السلام عليكم

[احمد عبد الحسن]

اخي العزيز بالنسبة مفوضية الاجئين بتركيا في منطقة بتركيا وكيف اسال عنها

[مايكل اندريه85]

الرفع للمساعدة ............

خبراء تركيا  تعالوا   اخوية نوار يمعود تعال جاوب الولد ............

[New Yorker]

 

[ܓღ أنجـــــي ღܓ]

الان سوف ننتقل للمنظمة الثانيه هي

2- تركيا

مقابله ورقه الحماية ( منقول من dreamiraqi )

اولا عند الوصول مباشرتا الى تركيا تذهبين الى اليون في انقره وعنوانها هو
Sancak Mah. Tiflis Cad.Sokak No :3
06550 Ankara
والذهاب صباحا قبل الساعه التاسعه لان في الفتره الماضيه كل الذين ياتون بنفس اليوم يقابلوهم مقابله الاولى واذا كان لديهم اعداد كبيره يتم تاجيلهم شهر او اقل من شهر
واذا تم تاجيلهم  للمقابله الاولى يتم تحديد لهم المحافظهلهم او  يخيروهم بعدد محافظات ( كلما كانت بعيده عن انقره واسطنبول كان اسعار اجاراتها رخيص وتبقى ايظا حسب المنطقه)
وبعدا تحديد المحافظه يعطون ورقه للامنيه المحافظه يتم تسجيل  والامنيه بعد 3-4 ايام يصدرون لهم هويه مقيم بتركيا مدتها 6 اشهر وبسعر 305 للنفر الواحد والطفل نصف قيمه طبعا المبلغ باليره التركيا
وايضا 90 ليره لاصدار الهويه
وهذا الهويه مهمه جدا بالمقابلات وخاصه الاولى
ومن ثمه الجواز وعقد الزواج وهويات المدنيه والجنسيه واوراق التهديد وجميع الاوارق والشهايد ودفتر الخدمه
كالها الاصليه
واي ورقه ممكن تفيد قضيتك وتثبت صحته


معلومات عن icmc

ادخل على هذا الرابط


http://www.ankawa.com/forum/index.php?topic=307209.0

رد الاخت ماكنتوشه باحد مواضيها

[احمد عبد الحسن]

اوراق التهديد اني اسويهن لو اوراق خاصة من مكان معين

[Aiham_]

اوراق التهديد اني اسويهن لو اوراق خاصة من مكان معين

اكو جاهزات بالمكتبات يبيعوهن 

[احمد عبد الحسن]

اوراق التهديد بالمكتبات يامكتبات بعمان لو وين رجاء

[Aiham_]

اي بعمان بدوار فراس 

[احمد عبد الحسن]

دوار فراس هاي منطقة وين صايرة

[ابو هنودة]

بوية احمد السلام علكم
صدك جذب انت تحجي غير تكول انت وين بالضبط بيا دولة بيا محافظة بيا منطقة حتى الواحد يعرف شلون يجاوبك ويدليك .
تحياتي

[Aiham_]

ابو هنودة و الله راح تخبلنا الناس يعني هوو بتركيا و يكول وين الكاهن بعمان لو وين و جمالة اوراق تهديد و كل 5 دقايق منزل موضوع يعني شجاوبة ؟؟؟

[احمد عبد الحسن]

حبيبي اني عايش بالعراق اريد اعرف مكان un وين بالضبط في عمان من اروح شاخذ وياي واوراق التهديد خاصة لو اني اسويهن

[Aiham_]

حبيبي اني عايش بالعراق اريد اعرف مكان un وين بالضبط في عمان من اروح شاخذ وياي واوراق التهديد خاصة لو اني اسويهن

استفاد 

[Aiham_]

ابو شهاب , مرة تكول اني بالعراق و اريد معلومات عن يو ان بتركيا , مرة تكول اريد عمان , يعني ما افتهمناك شتريد

[احمد عبد الحسن]

حبيبي دااكولك اني بالعراق عايش اريد اعرف مكان un  وينبالضبط بعمان وشاخذ وياي من اروح واوراق التهديد اكدر اني اسويهن  اني سائلتك بتركيا بس مجرد معلومة وشكرا     

[ــــ{{{ABADY}}}ـــــ]

ابو شهاب

المنظمه فى منطقه بدير غبار واخذ كل اوراقك المهمه وغير مهمه



حساب التكسى خليها على حسابى ::)على نياتى فقييييييير

[احمد عبد الحسن]

رجاء ماهي الاوراق المهمة واذا اقدم ان شاء اللة بيها امل اطلع واني عندي شهادة بكالوريوس طب بيطري ممكن تفيدني

[ابو هنودة]

اخي العزيز احمد السلام عليكم
ايام زمان من كانت الهجرة الى استراليا ونيوزيلندة متوفرة بكل سهولة بس تاخذ استمارات من السفارة من وحدة من دول الجوار وتمليها وتتظر . كانوا المفضلين في هاتين الدولتين هم خريجي كلية الزراعة والطب البيطري . نيوزيلندة جان البقر والخرفان اللي بيها اضعاف البشر والى اليوم وكان اختصاصك هو المفضل بالاضافة الى خريجي كلية الزراعة وخاصة ً اقسام الثروة الحيوانية والمحاصيل الحقلية والمكننة الزراعية اما اليوم اصبح اللجوء والهجرة الى هذه الدول حلم من الخيال . فتش اولا ً على الدول المشهورة بتربية الحيوان ومن بعدها فتش من منهم يقبل المهاجرين واللاجئين ومن ثم خطط للذهاب اليها هجرة تهريب فيزا اما اللجوء فالخيار ليس بيدك.
بالنسبة للاوراق فقد ارسلتها بالتفصيل على الخاص
تحياتي

[(Michael)]

الله كريم

[احمد عبد الحسن]

حبيبي جاوبني الاخ ابو هنودة المحترم ان من الضروري دفتر الخدمة العسكرية بس اني ماخادم عسكرية عادي يعني ماعندي دفتر خدمة  وبس حبيت اعرف اذا اقدم عن طريق عمان شكد انتظر تقريبا وهل هناك راتب من المفوضية في عمان وشكرا

[ابو هنودة]

حبيبي جاوبني الاخ ابو هنودة المحترم ان من الضروري دفتر الخدمة العسكرية بس اني ماخادم عسكرية عادي يعني ماعندي دفتر خدمة  وبس حبيت اعرف اذا اقدم عن طريق عمان شكد انتظر تقريبا وهل هناك راتب من المفوضية في عمان وشكرا

اخي ابو شهاب الورد
يا سنة متخرج من الكلية حتى اجاوبك على دفتر الخدمة.
بالنسبة الى راتب المفوظية من تقدم وينطوك الوثيقة تقابل الباحثة الاجتماعية وتقرالها اليتيمة ما عندي ومهزوم وبطرك روحي وفقير وحالتي متساعد فهي راح تاخذ معلومات منك ورقم موبايلك وعنوان السكن وتكول لك احنا نتصل بيك وتبقى على الشحن لمن يجي دورك لا تسألني يمتة يمكن شهر ويمكن 6 اشهر ويمكن الله يسهل عليك وتسافر قبل ما تحتاج راتبهم. واذا انطوك راتب راتبك 75 دينار بالشهر وتستلمة من بنك القاهرة عمان اللي قريب على عنوان سكنك. هسة عرفت ليش يكتبون بالمنتدى عناوين بيها بنك القاهرة عمان والخشنات نزلن وهذا الموضوع من اختصاص اختنا العزيزة كوكي.
اي استفسار انا حاضر اخي ابو شهاب.
تحياتي

[احمد عبد الحسن]

حبيبي ابو هنودة الورد والغالي علية وكل الاخوة الاعزاء اني خريج 2009 من جامعة بغداد كلية الطب بيطري لكن ماخدمة عسكرية لن تعرف حضرت صارت الحرب على العراق وماخدمت الحمد للة ماخدمت لن جان دمروني بس ملحوضة صغيرة جاوبتني كلت تبقى على الشحن 1 او 6 اشهر هذة فترة اسافر بيها لااامريكا يعني ستة اشهر واسافر لان اني صديقي قدم على الاردن وطلعتلى على كندا ب 6 اشهر وشكرا

[ابو هنودة]

حبيبي ابو هنودة الورد والغالي علية وكل الاخوة الاعزاء اني خريج 2009 من جامعة بغداد كلية الطب بيطري لكن ماخدمة عسكرية لن تعرف حضرت صارت الحرب على العراق وماخدمت الحمد للة ماخدمت لن جان دمروني بس ملحوضة صغيرة جاوبتني كلت تبقى على الشحن 1 او 6 اشهر هذة فترة اسافر بيها لااامريكا يعني ستة اشهر واسافر لان اني صديقي قدم على الاردن وطلعتلى على كندا ب 6 اشهر وشكرا

اخي ابو شهاب الورد
سالفة دفتر الخدمة انساها لأنك متخرج 2009
سالفة صديقك سافر بـ 6 اشهر جيرانكم سافر بـ 4 اشهر تنساها.
اكو ناس هواية بالمنتدى صار الها 3 و 4 سنين ومؤسسين جمعيات مثل
المكاريد
المخضرمين
كعدوني اذا رادوني
صعد الضغط وانجلطت
راح اطك واموت
واخرهم اشك زيجي واركض مصلخ
هاي الجمعيات من شروطها ما ينتسب الها الا من صار له اكثر من سنتين و 11 شهر و29 يوم.
اسمع نصيحتي وانا عمك كل من يكول لك معاملتك تطول هلكد كلة انت جذاب ابن جذاب حتى لو يكون اوباما . واذا حاسب تسافر بـ6 اشهر الافضل ما تقدم لأنه راح تتعب وتتعذب وتتكأب وتضيع المشيتين .
من تقدم خلي ابالك يمكن معاملتك تطول 4 سنين ويمكن ينلغي اللجوء والهجرة ويمكن يجيك رفض.
انا لا اريد ان احبط من عزيمتك ولكن هذا ما استنتجناه من تجارب اعضاء الجمعيات التي اشرت لها.
فأذا قررت ان تخوض التجربة فأهلا ً وسهلا ً بيك بس حضر الخطة البديلة اللي يسموها Plan B حتى تكون بالجانب الأمين.
تمنياتي بالتوفيق 

[احمد عبد الحسن]

زين همة باسنة كم العدد يطلع لجوء

[ابو هنودة]

زين همة باسنة كم العدد يطلع لجوء

حبيبي ابو شهاب الورد
هذا الموضوع لا يعرفه الا الراسخون بالعلم لان اكو من العراق والاردن وسوريا ومصر ولبنان وتركيا والامارات وماليزيا هذا بالنسبة للعراقيين.
بس الامريكان كبل جم يوم كالوا راح يجيكون ملفات اللي بامريكا من العراقيين واللي عددهم 58000 الف واحد هذولة راحو من شباط/2007 ولغاية حزيران / 2011 فالحسابات بقت يمك اجمع واطرح واضرب واقسم وشوف بالسنة جم واحد. هاي بس امريكا. واكو ناس راحت الى كندا وفنلندة والسويد والمانيا واستراليا وانكلترى .
تحياتي