اهل الغيره ونخوه عين كاوه مصيري بيديكم

[عماربغدادي]

السلام عليكم اشلونكم اهل عين كاوا عساكم ابخير دوم ويارب انشاء الله يفرجه عليكم ولكل اسافر كولو امييين صارت بيه شغله ودوغتنه حيل وماعرف شنو اسوي اطلب من اهل المعرفه ان يكرومونا بخبرتهم  اول شي اني ساكن عمان ومستلم المغلف يوم 26-3-2011 ومنتظر الموافقه الامنيه بس شنو الي صار كفيلي في ولايه تكساس اوستن اتصل بي قبل شهرين ومتصله بي المنضمه علمود الكفاله وكايللهم اني اكفله بس عن طريق الهاتف واخبرني بلي صار وفرحت كتله ليش موقعت على اوراق كال لاميحتاج لئن اني معروف من قبل المنضمه وصار 3سنوات اني يمهموبس شنو الي صار قبل 10 ايام الكفيل مالي اتحول الى لاس فيغاس علمود عنده شغله لازم يبقه اهناك كتله زين واني اشلون راح اصير شغلتي كال عادي انت تبقه في تكساس او اذا اتحب من توصل تكساس كللهم اني اريد اروح يم كفيلي في ولاايه لاس فيغاس بس اني اريد انصحك تكساس احسن من ولاايتنه وانت بكيفك حبيت اعرف شنو تنصحوني من ناحيت الولاايه شغلت الكفيل من غير ولايته وشكركم سعت صدركم اخوكم عماربغدادي

[new_day]

اني مثلك اخ عمار مستلم المغلف يوم 26 /3 / 2011 ...


ان شاء الله اهل الخبره تجاوبك .. بس هو العنوان القديم بقه مالته .. يعني بيته الي بتكساس مالته لو اجروا غير ناس ..


اذا تغير .. اتوقع لازم تبلغ المنظمه بالموضوع .. واذا نفسه ..بس هو سافرا هناك هم صار عنده سكن عادي ..

تحياتي .. وان شاء الله اخل الخبره تجاوبك .. بأدق

[نــــــــــوار تيتــــــو]

للمـــــــ  ـــســـ  ـــــــــ  ــــــــا عـــ  ــد ه

[bhabhan]

ماكو كفالة عن طريق الهاتف اهل الخبرة وينهم خلي يجون

[عماربغدادي]

اشكرك اخي نيو دي كفيلي راح للمنضمه قبل ليرحل الى الولاية الجديد واخبرهم المنضمه كلوله اوكي بس يبقه تلفونك الشخصي ولاتغير الرقم حتى اذا نتصل بيك او اريد شي اتكون موجود وشكرك على مرورك بس بعد اريد اجوبه من اخوتي وينكم اهل الغيره

[The peace bird]

اخي اول شي خليك هادى ريلكس ولاتنفعل
 الهدوء ضروري للوصول للقرار الصح

عندك ثلاث خيارات
1- انتقل لولاية نفيادا الي بيها مدينة لاس فيجاس اي ااعطي منظمة الهجرة من جديدي بيانات اتصل كفيلك الجديدة

2- ابحث عن كفيل اخر في تكساس وزود بياناته للمنظمة ايضا

2- خل منظمة الهجرة ينسبوك لولاية جديدة اي الغي بيانات اتصال كفيلك القديمة وقول لهم اني ما عندي كفيل

الكفيل لازم يروح بنفسه للمنظمة ويطلع على كل تفاصيل مسوولياته وبعدها يوقع على وراق الكفالة انا كفيليى بعث لي نسخة من اوراق الكفالة الي وقع عليها

كلام كفيلك لك عود كول لهم ا ني اريد عند كفيلي هذا كلام اطفال ما يدركون المسوولية او هو ناو يلك نية سودة ربما يسبب لك مشاكل انت تستطبع تجنبها الان

المهم القرار الاول والاخير لك وشكرا

[عماربغدادي]

The peace birdطبعنا اني كلش اشكرك على مرورك الكريم ولكلام الي ذكرته بي اهواي قرارات مهمه وشكرك مره ثانيه بس احب اعرف بعد ردود من اخوتي وياريت اخت انجي اتشارك ونستفاد منها

[عماربغدادي]

The peace birdطبعنا اني كلش اشكرك على مرورك الكريم ولكلام الي ذكرته بي اهواي قرارات مهمه وشكرك مره ثانيه بس احب اعرف بعد ردود من اخوتي وياريت اخت انجي اتشارك ونستفاد منها

[عماربغدادي]

وينكم اهل الخبر ولمعرف معقوله رد واحد وين المخضرمين المحترمين انتظر ردود منكم وشكرا

[rayanchase]

up    بس اتوقع مااكو كفاله عبر الهاتف

[سرى1]

اخي اني اللي اعرفه المفروض الوكيل يكون بنفس ولايتك ونصيحة الك لا تغير على نيفادا اعلى نسبة بطالة بامريكا

حاول انه تتصل بيه وشوف اذا عنده احد بتكساس ممكن يكفلك

الكفيل اذا ما يكون وياك مراح تستفيد شي وراح تبقى منظمتك لو زينة لو موزينة والله اعلم

ضبط امورك من هسه


بالمناسبة اني ما اتوقع انه ما وقع اوراق الكفالة اول مرة لانه يعرفوه اتصور هذا تغليس ماكو شي اسمه كفيل ما يوقع اوراق كفالة!

[ابو علاوي]

اخوية عمار لا توهس ولا شي اكو عائلة كانت وياي بالدورة التثقيفية الكفيل مالتهم في ولايت كلفورنية واصور من دزو علية ايوقع الاوراق بالحضة الاخيرة رفض ايوقع واتخلى عنهم وما كفلهم المنضمة دزتلهم ايميل اتبلغهم كفيلهم قلب عليهم وان المنضمة اصرفت من يمهة وما يحتاج كفيل الهم ونفس الولاية
الخلاصة لا شيل هم انتة كمل امنيتك وهمة ايحطوك على جدولت السفر وتسافر
الحالة الثانية اخوية كفيلة عايش في ولايت ارزونة الي هو ابن خالتي وكفل اخوية ولكن اخوية في اخر لحضة طلب تغير الولاية الى كلفورنية جاوبو يتئخر سفرة هو وافق وجانو خاتميلة ابجوازة فيزة في عام 2008  وكانت نافذة اذكر لمدت ست اشهر ورة شهرين  اختارولة سكرمنتو في كلفورنية وهسة ساكن اهناك للعلم  الكرين كارت مالت اخوية ما حولو على كلفورنية وتئخر حوالي سنة يالة وصل سكرمنتو لان كان المفروض ايروح على عنوان ابن خالتي في ارزونة يعني كسر ابجمع الكفيل مو مهم بالسفر صدقني عن تجربة هذا الكلام حتة لو رفض لا سامح الله كفالتك ما تهتم المنضمة اذا كملت اوراقك همة ايوفرولك الضروف الملائمة ويستقبلوك ايجوز احسن من كفيلك او اقاربك وكلشي بالحض والبخت تحياتي

[عماربغدادي]

اشكر اخت سرى1 على مرورج

واشكر اخوي ابو علاوي على مرورك

اسه اني والله ماعرف شنو اسوي يعني ابلغ اي او ام عمان لو لا واعوفه هيه تصفه المشكله هذا كفيلي من اقربائي وكلامه انو هوه علاقته زينه ويه المنضمه وراح ابنفسه للمنضمه وحجالهم وكللهم كلوله عادي ماكو مشكله اذا اتريد بس لتغير رقم الهاتف حتى من يوصلون نتصل بيك بس الله يخليكم اريد احد ينصحني اتركه على الله لو ابلغ اي او ام عمان ولكي الشكر الجزيل اخت سرى1  واخويه ابو علاوي الورده

[ريم عبد]

اخي عمار لدوخ بالموضوع
مدام كفيلك نسق ويه المنظمه وعرفوا انه هوه مراح يكون موجود يعني همه راح ياخذون على عاتقهم مسؤليتك
وبعدين هوه الكفيل مراح يسوي شي هيه المنظمه راح تقوم بيك من الالف للياء مجرد انه تكون بنفس الولايه
وميحتاج هسه اتسوي اي تحركات حتى ليطولولكياها ويعرضوها ولا تبدل تكساس بنيفادا
خليك على وضعك وهمه يرتبولك الوضع

[عمر عراقي]

اعتقد تكساس احسن .
واتمنالك التوفيق

[willpower]

اولا :كرأي شخصي لا اتغير كفيلك ولا ولايتك لان احتمال جبير راح يأثر على سرعة سير معاملتك. هم المنظمه راح تستلمك و اتساعدك بغض النظر اذا كفيلك موجود يمك لو مسافر.

ثانيا بالنسبة لجواز حالة الاتصال بالكفيل هاتفيا و عدم ذهابه لتوقيع الاوراق . نعم يجوز. اني كفيلي اتصلوا بي و اتاكدوا منه و حجو وياه و شرحوله بعض الامور كله عن الطريق التلفون, و هو من سالهم يحتاج اجي اوقع اوراق كلوله لا ميحتاج اكتفينه بالكلام وياك واتاكدنه من معرفتك بيهم.

تحياتي

willpower

[عراقي وافتخر 4]

ماشاء الله الاخوان والخوات الاعضاء ماقصروا..بارك الله بيكم..مح كل الموفقيه اخي

[عماربغدادي]

اشكر كل من اختي ريم عبد على مساعدتي واتمنالج كل خير يارب واشكر الاخ عمرعراقي على مرورك الكريم ويارب الك بلتوفيق واشكر الاخwillpower على مرورك الكريم ويارب بلتوفيق واشكرالاخ عراقي وافتخر4 على مرورك الكريم ويارب بلتوفيق اسه وضحت الصوره الي واشكركم جميعنا وبارك الله فيكم اخوكم عماربغدادي

[Tulip]

أخي عمار

لاتقلق نهائي أني نفس الشي صار ويايا اتصلوا بالكفيل عن طريق التلفون والأيميل فقط، كل منظمة  اسلوبها شكل، وهاي صارلي أني 11 شهر في امريكا والشهر الجاي اقدم على  الكرين كارد. بالنسبة للكفيل اذا غير مكانة فما الة اي علاقة مادام أكد معرفتة بيك وهذا السؤال آني سألته للمنظمة في العراق قبل مغادرتي وكالولي ماالة اي تأثير.

[ازرق محتار]

عــــــــــــــــــادي جدا ولا تحتار ولا هم يحزنون... الموضوع بسيط جدا وماله اي تأثير

[عماربغدادي]

بارك الله بيكم جميعا وعلى ردودكم الطيبه واني اشكر كل من رد على موضوعي ويارب الله يسهل اموركم جميعا اخوكم عماربغدادي