مرحبا

[احمد عبد الحسن]

هم اكو احتمال تلغي الهجرة بالنسبة للعراقيين

[rayanchase]

والله كلشي اتوقع لان   طلعتلنا الصومال واكو تقارير تكول اكو  فساد بدوائر لهجرة  كلش هوايه     مما ادى الى  خفض الميزانيه مال امم المتحده والي  متضرر  كلعااده دوما اللاجئ العراقي 

[ابو نعنوع]

may be why not
يجوز ليش لا كلشي بهلزمن جائز وكلشي ممكن يكون
والله حيره ساعه يطلعنه الرفض وساعه احتمال ان تلغي الهجره وساعه الارهابيين الي بكنتاكي والله اعلم (يجوز كذب ماكو هيجي فلم )
وين الحقيقه والله ما ادري لاو فوك القهر والانتظار وتسمع هيجي اخبار بالله الواحد يموت مو احسن الهه من هاي العيشه

[storm2000]

مو بعيدة اتوقع بأي لحظة تنسد بس تبقى الامم المتحدة مفتوحة UN صحيح اتطول بس اتدومن دو شيش 100%

[احمد عبد الحسن]

يعني شنو تبقى الامم المتحدة مفتوحة بس اطول رجاء التوضيح

[ابو هنودة]

يعني شنو تبقى الامم المتحدة مفتوحة بس اطول رجاء التوضيح

عزيزي ابو شهاب الورد
يعني يبقون بس اللي مقدمين على الـ UN لأن هاي المنظمة ما الها علاقة بسياسات الدول والوضع الاقتصادي والمالي هاي تشتغل بكيفها ورئيسها بان كي مون.
يعني الـ UN طلعت احسن من IOM و SIV صحيح لو لا.
تحياتي

[احمد عبد الحسن]

يعني اذا لغت الهجرة وبقت un يعني احنا حسب كلامك كش ملك اذا بهيج حالة ما النصيحة برائيكم وشكرا جزيلا

[*iskender*]

اليو ان متلغي ابد

[(COBRA)]

مراحب  الف هله بيك ..
اللجوء عن طريق الامم المتحده لايغلق  بتاتا والى الابد باق .....

[شنايزر]

مستحيل تغلق منظمات كبيره والمشاكل بدول العالم مستمرة منها العراق وافغانستان والصمومال وغيرها وغيرها

شلون يعني تعزل !!!!!!!

[احمد عبد الحسن]

زين اذا اقدم عن طريق un اكو لجوء بس بامريكا لو اكو بقية الدول مثل السويد وهولندا وشكرا على التوضيح

[مايكل اندريه85]

عزيزي احمد يااخي انت قدم عاليوان باي وحدة من دول الجوار واي دولة تطلعلك يااخي ميخالف سواء امريكا او غيرها بس اهم شي يطلعلك توطين ياصديقي ..........عزيزي اي شي جان امريكا او غيرها انت ضبط امورك واطلع من العراق وقدم عاليوان وبلكت يطلعلك توطين سواء امريكا او غيرها بس اهم شي توطين ياعمي توطين ......................
 
اتمنالك كل التوفيق والنجاح

[ابو هنودة]

حبيبي ابو شهاب السلام عليكم
الاخ العزيز ماركوس القيصر جاوبك جواب شافي
هسة نحجي بالمفيد انت صارت عندك معلومات كافية عن الموضوع لأن ماكو شي ما سألت عنه، هسة راح انطيك الزبدة :-
انت متخرج طبيب بيطري جديد خريج 2009
وعسكرية ما خادم ما عندك مشكلة دفتر خدمة
والظاهر وضعك المادي على كد الحال
ويا الخوال الامريكان لو ولد عمهم الانكليز والاستراليين ما مشتغل
وبما انه UN بالعراق ماكو
ماكو كدامك غير تركيا وسوريا ولبنان ومصر والاردن وماليزيا والامارات
هسة نجي نغربل الامارات صعبة كلش تحصل فيزة وماليزيا فيزة وسفر وبعيدة والمعاملات بيها تنام هذولة الاثنين راحوا
مصر فيزة للعراقيين ماكو ولبنان غالية والمعاملات بطيئة وسوريا الوضع بيها مخربط والمستقبل غامض
صفى بالغربيل الاردن وتركيا
تروح الى وحدة منهم وتقدم الى الـ UN هذا الخيار اللي كدامك
تركيا يكولون اسرع من الاردن بس اولا اللغة بعدين انت محدد بالاقامة واعتقد مو رخيصة
الاردن وين ما تريد تسكن محد يعترض عليك اسعارها مثل بغداد وشوية ارخص، يعني تخلي بحساباتك سكن وكهرباء وماء وانترنيت واكل وشرب  400 دولار بالشهر.
هسة نسولف على المعاملة، كل من يكول لك معاملتك هلكد تطول هذا اكيد ما يعرف اي شي يجوز عبالة معاملة مال اجازة سياقة، معاملتك من تقدم  تحفظ تاريخ التقديم وكل ما يخلص شهر تشخط على الحايط وكل ما يصيرون 12 شخط تحط عليهم دويرة يعني سنة الى ان يجيك الفرج يمكن باول دويرة ويمكن مثل حلاتي صارن اربع جروخ وهسة داشتغل بالسبير.
ولا تخلي شروطك اريد اوربا لو اريد استراليا ترة هي مثل بيكب الركي بالموسم يا ركية ينطوك اياها حمرة يجوز بكل البيكب اكو وحدة بيضة وهاي من حظ منو محد يدري. يعني ماكو غير بس امريكا.
توتة توتة خلصت الحدوتة هسة قضيتك انتهت من الاول للاخير .
 هسة تبدي بقضية جديدة وين تروح تركيا لو الاردن.
بس اريد انصحك نصيحة اذا تبقى هيجي متردد وكل شوية سؤال ومرة بالشرق ومرة بالغرب ترة تبقى طول العمر بالعراق وبالاخير ينطبق عليك المثل اللي يقول ( لا حظت برجيلها ولا خذت سيد علي ).
تحياتي   

[احمد الوائلي]

 الف رحمة علي روح اهلك ابو هنودة خوش جواب شافي  هذا موتني يومية  سوال واحنا ميدري بينا مربوطين علي الترفكلايت 

[احمد عبد الحسن]

اني ان شاء اللة راح اقدم من عمان والمستمسكات راح اخذها الجنسية وشهادة الجنسية والتمونية والسكن وشهادة السادس وشهادة الكلية واوراق التهديد اللي اني راح اسويهن يعني اني اكتبهن باايدي هسة هذني ماكو اشكال بيهن اتوكل ان شاء اللة زين اذا اقدم عليهن يصير ارجع للعراق وكل شهر ارجع قرب المقابلة ل الاردن وشكرا

[نــــــــــوار تيتــــــو]

 

[ابو هنودة]

اني ان شاء اللة راح اقدم من عمان والمستمسكات راح اخذها الجنسية وشهادة الجنسية والتمونية والسكن وشهادة السادس وشهادة الكلية واوراق التهديد اللي اني راح اسويهن يعني اني اكتبهن باايدي هسة هذني ماكو اشكال بيهن اتوكل ان شاء اللة زين اذا اقدم عليهن يصير ارجع للعراق وكل شهر ارجع قرب المقابلة ل الاردن وشكرا

عيني ابو شهاب الورد
هسة الأولانيات خلصنا منهن هسة راح تجي الى عمان .
من تجي الى عمان خلي بحسابك ما كو رجعة للعراق بس ترجع وخاصة من يروح ملفك للتوطين احسب ملفك صار على الرف الريل بعد ما ينزلة.
شلون ترجع قرب المقابلة ليش انت تعرف المقابلة في اي وقت ، يامعود والله العظيم خابروني الساعة 3 الظهر كالولي باجر ساعة 8 مقابلة ، اذا انت بالعراق وين يتصلون بيك وشلون تجي وبعدين انت كل ما تجي ينراد لك فيزة لو لازم كل مرة تطلع من الاردن تروح تسوي معاملة خروج وعودة بوزارة الداخلية.
بعد ما بقة شي لو تركب وتجي الى عمان لو خطط وشوف مستقبلك بالعراق.
تحياتي

[احمد عبد الحسن]

زين هي المقابلات كل شكد تصير مقابلةزين اكو راتب من المفوضية وشكرا

[مايكل اندريه85]

 اخي   ماكو مواعيد زمنية ثابتة بين المقابلات يعني مثلا انت قدمت وانطوك موعد مقابلة اولى بعد لنفرض 4 اشهر  خلال هاي الفترة اتوقع ان يتصلون بيك ويكلولك موعد المقابلة صار  بعد شهر واحد  ......  انت  هيج  خلي  ببالك  ماكو مواعيد  ثابتة  ولا اكو فترة زمنية  محددة بين المقابلات ...........


وبالنسبة للراتب مال مفوضية فاانتظر الجواب من الاخ الوردة ابو هنودة هو بيعطيك  الجواب المناسب ..........

تحياتي

[من الله الفرج]

يعني المفروض يعوفون كل الدنيا بس احنا يسفرونة لان هم عدهم التزام ويانا احنا اشتغلنة وياهم وهم ميصير يتركونة ويطلعون يعني اذا سووهه فكل القيم الي تحجي بيهه امريكا جذب بجذب....

[(Michael)]

الله كريم

[نــــــــــوار تيتــــــو]