بخصوص الكفيل اجراء جديد

[chris2007]

مرحبا اخوان داسمع بهل فترة شغلة جديدة انه صايرين يخابرون الكفيل ويسالوا عن الشخص وهل يكفلة او لا وعادي يقبل الكفيل ويكولولة اذا اتاخر هذا الشخصاكثر شي  4 اشهر ويوصل واكو ناس واصلين لموعد السفر بدون توقيع اوراق الكفالة بس اعتمدوا على الاتصال الاول بالكفيل وعلما الي داسمع بيها هما بولاية مشيكن واصلا الدائرة دادكوللهم هذا اجراء جديد فمااعرف هل كان هذا الاجراء موجود لو صدك هذا الشي جديد والي يعرف اي معلومة خلي يفيدنا مع جزيل الشكر

[ريم عبد]

اخي العزيز هذا الاجراء عادي ومعمول به من البدايه
وماكو اي تغيير بالاجراءات
لكن احيانا المنظمات تتجاوز بعض الروتين واحيانا تشدد على الفقرات وهذا يتوقف على الكفيل وعلى المنظمه
ولكن هيه جميعها تؤدي الى نفس النتيجه

[aws love]

كلشي ايصير ... هذا شغل المنظمات واتوقع اي شي ايسافر الشخص واصلا ناسين يتصلون بالكفيل 

[chris2007]

شكرا على اجاباتكم هو ميهم اهم شي الواحد يسافر والله كريم والله يسهل

[SARA CALIFORNIA]

اي نعم اخي مرات بس يخابروه مرة وحدة يحجون وياه بالتلفون و خلص بس ياكدون المعلومات,,,يعني ميدزون عليه علمود يوقع اوراق

[AbU MarYam1973]

والله ما اعرف شاكول
بس الكفيل مال اخويه اتصل باخويه قبل اكثر من شهرين وبلغه بانه وقع اوراقه
وراها باقل من اسبوع اتصل بيه وكلي انه وقع اوراقي
والحمد لله قبل ايام المنظمه اتصلت باخويه وانطوه موعد سفر
وبقيت اني بالانتظار
الله كريم والصبر مفتاح الفرج

[chris2007]

صدكو اني هم مااعرف شكول لانه الي اعرفة انه الكفيل لازم يوقع اوراق بعد شلون صاروا يشتغلون محد يعرف

ابو مريم انشاء الله يخابروك عن قريب وتسافر وانشاء الله يوصل اخوك بسلامة

شكرا للاخت سارا تسلمين يعني اكو ناس سافروا بدون ميوقع الكفيل الاوراق

[الناسك]

آني االمنظمة اتصلوا بكفيلي بهيوستن قبل 3 اشهر بما يخص كيسي فقط ووياية كيس عائلة ابوية لحد الآن ما متصلين بالكفيل على الرغم احنة الكفيل نفسة ... ؟؟؟؟ ما ادري شلون يعتمدون آلية الاتصال بالكفيل .
الناسك

[SARA CALIFORNIA]

صدكو اني هم مااعرف شكول لانه الي اعرفة انه الكفيل لازم يوقع اوراق بعد شلون صاروا يشتغلون محد يعرف

ابو مريم انشاء الله يخابروك عن قريب وتسافر وانشاء الله يوصل اخوك بسلامة

شكرا للاخت سارا تسلمين يعني اكو ناس سافروا بدون ميوقع الكفيل الاوراق

عفوا اخوية,,,اخذها مني حجاية,,,اعرف عائلة مقدمة و طلعت امنيتهم و الكفيل ما وقع اي ورقة شنو رايك؟اني هم استغربت,,مجرد مخابريه و سالي عليهم و هاي هيه,,الظاهر مغيرين البروسيجر مالهم من هالناحية.

[angie-dawood]

نعم اخي اني موقعت اوراق الكفالة  مجرد اتصلوا بيه وانطوني موعد السفر ورقم الرحلة وساعة الوصول وعلى اي مطار يوصل بمشكن قبل اتصالهم بالاجئ لتحديد موعد سفره يعني اني عرفت موعد سفره قبله  نفس اليوم بلغوني بموعد سفره اتصلت بالي كنت كفيلته حتى اعرف عنده علم بموعد سفره كال لا محد بلغني بلغته بموعد سفره وكتله راسلهم  وتأكد من يمك لموعد سفرك ثاني يوم اتصلوا بيه وبلغوا لموعد السفر ونفس الحالة صارت لاختي يعني عادي لا تستغرب مرات الكفيل ما يوقع اوراق الكفالة مجرد يتصلون بيه للتاكد بوجوده بالولايات المتحدة وبالولاية قبل ارسال ملف الاجئ للولاية الي يسكن بيها الكفيل

[ابومريومة]

اخوان اني قابلت يوم 19/3/2011 واوراقي وصلت يوم 5/4/2011 يعني بعد 16 يوم طبعا رقم قياسي بس ذاك يوم وهذا يوم والمنظمة تكول انتظر شنو الحل ما ادري للعلم حتى زوجتي بمقابلة المحلف ما قابلوها زين الحل شنو!!!!

اعرف الجواب .... نشششتلل اقصد انتظر!!!!


تحياتي
ابومريومة البغدادي

[aws2006]

نعم صحيح واني كفيلي فقط اتصلوا بيه ولما قال لهم اكو اوراق اوقعها قالوا له بعدين من يجي الاوردر مالته

[malak.ali]

احنه اصلا معدنه كفيل وما اعتقد مطلوب من عدنه كفيل

[chris2007]

شكرا الكم اخوان شكرا لجوابك اخت انجي انشاء الله يصير خير هو بالنسبة الي الي جنت اعرفهم وسافروا كلهم موقعين اوراق من هيجي استغربت الوضع بس الضاهر عادي هاي الشغلة موجودة

اي اخي ابو مريومة انتظر الله يفرجها

[ام مهند]

معلومات حلوه ومفيدة جدا شكرا على الموضوع

[chris2007]

شكرا الج اخت ام مهند انشاء الله يفيد الموضوع اكبر عدد ممكن من الاعضاء
ابو مريومة هو الضاهر بولاية مشكن صاير هسة همين ويا هواية ناس واهم شي المحصلة انه الواحد يسافر

اخ ناسك هو اني اشوف كلها مو سوة كل واحد ماشية قضيتة شكل عن الخ

اخ ياروحي هاي الحجاية مال تحت التجيك الامني صدكني يكولوها يمكن يكون واحد بالطيارة ويسالهم يكولولة تحت التجيك الامني بس هو المفروض من يتصلون بالكفيل اتكون الامنية خلصانة لانه يدزون الاوراق ويصير الواحد ينتظر السفر وحتى هسة من ديخابرون للكفيل ديكولولة احسب 3 اشهر او اربعة ويوصل يمكم وهذا الكلام من اكثر من شخص داسمعة

اخت ملاك الي ماعندة كفيل هما يحددولة الولاية والكفيل من عدهم عادي

[الغريب في الوطن]

زين اخوان اكو موضوع جدا مهم
الكفيل على شنو يوقع؟؟؟
يعني شنو الالتزامات اللي يوقع عليهه؟
اللي يعرف يجاوب

[looseurself]

لسلام عليكم
اخي اريد عنوان ايميلات او ايميلك او رقم تلفون شخص احجي وياه مثلي امقدم اي او ام ...لان اني ماكو عندي لاحس ولاخبر ومااعرف احد وماحاجي لاحد بس اني ادري والموقع مال عينكاوا ....رجاءا  رايد مساعدتكم الي بالرقم وهذا رقمي وايميلي للي يريد بس مسكول ماكو مشكلةاني اتصل بي لان احتمال راح اموت من القلق والتفكير واني ليهسة ماامسافر
john_rey814@yahoo
رقمي 07706220366

[ابورحمه]

اي كلامك صحيح اخي ..... ان يالكفيل ماتي اختي وقعت على اوراقي قبل عشرة ايام تقريبا" ولما سئلتهم عن موعد السفر قالوا تقريبا بعد شهرين يكون موجود يمك وحتى طلبوا منها ان تؤجر لنا سكن وان تشتري لنا الاثاث وتحضيره للوصول ... هذا في اميركا ... اما هنا فكلما ارسل رساله يقولون انت في التجييك الامني ... فصدك والله حيره لو هم مخربطين ... لو صدك ميعرفون بالضبط... لو مقصوده ما ينطوك الخبر الا بعد التاكد ميه بالميه
انشاء الله السفر للجميع

[chris2007]

اخوية looseurself شنو قضيتك وشوكت قدمت على اي او ام  ومسوي مقابلات لو دتنتظر السفر كوللنا المعلومات وعادي راح انساعدك
ابو رحمة انشاء الله عن قريب سفرك يارب بس انت وين رايح على يا ولاية وشوكت ماخذ الموافقة مال محلف وا
مسوي دورة تثقيفية لو لا

اخوية الغريب في الوطن الكفيل يا اما يوقع على الاوراق ويتكفل بكلشي انو يستقبلك من المطار وياجرك شقة ويتكفل بمصاريفك وطبعا كلها تكدر اترجعا اله او يكون بس يستقبلك من المطار بدون ميتكفل بمصاريفك ويكون يساعدك على الروحة والجية ويعلمك امور