عراقيين ارزونا حمد الله على السلامة

[ssomeda]

اليوم اجتاحت ولايه ارزونيا عاصفه ترابية ..سلاما لاهلنا في ارزونا ...هاي شنو لاحكنة التراب الى هناك ؟؟

التراب لادين له

[/size]

[نــــــــــوار تيتــــــو]

انشالله سالمين

[عمدة فرجينيا]

يمعودين كولو غيره شنو هناك هم اكو تراب بطلت لعد ماروح 
انشالله اتعدي على خير والكل تطلع سلامات


اختكم
الملاك الحائر

[rayanchase]

سلام قول من رب رحيم  هاي شنووووو   العججات   هم تووصل هنااكه    سخاام بوجهي هههه       

[مهاجرين بلا حدود]

اي والله صحيح الخبر والبارحة شفت بالاخبار على دبي ...العاصفة الترابية وجتياحها للولاية
دكول عبالك ببغداد ...سبحان الله

الله يساعد العراقيين الوصلو جديد ....غير حظ ههههه

[مالايكي]

لهناك  لاحكنه التراب

[محارب]

خلي يبدون التنظيف

[tuna]

لعد بس احنه انضف ونرجع لورة همه هم خلي ايضوكوها

[azizaliraqi]

التراب لادين له

[/size]

               
صدك التراب لا دين له هههههههه

عمي الحمدلله ع السلامه اخوانه باريزونا

[rayanchase]

هاي اكيد سوالف العراقيين تلكه كل العراقيين الي باريزونا ماكلين من الجدررر  

[الهموندي]

اللهم احفظ العراق والعراقين في كل بقاع العالم وابعد عنهم كل سوء ومكروه كولوا امين

[SARA CALIFORNIA]

هاي غير حظ فكر عليهم ???بس يله هي اريزونا صحراء يعني مو غريبة يصير بيها هالسوالف 

[rayanchase]

مهما  يكن عجااتهم احسن من عجااتنه   احنه  لا كهرباء و لامكيف و لا سبلت لمن تصير العجه   حتى اوكسيجيناات مااكو
همه  ماشالله    عسى مااا انترسووا  عجااات   هنااكه واحد يكدر  يلف  وجهه و ينام  الله يسااعدهم صدك مسااكين   خصوصا العراقيين الي راحو   علمود يخلصون من هلسوالف

[jack black]

السلامه السلامه السلامه لكل العراقيين اينما كانوا  وبئسا للتراب والعواصف الترابيه                                                      jack black

[windtalker]

انشاالله ماكو شي

[الوتار]

بالسلامه لكل العراقيين والعرب والامريكان ولكل كائن حي

[ام مهند]

iهذي العاصفة طولت 3 ساعات بس يعني بالنسبه للعواصف الي تصير بالعراق هاي مني عاصفة لان احنه مرات تطول 3 ايامو مو 3 ساعات وهاي طبعا ناتجة تخللات ضغط من منطقة رطبه الى منطقة جافة فيصير انجذاب يعني ظاهره طبيعية وقصيرة الامد طبعا هاي المعلومات علميه ارسلوهه الي من ارزونا

تحياتي

[ARMY STRONG]

  للرفع و العجاجه

[(¯`·. بـيـبـسي .·`¯)]

بالسلامه للجميع ان شاء الله 

http://www.youtube.com/watch?v=WjRUzDy1fAQ

[knary]

ههههههههههههه اني ولايتي ان شاء الله اريزونا وشفتها البارحة الصور  وكلت هذا حظي رح يلحكني التراب لهناك 

مشكور اخوية على الموضوع!!

دمتم بـــود

[ssomeda]

هلا بيك اخويه وبكل الاخوة والاخوات ويوم الي كلنه نلتقي بامريكا تحت عجاجة وحده ونكول

يدا بيد لا عجاج بعد الغد

[/size]

[Alrwad]

صدك عاصفة قوية ,سبحان الله العظيم , http://www.youtube.com/watch?v=sSqcqUIqtvA

[Aiham_]

بردا وسلاما على امريكا 

[alzandawi]

الحمد لله على السلامة وبلكت الله تمطر ويروح العجاج

[كوكي 2004]

بردآ وسلام على كل العراقيين والناس أجمعين أينما كانوا والله يبعد الكوارث عن الكل .. والله يعين مرضى الربو والقلب بهيج جو . همزين هناك الخدمات مثل الأسعاف والدفاع المدني يشتغلون على قدم وساق بمثل هيج ظروف . الله يعين الي بالعراق .

[ابن الرافدين للابد]

والله اليوم حجيت ويه اخويه اباريزونا ايكول تراب قوي

بس اتعجب كال اشمدريك جان ادزله الرابط كتله شوف خرب ضحك