اني اختكم دعاء جديدة بالمنتدى ومحتاجة مساعدة

[Do3a2]

اني اختكم دعاء جديدة بالمنتدى ومحتاجة مساعدة
اني اسكن بكاليفورنيا بمدينة انتيوك صارلي سنة وحدة تقريبا
صارعندي  طفل هنا والحمد لله وجنسية امريكية
سؤالي هو ممكن احد ايساعدني ويعلمني اشلون اقدملة على جنسية عراقية
اني ابوحدي هنا يعني لاصديق ولا عائلة واتمنى من الي يعرف ميبخل علينة بالمعلومة*
اشكركم.

[angie-dawood]

اهلا وسهلا اخت دعاء منوره المنتدى الي رجعت اكتبلك عنوان السفارة العراقية بواشنطن



http://www.ankawa.com/forum/index.php/topic,382025.0.html 
التعليمات عن الجواز العراقي من واشطن

اتصلي بيهم واساليهم

[saroin]

اول شي اهلا وسهلا بعائله عينكاوه وثاني شي هسه  يجون الاعضاء وعدهم خبره لكافيه لموظوعج تحياتي اخت دعاء

[rayanchase]

اهلا وسهلا احنه   عائلتج هناانه  و الاخت انجي مااقصرت  نوررتينا ومبرووك علطفل

[اسراء بغداد]

 اولا   اهلا وسهلا

ثانيآ   روحي للسفارة العراقية   وقدمي

[اسعد العراقي]

اهلا وسهلا بيج في منتدانا زين ابوه وين

[نــــــــــوار تيتــــــو]

اهلا وسهلا فيكي بين اخوتك

 

[Do3a2]

شكرا اخوان
 اني الموقع مال السفارة داخلتلة
ويومية اخابر هاي الارقام مال تلفون واترك رسالة صوتية بس كلشي ممحصلة لحد الان
اني عبالي اكو احد مار بهيج ظرف ومسوي الجنسية ويعلمني
عموما اني ممنونة عل المشاركة

[Aiham_]

are you singl mam 

[ابو زيـــن]

100 هلا بيج اختنا العزيزة

[angie-dawood]

شكرا اخوان
 اني الموقع مال السفارة داخلتلة
ويومية اخابر هاي الارقام مال تلفون واترك رسالة صوتية بس كلشي ممحصلة لحد الان
اني عبالي اكو احد مار بهيج ظرف ومسوي الجنسية ويعلمني
عموما اني ممنونة عل المشاركة

الاخت دعاء الاتصال بالسفارة الي بمشكن من الساعة 8 صباحا لغاية 12 ظهرا اتصل بهذة الاوقام واذا تريدين للغة العربية اضغطي رقم  2 اكو موظفين عرب  متواجدين يوميا من 8 الى 12 ظهرا 

[Do3a2]

شكرا عيني راح اتصل واشوف بس اني جربت كل الارقام وجنت اعتقد ان عراقيين يشتغلون بالسفارة كلت ايجوز اطباعهم متغير بس طلعوا مو حتة ميشيلون التلفون ولكن حتة لا ايردون على ايميل ولا رسالة صوتية. هاي هية الله كتبهة علية

[angie-dawood]

لا اختي الموظفين كلش متعاونين اني اتصل بيهم دائما ومرات اترك رسالة يرجعون ثاني يوم يتصلون بيه

اختي اتصلي بهذة الاوقات انشاءلله تحصليهم

[Abnaa Al-Iraq]

اهلا وسهلا اخت عزيزة بهذا المنتدى الكريم

[سامي75]

أهلا وسهلا نورتي

[Do3a2]

انجي اختي اني ممنونة منج وربي ايخليج

وشكرا للجميع

[احمد عباس]

هع اخاف دسويلهم مسكول وتنتضريهم همه يخابرون

[ابو نعنوع]

اهلاً وسهلاً فيكم بالمنتدى
ومبروك على الطفل والحمد لله على سلامتكم
بس ممكن ابو الطفل يساعدج ليش عايفيج بوحدج واعتقد ايد وحه ما تصفكك
على العموم مبروك مره ثانيه على الطفل واتمنى ياربي ان يكون من الابناء الصالحين البرره

[المحترم]

اختي العزيزة طبعآ مبروك عالنونو ويتربى بعزج
اهم شي مستمسكاتج الثبوتية ومستمسكات الوالد اذا كان عراقي الجنسية لان الاب اذا مو عراقي ما ياخذ الجنسية العراقية اني عندي احد اقربائي ضابط بأدارة الجنسية العامة اليوم اجيبلج كل التفاصيل الخاصة بالتجنس للعراقيين المولودين خارج العراق ولا تشيلين هم احنا اخوتج وتدللين واكول لكرايبي شلون نكدر نرتبلج اجراءات اصدار جنسية النونو اكيد مثل ما كالو الاخوة لازم تتصلين بالسفارة لان حسب ما كلي هو مرة ان السفارة عدهم لجنة من دائرة الجنسية العامة وعدهم سستم اسمه المنظومة مرتبطة هنا بالمقر الرئيسي ببغداد

شكرآ

[Cpt_Ali]

are you singl mam 

LMFAO

[عراقي كرادي]

مبروووووووك اختي على سلامة الولادة , ومبروووك الجنسية على المولود الجديد.