اخوان شوفوا نتائج مقابلتي وي السيناتور ريتشارد بور ؟؟؟؟

[nickazawee]

بعد ما توكلت على الله وأتجهت الى مدينه بعيده عن مدينتي بحوالي 30 دقيقه راغبا بمقابله السناتور الجمهوري ريتشارد بور والي انطاني عناونه رجل امريكي وكلي هذا رجل اولا واجبه مساعدتك وثانيا هو انسان طيب ومتعاطف وي الجميع ويكدر بحكم موقعه ان يساعدك .. وصلت الى مكتبه ودخلت الى الداخل وسمعت صوت عن طريق الانتركم يكلي تفضل شتريد وشرحت بشكل موجز المشكله انه اهلي بالعراق وفيزهم الاس اي في متاخره وانه اني خدمت الجيش بعملي وكذا وكذا .. كلي ثواني ونكون وياك .. وفعلا اجتني موظفه كبيره بالعمر ودخلتني للداخل وطلعت السكرتيره الشخصيه اله وكالتلي اشرحلي المشكله بالتفصيل واني اووصلها اله لان هو مشغول وميكدر يقابلك وشرحت بالتفصيل كل المشكله ووقعت على اوراق تخولهم التدخل لحل قضية عائلتي واصدار الفيز الموعوده الهم ووعدتني خير وكالتلي راح نبذل كل جهدنا لاجل عائلتك ونحن نقدر ال9 اشهر تقريبا الي قضيتها بالانتظار للفيزا ... ما اطول اكثر رجعت للبيت ثاني يوم اجاني بالبريد رساله من مكتب السيناتور تكول انه مهتم بالموضوع بشكل شخصي وراح يتابعه بنفسه ... وثاني يوم اجتني ثاني رساله تكول بالضبط انه اتصل بدائرة الهجره وان اوراق عائلتي موجوده اهناك منتظره يخلص التجيك الامني مالتهم الي بالاعتيادي يطول 8 اشهر وانها محتاجه الى المزيد من الاجراءات الاداريه الاعتياديه حتى اصدار الفيزا ... يعني بالضبط نفس رد ايميل السفاره بدون اختلاف عدا شويه من التزويق والمجامله بالكلام .... بمختصر مفيد اني ايست من موضوع سفر عائلتي واعتقد راح ارجع للعراق واستقر اهناك وافضها ..... تحياتي الكم واسف على الاطاله   

[نــــــــــوار تيتــــــو]

الله يكون بعونك اخي اصبر انت قطعت شوط كبير   انشالله تفرج

 

[محارب]

اي عفيه اخويه السبع ارجع للعراق
لامي لاكهرباء ولا شغل والعلاسه رجعو وديفترون بالشوارع
قبل اسبوع في باب المعظم سياره تكسي اطلقت النار على المواطنين وقتلت اثنين واحد يبيع بيبسي والثاني يبيع فلافل وفاتو من السيطره حتى الجيش ماوقفهم وكانت مسافة الجريمه عن في وسط نقطتين تفتيش وحده تبعد300 متر وحده 200 متر   

ارجع اخويه ما دامك SIV
ارجع بسرعه مو تتأخر وتسويلك جم عذر تعال الى بغداد والقوات العراقيه مسيطره على الوضع

[نــــــــــوار تيتــــــو]

اي عفيه اخويه السبع ارجع للعراق
لامي لاكهرباء ولا شغل والعلاسه رجعو وديفترون بالشوارع
قبل اسبوع في باب المعظم سياره تكسي اطلقت النار على المواطنين وقتلت اثنين واحد يبيع بيبسي والثاني يبيع فلافل وفاتو من السيطره حتى الجيش ماوقفهم وكانت مسافة الجريمه عن في وسط نقطتين تفتيش وحده تبعد300 متر وحده 200 متر   

ارجع اخويه ما دامك SIV
ارجع بسرعه مو تتأخر وتسويلك جم عذر تعال الى بغداد والقوات العراقيه مسيطره على الوضع

صدك مرات ننسى الاوضاع بلعراق  الله يكون بعونك يا بلدي

  حياتنا كلها صدمات  وكأبه 

       

[البغدادية2]

اي والله ارجع خوش تفكير انت تدري الكاتم شغال .....البارحه طبكت سيارات الجيش يم ابو حنيفه وخرطت العالم المساكين الي بلشارع السبب اكو اثنين على الجسر كتلوهم بكاتم وتعال باوع مستشفى النعمان وسيارات الاسعاف تنكل وترجع ليوره بابا كول ياالله وتحمل انت ابجفى والعائله ابجفى والله ابيوم الي ترجع مطول

الحمى امنين تجي من الرجلين منك وبيك لاتكول لا

[الوتار]

والله يا ابن عمي اني اختلف وياك بموضوع الرجوع ببساطه اقول لا لا لا لا لا لا ترجع

[nickazawee]

اخوان هو منو يريد يرجع بس غير قهر الفيزا وتاخرها خلاني اتخبل ولو هو العراق شنو بيه ينحب غير بس اسمه والكباب الشوي والسمج المسكوف والباقي كلها تعبان .... اخوان اني اعرف بمخاطر العراق بس الابتعاد عن عائلتي راح يخليني انتحر والله دا اموت بدونهم .... استغفر الله ربي واتوب اليك
 

[محارب]

اخي شبيك يعني انت و تريد تجي للعراق ولوتريد تنتحر وكل الطرق تؤدي للاندرتيكر

خلي ايمانك بالله .صحيح اكو ساعات وايام تجي عالبشر تخليه يشعر بالاحتصار وتسود الدنيا بعينه بس يا اخي الكريم تره هذا امتحان من رب العالمين وما بقالك شي وشوف شلون الله راح يعوضك خير وعافيه

[سرى1]

انت مو اس اي في اخوية ؟ تعال زيارة وارجع بين فترة والثانية يعني كل كم شهر روحلك شهرين وارجع بينما تفض

[messi10]

شباب الأمنية يمكن اوباما بنفسة ميكدر يتدخل بيهه  ... حبي اصبر و لهي روحك و هسه تمشي الايام و اذا تريد ارجع شوفلك الوضعية ماعتقد رح تبقة اكثر من شهر خاصة هسه صيف ... بالشتة يجوز تطول شهرين عمي هاي فدوة الك 3اشهر و بعدين ترجع ركض تكول راووني باب الطيارة... تحياتي الك و ربي يوفقك انشالله و يسهل على اهلك و يوصلون...

[ZIAD-ABO ALHASAN]

حبيبي الله يساعدك

نصيحة أخوية صادقة : لا ترجع !!!!!!!!!!!!

كول يا الله و رب العالمين يرزقك الصبر فهو مفتاح الفرج .... كل شدة لازم تنتهي بأمر الواحد القهار....

تقبل مروري وتحياتي

أخوكم
زياد- أبو الحسن
مينيسوتا - روشستر

[nickazawee]

اشكر ردودكم الطيبه اخواني بس جان هذا السيناتور هو اخر امل اليه وشهر السابع الي جنه نحلم بيه طلع شهر عادي مابيه اي تغيير لذلك اني وصلت مرحله من الكابه خلتني مافكر باي شي غير الرجوع علما اني ماريد ارجع لان دا اعاني اهنا  لاكن اريد استقر بس ... وللكل الحياة اهنا مابيها اي شي يعذبك ويتعبك ويهدد حياتك بالعكس الحياة تنطي الي ينطيها ومتقصر وي اي واحد وراحة بال ومابيها اي شي يعكر عليك بس مسالة بعدي عن اطفالي وزجتي دا احسه مثل الحبل وديلتف على ركبتي ومدا احس باي سعاده بدونهم ..... اشكركم على الردود وتعاونكم وكلماتكم الرائعه الي تطيب الكلب .... 

[Aiham_]

اخوية العزيز , انترنت من هذا الزين خل يشتركون بي و اشتريلهم كامرة بيها خير و ابقة وياهم للصبح على النت , ما تكولي شعندك راجع لخاطر الله ,

للرفع و رفع الروح المعنوية لاخونة نكازاوي 

[ARMY STRONG]

اخوية العزيز , انترنت من هذا الزين خل يشتركون بي و اشتريلهم كامرة بيها خير و ابقة وياهم للصبح على النت , ما تكولي شعندك راجع لخاطر الله ,

للرفع و رفع الروح المعنوية لاخونة نكازاوي 

ما تفيد هاي السوالف لا نت و لا سكايب

[اسعد العراقي]

اي مو الرجال ايكلك فد 8 اشهر وانشاء الله تجي عائلتك اي دصبر اشوية واني ماانصحك بالرجعة اتوكل على الله

[kunda]

الله لاينطيه للقنصل اللي معذب الوادم ... ادري شنو فرقنا عن ابو فيزا الزيارة ؟؟؟ ليش احنا ننطحن طحن بالانتظار وياريت أكو ضوء في نهاية النفق .... أشو صنتة وسكوت ويومية نصبر نفسنا ونتأمل بالشهر القادم والاسابيع القادمة  ,,, هسه بس لو يمشون ربعنا المقابلين ب2010 خطية والله والله ظلم ...... احنا بالله مو مشكلة هسه بس هالناس اتدمرت والله خاصة عبرنا منتصف السنة وماكو شي . نرجع ونقول الله كريم

[ARMY STRONG]

سؤال  يطرح نفسه صفح و يمرغلها بل تراب  ::)الك اخويه صاحب الموضوع

اهلك ليش ما طلعوا وياك؟

[ــــ{{{ABADY}}}ـــــ]

اخى عليك بالدعاء لهم الله يفرج همكم ويسافروا بافرب وقت





دير بالك اخى رجوعك للعراق هو الانتحار بنفسه

[محارب]

الله يفرج همك يا اخي يا صاحب الموضوع ويعجل بفيزة اهلك ويجمع شملكم والله يعينك على فراق الاهل

[HOLLYWOOD]

اخوية العزيز , انترنت من هذا الزين خل يشتركون بي و اشتريلهم كامرة بيها خير و ابقة وياهم للصبح على النت , ما تكولي شعندك راجع لخاطر الله ,

للرفع و رفع الروح المعنوية لاخونة نكازاوي 

ما تفيد هاي السوالف لا نت و لا سكايب

كلشي تعرف جبااااااااااااااااااااااااار 

[شنايزر]

عمي اصبر واتحمل جم شهر ولاتفكر بالرجعه ترى انت الخسران

[ARMY STRONG]

اخوية العزيز , انترنت من هذا الزين خل يشتركون بي و اشتريلهم كامرة بيها خير و ابقة وياهم للصبح على النت , ما تكولي شعندك راجع لخاطر الله ,

للرفع و رفع الروح المعنوية لاخونة نكازاوي 

ما تفيد هاي السوالف لا نت و لا سكايب

كلشي تعرف جبااااااااااااااااااااااااار 

  اي و الله هاي سوالف صدك ما تفيد حتى لو يسمع كاظم الساهر هم
اهلي عليه بعاد ساعدني يا جاري حزني الك جلاب خفف على ناري


انشاء تفض شغلتك عن قريب

[bhabhan]

الله لاينطيه للقنصل اللي معذب الوادم ... ادري شنو فرقنا عن ابو فيزا الزيارة ؟؟؟ ليش احنا ننطحن طحن بالانتظار وياريت أكو ضوء في نهاية النفق .... أشو صنتة وسكوت ويومية نصبر نفسنا ونتأمل بالشهر القادم والاسابيع القادمة  ,,, هسه بس لو يمشون ربعنا المقابلين ب2010 خطية والله والله ظلم ...... احنا بالله مو مشكلة هسه بس هالناس اتدمرت والله خاصة عبرنا منتصف السنة وماكو شي . نرجع ونقول الله كريم

كوند اشلون وياك بله هم رجعنه على الضوه اللي باخر النفق وبعدين يبين بصيص الضوء وتاليه يطلع بصيص الضوء هذا واحد كامش بيده بوري انجين ودك على راسنه حبي عوفه النفق عوفه لاتفكر بيه
اخويه العزيز صاحب الموضوع وين ترجع متكلي وين ترجع للدمار الشامل هي الناس كاعده تنهزم وانته اتريد ترجع الله اكبر عمي اتهده بالرحمن واستعين بالله والله كريم ان شالله الفرج بعد انتظار وتستقر ويجوك اهللك ماعليك الا انت تهيئ الجو والامور الضروريه الهم والله كريم يجوك وين يرحون
تحياتي

[rafid82]

الاخ كريم

اني الاهل هناك بامريكا هم سوو نفس الشئ هم قابلوا سكرتير لان هو الشخص هذا ما اقابل اي شخص  علما اني مقدم هجرة عن طريق الاي او ام  كل اللي سواه الي انه بعث ايميل للهجرة هنا بعمان ابلغهم وين وصلت قضيته و الهجرة دزت هم ايمل له قالت له تجييكات امنية  الخلاصة  لا يحل و لايربط  و ماراح افيد شئ

الله كريم اصبر

[ayed333]

اخي خلي كل املك يم الله سبحانه وتعالى مو يم السناتور و دير بالك تغلط وترجع لان العالم تتقدم والعراق يرجع للورا اصبر وهسه تلكه اللاشهر خالصه وعائلتك كلهه يمك بس اصبر

[فداء الروح]

بعد ما توكلت على الله وأتجهت الى مدينه بعيده عن مدينتي بحوالي 30 دقيقه راغبا بمقابله السناتور الجمهوري ريتشارد بور والي انطاني عناونه رجل امريكي وكلي هذا رجل اولا واجبه مساعدتك وثانيا هو انسان طيب ومتعاطف وي الجميع ويكدر بحكم موقعه ان يساعدك .. وصلت الى مكتبه ودخلت الى الداخل وسمعت صوت عن طريق الانتركم يكلي تفضل شتريد وشرحت بشكل موجز المشكله انه اهلي بالعراق وفيزهم الاس اي في متاخره وانه اني خدمت الجيش بعملي وكذا وكذا .. كلي ثواني ونكون وياك .. وفعلا اجتني موظفه كبيره بالعمر ودخلتني للداخل وطلعت السكرتيره الشخصيه اله وكالتلي اشرحلي المشكله بالتفصيل واني اووصلها اله لان هو مشغول وميكدر يقابلك وشرحت بالتفصيل كل المشكله ووقعت على اوراق تخولهم التدخل لحل قضية عائلتي واصدار الفيز الموعوده الهم ووعدتني خير وكالتلي راح نبذل كل جهدنا لاجل عائلتك ونحن نقدر ال9 اشهر تقريبا الي قضيتها بالانتظار للفيزا ... ما اطول اكثر رجعت للبيت ثاني يوم اجاني بالبريد رساله من مكتب السيناتور تكول انه مهتم بالموضوع بشكل شخصي وراح يتابعه بنفسه ... وثاني يوم اجتني ثاني رساله تكول بالضبط انه اتصل بدائرة الهجره وان اوراق عائلتي موجوده اهناك منتظره يخلص التجيك الامني مالتهم الي بالاعتيادي يطول 8 اشهر وانها محتاجه الى المزيد من الاجراءات الاداريه الاعتياديه حتى اصدار الفيزا ... يعني بالضبط نفس رد ايميل السفاره بدون اختلاف عدا شويه من التزويق والمجامله بالكلام .... بمختصر مفيد اني ايست من موضوع سفر عائلتي واعتقد راح ارجع للعراق واستقر اهناك وافضها ..... تحياتي الكم واسف على الاطاله   

ليش ما تحاول وية هاي المنظمة ؟؟
http://netroots.thelistproject.org/