اليوم أسوأ ايام حياتي تم رفضنا من ال SIV

[عفيفة اسكندر]

في البداية احب ان انوه الى انني عضوة قديمة ومتابعة لهذا المنتدى الجميل بأعضائه وادارته الراقية ...
اليوم كان اسوأ ايام حياتي فقد تحطمت عائلتي وتوقفت حياتي واصبح مصيرنا نحو المجهول وانتهي وضاع الحلم  فبعد سلسلة من الانتظار الطويل من بداية الشهر الاول سنة 2010 وبعد الحصول على الكوم ابروفال في الشهر السابع منها
واكمال الاوراق والفحوصات والمقابلة بصعوبة بالغة كوننا من سكنة ابعد محافظة عن العاصمة (البصرة) .وبعد خمسة اشهر من اجراء المقابلة مع الصينية اللعينة لعنها الله ... وصلت اليوم رسالة الرفض وسحب الكوم ابروفال وارجو من المشككين ان يتركوا مسألة ارفاق الرسالة او صورة الرفض لانه لايوجد اسهل من عمل ذلك .
ملاحظة  \ عملت عدة اشتراكات في هذا المنتدى لكن كل مرة انسى كلمة السر لاني لاافتح النت الا عندما نحتاج سؤال عن المعاملة او شي

[عراقي وافتخر 4]

اختي الله يصبرك ويعوضك خير ان شاءالله

[ساحر بغداد]

عجييييييب والله راح اتخبل من هذي الأخبار
ادري لعد هذوله ليش شاحنين العالم طول هذه الفترة
لاحول الله
الله يصبركم

[Striker]

الله يكتب البي الخير ... الله يعوضكم ..

ومنتظرين انشوف الله شكاتبلنة 

[blood_brothers8]

شنو السالفة كلها رفـــــــــــــــــــــــــض

[عونك يارب]

لا حول ولا قوة الا باللة
اشو كلها كتة وحدة صارت  شغلة الرفض شنو السالفة واللة شي يحير
ربنا لا تحملنا ما لا طاقة لنا بة

[Aiham_]

عيني عفيفة سكندر تنزلين ورقة الرفض هلة بيج و نصدك بيج و نواسيج غير ذلك انتي كدام هواي اعضاء وحدة جذابة و دخيلة على المنتدى و داتسوين بلبلة و هاي الزبدة دا انطيجياها ترس و بلا مستحة

[مالايكي]

منو عفيفه اسكندر

[نــــــــــوار تيتــــــو]

منو عفيفه اسكندر

 المطربه العراقيه  عفيفه اسكندر ولدت في الموصل عام 1927 من أب عراقي مسيحي وأم يونانية. وعاشت في بغداد.

وهاي أغانيها

http://www.youtube.com/watch?v=3hQsSK0RHh8

[شنايزر]

 

شغله تحير

[googoo]

بس نرجع ونقول أنه سالفه الرفض هي حقيقه ولازم الكل تتوقعهه
و أن شاء الله الكل تكون بعيدة عن واقع الرفض وتجيهه الفيزا وتسافر
وكلهه تصير سوالف.

[Nora911]

الله يعوض على كل من اجاه رفض ويصبرنا على انتظار الرفض ( جاينا السرة)

[مالايكي]

شكرا الك اخويه نوار  

والله اني اصدك اكو رفض الله يساعدهم اللي انرفضوا  والباقي اتمنالهم التوفيق

[Adam Cruise]

كمت اخاف افتح ايميلي .اوييييلي والله يكون بعونج اختي

[مروكو]

لكم عيني هاي شنو الاخبار من الصبح  راح نخبل والله

[(prince)]

حلو كوله مرفوضه الله ليستر والله العضيم عادي كل واحد   شمكتوبله ايصر 

[ابو نعنوع]

اخت عفيفه اسكندر  شنوهذا الخبر يمعوده على بختج والله هبطتينه وهايه اختج ام نعنوع خلصته بس بواجي وعض تعض بنعنوع (من القهر غير ) يمعوده كان الله في العون عيني ولو هوه خبر مزعج بس الله كريم الله موجود وماينسه عباده حاشى لله ممكن اطلب منج طلب ان تنزلينه الايميل الي اجاج لاتضوجين يصير الهه حل شوفي بلان بي والله كريم

 

[مرسي الزناتي]

 

[angie-dawood]

الاخوة الاعضاء تم حذف وتعديل الردود  راح يبقى الموضوع مغلق الى ان تظهر صاحبة وتراسلني افتح موضوعها وترد على اسئلتكم واذا مظهرت خلال يومين راح احذف موضوعها