دمرني صورة القيد

[storm2000]

السلام عليكم
اخواني من وره صورة القيد حتى فكرت اترك siv والقضية هي سويت صورة قيد واني من المحافظات ورحت لبغداد وطلع الرقم كاتبي غلط  امنا بالله كلنا ميخالف رجعت لمحافظتي وسويت صوره قيد مره ثانية وهم طلع غط  بس ليش هالمره راح ادوخكم اشوية من اتزوجت نقلت الزوجة للسجل مالي وهذا طبيعي الموظف ينطي العافية ناقل المعلومات للسجل غلط ولو اسوي 100 صوره قيد يطلع غلط يعني لاصوها عليه  لازم معاملة جديدة من بغداد وتاكللها 3 اشهر يلا تخلص حسب ما كلي مدير الجنسية مالتنا كوتله من اني السبب بالغلط الموظف مالكم كالي اشبيدي عليك , كلت اسوي بلان بي وين ابو البلانات ارمي  راح اسوي بيان ولادة واترك صورة القيد ايصير لو لا ؟؟؟ لان جاني ايميل من siv كالي معلوماتك عاملة للnvc دزلنا المستمسكات والخ اخوكم طاير صاره اسبوعين كملت كولشي بقيت بس على صورة المهجومة القيد

[عراقي وافتخر 4]

ان شاء الله يجون الاخوان ذوي الخبرة ويساعدوك اخي..اهم شي توكل على الله وان انشاء الله خير..موفق اخي

[محارب]

للرفع والمساعدة

[SARA CALIFORNIA]

up
رجاءا ساعدو اخ ستورم

[الناسك]

اعذرني آني آيوم Up وين جماعة SIV وجماعة البلانات B&C

[ARMY STRONG]

ها منو صاحني


هسه مشكلتك وين بل ظبط؟ صوره القيد مو؟

شنو الغلط الي بيها؟ اسم لو رقم لو شنو الغلط

[storm2000]

ارمي ارجع نام 

[ARMY STRONG]

ارمي ارجع نام 

  لا صدك شنو الغلط الي بيها يجوز ما يؤثر

[Aiham_]

السلام عليكم
اخواني من وره صورة القيد حتى فكرت اترك siv والقضية هي سويت صورة قيد واني من المحافظات ورحت لبغداد وطلع الرقم كاتبي غلط  امنا بالله كلنا ميخالف رجعت لمحافظتي وسويت صوره قيد مره ثانية وهم طلع غط  بس ليش هالمره راح ادوخكم اشوية من اتزوجت نقلت الزوجة للسجل مالي وهذا طبيعي الموظف ينطي العافية ناقل المعلومات للسجل غلط ولو اسوي 100 صوره قيد يطلع غلط يعني لاصوها عليه  لازم معاملة جديدة من بغداد وتاكللها 3 اشهر يلا تخلص حسب ما كلي مدير الجنسية مالتنا كوتله من اني السبب بالغلط الموظف مالكم كالي اشبيدي عليك , كلت اسوي بلان بي وين ابو البلانات ارمي  راح اسوي بيان ولادة واترك صورة القيد ايصير لو لا ؟؟؟ لان جاني ايميل من siv كالي معلوماتك عاملة للnvc دزلنا المستمسكات والخ اخوكم طاير صاره اسبوعين كملت كولشي بقيت بس على صورة المهجومة القيد

شوف حبي ستورم ,, اذا  الغلط برقم مثلا يوم او شهر عبرها ترا و اذا بالااسم ما تعبر

[storm2000]

السلام عليكم
اخوان صورة القيد بشارع الرشيد رجعني للاسباب التالية
رقم بيان الولادة صادر قبل تاريخ الولادة 
يعني الاوليات من نقلتها الى محافظتي صارت مشكوك بيها من طرف الجنسية مال محافظتي

[القبطان ايوب]

الله المستعان
حبيبي بيان الولادة لا يغني عن صورة القيد(تعداد57) .. لازم دبر امورك وتطلع واحد الك وللعائلة , لان بالمقابلة يأكدون على صورة القيد.
تحياتي

[storm2000]

اخوية القبطان يعني اترك موضوع siv اذا ايأكدون على صورة القيد
اخوية العامري شنو هوه مقابل مرطبات مشمشة 
ممنون على الاجوبة

[ARMY STRONG]

اخوية القبطان يعني اترك موضوع siv اذا ايأكدون على صورة القيد
اخوية العامري شنو هوه مقابل مرطبات مشمشة 
ممنون على الاجوبة

تنسى شنو يمعود ماكو شي ما اله بلاني بي
يعني انته كل محاولاتك فشلت جربت درب التوريق لو لا؟ حتى يعدلوها؟
و اذا ماعدلوها اخذها وروح بل مقابله و اذا سئلوك اقرالهم اليتيمه

[storm2000]

حبي ارمي ردت اورق صارو شرفاء براسي يعني 3 اشهر معاملة تره جريمة واني لازم ادزها للnvc علمود المقابلة اذا بيان الولادة وشهادة الجنسية والجناسي كافية حتى اتوكل على الله وامشي بيها والله كرهت العراق والساعة السودة الي انولدنا بيه 

[ARMY STRONG]

دزهن
و اذا سئلوك اشرحلهم الفلم و اذا غلسوا انته هم غلس
 
الجناسي و الجوازات يقرن نفس الشي يعد شنو يمعود

[storm2000]

اي حبي  ارمي ماعندي اي اشكال بالمستمسكات ( الجوازات - الجناسي - شهادة الجنسية ) كولها تمام زين ميردون تموينية 

[storm2000]

وينهم جماعة siv   

[HAIDER SALEEM]

اخي العزيز علكيفك واتصرف كالاتي وبدون تخوف :
1 - دز المستمسكات كاملة لل NVC (طبعا ما عدا صورة القيد 57) وموعد المقابلة يجيك يجيك حتى لو مداز ولا ورقة .
2 - اي معلومة من صورة القيد ما راح تحتاجهة بأي استمارة من استمارات ال NVC .
3 - ما اعتقد ال NVC راح تطلب منك انو تبعثلهم  صورة القيد 57 ( 99% )  بس راح يأشرون بفايل موعد المقابلة امام الفاملي بوك انو مطلوبة من عندك احضارها يوم المقابلة ( اما بالنسبة لمسألة ال 1 % فراح تنطيهم مجرد ستيتمنت انو اكو غلط بعملية نقل الارقام من الصحيفة تطلب من عندك معاملة تصحيح وهمة عدهم علم بالطريقة الي تدار بيها المعاملات بالعراق ) .
4 - وهو المهم انو تمشي بمعاملة التصحيح ولازم تاخذ صورة القيد 57 معك للمقابلة لكونها مهمة جدا في اثبات الاصول ( مهمة جدا ) ولا اعتقد ان هناك ما يسد عنها او يمكن استخدامه كبديل ( والله اعلم ) ولتتصور المعاملة صعبة بس خلي ابالك مسالة انو تحتاجها وهية تخلص بكل يسر وسهولة .
والموفقية من الله

[storm2000]

ممنون منك اخويه حيدر على معلوماتك القيمة

[القبطان ايوب]

اخوية القبطان يعني اترك موضوع siv اذا ايأكدون على صورة القيد
اخوية العامري شنو هوه مقابل مرطبات مشمشة 
ممنون على الاجوبة

السلام عليكم
لا عمي لا تتركه, اعمل بالضبط الي كالك عليه اخونا حيدر .. والله يسهل امورك.

تقبل مروري

[storm2000]

اخوية العزيز اني ماعرف اذا اكو مرطبات او مطعم  هناك دزيتلك رسالة عالخاص

[RED HAT]

السلام عليكم ...

اخوية طلع بيان ولادة الك ولكل افراد عائلتك وترجمة ودزة الهم ... ومن يجيك موعد المقابلة راح تكدر تعرف انه بيان الولادة الي انطيتهميا راح يغني عن موضوع صورة القيد لو لا لان همة راح يدزولك شنو النقوصات الي بمعاملتك ... بس استعجل الله يخليك لان موعد المقابلة راح يجيك سواء كملت اوراقك ام لا ... ولحك دزلهم بيان الولادة

وتقبل مروري

[storm2000]

شكرا اخ Red Hat الباجر اني طالع لدهوك حتى اطلع بيان الولادة والله كريم