سؤال للمختصيت=ن واللي عدهم تجربة

[طموح1990]

سؤال للمختصيت=ن واللي عدهم تجربة
اريد افضل الدول اللي تنطي للعراقيين لجوء حاليا يعني افضل دولة رخيصة بمعيشتها وسهلة بالوصول لها والطلعة بطريقة قانونية
يعني حار ورخيص ومجسب

[ألن في بلاد العجائب]

اخويه مو قبل شويه جنت تريد تروح لاستراليا سياحه اشو انكلبت لجوء 

ألن

[ZOKO1976]

نصيحتي هي
العراق

[سرى1]

اخي انت وين بالعراق لو بغير دولة؟ ومشتغل وية جهة امريكية لو لا؟

[The peace bird]

اكوا دولة جديدة اسمها دولة جنوب السودان  لسة ماخذه استقلال اتريد لاجيين عراقيين ورخيصة جدا
 انت هم لاجى وهم تشرط وين عايش انت متكولي باي كوكب

[محمد اعلام]

اي بكوكب الزهره حار ومكسب ورخيص

[زيتونه وليمونه]

يعني حار ورخيص ومجسب [/size]
[/quote]
مثل مكال الاخ جنوب السودان راح اتصير بيها حار ومكسب ههههههه راح اتصير قهوه محمصه

[ssomeda]

الاخ ذبه وطفر  ???الظاهر من جماعت مكتب 

[لورنس السفاح]

بوركينا فاسو

[(COBRA)]

 

[ابو هنودة]

سؤال للمختصيت=ن واللي عدهم تجربة
اريد افضل الدول اللي تنطي للعراقيين لجوء حاليا يعني افضل دولة رخيصة بمعيشتها وسهلة بالوصول لها والطلعة بطريقة قانونية
يعني حار ورخيص ومجسب

حبيبي وحبيب قلبي الغالي
ترة انت نسيت ( الكبار ) فالمقولة هي :-
مثل ( خبز باب الاغا مكسب وكبار ورخيص وحار ) ، وهذا باب الاغا بالموصل بس هسة الباب ضل بالموصل والاغا انتقل للمسلسلات التركية.
بس اريد اترجاك واتوسل اليك من تلكة هيجي دولة بلكت تنشرها بالموقع وتساعد اخوانك ولا تخجل من عندنا حتى لو جانت بافريقيا لو بالربع الخالي.
اتمنالك التوفيق والسفر السريع

[ARMY STRONG]

يابه وين المختصين بل تنور
الاخ يريد كرصه خبز حار و مكسب و مال تشريب

[محارب]

اكو هيج كرصة خبز تعال ويايه اليوم لابو نؤاس وتدلل خبز حار وكبار وسمج مسكوف واشياء اخرى واني خادم للطيبين

[اسراء بغداد]

 

[eng.mechano]

UP

[ARMY STRONG]

يعني حار ورخيص ومجسب [/size]

 

عيني ابو مجسب
يعني تريدها حسبه شكد ورقتين تلاثة او وين انته عاجبك (اين ترتئي)اول شي غير تختارلك فد شي يناسب طموحاتك
اني اكول لو تروح للهند تكضي الصيفيه مو احسن
اكلك دادة انته دتتشاقه لو دتحجي جديات كل ما ادخل عله موضوعك اكول ما اشارك بهيجي موضوع واعوف واطلع بس يا اخي وصلت مرحله مدا اتحمل اسئلتك.
استاذي قصر بجمع عندك دفترين روح تلطلط عله مكاتب السياحه بما انو انته سائح واخذلك شنكن ولو تصيب ولو تخيب همين .
يمعود  اررررررررررررررررررررررررررررررررمي   متجاوبه فدوه

[/quote]


شجاوبه ماتكولي هذا بطران

اني صارلي7 اشهر كرصه خبز ماشايف
هو يريدها حاره و من تنور

[eng.mechano]

هسه ادزلك خبر يبقه حار عله هالصيفيه بال DHL بس ديربالك اخويه لتروح من تفتح الضرف يكمزلك الولد يصيح حار ومجسب مو تفز

[ARMY STRONG]

كافي عيب اجه ابو الفرن

اكلب

[blood_brothers8]

تعال اكعد هنا واطفيلك المبردة...وكون ادهااااااااااااااااااااااا.............زز

[Edy Simon]

اعزائي الكرام
تحية طيبة
اولا الاخ بس وجه سؤال للمختصين اشو اخذتو افلاحة املاجة, كابلكفر  هو عنده امنية او اتصور بمنتدى الهجرة تتحقق.
على كل حال اني راح احاول للاخوان اللي عاجبهم خبز بتب الاغا او الطرشي او الكاهي ان اقد
م لهم هذي المشهيات العراقية الاصيلة مجاناز
او الاخ ارامي بعد لايكول صارلي ومان ما شايفه دك على هذا اللينك او اتشوف عجائيب المشهيات العراقية طبعا مجانا
وتقيبل تحياتي
جوسي البغدادي
الى كل مغترب عراقي سفره سياحيه الى بغداد ..ومجانا


شنسوي..لازم نتذكر ماضينا الجميل ..؟؟ تفضلوا ويانا

http://hammdann.net/2011-01-30-08-18-47/1866-2011-06-12-21-24-07.html


 

[ARMY STRONG]

مو صاحب الموضوع نزل موضوع يريد فيزا لااستراليا حتى يتونس

وراها نزل هذا الموضوع يدور لجوء
و يردها حار و مكسب و رخيص مثل فيزا استراليا



هسه نجي لموضوع اللنك

شسوي بيه اريد فد شي ملموس هذا ما يوكل خبز

[Edy Simon]

عزيزي ارمي
انت ما سامع العين تاكل كبل البطن, او اكو مرات واحد يشبع من الشوف
شهية طيبة
تحياتي

[ZOKO1976]

اني ميشبعني الشوف
و ثانيا ...على كيفكم وية موضوع الولد خو ما اتورط سأل سؤال
اذا تجي للصدك الكل اتدور حار و مكسب و رخيص
و مثل ما علقت اببداية الموضوع انه احسن شي العراق لأن:-
1- حار :العراق ماكو احر منة و الولد اول شي راد حار
2- امكسب : و الحمد لله كلنة امكسبين بالعراق
3- رخيص:- ماكو ارخص من الانسان بالعراق

روووووووح للعراق و اتوكل ...كل طلباتك مجابة

مع تقديري

[سرى1]

اني لحد الان ما فهمت شنو اهمية هذا الموضوع؟

هو الولد صدك ديسال لو الشغلة كلها شقا؟

[eng.mechano]

UP

[نــــــــــوار تيتــــــو]

الاخ ذبه وطفر  ???الظاهر من جماعت مكتب 

عاش ميلاد الريس