المغذي اجه سريع هل مره

[samsoma]

البارحه بالليل دزيت رساله لل اي او ام بال3 بالليل ودزولي المغذي بسرعه يعني دزيته بال 3 الصبح اجاني بال3 الظهر مدري همه مستعجلين مدري اكو تسريع 

“The United States Government has placed your case on hold due to a new security check procedure that was recently put in place and must be performed on all cases that have not entered the United States yet.  This unexpected hold is not an indication that there is a problem with your case, as many cases have been placed on hold.  As soon as IOM has additional information, we will contact you”

[Aiham_]

اي لعد شعبالج , همة يهتمون بالزبائن حيل 

[جورجيا]

شده حيل وحطلا ابلاستر من النوع الجيد

ولتخلي ولا قطره اتروح منه حرامات
هو احنه عايشين على هل مغذيات
جورجيا

[samsoma]

ههههههههههههههههههههههههههه اي والله ديدللونه حيل هيج هوايه مدنكدر

[Eagle eyes]

ماشاء الله عليهم كلش سريعين  

[samsoma]

زين شنو ال adj اجه ويه الرساله اله شغله محدده لو عادي مابيه اي شي

[(Michael)]

زين شنو ال adj اجه ويه الرساله اله شغله محدده لو عادي مابيه اي شي

البارحة هم دزيتلهم رسالة و جاوبوني اليوم و نفس الرمز مالتك ADJ و لكن الكليشة مالتي تختلف انه لا ازل تحت التجييك و انه راح يبلغوني اذا اكو اي تحديث جديد على قضيتي
و لكن الكليشة مالتك تعني امنية ما قبل السفر100%
اما عن معنى هذا الرمز فالاخت جورجيا تقول انه هذا يعني راح يتصلون عن قريب و بعض الاخوة هم اكدوا هذا الشي و يا ريت اخت جورجيا موجودة حتى تنطيك تفاصيل اكثر
تحياتي

[نــــــــــوار تيتــــــو]

والنعم منهم 

الله يكون بعون الكل

تحياتي

[ابو ايمن المياحي]

اي والله اني هم دزيت الهم اميل وجاوبوني اليوم بس كالولي انو انته تحت التجييك الامني بس والله ايدهم خفيفة ولا حسيت بالجكة مال الابرة هههههههههههههههه

[(Michael)]

اي والله اني هم دزيت الهم اميل وجاوبوني اليوم بس كالولي انو انته تحت التجييك الامني بس والله ايدهم خفيفة ولا حسيت بالجكة مال الابرة هههههههههههههههه

شنو الرمز اللي اجاك وي الرسالة؟

[samsoma]

الله ايبشرك بالخير يا الرجل الصابر والله هونت عليه ان شاء الله بالتوفيق للجميع

[(Michael)]

ألاخ ألصابر
مساء الخير
ألرساله تكول أنها تحت ألتجييك الامني حاله حال جميع من لم يدخل امريكا
تحياتي

اخي الكريم اني متأكد انه هاي امنية ما قبل السفر لان قريتها في احد المواقع التي تحدثت عن امنية ما قبل السفر و كانت نفس الكليشة موجودة و هذا الموقع رسمي بس مع الاسف ما اذكر وين قريتها لان صار فترة طويلة
تحياتي

[(Michael)]

الله ايبشرك بالخير يا الرجل الصابر والله هونت عليه ان شاء الله بالتوفيق للجميع

انا بخدمتك و بخدمة الطيبين و ربي يوفقك و يسفرك لامريكا من فجر الله بعد شتريد؟

[samsoma]

سلامتك اخويه وممنونه من الكل وان شاء الله التوفيق للجميع واني احب اشاركم بكل شي ايصير ويايه

[شنايزر]

يعني بالانتظار  

ميخالف الله كريم

[(Michael)]

أيه ألصابر
أسف أذا بسببي صارت (بالتواثي) قبل شوية مع ذاك ألغبي في موضوعي حول الحياة في أمريكا
أني تحت التجييك ألامني وأجاني ظهر اليوم هذا الرمز RHM
معالتحية

لا يمعود اني اسف و اعتذر انت شنو ذنبك اشو هو كام سبني و شتمني
عموما انسى الموضوع لا يخرب هذا الموضوع همين
تحياتي الك

[ابو الطيب الهاشمي]

والله اني بصراحة من كثر ما لحيت بالرسائل كام يدزولي رسالة المغذي ويه الريبلي مباشرة :-)

[ريم75]

اني هم اخر رساله جتنيadj شنو يعني هذا الرمز؟؟؟؟

[ابو الغيره]

مبروك على الايميل السريع

[تقوى الله]

 بالتوفيق ان شاء الله

بس للاسف اني دزيتلهم البارحه ايميل اسال على مقابلة المحلفين
ولاعبروني 


طلعوا مشغولين وياكم 

ان شاء الله تفرج ع الجميع امين يارب

[samsoma]

تقوى الله تجيج المقابله الثانيه تجيج وين اتروح احسبي شهرين وره المقابله الاولى

[ابورحمه]

بارك الله بيك واللهم يهدينا لطاعته وربي يفرج عنكم وعنه
بالسفر القريب العاجل

[مس لارا]

مرحبا 

أن شاء الله يكونون الكل بخير.. (والله ) يوميا أكول بعد ما أدخل للمنتدى لأن  بصراحة بديت اضوج الانتظار كلش ملل,,, بس ما اكدر هم ارجع... بس زين بسرعة ردوا عليك ... لعد أحنه ندز أيميل ماكوبس ربلاي أن استلموا وما كل جواب هسه بس اريد اعرف قضيتنه وافق عليه المحلف ؟؟؟ حتى شوية ارتاح ,,, عبرت 75 يوم وماكو لاحس ولانفس ... واحب ابارك للكل بقدوم رمضان

,ان شاء الله ما نبطل دعوات لكل الأاعضاء بتحيق الامنيات تقديري للكل...

[ابو نعنوع]

عمي مبروك على الرد السريع شنو همه قوات خاصه (التدخل السريع ) ههههههههه
والله ياريت يكون السفر مالتهم سريع والتجييك الامني هم مات سريع موبس الرد

هاه نسيت فد شيء جداً مهم ويجي بالوزاري 
UP
UP
UP
للرفع والتبريك بالرد السريع
 

[aws love]

اي لعد شعباللك اني من كثر ما ادزللهم اميلات بطلوا ايردون عليه 

[Salah 70]

السلام عليكم samsoma وربي نفس الموضوع اني همين دزولي نفس الرد ونفس الرمز بس بعد 36 ساعة ..

[نيويورك]

اذا التجييك للي مداخل امريكا قبل زين  اني مسافر عام 2009 وبقيت شهر هناك يعني السفر يسهل علينه الامنية برايكم لو لا

ألاخ ألصابر
مساء الخير
ألرساله تكول أنها تحت ألتجييك الامني حاله حال جميع من لم يدخل امريكا
تحياتي