جماعة عمان iomشنوتنصحون مساعده رجاءا

[الطموح]

السلام عليكم
اخواني وخواتي وكل زملائي
اني متقدم iomمن بغداد وقد اكملت كل شي واني بانتظارالامنيه
وقد سائت حالتي الامنيه في بغداد في الفتره الاخيره
وقد ابلغت المنظمه بوضعي الامني وتعرضي لمحاوله قتل
وقد ابلغوني بالسفر الى عمان
وقد اكملت استعدادي للسفر الى عمان
سؤالي هو
 اولا   كم من الفتره المتوقعه لاكمال مثل حالتي تقريبا وتحديد موعد سفر علما عند سؤالي لموظف المنظمه قد قال لي
بان حالتي سوف يتم النظر والفتره المتوقعه هي شهرين فهل كلامه صحيح
ثانيا هل  هناك مساعدات انسانيه او طبيه او برامج تعليم اودورات تعليم مهني لمتقدمين للهجرهiom
ثالثا    عند دخولي الى الاراضي الاردنيه ستقوم المنظمه باعطائي ورقه حمايه بعدا ان تنفذ مدة
الفيزه التي دخلت بها لعمان
   رابعاوهل صحيح ان هناك من ينتظر الموافقه الامنيه لمده اكثر من سنه في عمان
تقبلو فائق احترامي
اخوكم الطموح

[SARA CALIFORNIA]

اخي تعال لعمان اامن الك,,,تروح لليو ان و تاخذ موعد على ورقة حماية و بعد متحصل عليها تبقى تنتظر الاجراءات و محد يعرف اشكد تطول يله تخلص انته و حظك بس المهم انته عايش بامان.
سوالك الثاني,,نعم اكو دورات تعليم مهني تسويها اليو ان من توصل ان شاء الله تكدر تسال عليها.
و اكو ناس صارلها سنين تنتظر الامنية مو سنة وحدة.

[Aiham_]

ال اي او ام كلشي ماتقدملك مساعدات و اعق بالتلفون فهموك هذا الشي , كالولك راح تعتمد على نفسك , و همة راح يتكفلون باقامتك بالاردن فقط , و اذا تريد قدم على المساعدات مال اليو ان

[الطموح]

شكرا لمرورك الكريمSARA CALIFORNIA
شكرا لمرورك اخي وزميليAiham
بس حبيت استفسراكو احد مثل حالتي نقل ملفه من بغداد لعمان وبماذا تنصحون
وتقريبا كم من الوقت اكمل اجرائاته بعد المقابلات

[جورجيا]

انشاء الله موعد سفر سريع وقرييب
امين
جورجيا

[الطموح]

شكرا اختي الغاليه جورجيا
وامنياتي بالسفر القريب لعائلتك
بس والله اني كلش محتار ابهاي الوضعيه الي راح اصير بيهه
وياريت اخواني الي سبقوني بالسفرلعمان يقرأون حالتي وموضوعي من البدايه والاجابه عليه
شكرا للجميع

[eng.mechano]

تروح لليو ان و تاخذ موعد على ورقة حماية و بعد متحصل عليها تبقى تنتظر الاجراءات و محد يعرف اشكد تطول يله تخلص انته و حظك بس المهم انته عايش بامان.

عيني اخت سارةالولد ديكول اني مقدم iom بغداد يعني ماله علاقه بال un ديكول اذا رحت لعمان ينطوني الاي او ام ورقه لو ما ينطوني واذا منطو شلون يروح للun  شيكول اريد اقدم عله هجره واني واصل مرحلة امنية حته يسووله ورقه اقامة لو هاي الامور كلها تتكفل بيها ال iom .
وبالنسبه للاخ الطموح واصل مرحلة الموافقات الامنيه يعني اذا  تنتظر ابغداد او تروح لعمان ما اعتقد انو الها علاقه بسرعة انهاء الامنية لان هاي الشغله بيها مراحل لازم تخلص حسب الروتين واذا انته باي دولة رح تنتظر نفس المدة الى ان تخلص امنيتك ويحددولك وراها موعد سفر يعني خصم الحجي اذا نقلت ملفك لعمان مرح يأثر شي بتسريع المعامله انته وحظك يجوز شهرين وامنيتك تخلص ويجوز لاسامح الله سنتين.
وياريت الاخوان الي مارين بهيجي امور يدخلون ويصححون اي معلومة اني كاتبها لان اني دا احجي من وجهة نظري وليس عن تجربة.

[عمورى 1]

مساء الخير راح اجاوبك اخوية وساعة السودة الى اجيت الى عمان ديبالك نصيحة اخوية ايورطوك مثل ما ورطونى احجيلك قصتى وانت احكم بسنة 2009 اجانى اتصال من عمان كلولى اذا تريد تنقل ملفك الى عمان احنا نكدر انسرع بالمعاملة مالتك ما دام انت تشتغل وية الامريكان فشغلتك سهلة وكلش سريعة طبعا انى صدكت بيهم غير على حجيهم هو بس ايريد يصيدك ويجيبك يمهم وانى ما امقابل فى بغداد بوكتها المهم اجيت الى عمان بشهر الخامس 2009 وراها بشهر كملت مقابلة اليوان وحصلت منهم ورقة الحماية وبشهر السابع 2009 قابلت الاولى والثانية ب iom وبشهر 11\2009 قابلت المحلفين وبشهر 12\2009 ظرف الموافقة هسة لهنا احنا كملنا كلشى وبنفس الشهر كملت الفحص الطبى وبشهر 1\2010 الدورة التثقيفية هسة لهنا زين اللة وكيلك محمد كفيلك ولحد الان انى باقى فى عمان بسبب التجيكات والموافقة الامنية انى لحد الان بعد ما كملتلك اوكف دقيقة بشهر 11\2010 اعادة بصمات وهسة احنا بشهر السابع صح لو لا عندى اعادة الفحص الطبى الر ابع لان هنانة كل 6 اشهر ينعاد الفحص الطبى وحتى اذكرك اول بصمات سويتها بشهر 7\2009 هسة نجى على السؤال وينة السرعة مال عمان حبيبى كلة جذب بس كت فلوس ها بالمناسبة هاى رابع مرة اجدد ورقة الحماية هم كل 6 اشهر هسة انى خليتك انت القاضى وانت احكم مع تحياتى
اخوك عمورى

[الطموح]

شكرا اخي عموري1
لقد وضحت الصوره
بس هل من الممكن ان تكون حالتي خاصه لكوني قد تعرضت لمحاوله قتل قبل ايام وقد اتصل بي اكثر من مره
وقد اعادو علي اسئله كثيره جدا بالاتصال الهاتفي معهم
وقد ذكر انه سوف تستكمل الاجرائات في عمان
شكرا

[(COBRA)]

اخي العزيز جواب اخت ساره منطقي وهو الماشي

اخي تعال لعمان اامن الك,,,تروح لليو ان و تاخذ موعد على ورقة حماية و بعد متحصل عليها تبقى تنتظر الاجراءات و محد يعرف اشكد تطول يله تخلص انته و حظك بس المهم انته عايش بامان.
سوالك الثاني,,نعم اكو دورات تعليم مهني تسويها اليو ان من توصل ان شاء الله تكدر تسال عليها.
و اكو ناس صارلها سنين تنتظر الامنية مو سنة وحدة.

[ريم عبد]

اخي الطموح
خلي احجيلك العدله
ال اي او ام  مالت عمان او العراق حاليا كل شي ميكدرون يسوولك
انت تاخيرك يم الامنيه وهاي محد يكدر يسرعها وين متكون وفي اي بقعه من بقاع العالم
همه كلولك منا لشهرين تخلص قضيتك يعني قصدهم نقل ملفك
اما التجييكات الامنيه هاي مو يمهم ولا الهم اي سلطه ولا اي تاثير عليها
واذا تسال اكو احد مسويها الجواب اي نعم هوايه مسويها واكثرهم طلعوا بسبب التهديد المباشر ولازالوا في عمان ينتظرون الفرج
فيااخي اذا تريد تطلع علمود التسريع لتروط نفسك
اما اذا عندك امكانيه تعيش بعمان فاكيد وضعها احسن من العراق وراح ترتاح انت والعائله لكن اهم شي يكون عندك مورد مستمر وبعد متكدر ترجع لبغداد
اما عن اليو ان فتسجل عليها بس علمود ورقة الحمايه
واذا عدكم حالات خاصه يساعدوكم براتب شهري بسيط جدا ميتجاوز الورقه بالشهر
واكو دورات بس متعتبر فد منفعه تنهض بواقع الاسره وانما لمجرد قضاء وقت واضافة بعض المهارات لا اكثر

[الطموح]

شكرا اخي كوبرا
بس حبيت اوضح انه اني مقدمiom
مو un
يعني مالي علاقه unوستفساري على المنظمه الي اني امقدم اوراقي وبانتظار الامنيه منذ 3 اشهر
وياريت الي اساعدني بالجواب يقراء الموضوع من البدايه لكي يستطيع الرد عليه
اخوكم الطموح

[messi10]

حبيبي عموري و الكل بعمان اكو تسريع بالمقابلات و اجراءات الاي او ام هنا اسرع من العراق او يجوز من كل الدول... قصدي بلسرعه مالتهم مو راح تحصل موعد سفر بس سريعه بعمل المقابلاااات و الفحص الطبي و المتعلقاات و توصل للأمنية... سالفة الامنية محد يكدر يتدخل بيهه لا اي او ام ولا غيرهم ... هنا انت و حضك ..قسم نامت عليهم الطابوكة و قسم مشوا بسرعه و سالفة الامنية مالهه علاقة واحد بالعراق و واحد بعمان بعد هذي وجهة نظري ...
اخوية اني جنت ببغداد و حولت ملفي لعمان و ماجنت مقابل ببغداد بوكتهه حددوهه المقابلة الية بس اجلتهه و سافرت ... يعني حالتي تختلف عنك... تحياتي للجميع و بالتوفيق

[ريم عبد]

شكرا اخي كوبرا
بس حبيت اوضح انه اني مقدمiom
مو un
يعني مالي علاقه unوستفساري على المنظمه الي اني امقدم اوراقي وبانتظار الامنيه منذ 3 اشهر
وياريت الي اساعدني بالجواب يقراء الموضوع من البدايه لكي يستطيع الرد عليه
اخوكم الطموح

اخي الطموح التقديم على اليو ان مو لغرض التوطين وانما فقط لغرض الحصول على ورقة الحمايه والاعتراف بيك كلاجئ
وحتى تكدر تحصل دورات او تقدم على شمولك بالراتب
لان ال اي او ام مالها علاقه بهاي الشغلات

[الطموح]

والله يااختي الغاليه
 وفيتي وكفيتي بالشرح وكل الزملاء والاصداقاء
واعذروني لملحتي بالسؤال
ولكني مقبل على وضعيه جديده في حياتي وان حالتي الماديه بسيطه نوع ما
ولا من وارد خاص سوف اعتمد عليه وكل ماعندي هو ماجمعته من عملي السابق ولكون حالتي الامنيه سيئه في بغداد
سوف اجازف واذهب وانا قلقل ليس عللى حالتي بل على عائلتي لكوني
في بغداد متوفر اليهم كل مايتمنوه ولكن لا اعتراض على حكم الله عز وجل
وشكرا لكل من ساهم بالرد والمساعده والتوضيح ومن الله التوفيق للجميع
تقبلو شكري اخوكم الطموح

[SARA CALIFORNIA]

تروح لليو ان و تاخذ موعد على ورقة حماية و بعد متحصل عليها تبقى تنتظر الاجراءات و محد يعرف اشكد تطول يله تخلص انته و حظك بس المهم انته عايش بامان.

عيني اخت سارةالولد ديكول اني مقدم iom بغداد يعني ماله علاقه بال un ديكول اذا رحت لعمان ينطوني الاي او ام ورقه لو ما ينطوني واذا منطو شلون يروح للun  شيكول اريد اقدم عله هجره واني واصل مرحلة امنية حته يسووله ورقه اقامة لو هاي الامور كلها تتكفل بيها ال iom .
وبالنسبه للاخ الطموح واصل مرحلة الموافقات الامنيه يعني اذا  تنتظر ابغداد او تروح لعمان ما اعتقد انو الها علاقه بسرعة انهاء الامنية لان هاي الشغله بيها مراحل لازم تخلص حسب الروتين واذا انته باي دولة رح تنتظر نفس المدة الى ان تخلص امنيتك ويحددولك وراها موعد سفر يعني خصم الحجي اذا نقلت ملفك لعمان مرح يأثر شي بتسريع المعامله انته وحظك يجوز شهرين وامنيتك تخلص ويجوز لاسامح الله سنتين.
وياريت الاخوان الي مارين بهيجي امور يدخلون ويصححون اي معلومة اني كاتبها لان اني دا احجي من وجهة نظري وليس عن تجربة.

ادري عيني افتهمت الحجي,,يروح لليو ان و يقدم على ورقة الحماية هاي مالها علاقة بالتقديم عاالاي او ام هاي حماية اله يعني حتى اللي ميريد يسافر هم يروح يقدم عليها

[SARA CALIFORNIA]

و يكدر يقدم على راتب هم مو بس حماية  اليو ان شغلهم ميقتصر على السفر و التقديم عالهجرة و اللجوء و بس

[(COBRA)]

عزيزي .. انته  عندك مشكله وتريد تطلع وانته مقدم على اي او ام ومخلص كلشي باقي بس امنيتك .. تمام حجايتك... ماعندي شك بكلامكم.... ولكن التقديم على اليوان   الغايه منها حصولك على ورقه طلب اللجوء وهي تحميك من العوده القسريه  في حاله انتهت اقامتك بعمان .. وتستحق مخصصات الاجئ من خدمات اجتماعيه  وصحيه ... ومساعدات ودورات همينه ؟؟
هذا كان كلامي
تحياتي

[عمورى 1]

عزيزى اخوية الطموح اى طبعا ايكلك تعال اى ما خايف عليك هو لا هو يحب جيبك تعال حتة تصرف هنانة من اكل وشرب وايجار وحتى هو يستفاد من الكيس مالتك اللة يعلم شكد ياخذون على كل كيس وانطيك معلومة حبيبى اذا انت اجيت بسلامة الى عمان انت شتتوقع راح يفضلوك على القديم يعنى شنو معناها بما معنى ما ممكن انت راح يسفروك او يفضلوك على الى صارلة بعمان سنتين وثلاثة واربعة سنوات يعنى انت هم جاى جديد بعمان مصارلك شكم شهر واتريد اتسافر واتريد احنا انفضلك على هذا المكرود الى صارلة بعمان 3 او 4 سنوات فكر بيها انى هذا الى اعتقدة وبعد انت بكيفك

[ابو هنودة]

اخي العزيز الطموح السلام عليكم
ما ذكرته الاخت ريم عبد جدا صحيح فحصولك على وثيقة المفوظية تؤمن لك الاقامة في الاردن من ناحية اخرى تمكنك من الحصول على المساعدات من المنظمات كالكريتاس وكير والهلال الاحمر وغيرها ولو انها قليلة جدا هذا العام كما يحق لك التقديم على المساعدات المالية التي هي عبارة عن راتب شهري وكالتالي :-
شخص واحد  75 دينار شهريا
شخصــــــان  110 دنانير
3  اشخــاص  145 دينار
4  اشخــاص  190 دينار
5  اشخــاص  220 دينار
6 اشخاص فما فوق 255 دينار
كما ان هناك مساعدات طبية تقدمها منظمة الكاريتاس ومنظمة عون في منطقة ابو نصير واتحاد المراة الاردنية بالتعاون مع منظمات ايطالية غير حكومية
كما ان هناك دورات تقدمها بعض المنظمات على سبيل المثال منظمة IRD بالتعاون مع مركز التدريب المهني للذكور في عين الباشا وهي دورات مختلفة فهناك النجارة والحدادة واللحام وصينة وتصليح الموبايلات وغيرها
هذا ما تسعفني به الذاكرة الان وفي هذا الوقت المتأخر
تحياتي وتمنياتي بالتوفيق [/font ]

[عمورى 1]

ميسى حبيبى يابعد كلبى انت وشنو الفايدة عمى روح كملت كل المقابلات بستة اشهر او اقل وبعدين همة اصلا ليش يورطون العالم ويكلولهم عمان اسرع زين شنو رايك من جنت بغداد اتكولى المحروسة الموظفة انت ما اطول ستة اشهر واتسافر طبعا انى غير على حجيها صدكت بيها بس مع كل الاسف انى صوجى وثقت بيهم لان همة اكبر جذابين حبيبى هاى كلها سياسة بين من بين المنظمة مال عمان وامريكا كلى شلون هذا الحجى الى راح اكللكياة ما سامعة بس هذا الى انى افكر بية من زمان همة المنظمة الى بعمان يعرفون كل زين الاجىء من راح يروح الى امريكا راح يستفاد من مساعدات من شغل من اكل من صحة من كلشى وهسة انت اتروح ان شاء اللة وتشوف هاى بالنسبة الى امريكا زين عمان شراح تستفاد هو هنا الحجى البلد اعتمادة عليمن على الاجئيين العراقيين راح يرفعون اقتصاد البلد شلون انت تشترى او اتاجر انى اشترى او اجر انت تاكل انى اكل والاف العراقيين راح يصرفون وهذا الى حاط وديعة وهذا الى ما ادرى شنو فشيفكرون ابقيك سنة سنتين حتى استفاد منك وبعدين بالاخير اطلعك مو بس امريكا تستفاد انى هم استفاد منك قصدى البلد الى راح يستفاد منك عن طريقهم من مستلزمات الحياة افتهمت حبى

[manny81]

اخوية الطموح اني همين جنت مفدم اي او ام بغداد وحولتها عمان المهم انتة اول متوصل عمان اتصل بيهم كلهم اني جنت اي او ام بغداد واجيت عمان هية شغلة سهلة راح يحولوك عمان وانتة بعدين دز ايميل للاي او ام بعداد كلهم بكل بساطة اني حولت عمان بسبب الظروف الامنية وبعدين من تخلص هاي الاجراءات روح لليو ان واستلم موعد علمود ورقة الحمايةوكللهم ان ي مقدم اي او ام بغداد علموديفتهمون

[الأعظمي]

أخويه العزيز ماطول انته مخلص ليش تنقل فايلك وجائز ترجع اجراءاتك من جديد وعمان الصراحه تصرف العندك والماعندك وحتى شغل ميحقلك تشتغل منين تصرف اني رأي تتحمل سالفت الامنيه وتغير مكانك بغداد تروح محافظات حتى تلفونك تغيره وتكدر حتى لو تفتح محل بالمحافظات وتكعد تستقر ألما تطلع الامنيه مالتك وتسافر وتخلص من هاااي المشاكل كله وتقبل مروري
                                                                                الاعظمي

[اريج الراوي]

شكرا اخي عموري1
لقد وضحت الصوره
بس هل من الممكن ان تكون حالتي خاصه لكوني قد تعرضت لمحاوله قتل قبل ايام وقد اتصل بي اكثر من مره
وقد اعادو علي اسئله كثيره جدا بالاتصال الهاتفي معهم
وقد ذكر انه سوف تستكمل الاجرائات في عمان
شكرا

اخي العزيز انت كلت اني مهدد يعني خروجك من بغداد ضروري و مجبور يعني اول شي تطلع وبعدين اتفكر بالتفاصيل وبما انك واصل الى الامنيه يعني لا تاخير ولا تعجيل بالقضيه بسبب السفر الى عمان .ماكو فرق الفرق الوحيد اذا اتاخرت ا وانت موجود في بغداد راح تتعرض وعائلتك للخطر اما اذا تاخرت وانت بعمان راح اتكون بامان لكن هناك الكثير من التضحيه الي لازم تعرفها انت والعائله وتتحضرون عليها . وهي انه الحاله الاقتصاديه والسكن مراح ايكون مثل ما انت متوفره للعائله بالعراق طبعا وهذا حالنا كنا والي امصبرنا بدول الجوار هو فقط الامان ومن انريد انقارن بين الموت او الصخونه راح نرضه بالصخونه طبعا وكلام الاخت ريم هو الصح بالتفصيلات الاخرى وكذلك الاخت ساره والكثير من الاعضاء لكن يبقى انت تعرف وضعك بما انه ملفك واصل الى مرحله متقدمه الخروج مراح ايخره او البقاء، يعني  انت اعرف بوضعك و انت اتقدر التهديد ومدا جدية الموضوع لان هشي مابي لعب ومجازفه فالخروج اضمن الك والتفكر اشون راح اتعيش فتنحل اما احد ايرجعك من الاردن ماكو لتخاف بس انت ادخل والله يفرجها عجميع

[الطموح]

شكرا اخي وزميليSARA CALIFORNIA 
شكرا اخي وصديقي ابو هنوده المحترم لكل ماتقدمه من مساعده لي على الخاص وكل شي
شكرا  ختي العزيزه ريم عبدلكل كلمه مساعده تقدمتي بها
شكرا اختي الغاليه اريج الراوي للشرح والتفصيل الذي تقدمتي به
شكرا اخي الاعظمي لكل الكلام والشرح
شكرااخي وزميلي manny81
شكرا اخي عموري1
شكرا لكل من ساهم بالرد والشرح واعطاء النصيحه
وسوف اتوكل على الله بكل شي لانه المعين على محنتنا وكبر بلائنا
فانه السميع العليم
امنياتي بالسلامه والخير للجميع
تقبلو فائق احترامي اليكم اخوكم الطموح

[الطموح]

حبيب قلبي انت واخويه المهاجر
مو انت اعرف بالحال والوضع كلش موزين على عائلتي ونفسي والروح عزيزه
المهم اني قررت السفر وبعد مامنه  رجعه للقرار
وادعونه بالخير والتوفيق والسفر القريب كولو امين يارب العالمين
اخوكم الطموح