طلب من فضلكم

[فداء الروح]

السلام عليكم جميعا :

احنا الان في ساكرمنتو والكود هو 95825  ... احتاج اقرب مكاتب حجز طيران .

واقرب حجز قطار .. واذا اكو اون لاين اضافة للعناوين القريبة يا ريت .. واشكركم جزيل الشكر

[فداء الروح]

  سؤال صعب .. دجاوبوا قبل ما ينقل الموضوع

[aws love]

اي حقك بس سواللك غير نعرفه حتى انجاوبك عليه هسه يجون الفطاحل وايجاوبك تحياتي

[أبو قمر]

اختي هو السؤال شوية مو واضح لانك ممحددة وين تردين تروحين , عموما راح انطيج موقعين واحد للطيران تكدر تحجزين عليه وهو بصراحة اعتبره ارخص موقع والي هو :
http://www.expedia.com
مجرد ان تكتبين اسم المدينة او المطار للي راح تسافرين منه واسم المدينة او المطار الي راح توصليه راح تلكين كل الرحلات من الرخيصة للاعلى واذا حبيتي انت تقارنين الاسعار ويا اكثر من موقع فهذا الموقع يفيدك .
www.bookingbuddy.com
بالنسبة للقطار فهذا الموقع  راح ينطيك كل الرحلات والاحتمالات وهذا الموقغ خاص بالقطارات والباصات .
http://www.amtrak.com

واذا عندك مكان محدد تردين تروحيله اكتبيلي اياه واني راح اساعدك تحصلين ارخص تكت ..

تحياتي
ابو قمر

[أبو قمر]

اختي اقرب مطار الك هو مطار Sacramento International Airport   والكود مالته SMF

ابو قمر

[أبو قمر]

وبالنسبة للقطار فهذا اسم المحطة : SAC
وعنوان المحطة :
 401 I Street
Sacramento, CA 95814

نسيت اكتبلك عنوان المطار :

 6900Airport Boulevard, Sacramento - (916) 929-5411

تحياتي
 ابو قمر

[أبو قمر]

واذا احناجيتي تكسي يوصلك للمطار فهذه شركة تكسي وهذا تلفونهم :

Sacramento Taxi Service
9163381212

تحياتي ابو قمر

[أبو قمر]

وهذا الموقع مال الباصات والقطارات داخل مدينتك خاف تردين تتنقلين بالباصات ..

http://www.sacrt.com 
 
 
 

[فداء الروح]

ابو قمر ماكو وكت حتى اكتب والله اسفة اخواني اعذروني ..

اني اريد اروح لواشنطن دي سي اسبوع القادم ومن هيج لا اعرف احجز ولا شي اني رح احاول والله كريم

كلش اشكركم وابو قمر تسلم يا ربي كل طيب تسوي تلكه الف كدامك يا رب يوفقك ويبارك بيتك واولادك

[أبو قمر]

اختي اسه اشوفلك اسعار الطيران لواشنطن دي سي ارخص شي شكد ..

[أبو قمر]

اختي بالطيارة السعر يتراوح ما بين 460 الى 560 روحة رجعة ..

بالقطار لتفكرين بيها تكلف 400 دولار روحة بس والطريق يطول 3 ايام ..

تحياتي

ابو قمر

[SARA CALIFORNIA]

حبي فدو تعذريني جنت طامسة بالمطبخ من كتبتي الموضوع
ابو قمر عاشت ايدك و مقصرت يا وردة ,,الله ينطيك على كد نيتك

فداء تره كتبتلج مذكراتي عالمسنجر و انتي اوف لاين,وينج يعمري 

[فداء الروح]

تسلم اخوية ابو قمر هسه رح افتح السايتات واشوف شلون يتم الحجز لان هاي اول مرة احجز بيها .

الله يستر

[فداء الروح]

  سااااااارة مشتاقون كلش هسه ارجع واقرة الاوف لاين ويا رب انتي تكونين موجودة حبي

حبي فدو تعذريني جنت طامسة بالمطبخ من كتبتي الموضوع
ابو قمر عاشت ايدك و مقصرت يا وردة ,,الله ينطيك على كد نيتك

فداء تره كتبتلج مذكراتي عالمسنجر و انتي اوف لاين,وينج يعمري 

[فداء الروح]

  ترة مدا اعرف احجز هاي شلون شراح اسوي

[فداء الروح]

كلة من ورة القنصلية يعني نروح لواشنطن علمود نسوي وكالة ونصررف كومة وحنا جايين اساسا لاجئين