الهجرة عن طريق تركيا

[camaro2011]

السلام عليكم اخواني احب ان استفسر عن الهجرة عن طريق تركيا التقديم اين يكون في اي محافظة اسم المنطقة العنوان بالتفصيل محتاجا ابسرعة الله يحفظكم لان ولد صديقي راح يتوكل واسافر هذا الاسبوع او انا ان شاء الله ورا او اكون ممنون من عدكم

[مايكل اندريه85]

الاخ العزيز ....... يكون التقديم للجوء عن طريق يوان في انقرة  ونوب هما يحولونك لواحدة من محافظات تركيا ولمزيد من المعلومات عن تركيا ومكان منطقة اليوان
ارجو دخول الاخ الخبير نوار تيتو الورد ليزودك بمعلومات اكثر تفصيلية 

مع اجمل الامنيات
 

[ninwanastar]

عنــــــــــــــــــــــــــــــــــــــــــوان ال UN في انقــــــــــــــــــــــــــــــــــــرة
تكتبها بورقة وتشوفها لسايق التكسي يوصللك للباب
  BMMYK
: Birlesmis milleteciler yukses komiserrligi
: sancak mah tiflis cad 552 sokak no . 3
 06550 Ankara

[camaro2011]

الاخ ninwanastar  و ماركوس  والله ما اعرف اشلون اجازيكم على الاجابة والتوضيح بسرعة الله ايبارك بيكم راح اطبع هاي المعلومات وانطيها ال صديقي حتا يعتمد عليها

[نــــــــــوار تيتــــــو]

اخويه العزيز  ماركوس شلونك عيوني     انشالله بخير ياربي

الاخ      ninwanastar  وضح العنوان بشكل ممتاز

وعند الوصول  الي باب اليو أن  سيرى هناك شرطيه او شرطي  والاكثر تكون شرطيه  ...يذهب اليها ويكول كلمه( جديد )  فهم يفهمون هذه الكلمه سوف يقف قليلا  في الصف ثم بعد ذاك سوف يذهب الى شباك سوف تستقبله موظفه  وتأخذ منه الجوازات لتسجل المعلومات  وتعطيه موعد  المقابله الاولى

تحياتي    اي استفسار ثاني

[camaro2011]

مشكوراخ نوار الله يحفظكم وايوفقكم ياربي

[Eagle eyes]

اخويه جواب اخواني ( نــــــــوار تيتو + ninwanastar ) وافي جدا وواضح وهو صديقك من يوصل انشاء الله بسلامة لانقرة يصعد تكسي وعلى نفس العنوان اللي كتبه اخويه ninwanastar راح يروح لليو أن بس وصي خل ياخذ مستمسكاته الاصلية كلها يعني لينسى شي وانشاء الله بالتوفيق ويوصل بالسلامة

[camaro2011]

مشكور يا اخ Eagle eyes  على المساهمة والتوضيح بقت شغلة وهو انو من راح ايقابل راح ايريدون من عندا مستمسكات مالت التهديد هاي اشلون ايدبرها مع العلم انو هوا اتهدد عدة مرات من مايسمى بدولة العراق الاسلامية او رادو من عندا دفاتر لان اشتغل بالمقاولات او هوا عايش ابمنطقة ساخنة يعني بالموصل اشلون ياخذ كتاب من مركز الشرطة؟ لو اشلون لو ايكول الهم انو اتهدد بالموبايل واذا عندا واحد عرف بالشرطة يكدر يستفاد من عندا مع اعلم انو ابمنطقتهم عدة انفجارت صارت او عندا صور مالت الانفجارات يكدر يستفاد من عدها او مشكورين