ارجو المساعده اخوان رجاءا عن (I O M ) بغداد

[zoro20026]

السلام عليكم
 
اني مقدم على i o m بنهاية 2010 وحصلت على  i z  بعد 5 اشهر , المشكلة هسه السوبرفايزر (الضابط المسؤول الامريكي )مالتي ميرد عليهم ولا حيرد عليهم لانو متعرض لمشكلة عسكريه حسب معرفت من اصدقاء بالمعسكر .. واني معندي ريكمنديشن بس من هذا الضابط!!!  حاولت اشرحلهم لل i o m  بس هم رجعولي نفس الرسالة يطلبون تاكيد عملي بالمعسكر !!اكو طريقة اكدر اقدم قضيتي عليها او شنو اسوي  اذا كان الضابط ميت مثلا او مسجون او طلعو من الجيش  شنو الحل بهيج شي اخوان اصحاب الخبره رجاءا الرد لان مااعرف شنو اسوي بعد والله  ويارب متقصرون  والموفقيه للجميع
 واشكركم جزيل الشكر 

[Abdullah2006]

اخوية حاول تدبرلك غير سوبر فايزر او حاول من احد اصدقاء السوبر فايزر مالتك يسويلك ركمنديشن لتر -لان شغلتك هسة واكفه على التزكية يعني الايميل الي يجاوبهم

[ازرق محتار]

عزيزي زورو... مثل ما تفضل الاخ عبد الله..حاول تدبر غير سوبر فايزر.. وتحصل منه توصيه جديده يعني بديل انه اذا كنت مازلت بالخدمة فخلي اي شخص من الموجودين عندك يصدرلك توصيه جديده ولا تبقى متمسك بصاحبك الاول. الوقت يداهم والعاقل يفهم

[Aiham_]

شنو جان طبيعة عملك  وياهم  ؟؟؟؟

مترجم ...مقاول ... شركة ؟؟؟

[rayanchase]

اب

[Aiham_]

زورو قصفنا بسوال و فلت 

[ريم عبد]

اخي تكدر تطلب تاكيد على فترة عملك في هذه الشركه من ال HR
لان عدهم قوائم الرواتب وتواقيعك عليها وخلي مسؤل ال HR الحالي يايدلك عليها

[(COBRA)]

للتوصيه ...والمساعده

[ابو ايمن المياحي]

مثل مكالولك الاخوان دبر اي صديق للسوبر فايزر ويسويلك ركمنديشن.............ز

[zoro20026]

والله مقصرتو  شباب بالرد واحييكم  . اني كنت بمعسكر بوكه بالبصره واشتغل بشركة عراقية يعني استلم راتبي من العراقيين ومثل متعرفون بوكه مسدود والامريكان طلعو منه صار  4 اشهر واني حاليا اشتغل شغل خاص , مشكوريين اخوان بس تعرفون الغركان يجلب بكشايه