معلومه لمن يريد تصديقها

[عكعك التطوى]

من مصادر موثوقه تقول بان 500 كيس من العراقيين فقط سيدخلون الى الولايات المتحده الامريكيه
للاشهر الثلاث القادمه او لغايه السنه الماليه الجديده . وقد شهدت احدى المنظمات وصول
عائلتين عراقيه خلال اليومين الماضيين .



تحياتي وتمنياتي للجميع بالسفر القريب

[Striker]

باك الله بيك اخوية عكعك الموتطوى

الكلام يخص الهجرة واللجوء مو ؟ لو فقط اللجوء ..

تحياتي الك

[أحلى دنيا]

شكرا عكعك بس ٥٠٠ جدا قليلة
ابد مو خوش اخبار
حيصير بينا شيزوفرينيا ساعة نقره خبر زين ترتفع معنوياتنه وساعة نقره خبر مو زين تهبط معنوياتنه اتكول كاعدين ابورصة طوكيو
ويانا عز السفر وصار السهل الممتنع خرب حظنه اي والله

[الناسك]

يعني شنو دحنة لو احنة مشمولين بالـ 500 كيس ؟؟؟؟؟؟؟؟
 

[شيري روم]

تسلم اخونا العزيز للخبر ..

وشبيها 500 هم رحمه ..ويارب الاولويه للناس المحتاجه صدك سفر مو الي يريدون يتونسون  

[ديفيد بغداد]

شكرا لنقل الخبر  اخي عكعك ..اتنما اكون العدد اكثر جان 

[Abdullah2006]

الحمد لله على كل حال 500 ولا الماكو

[aws love]

تسلم اخونا العزيز للخبر ..

وشبيها 500 هم رحمه ..ويارب الاولويه للناس المحتاجه صدك سفر مو الي يريدون يتونسون  

 

[tamata]

هو ما اعرف حسب السوالف اللي دتصير اتصور راح يحافظون على هذا المعدل يعني بالشهر اقل من 200 واحد بحيث مثل مكال السيناتور الامريكي....كلهم اني مدا اكلكم الكو ابره بكومة قش....بس عالاقل قللو القش حتى تكدرون تلكوهه اسرع.
فاتصور من ال18 الف اللي سنويا جانو يطلعون لو حيطلعون 2500 بالسنة لو لاء

[ايناس سعيد 2010]

شكرا على نقل الخبر الحزين كولش لان اني متاكد 100%  اني مو من ضمن 500 كيس يعني راح انتظر على السنة المالية الجديدة ههههههههههههههههههه

[ام مهند]

شكرا على المعلومة اخ عكعك شنسوي النه الله

تحياتي

[ابو هنودة]

هو ما اعرف حسب السوالف اللي دتصير اتصور راح يحافظون على هذا المعدل يعني بالشهر اقل من 200 واحد بحيث مثل مكال السيناتور الامريكي....كلهم اني مدا اكلكم الكو ابره بكومة قش....بس عالاقل قللو القش حتى تكدرون تلكوهه اسرع.
فاتصور من ال18 الف اللي سنويا جانو يطلعون لو حيطلعون 2500 بالسنة لو لاء

عزيزي tamata السلام عليكم
الاخ عكعك اشار الى 500 كيس وليس 500 شخص اي 2500 شخص كمعدل خلال 3 اشهر اي 10000 شخص خلال السنة . اعتقد انه رقم لا بأس به وأفضل من لا شيء وكما قال الاخوة Abdullah2006 و شيري روم رحمة والحمد الله والشكر .
تحياتي

[willpower]

شكرا على الخبر اخ عكعك , يعني ان كان 500 عائله فماكو واحد يكدر يضمن انو هو او عائلته من ضمن ال 500 كيس........ وان كان الرقم 5000 عائله هم محد يضمن انو هو راح يصير من ضمن ال 5000 كيس. وبالتالي............. .  على كوله المثل ( الارقام تضرب ولا تقاس)  .

[(¯`·. بـيـبـسي .·`¯)]

اشكرك اخويه عكعك على نقل الخبر
وان شاء الله اني من ضمن 500

تحياتي لك

[ÐŗệăMÝ]

شكرا اخي عكعك على المعلومه وطبعا كلامك اني جدا اثق بي لان دائما جنت اعتمد على مواضيعك وانشالله يسافرون كل اللي فعلا بحاجه ماسه الى السفر من ظمن ال 500 كيس وتحياتي الك والى كل الاعظاء .

[ديفيد بغداد]

اخي عكعك سؤال ال 500 الي تقصدة هل تشمل  الي طلعو بشهر   السابع لو للشهور القادمة  من الثامن

[tamata]

اخ ابو هنودة عفوا بس اني قصدت 200 واحد يعني قصدي كيس مو شخص....وهو مثل مديكول الاخ عكعك يعني 3 اشهر 500 تقريبا اقل من 200 كيس بالشهر يعني بين 400 الى 500 شخص.

بس شفنة الموت كمنة نرضه بالصخونة قبل جانت 1200 كيس تطلع واحنة معاجبنة هسة كمنة عال200 نبوس ايدنة وجه وكفه

شكرا للملاحظة

[rayanchase]

شكرا عكعك بس ٥٠٠ جدا قليلة
ابد مو خوش اخبار
حيصير بينا شيزوفرينيا ساعة نقره خبر زين ترتفع معنوياتنه وساعة نقره خبر مو زين تهبط معنوياتنه اتكول كاعدين ابورصة طوكيو
ويانا عز السفر وصار السهل الممتنع خرب حظنه اي والله

اي والله  500  كلش قليله  واني  ادري برروحي مرااح اكون من ضمنهم    فهااي هيه  اني ام الخيرة كلتلي انته بشهر ال12 تساافر نشووف  بلكت حجيها صدك

[نــــــــــوار تيتــــــو]

وتستمر المعاناة  


بارك الله فيك اخويه عكعك

مشكو على النقل

تحياتي

[ابومريومة]

السلام عليكم
اولا اشكر الاخ عكعك على نقل الخبر واتمنى يكون من مصدر موثوق ودقيق فعلاً

قبل مدة احد الاخوة نقل خبر ان عدد الكيسات اللي دخلو امريكا من العراقيين هي 295 خلال شهر السادس فقط؟؟؟

وكذلك احد الاخوة نقل خبر من متحدث بأسم المنظمة بأن اعداد اللاجئين سيزداد دخولهم على الولايات المتحدة تدريجياً واعلى عدد راح يكون خلال ايلول القادم!!!

طيب هسة على منو نعتمد بأخذ المعلومة الدقيقة!!!!!

نصيحتي... تفاءلوا بالخير تجدوه

تحياتي
ابومريومة البغدادي

[لورنس السفاح]

ياله 500 كيس هم احسن من ماكو
شكرا اخ عكعك

[storm2000]

ويستمر المغذي الى اشعار اخر

[نجم المشرق]

يجوز يكون هذا الخبر صحيح بس احب اكلك انو صار ثلاث عوائل من اقاربي سافروا خلال هذا الشهر و هاي بس الي اعرفهم و متأكد انهم راحو فشلون بس عائلتين مع الشكر