....

إسم الدار
♥♥ الجنة ♥♥
عدد أبوابها
♥♥ ثمانية ♥♥
مفتاحها
♥♥ لاإله إلاالله ♥♥
الموقع
♥♥ الفردوس الأعلى ♥♥
نوع البناء
♥♥ لبنة من ذهب ولبنة من فضة ♥♥
المساحة
♥♥ كعرض السماء والأرض ♥♥
الثمن
♥♥ ألا تشرك بالله ♥♥
موعد الإستلام
♥♥ يوم القيامة ♥♥
خاص
♥♥ للمتقين ♥♥[

غير متصل نــــــــــوار تيتــــــو

  • عضو مميز جدا
  • *****
  • مشاركة: 2065
  • الجنس: ذكر
  • بحبـــــــــــــــــك يا يســـــــــــوع
    • مشاهدة الملف الشخصي
نورتنا اخويه الغالي ابو قمر

هاي شنو اخويه عزيز   غلبتني  هنا  ما لحكت   :'( :'( :'( :'( :'( :'( :'( :'(

منـــــــــــــــــــــــــــــــــــور   عمي ابو قمر

فدوه  علوا  لو تحجيلنا   الي ديصير وياك  وشنو السالفه  

هلاهل هلاهل هلاهل  

الله  يخليك  النا عمي ابو   قـــــــــــــــمــــــــــــــــــــــــــــــــــر

غير متصل أبو قمر

  • نجم منتدى الهجرة و اللاجئين
  • عضو مميز
  • *
  • مشاركة: 1903
    • مشاهدة الملف الشخصي
    • البريد الالكتروني
اخوي نوار اني كتبت الي صار بالتفصيل .. اشكر محبتك يا وردة ومحبت كل الاخوان وهذه نسخة من الي كتبته :

صباح الخير للجميع اولا ...
الجميع راح يسئل شنو الي صار .. البارحة واني ارد على احد الاخوان بموضوعي اتاخر الرد بالنشر وانتظرت اكثر من 10 دقائق حتى يرسل الرد وبعدها طلعلي لايمكنك كتابة مشاركة في هذا القسم .. انتبهت اني خرجت .. حاولت ادخل باسمي مكدرت ادخل من البارحة العصر .. واتفاجئت العصر من رجعت البارحة ان الموضوع اختفى واخوانا منزلين مواضيع فاتصل بيه الاخ صفاء وصحتله الي صار , بس الي استفزني البارحة ان كان اكو تسائل الي يحذف الموضوع احد ثلاثة يا الادارة يا صاحب الموضوع , يا خلل فني , طبعا صاحب الموضوع الي يكعد فوك الساعتين يكتب ويجمع افكار مو بالبساطة يحذف هذا الشي لعد ليش نزله , بعدين من ينزل موضوع وتصير بيه مشاركة مو من حق اي انسان يحذفه لان اصبح مو موضوع صاحب الموضوع اصبح موضوع ملكية عامة للجميع فمو من حقي ان احذفه , فما دا ادري شنو السبب ... اليوم الصبح كدرت ان ادخل ( دا ادخل حسب مزاج المنتدى  بكيفه ادخل وبكيفه يخرجني ) بس مو مشكلة من المرة الي فاتت اتعلمت اخزن مواضيعي وهنا نسخة من الموضوع واتمنى الجميع يشارك فيه وكلما ينحذف راح انزله .. ونزلت ايضا موضوعين انحذفوا سابقا ... اذا كان الخلل فني فكلي احترم لجميع الاداريين اما اذا كان الحذف من شخصهم فاقول لهم شكرا على الاجر والثواب فانتم بالفعل تساعدوني على تحصيل اجر عظيم . تحياتي للجميع ولاخي عزيز وبهبهان وزرزور ونوار وايمي وكل الاسماء الي نادت وسئلت عن ابو قمر والبارحة مجنت اكدر ادخل بس والله فرحتي متوصف بمحبتك .. ولا يهمكم راح اظل اكتب والي ينحذف ارجعه من جديد ..
 ابو قمر


ما أظن أرضاً "رويت بالدم والشمس كأرض بلادي.... وما أظن حزنا" كحزن الناس فيها.... ولكنها بلادي.... لا

غير متصل Iom victim

  • عضو فعال
  • **
  • مشاركة: 53
    • مشاهدة الملف الشخصي
ابو قمر انته روعة مال الله بكل المقاييس
بسم الله الاعظم الذي لا يضر مع اسمة شي في الارض ولا في السماء وهو السميع العليم






غير متصل *iskender*

  • عضو فعال جدا
  • ***
  • مشاركة: 583
    • مشاهدة الملف الشخصي
    • البريد الالكتروني
شكرا ابو قمر على المعلومات

غير متصل azizaliraqi

  • عضو فعال جدا
  • ***
  • مشاركة: 919
    • مشاهدة الملف الشخصي
    • البريد الالكتروني
نورتنا اخويه الغالي ابو قمر

هاي شنو اخويه عزيز   غلبتني  هنا  ما لحكت   :'( :'( :'( :'( :'( :'( :'( :'(

منـــــــــــــــــــــــــــــــــــور   عمي ابو قمر

فدوه  علوا  لو تحجيلنا   الي ديصير وياك  وشنو السالفه 

هلاهل هلاهل هلاهل 

الله  يخليك  النا عمي ابو   قـــــــــــــــمــــــــــــــــــــــــــــــــــر
اي هههههههههه
بس انته غلبتني بغير موضوع حرامات ههههههه
اللــهــم صل على سيدنا محمد وال محمد

غير متصل amy44

  • عضو فعال جدا
  • ***
  • مشاركة: 755
    • مشاهدة الملف الشخصي
الهى ينورك دربك ويجعلك  ولعائلتك بكل خطوه سلامه ويرزقك وينطيك الصحه والعافيه امين يارب العالمين

غير متصل Architectural Engineer+2

  • عضو
  • *
  • مشاركة: 8
    • مشاهدة الملف الشخصي
اخويه ابو قمر عاشت ايدك ياوردة

والله يكثر من امثالك يارب

تحياتي لك

غير متصل اسعد العراقي

  • عضو فعال جدا
  • ***
  • مشاركة: 593
  • اذا دعتك قدرتك على ظلم الناس فتذكر قدرة الله عليك
    • مشاهدة الملف الشخصي
    • البريد الالكتروني
 بارك الله فيك اخوية ابو قمر وكثر من امثالك واخوي اخوي اي عراقي يحتاج مساعد لتقصر وياه وصدكني العراقيين احجاية اتجيبهم وحجاية اتوديهم
واتمنى من الله ان ايوفقك ويقدرك على عمل الخير لاخوانك الي في امريكا ونحن الذين نقرا مواضيعك
بارك الله فيك اخوية
http://www.ot2.com/download/95703/Jesus المسيح خلفية-9223281.jpg.html

غير متصل ألمــــدرس

  • نجم منتدى الهجرة و اللاجئين
  • عضو مميز
  • *
  • مشاركة: 1181
  • سان دييغو - كاليفورنيا
    • مشاهدة الملف الشخصي
    • البريد الالكتروني
ابو قمر الغالي

اشكرك جدا على تواصلك في المنتدى في هذا الوقت الصعب واستمرارك في الكتابة رغم الحذف. وكنت اتمنى ردك على موضوعي يكون بموضوعي لان اخاف (موضوعك ينحذف ويروح الرد وياه).

الخبرة الشخصية اللي حضرتك دتضيفهه لمواضيعك هي احلى مايميز كلماتك. والكل معجب ومشتاق لاسلوبك القصصي في سرد المعلومه.

ان شاء الله بالفترة القادمة نتفق وية بعض الاعضاء لفتح مواضيع مشتركة تعود بالفائدة العامة للجميع وهذه فكرة جديدة على المنتدى.

بارك الله بيك اخي ابو قم وعندي الك دعاء خاص وهو انه اتمنى تكدر ان تكتب كل معلومه تعرفهه للفائدة العامة.وهذا الشئ اني دا اعاني منه هو وجود معلومات عندي لكن الوقت ضيق لكتابتهه ودا احس بثقل كبير لعدم نشرهه وان شاء الله اكدر.


مع التقدير أخوك غسان
لقراءة أهم مواضيعي إضغط على الرابط التالي:
http://www.ankawa.com/forum/index.php/topic,472378.0.html

غير متصل محيسن

  • مبدع قسم الهجرة
  • عضو مميز جدا
  • *
  • مشاركة: 2549
  • الجنس: ذكر
    • مشاهدة الملف الشخصي
    • البريد الالكتروني
ابو قمر  انت  انسان  واقعي   وصريح   واحلا  ما بيك  صراحتك   الي  مع  الاسف  اغلبية  الناس  اتخاف  من الصراحة 

بس  عفية  عليك  والله  وحش  المنتدى  انتى 

وكثر  من  هذا  المواضيع   الي  كانك  قاعد  تضربهم  كل  راشدي   ولا  ثاني  بس  بطريقة  مهذبة   وراقية   ;D


اخوك  محيسن   ابو جوجو
يرجى رفع صورة التوقيع عن طريق موقع عنكاوا كوم
uploads.ankawa.com

غير متصل ابن الحله

  • مبدع قسم الهجرة
  • عضو مميز
  • *
  • مشاركة: 1497
  • الجنس: ذكر
    • مشاهدة الملف الشخصي
تحياتي الك يالغالي
طبعا البارحه اتفاجئت حيث اني قريت الموضوع الاخير وحاولت ان اكتب رد كتعبير عن شكري و امتناني لتعبك واذا برساله هناك خطاء اتصورت النت عندي فصل دائما تصير بس من جيكت لكيت الموضوع انحذف و الله والي العلم لماذا
ياريت اخي العزيز لو تعيد تنزيله او ارسالي نسخه منه
تحياتي الك وربي تكون قوي وصامد بوجه كل فاشل اصدقاء الفشل اعداء النجاح
و اعتزازنه بأدارة المنتدى و الرجاء النظر قبل حذف موضوع او الغاء عضوية اي شخص
شكرا لابوقمر و للجميع

ابـــــــن الحـــــــله

غير متصل تقوى الله

  • مبدع قسم الهجرة
  • عضو مميز جدا
  • *
  • مشاركة: 2203
  • الجنس: أنثى
  • نسال الله الفرج العاجل لنا وللجميع
    • مشاهدة الملف الشخصي

 الله يوفقك اخويه ابو قمر وان شاء الله ايامك كولها سعاده

لن يصيبنا الا ماكتب الله لنا

وندعو الله العلي القدير ان يفرج الهم عن جميع العراقيين

تحياتي وتقديري


الكلمه الطيبه جواز مرور لجميع القلوووب
اختكم تقوى الله

غير متصل محارب

  • مبدع قسم الهجرة
  • عضو مميز جدا
  • *
  • مشاركة: 3957
  • الجنس: ذكر
  • (كلش حباب)
    • مشاهدة الملف الشخصي
ابو قمر شلونك عيوني
طبعا دا اقره الموضوع واضحك
وهسه لازم تشوفني ابودلال بالسرعه الممكنه ;D

غير متصل freeman2

  • عضو فعال جدا
  • ***
  • مشاركة: 464
  • الجنس: ذكر
  • Life is a gift of ALLAH
    • مشاهدة الملف الشخصي
أبو قمر تحياتي القلبية الك والله يوفقك ويفق جميع من يعمل عملا صالحا
كنت سعيد بالاتصال بك ولكن للأسف ضيعت جميع الأرقام التلفونات ومن ضمنها رقمك أخي العزيز
تحياتي
أبو هدى

غير متصل lucky11

  • عضو فعال جدا
  • ***
  • مشاركة: 529
    • مشاهدة الملف الشخصي
جميل جدا

غير متصل العراقي راقي 2013

  • عضو فعال جدا
  • ***
  • مشاركة: 151
    • مشاهدة الملف الشخصي
جزاك الله كل خير ياغالي

غير متصل سلاما يابغداد

  • عضو
  • *
  • مشاركة: 5
  • منتديات عنكاوا
    • مشاهدة الملف الشخصي
    • البريد الالكتروني

شكر خاص لايادي لم  تتعب او تمل لخدمة هذا المنتدى اوهلنا العراقيين
شكرا لاقلام لو تجف عطائا شكرا الك ابو قمر على هاي المواضيع الراقية الي تصبرنة بغربتنة
مواضيعك ترجع بينة الامل وتخفف من الم الانتظار في تركيا 


 


" "