شوكت انصيح دنبلة

[ابو حمزة الكرخي]

السلام عليكم اخوتي الاعزاء اني دخلت تركيا 3\7\2010 وقابلت المقابلة الاخيرة 1\2\2011 كملت الفحص والدورة يوم 21\2\2011 واغلب جماعتي نطوهم طيران واكو ناس كملت الفحص بعدي بشهر وبشهرين وثلاثة اشهر  ونطوهم مواعيد طيران الله يسهللهم ويوصلون بالسلامة ويسهل النة والكم يا رب زين شنو الفلم لحد الان ماكو موعد لا بالانترنت ولا اكو اتصال اذا تسلسل اني مستحق واذا عالقبولية هم مستحق واذا عالفحوصات هم مستحق زين اذا مو بالسرة يعني خلي نكول مثل ما كالو بعض الاخوة انه حسب الحجوازات لان اني عائلة متكونة من 5 نفرات هم جان صاح رقمي واعيط بكل صوتي واكول دنبلة

[محارب]

هههههههه
 ابو حمزه اخاف حولوك علمتراكم

[rayanchase]

اخاف الدنبلة  محد يعرفهابتركيا   ... الله  يسااعدك  والله  يسهل امورك يا رب   هي هاي  حيااتنا نركض وره الي يبجينا لحد ماايكول بس

[نــــــــــوار تيتــــــو]

 

حتى دموعنا خلصت 

[ابو حمزة الكرخي]

هسة لو محولينة عالدويرة لو 3 ارقام الحظ لو حتى المتراكم هم جان قبط المربع وجان دنبلت من زمان

[abuhatem]

هية مسالة حضوض ليس الا
اعداد الناس الي تخلص امنية اكثر من امكانية السفر ، وهم لا يبلغون الناس بان امنيتهم خلصانه حتى لا يدوخوهم
يعني من الناس الي مخلصين معاكم في بداية السنة ، سافروا هذه الايام فقط ، لما وصلوا راوا من ملفاتهم انهم كانوا مخلصين امنية من عدة اشهر لكن ما وصلهم السفر الا الآن. وقد عرفوا به بعد وصولهم لامريكا ورؤيتهم ملفاتهم.

[محارب]

هسة لو محولينة عالدويرة لو 3 ارقام الحظ لو حتى المتراكم هم جان قبط المربع وجان دنبلت من زمان

حول على البنكو اسهل من السيت ابوحمزه الورد

[ssomeda]

اخي انت مدنبل بزوايا السيت وزوايا البطاقه والافقي المفتوح باقي على المتراكم

[محارب]

اخي انت مدنبل بزوايا السيت وزوايا البطاقه والافقي المفتوح باقي على المتراكم

هلو عيني هلو طلع تلث ارباع المنتدى يلعب دمبله
سؤال مهم اكو دمبله بامريكا مثل مالتنه اذا ماكو فهذا خوش مشروع

[ssomeda]

طبعا اكو .........لا هوايه رح نفلح

[ARMY STRONG]

  دمبله؟ شنو يعني

[ssomeda]

دمبله؟ شنو يعني

ارمي خلي تولي لتعرفه احسن

[Abdullah2006]

ارمي ما يعرف الدمبله-عجيب

اكلك صدك بامريكا اكو كهايو بيها ناركيله؟
انا افرك اسوي كهوة هناك -شلون مشروع مال حشاشة

[doctorhusam]

اخاف ملفك واكع وره الميييييز 
اخويه اني هم نفس الشي امكمل كلشي وفاحص و امسوي دوره تثقيفيه  وموافقه المحلف بدايه شهر العاشر 2010 و ومنطيني موعد سفر بشهر الثالث2011  واتاجل وليهسه كلشي ماكو واكو هوايه ورايه معاملاتهم وسافروا.
علما اني امقدم اي او م بغداد
تحياتي

[جورجيا]

هسة لو محولينة عالدويرة لو 3 ارقام الحظ لو حتى المتراكم هم جان قبط المربع وجان دنبلت من زمان

حول على البنكو اسهل من السيت ابوحمزه الورد

لا عيني خلي على الدنبله عاد على الاقل الارقام كلهن طالعات يمه مو مثل البنكو مو كل الارقم يمه

[googoo]

أخويه انت مايفيدك غير بس السنوبل ذاك الوقت انت صدك فايز بالدمبله، العفو اقصد الفيزا  

[صباح 75]

هسة مفتهمنة منو منكم دنبل خلي نفتهم شنو بس اشخطون ارقام وكلشي ماكو

[ديفيد بغداد]

حالنة من حالك الله كريم

[*iskender*]

دنبله شنو ههههههههههههههههه
هاي شنو هالصوره الروعه ديفيد عاشت ايدك بس تره ما بينا حيل انشوف هيج
قلبنا رقيق ما نتحمل هههههههه

[ابو حمزة الكرخي]

هسة منو فاز بزوايا السيت خلي يجي ياخذ فلوسة بلكي تمشي فد شهرين واذا اخذ المتراكم بعد شيسوي بالسفر