بعد انتضار اكثر من سنة من المقابلة siv استلم فيزا

[عونك يارب]

اخوان اليوم عائلة هنا بامريكا عدهم ولد في بغداد اثنين siv الاخ الصغير اجاة رفض في شهر السادس بعد انتصار فيزا 5 اشهر والكبير جانو شاحني لاكثر من سنة والبارحة طلعنلة الفيزا اكو هيجي شي يعني اخ ينرفض لاسباب امنية والاخ الثاني ينطوة فيزا
سؤالي يعني ما ياثر الرفص اللي يصير بالعائلة على البقية

[ܓღ أنجـــــي ღܓ]

عادي تصير وهوايه صايره مو بس ببرنامج اس اي في وانما  بكل البرامج اعرف عوائل من تركيا ولبنان رفضوا الاب والام وقبلوا الاولاد وغيرهم عكس قبلوا الاب والام ورفضو الاولاد رغم كلهم نفس المعاملة بس كل واحد كيس منفصل يعني الامريكان ماعدهم بشغلهم هل عواطف يكولون ليش نفرق العائلة اهم شي عدهم امان البلد

[kunda]

شنو اخوان بنفس الكيس لو كل واحد كيس منفصل؟؟ اعتقد انهم بكيسات منفصلة
بس هاي مال انتظار سنة مصيبة والله ؟زين اني اللي اعرفة انه التأخير بلش من مقابلات الشهر العاشر وال11 بس يمكن هذا حالة اخوه هي اللي اخرتة على مايبدو

[عونك يارب]

كل واحد كيس منفصل لان الاخ الكبير مقدم siv  قبل الاصغر

[ܓღ أنجـــــي ღܓ]

كل واحد كيس منفصل لان الاخ الكبير مقدم siv  قبل الاصغر

اخي اني قبل حوالي ثلاث شهور او اربعه ما اتذكر بالضبط كان احد الاخوة الاعضاء منزل موضوع هم رفض ماعرف اي برنامج واني ذكرت بموضوعه انه قبل يومين سمعت بالراديو يمنا بمشكن عندنا برنامج يطلع كل خميس يستضيفون محامي الهجرة يسألوه بعض الاسئله وبعدين ينطون فرصة للمستمعين يتصلون على الهواء مباشر ويسألون اي سؤال عن الهجرة لانه هنا ماتكدر تتصل باي محامي وينطيك الاجابة على اي سؤال يخص الهجرة عن طريق الاتصال لازم تاخذ موعد وتروح للمكتب وتسال اي شي تريد وطبعا الاستشارة بفلوس مو بلاش لذلك اكو  ناس ماعدهم الامكانية يدفعون مثلا 100 دولار بس على مود يسال كم سؤال فهذا البرنامج مساعدة حتى الناس تسال على الهواء ببلاش من ضمن السائلين شخص ديسال عن تاخير فيزا اخوه هم على برنامج اس اي في المحامي جاوبه كال الفيز قسم منهم وافقوا عليها وقسم لا هذا الي سمعته وذكرته بوقتها بموضوع احد الاخوة الاعضاء  

[ابو نعنوع]

ايه عادي تصير  ....يجوز لكوا على الاخ الاصغر فد مؤشر امني او قد يكون مسافر الى ايران او سوريه او  يجوز كان في مكان حساس ايام النظام السابق او يمكن عنده بلاك لست او اي سبب اخر واحتمال ما لكوا اي مؤشر على الاخ الكبير لهذا انطوه الفيزه وره شلعان الكلب & وره انتظار قاتل وصعب ومرير على العموم مبروك عليه ويارب يوم النه كلنه ونخلص من العراق والحر الي بالعراق ومفخخات العراق والميليشيات اليي بالعراق ..
تقبلوا تحياتي عمكم ابو نعنوع
 

[ARMY STRONG]

عادي يعني اله العائله كلها تطلع لازم واحد يبقى بل عراق المن يزورون لعد اذا كلها طلعت

[ريم عبد]

اخي عونك يارب
بالنسبه للتجيكات الامنيه ينطبق عليهم المثل الي يكول (كل لشه معلكه من كراعها)

وميأثر رفض احد افراد العائله على الباقين
واكو الاغرب من هذا انه صاحب الكيس هوه الي مشتغل مع الامريكان ينرفض ويقبلون عائلنه فقط الي مبني كيسهم على كيسه

[سامي75]

 نعم يصير لان هم يتعاملون ويه كل كيس كقضيه منفصله تماما بغض النظر عن بقية افراد العائله

[شيلان]

عمو ابو نعنوع الله يخليك ليش السفر لسورية هم الة تاثير؟؟؟؟؟

[ابو نعنوع]

عمو ابو نعنوع الله يخليك ليش السفر لسورية هم الة تاثير؟؟؟؟؟

لاما الهه اي تاثير اذا مرات قليله بس اذا كان بصوره كثيره اكيد اله تاثير ومثل ما صار ويهه صديق من راد يشتغل ويه الجماعه بشركه معينه جان يشوفون جواز السفر بيه هوايهه طلعات لسوريه ويمكن مرتين لايران جان ينرفض فوراً قبل ان يبلش بالشغل .اما الاقامه بسوريه فاكيد شيء ثاني لان همه يعرفون ليش العراقيين عافوا بيوتهم وتهجروا وراحوا لسوريه كعدوا بيها .....
المهم لاتظلون عايشين بقلق وتفكير هيه ان شاء الله تجي تجي مو اليوم باجر مو باجر بعد شهر والله كريم الصبر جميل